Arabic Discussion Forum with a Special Interest in Travel and Immigration

toota · 13th October 2010, 08:30 PM

قبل ما ادخل في الموضوع...انا لاحظت فعلا ظاهرة غريبة وجديدة وهي موضه خلع الحجاب...بقت منتشرة جدا وظاهرة خطيرة.....وبنات وستات كتير بقوا بيشيلوا طرحتهم فجاة....

الموضوع ده بقاله فترة شاغلني جدا....وعايزة اخد رأيكم فيه...لاني مش لاقيه كلام انصح بيه صاحبة المشكلة ....

باختصار ليا صديقة....لبست الحجاب من عشر سنين...وكانت مقتنعة بلبسه تماما...وعارفه انها بتعمل الصح وقتها...وفضلت مقتنعة بده لحد وقت قريب...وفجاة لقيتها بتقولي انا عايزه اخلع الحجاب...خنقني مش قادرة اتحمله ولا طايقه شكلي بيه ...

قعدت معاها وحاولت مناقشتها بالعقل...لقيتها فعلا نفسيتها سيئة ومش طايقة حجابها وحاسه انه حاجز بينها وبين الحياة الي عايشاها والمجتمع الي هي فيه...لانه مانعاها _ على حد قولها_ من انها تعيش الحياة الي عايزاها بدون ما تبقى حامله هم انها لابسة حجاب يشار اليها على انها مثلا تصرفت تصرف لا يجب ان ينسب للمحجبة...

فهمت منها انها عايزه تغير ستايل لبسها وحياتها فقط...مش عشان هي مش مدركه ان الحجاب ده فرض او امر لازم في الدين الاسلامي...لا هي مقتنعه بده كله...بس برضو الشيطان اليومين دول بيحوم حواليها جامد ....

عايزه اعرف اتناقش معاها بشكل يخليني اقدر اقنعها فعلا بضرورة الحجاب وعدم خلعه لاني لاعبتها كل الالاعيب حسب مقدرتي وبرضو لقيتها مش مقتنعه....

حشيش · 13th October 2010, 08:37 PM

اقتباس


	وبنات وستات كتير بقوا بيشيلوا طرحتهم فجاة

البنات فى مصر معتقدين إن الحجاب عبارة عن (طرحة) ودمتم !!! ... يعنى تبقى متمكيجه ولابسه جينز ومسمية نفسها محجبة علشان غطت شعرها بالطرحة ... الحجاب قبل أن يكون ثوب فهو سلوك ... الحجاب لبس فضفاض لا يكشف تفاصيل ما تحته ... مش طرحة وخلاص !

toota · 13th October 2010, 08:39 PM

اقتباس

المشاركة الأصلية كتبت بواسطة حشيش


	البنات فى مصر معتقدين إن الحجاب عبارة عن (طرحة) ودمتم !!! ... يعنى تبقى متمكيجه ولابسه جينز ومسمية نفسها محجبة علشان غطت شعرها بالطرحة ... الحجاب قبل أن يكون ثوب فهو سلوك ... الحجاب لبس فضفاض لا يكشف تفاصيل ما تحته ... مش طرحة وخلاص !

انت بتقول فيها؟؟؟
ده جزء كبير من المشكلة يا حشيش...الموضة هنا بقت كلها ضيق في ضيق...ولو المحجبة لبست فضفاض بقت مش ماشيه على الموضة وبقت شكلها بيئة او الخ ...

وبالتالي الحجاب مبقاش حجاب وابتدت البنت او الست تقدم التننازلات الي مع الوقت تحسسها ان حجابها ماهو الا مجرد طرحه اتشالت او اتحطت مش فارقه لان ستايل لبسها ممكن يتلبس للنوعين....

ده اخطر مافي الموضوع...الموضة الي بقت بتلبسها المحجبات ولا يسمح بغيرها عشان تبقى شكلها ستايل ....

Morial · 13th October 2010, 08:41 PM

مظهر البني ادم حرية شخصية له
ببساطة هي حرة
انتي عملتي اللي عليكي و نصحتيها من منطلق انكم اصدقاء وانك بتحبيها وشايفة ان من مصلحتها انها تتحجب وهي مش مقتنعة
يبقي خلاص هي حرة
ثم اني مش شايفة انها موضة ولا حاجة
يعني اقصد مش منتشرة زي ما فهمت من موضوع حضرتك

ana_3enady · 13th October 2010, 08:45 PM

دعوه لموضوعي

RobertInole

ما نفعش الترغيب حاولي تستخدمي الترهيب .. ولو ان الترهيب مش من أسلوب الدعوة ..

