Arabic Discussion Forum with a Special Interest in Travel and Immigration

Sonesta · 9th June 2012, 09:35 AM

دعوه لموضوعي

اليوم... اليوم الأول لإمتحانات الثانوية العامة

وورد بقنوات فضائية إنه فى حال قيام مظاهرات عقب إعلان نتيجة إنتخابات الرئاسه

ستؤجل الإمتحانات

بنت البلد · 9th June 2012, 09:51 AM

دعوه لموضوعي

عدسة بنت البلد

الجو العام للأمتحانات أيه

كلمينا عنه

وربنا يوفق بوسي واللى زيها

Sonesta · 9th June 2012, 09:57 AM

دعوه لموضوعي

ليالى المطاريد.,,,هل تعلم

اقتباس

المشاركة الأصلية كتبت بواسطة بنت البلد


	الجو العام للأمتحانات أيه كلمينا عنه وربنا يوفق بوشي واللى زيها

يارب آمين

النهاردة والله يابنت البلد أنا مش فى المود خالص

متعوّدة من السنه اللى فاتت اليوم اللى يبقا صابح إمتحان أطبق

أعشى بوسى وأدخل أنيمها وأستنى لما الوقت اللى عايزة تصحى فيه أصحيها

أفطّرها واكمل معاها المذاكرة وأوديها الإمتحان

زميلها عارف الموضوع ده

إتصل بيّا وأمنّى أمانه .إنى أصحيه الساعة 7 علشان لو نام مش حيعرف يصحى لوحده لإنه مطبّق بقالله تلات أيام

عارفة يعنى إيه مستقبل حد فى رقبتك؟

من الساعة 7 إلى 8 ونص بأصحيه وقلبى مخلوع عليه

وأول مارد

بيقولى صباح الخير يا طنط

قولتلله

إيه داااااااااااااااا

ده لو ميّت كان صحى

وقفلت السكة فى وشه

شافنى على باب المدرسة ولالالالالالالاكلمه

أخد إيدى وباسها وقاللى حسيت بيكى والله وخوفك عليّا

العيال يا حرام لونهم مخطوف

اللى مجننى قالوا فى التليفزيون

إن على كل لجنه تلات ضبّاط وتلات عساكر

وحياتك ماشوفت ولالالالالالالالالالالاحتى عرّيف

شكل بوسى لسّة ماخلّصت إمتحان العربى

عمّالة أتصل بيها مابترد

Sonesta · 9th June 2012, 10:03 AM

دعوه لموضوعي

ليالى المطاريد.,,,هل تعلم

الحمدلله رب العالمين

بوسى ردت وبتقول الإمتحان كويّس

الحمدلله رب العالمين

قالت مافيش عليه شكوى

والطلبة طالعين كويّسين

Sonesta · 9th June 2012, 04:16 PM

دعوه لموضوعي

ليالى المطاريد.,,,هل تعلم

مع شديد الأسف

بنتى راجعت مع المدرس

قالها اللى عملته غلططططططططططططط

البنت فعلا منهارة

وقالها إن الإمتحان صعب وغير متوقع

waleedelrefiey · 9th June 2012, 04:27 PM

اقتباس

المشاركة الأصلية كتبت بواسطة Sonesta


	مع شديد الأسف بنتى راجعت مع المدرس قالها اللى عملته غلططططططططططططط البنت فعلا منهارة وقالها إن الإمتحان صعب وغير متوقع

أخو مراتي أشتكي نفس الشكوي
الأمتحان صعب
و مشي أموره شوية بالنقل من زملائه
و ميعرفش الي كان اتملاه صح و لا غلط

بس هو ناوي علي جامعة خاصة
عشان كده مكبر دماغه
و انتي كمان يا هبه هانم
متوتريش نفسك

محدش عالم الخير فين ؟

Sonesta · 10th June 2012, 09:52 AM

دعوه لموضوعي

ليالى المطاريد.,,,هل تعلم

ربنا يستر

ويعديها على خير

Sonesta · 10th June 2012, 10:03 AM

دعوه لموضوعي

ليالى المطاريد.,,,هل تعلم

نبذات من الإمتحان العجيب

سؤال التعبير الإجبارى

أكتب حلولا غير تقليدية حول...( نقص الثقافة وضعف الإقبال على القراءة )

فى موضوع القراءة

معنى : تيه....................إرتياب - زهو - ضلال - التباس)

جمع: نفس...................نفائس - نفوس - أنفاس - نفاس )

جمع : حياه...............أحياء - حياءات - حيوات - حيات)

مضاد: رغب فيها...... رفضها - كرهها - زهدها - تركها )

مضاد:الإفلات..........التروى - الأناه - الإنتقال - الوقوع )

جمع : الفكر............الفِكًر - الأفكار - المفكرات - الفكريات )

النصوص:

جمع : حلواء

مفرد: المنى

ديه الحاجات اللى لخبطت فيها

بنت البلد · 12th June 2012, 08:29 PM

دعوه لموضوعي

عدسة بنت البلد

عليك بالدعاء ياهبه

والله يكتب لها التوفيق

والماده اللى راحت يابوسي أنسيها وفكرى فى اللى

بعدها

إن شاء الله نسمع اخبار حلوه عن باقى المواد

بالتوفيق حبيبتى

Sonesta · 27th June 2012, 11:19 AM

دعوه لموضوعي

ليالى المطاريد.,,,هل تعلم

الحمدلله رب العالمين

إمتحان امبارح جيولوجيا كان سهل جدا

المخاوف ان بنتى بتذاكر الصعب وبس

وطبعا كان امبارح مناحة انه كان سهل

إتصلت بمدرس المادة وراجعت معاه

والحمد لله طلعت مجاوبة كويس

بس ممكن تنقص 3 درجات

ربنا يستر بقا على الباقى

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
رساله	الأسرة والطفل	متجر للدعاية	1	3339	27th July 2017 12:38 AM
نصيحه تربويه	الأسرة والطفل	Ghizlaneaa	3	5558	26th July 2017 10:53 PM
تعال صبٓح هنا	ترحيبات ... مناسبات ... علاقات عامة	سنبل	17	7773	26th July 2017 06:36 AM
الحقد والغيره	شؤون المرأة	muhelfeki	10	5915	24th July 2017 07:02 AM
سهراااااان....أُدخُل هنا	مواضيع شخصية	invador	6	4356	24th July 2017 03:43 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

التعليم ماقبل الجامعي والجامعي

بدأ اليوم إمتحانات الثانوية العامة