بطلان عقد بيع عمر أفندي

[nash]

الصحف المصرية والعربية

مجموعه اللصوص رجال الأعمال بدرجه وزراء وفيهم اللي بلقب مهندس وهو دبلوم نسيج كانوا هايبيعوا البلد وأحنا فوقها هديه معاها

قضت محكمة القضاء الإدارى، برئاسة المستشار حمدى ياسين عكاشة، النائب الأول لرئيس مجلس الدولة ببطلان وإلغاء عقد بيع 90% من شركة عمر أفندى إلى شركة أنوال المملوكة لرجل الأعمال المستثمر السعودى جميل القنبيط، وبطلان المادة 20 من الوارد بالعقد الخاصة بإجراءات التحكيم وإعادة المتعاقدين إلى الحالة التى كانت عليها قبل عقد الصفقة.



كما قررت استرداد الدولة لجميع أصول وفروع الشركة مطهرة من كل الديون وإعادة العاملين إلى سابق أوضاعهم مع منحهم كامل مستحقاتهم عن الفترة منذ إبرام العقد وحتى تنفيذ الحكم وتحمل المشترى وحده "جميل القنبيط" كامل الديون والمستلزمات خلال نفاذ العقد، وبطلان البيع الذى تم منه.



وأحالت المحكمة جميع الأوراق، التى حصلت عليها وأصدرت الحكم، إلى كل جهات التحقيق ممثلة فى النيابة العامة ونيابة الأموال العامة والكسب غير المشروع والنيابة التجارية.



وقالت المحكمة إنها بذلك تؤدى الرسالة القضائية لما كشفته من إهدار كبير للمال العام وأكبر عمليات تخريب للاقتصاد المصرى تمت تحت قيادة العديد من الوزراء والشخصيات العامة.



وأضافت أن المتعاقدين قد تعاملوا مع عمر أفندى ليس باعتباره صرحا تاريخيا ساهم فى تلبية احتياجات الشعب المصرى، ولكن باعتباره "رجس من عمل الشيطان" يجب التطهير منه.

 

[!! Lidooooo !!]

يحيا العدل


يحيا العدل

 

 

[AlexG]

وفين الحرامى المجرم اللى اسمه محمود محى الدين ؟؟

اللى باع القطاع العام ؟؟ وفين الحرامى هادى فهمى ؟؟

وفين الحرامى عاطف عبيد ؟؟؟

يعنى ايه معنى استرداد شىء منهوب بالقوة والخداع وترك اللصوص يمرحون ؟؟

لو فيه جدية فعلا هاتوهم من قفاهم وحققوا معاهم .. غير كدا يبقى ضحك عالدقون ياريس

هاتوا اللصوص من بره ... كل اللى بيحصل ده امتصاص لغضب الشارع وميدخلش ذمة اى مصرى فاهم حقه بتلاتة مليم

 

 

[!! Lidooooo !!]

ماهو الحكم ببطلان العقد

يفتح الباب لعشرات البلاغات والتحقيقات عن الفساد الذي صاحب عملية بيعه

وييجو واحد ورا التاني




أول الغيث قطرة

 

 

[AlexG]

يا استاذ ليدو اتحدى يجيبوا محمود محي الدين من بره عارف ليه ؟؟

عشان البنك الدولى اللى ممكن مصر تحتاجه .... ولانه معاه الموافقات على بيع البلد

مستحيل هيجيبوا واتحداهم يجيبوا عاطف عبيد ... لسبب بسيط

انه هوا اللى بيحوللهم فلوسهم من اصغر راس لاكبر راس (وكلامى عالكل ولا افسر اكتر)

يعنى هيجيب رجل اى مجرم من اللى اللى كانوا بيحكموا البلد او اللى لسة بيحكموها وبالمستندات وبتواريخ التحويلات واسماء البنوك وارقام الارصدة والحسابات

اتحداهم يجيبوا ابو العينين بتاع السيراميك .. اللى مفرج عنه بكفالة 100 الف جنيه فى قضية قتل

لانه بالتأكيد ماسك عليهم ورق ...

نفس اللعبة بتاعة ارض توشكى ... فين يوسف والى ؟؟

يديك الارض عشان تفرح بيها ويسيب المجرم اللى عمل عملته حر طليق

لانه هيكشف باقى العصابة

 

 

[nash]

اقتباس المشاركة الأصلية كتبت بواسطة AlexG وفين الحرامى المجرم اللى اسمه محمود محى الدين ؟؟ اللى باع القطاع العام ؟؟ وفين الحرامى هادى فهمى ؟؟ وفين الحرامى عاطف عبيد ؟؟؟ يعنى ايه معنى استرداد شىء منهوب بالقوة والخداع وترك اللصوص يمرحون ؟؟ لو فيه جدية فعلا هاتوهم من قفاهم وحققوا معاهم .. غير كدا يبقى ضحك عالدقون ياريس هاتوا اللصوص من بره ... كل اللى بيحصل ده امتصاص لغضب الشارع وميدخلش ذمة اى مصرى فاهم حقه بتلاتة مليم

محي الدين مش ده اللي بيشتغل برة؟

لو حقيقي يورينا هايرجع مصر إزاي

الباقيين في الطريق يا أليكس إن غدا لناظرة قريب ....

صورة الرجل ودموعه الفرحانه بالقرار تهز جبل والله ....

إن شاء الله الحقوق كلها هاترجعلنا ....

واللي مش عاجبه الحكم القضائي عنده المحكمه الدوليه

 

 

[AlexG]

ايوه يام ياسر هوا رئيس البنك الدولى واللى كان وزير استثمار وادى الضوء الاخضر لبيع البلد

وتشريد عشرات الالاف من العمال ....

صدقينى العالم اللى بتحكمنا دول لو فعلا عاوزين ينضفوا البلد كانوا نضفوها من زمان

 

 

[nash]

اقتباس المشاركة الأصلية كتبت بواسطة !! Lidooooo !! ماهو الحكم ببطلان العقد يفتح الباب لعشرات البلاغات والتحقيقات عن الفساد الذي صاحب عملية بيعه وييجو واحد ورا التاني أول الغيث قطرة

حكم بطلان عقد مدينتي كان الحبه الأولي في العقد المفروط .... والبقيه تأتي