Arabic Discussion Forum with a Special Interest in Travel and Immigration

savary · 4th May 2011, 10:27 PM

هى الفكره طموحه شويه

عملناها قبل كده فى منتدى تانى و نقدر نقول انها نجحت

وانطلق كتير ممن شاركوا فى الفكره لتجربه النشر المنفرد و ما شاء الله ناس نشرت دوداين و مجموعات قصصيه وكتب تحوى مقالات ساخره او جاده

فى نفس الوقت التكلفه لم تكن شيئا يذكر , افتكر انى ساهمت بمبلغ رمزى

لماذا لا نقوم بهذه التجربه فى المطاريد ؟

المنتدى ملىء بأقلام ومواهب تقدر تعمل شىء له قيمه

نقدر نكون مع بعض كتاب يحتوى على ابداع الاعضاء من مقالات وتدوينات و كاريكاتير و قصه و شعر عامى او فصحى

ننتقى سويا و بالتصويت بين الأعضاء أجمل ما خطته الأقلام على المنتدى

ولا مانع من التنقيح و المراجعه والمشاركه الجماعيه

ويكون عندنا كتاب يساهم فى تمويله الأعضاء اللى تم انتقاء اعمالهم للنشر

ومع الدعايه الجيده و تقديم محتوى جيد , اتوقع للكتاب او الكتيب نجاح ان شاء الله

ويكون دعايه جيده جدا للمنتدى

وقد ينطلق منه تجارب اخرى منفرده

من ناحيه تانيه قد يكون الكتاب فرصه جيده للمواهب الموجوده فى المطاريد , ندعمها ونضعها على الطريق
زى ما حصل فى التجربه اللى بكلمكم عليها

و كل عضو من المنتدى يشترى اجبارى نسخه من الكتاب عشان نضمن عدم وجود خسائر !!

ممكن نلحق بيه جزء للهجره على فكره يضمن ملخص للمعلومات الموجوده على المنتدى

بشكل مرتب ومنظم وملخص

ايه رأيكم ؟

!! Lidooooo !! · 4th May 2011, 10:34 PM

والله يا سفارى انت شقيق الروح فعلا

انا كنت لسة بافكر في الموضوع دة

خصوصا اننا انجزنا منه شوط طويل

واعددنا دواوين PDF لبروف وسمو الاميرة

وكتب لـ د.فريدة و شعنونة وفيروز وموريال

ومشروع ديوان لـ بوند

وليك انت كمان

وعندك قصص الاسطى شيشو و برين و عبقور

وكان فيه مشروع لعمل دليل مصور للهجرة لكندا بالتعاون مع م.ايهاب سالم

وصغنا ذلك -بروف وانا- في صيغة دار نشر مثلا

لكن الثورة طغت على المخططات

هادورلك على بي دي اف الحاجات دي و اجيبهملك

!! Lidooooo !! · 4th May 2011, 10:42 PM

وحمل الـ PDF الجديد من هنا

savary · 4th May 2011, 10:43 PM

طاب ما يلا

بس ننقى كويس

ونراجع كويس

انا عندى شغل كان المفروض هيتنشر قريب

و كانوا شارطين عليا ان الشغل ميكونش اتنشر قبل كده على النت

ممكن اباصيلكم منه حاجه لو عجبتكم ما تغلاش على المطاريد

بجد فى مقالات روعه على المطاريد

عندى برده مقالات ساخره قويه جدا

برده ما نشرتش منها حاجه على النت ,,

لو الناس متحمسه انا ممكن اخوض التجربه معاكم لو الشغل عجبكم منه حاجه

واهو يبقى ترمومتى بالنسبالى قبل خوض تجربه النشر المنفرد

Tornado · 4th May 2011, 10:52 PM

فكرة حلوة اوي يا سفاري ايه المانع اننا نعملها

انا مستعد اشارك في الموضوع ده لان المطاريد يستاهل يكون كبير على طول

savary · 4th May 2011, 10:53 PM

اقتباس

المشاركة الأصلية كتبت بواسطة !! Lidooooo !!


	وليك انت كمان

مالك بتقولها قرفان كده يا شقيق ؟

انا وبلا فخر

منشورلى حاجات من قبل المطاريد يا برنس
وفى اماكن محترمه جدا

!! Lidooooo !! · 4th May 2011, 10:56 PM

طب ماتوريني يا فالح

على رأي المثل

قالوا للسفارى احلف

savary · 4th May 2011, 11:00 PM

اقتباس

المشاركة الأصلية كتبت بواسطة Tornado


	فكرة حلوة اوي يا سفاري ايه المانع اننا نعملها انا مستعد اشارك في الموضوع ده لان المطاريد يستاهل يكون كبير على طول

جهز شغلك يا تورنيدو

اللى تحس انه ممكن يتنشر فعلا

ايا كان نوع ابداعك مقالات او قصص او شعر

و هنعمل لجنه - مفهاش ليدوووو

- وهنقى ما يصلح للنشر

ونعرض الموضوع للتصويت هنا فى المنتدى

ونخوض التجربه

!! Lidooooo !! · 4th May 2011, 11:11 PM

ودة ديوان سمو الاميرة

ودي عينات للأخ المناضل شيشو

savary · 4th May 2011, 11:11 PM

اقتباس

المشاركة الأصلية كتبت بواسطة !! Lidooooo !!


	طب ماتوريني يا فالح على رأي المثل قالوا للسفارى احلف

مقالات ولا شعر ؟؟

بس انا لم اخض تجربه نشر منفرد قبل كدا

اما مقالات وتدوينات منشوره فى صحف
او تجربه الكتاب اللى قولت عليها

كنت بحضر قبل ما امشى من مصر

والمشروع اتكرر طرحه فى الأجازه

برده كل شىء واقف لغايه ما أم مشوار الهجره دا تبانه ملامح

اعرف راسى من رجلى

همشى واحصل الناس ولا هقعد هنا ولا هرجع مصر

عشان كدا مش مقتنع انى أسلق شغل و انشره

ماديا الحمد لله مفيش مشكله

انا أساسا مش بتاع تحويش !!

لكن معنويا , لو الشغل وقع , مش هعمل كدا تانى

عشان كدا أفضل ان يكون عمل جماعى و برؤيه جماعيه

انا مش قادر أفكر فى حاجه لغايه لما موضوع كندا يخلص

واعرف انا هعمل ايه

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
اوكرانيا ..ثورة دى ولا انكلاب ؟	توعية جماهيرية	تكسير	3	2062	21st February 2014 11:47 PM
الحسين - مصطفى ابراهيم .	أدب وشعر وقراءات متنوعة	savary	0	1754	12th November 2013 02:19 AM
محمد الدويك .	شؤون إسلامية	savary	8	2374	6th November 2013 09:19 PM
مكنوش هيسلموا السلطة .	توعية جماهيرية	savary	0	794	5th November 2013 09:42 PM
انقلاب عسكرى أم كبدة من عند بحه .	صحافة ... إعلام ... سينما ومسرح	savary	0	770	20th October 2013 05:44 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
في ذكرى النكسة.. الحق لا يموت.. والنصر آت	أسامة الكباريتي	شؤون عربية ودولية	2	4th June 2011 03:36 AM
عن الطباعة والنشر والتوزيع ... أفيدونا يا أهل الخبرة	حشيش	المكتبة	5	12th January 2009 07:19 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

إقتراحات ... مشاكل تقنية

المطاريد والنشر الورقى ... !