اللهم اخزيك يا شوشو

toota · 13th October 2010, 08:45 PM

اقتباس

المشاركة الأصلية كتبت بواسطة Morial


	مظهر البني ادم حرية شخصية له ببساطة هي حرة انتي عملتي اللي عليكي و نصحتيها من منطلق انكم اصدقاء وانك بتحبيها وشايفة ان من مصلحتها انها تتحجب وهي مش مقتنعة يبقي خلاص هي حرة ثم اني مش شايفة انها موضة ولا حاجة يعني اقصد مش منتشرة زي ما فهمت من موضوع حضرتك

بالطبع هي حرية شخصية وكل واحد حر...بس هي طالما طلبت النصيحة او ذكرت ده قدامي بغرض الفضفضه يبقى ليها عليا حق الصداقة اني انصحها بالي انا شايفاه صح حسب طلبها...

وعرضي للمشكلة هنا لاني ابحث عن كلام ممكن اقدر اقنعها بيه لاني اعتقد انها عايزة ده مني في الوقت الحالي بصفتها صديقة وواجب عليا النصيحه ...ده حسب كلامها لانها حاسة ان ايمانها متزعزع او احساسها بالدين مبقاش هو الطاغي وطغت على مشاعرها امور اخرى ابعد ما تكون عن الدين...

وصدقيني الفترة الي فاتت مع انخراطي في الحياة الواقعية...لقيت ان نسبة كبيرة جدا من المحجبات خلعوا طرحهم لاسباب اغلبها نفسي واجتماعي بحت... يا اما ست اتطلقت...يا اما بنت عدت الثلاثين وتبحث عن عريس...يا اما امور اخرى....

toota · 13th October 2010, 08:47 PM

اقتباس

المشاركة الأصلية كتبت بواسطة ana_3enady


	ما نفعش الترغيب حاولي تستخدمي الترهيب .. ولو ان الترهيب مش من أسلوب الدعوة .. اللهم اخزيك يا شوشو

يعني اربطها برجل الكرسي يا طلعت.....مينفعش اسلوب الترهيب ده حتى مع طفل صغير...

nash · 13th October 2010, 08:49 PM

شخصيا لا أراها موضه من يريد أن يتحجب مع المظهر الإسلامي المحترم فليفعل ومن يريد أن يخلعه فيريح ويستريح من حوله أيضا فليفعل... لكن أن نقول أنها ظاهرة منتشرة كلام غير واقعي بالمرة بالعكس الملاحظ وبشده إنتشار اللبس الفضفاض الأن مع نقاب في كثير من الأحيان وفي الطبقات الإجتماعيه المرتفعه ... والملاحظ أن من ترتدي الحجاب الخليع هن إما من المراهقات أو من البيئات الإجتماعيه التي أغلبها متدنيه...

طبعا رأيي وما أشاهده ولا أجبر أحد عليه

حشيش · 13th October 2010, 08:50 PM

وعلى رأى المثل: طار فى الهوى شاشى وانته ما تدراشى يا جدع

ana_3enady · 13th October 2010, 08:52 PM

دعوه لموضوعي

RobertInole

اقتباس

المشاركة الأصلية كتبت بواسطة Morial


	مظهر البني ادم حرية شخصية له ببساطة هي حرة انتي عملتي اللي عليكي و نصحتيها من منطلق انكم اصدقاء وانك بتحبيها وشايفة ان من مصلحتها انها تتحجب وهي مش مقتنعة يبقي خلاص هي حرة ثم اني مش شايفة انها موضة ولا حاجة يعني اقصد مش منتشرة زي ما فهمت من موضوع حضرتك

مع احترامي لكلام سيادتك انا مش فاهم نظريتك سعادتك في الموضوع

بذمتك يا موريال (يا رب ماتكونش زي ذمتي)

هو لما ربنا يأمر النساء بالحجاب .. نرجع احنا نرفضه ونقول اللبس حرية شخصية

ده حتى المثل بيقول كل اللي يعجبك والبس اللي يعجب الناس

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
زيارة لقرية فقيرة يوم السبت القادم	تكافل إجتماعى	toota	14	3274	13th October 2010 10:50 PM
موضه خلع الحجاب	مواضيع شخصية	Admin	73	11886	13th October 2010 08:30 PM
صبايا...والأفورة الاعلامية	صحافة ... إعلام ... سينما ومسرح	sincere	22	3419	5th May 2010 10:53 PM
فتوش..كفتة مشوية..وبانية	شؤون المطبخ	بندق	12	4426	1st May 2010 10:40 PM
اختبار ..هل انت صديقي !	موضوعات عامة ... موضوعات خفيفة ... منوعات	هدي	8	2696	1st May 2010 02:23 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعالوا شوفوا اسكندرية دلع زمان	نداء_قلب	سفر ورحلات	1	13th March 2013 03:28 PM
من دروس الحياة - الحياة مرآة أفعالك‏	التونسيه	منقوووووووووووولات	1	21st May 2010 05:38 AM
اخــر موضه للماكياج لا تفوتكم يا بنات	قديم	شؤون المرأة	15	23rd September 2008 10:55 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

مواضيع شخصية

موضه خلع الحجاب