Arabic Discussion Forum with a Special Interest in Travel and Immigration

SindBad · 14th October 2008, 11:36 AM

أخواني المطاريد الكراااااااااااام...

هذا الباب ... سنخصصه.. للزجل الشعبي الحلمنتيشي الخفيف..
سواء من تأليف الأعضاء أو من تأليف شعراء عامية معروفين..

دعوة للجميع للمشاركة

oskasan · 14th October 2008, 11:41 AM

ماترمي البذرة يا كبير
شجعنا

SindBad · 14th October 2008, 11:44 AM

هأبدأ بزجل مهني عن بعض المهن...

هأبدأ بمهنة ... المزين أو الحلاق...
====================

حماده المزين

حمادة المزين ... مكانشي مبين
حقيقة شعوره
ودايماً يزين.. هلفوت ومتدين
ويظهر سروره
يطول يقصر...ويضحك يهزر
ويرضي غروره
حمادة المزين ... مكانشي مبين
حقيقة شعوره

ويغوى القيافة.. ملهوش ف الهيافة
وعدوه يا ويله
حريف ف السياسة ... وشئون الرئاسة
والريس يجيله
والكورة كذلك ... ويحب الزمالك
ومرتضى عديله
حمادة المزين ... مكانشي مبين
حقيقة شعوره

بيفهم وواعي ... ولكن سواعي
يتجنن جنونه
فلازم تركز ... وأنت منكس
ولاحظ عيونه
ليغلط معاك ... ويجرح قفاك
لو خانته ظنونه
ساعتها هتندم ... وتفضل ملكضم
ولا تقدر تلومه
فاحسنلك تهاود ... يا ولد الأجاود
وتسيبه لضميره
لأنه مزين ... ومكانشي مبين
حقيقة شعوره
حمادة المزين ... مكانشي مبين
حقيقة شعوره

SindBad · 14th October 2008, 11:44 AM

اقتباس

المشاركة الأصلية كتبت بواسطة oskasan


	ماترمي البذرة يا كبير شجعنا

أوامرك يا عمي.......
شجرة وغلاوتك مش بذرة

oskasan · 14th October 2008, 12:01 PM

حماده المزين .. مكانشي مبين
حقيقة كلامه
كلامه حنين .. مايحتاج ملين
شهادة علامه
تشوفه نبيه .. زويل ده شبيه
وهو إمامه
بمشطه يحاكيك .. مايحبش شريك
حتى فمنامه

كمل انت بقى انا تعبت

SindBad · 14th October 2008, 12:12 PM

اقتباس

المشاركة الأصلية كتبت بواسطة oskasan


	حماده المزين .. مكانشي مبين حقيقة كلامه كلامه حنين .. مايحتاج ملين شهادة علامه تشوفه نبيه .. زويل ده شبيه وهو إمامه بمشطه يحاكيك .. مايحبش شريك حتى ف منامه وده م الاوائل ... مفكر وعاقل يا محلى سلامه ده فات اليهود ... في نقد العهود نتنياهو انحناله تقوله دقن ... يمشيها شعر مفتري زمانه حمادة المزين ... مكانشي مبين حقيقة شعوره

ابتسامــة · 14th October 2008, 12:22 PM

جميلة جدا المناظرة دي

طيب ألف لفة كدة يمكن ربنا يفتح على ببيتين
ارجع احطهم...

بس ماشاء الله حمادة المزين ده طلع حكاية

oskasan · 14th October 2008, 12:26 PM

عسل يابو زياد

حماده ده اسطى .. في مهنته لقطه
واخدها وراثه
تروحله منعكش .. مبركش مفركش
شديد الشراسه
يشغل مقصه .. وموسه وملاقطه
استاذ الفراسه
يابوي لما يعزف .. بشعرك ويغرف
تنط الهجاصه

ابتسامــة · 14th October 2008, 12:35 PM

حمادة المزين .. وأمه وابوه
ومنساش خيلانه
هواهم صعيدي .. وبحري ورشيدي
ونيلنا ف دِماهم
من ايام جِد جِده .. وطبعه ووده
مفيش يوم نساهم

حمادة المزين .. مكانشي مبين
حقيقة شعوره

SindBad · 14th October 2008, 12:37 PM

اقتباس

المشاركة الأصلية كتبت بواسطة ابتسامــة


	جميلة جدا المناظرة دي طيب ألف لفة كدة يمكن ربنا يفتح على ببيتين ارجع احطهم... بس ماشاء الله حمادة المزين ده طلع حكاية

منورة يا ابتسامة... في انتظار مشاركاتك

=========

حمادة المزين...
راجل طموح ... بالخبرة يفوح
خبير ف الحياة
محامي تلاقيه ... يا عيني عليه
دكتوراة ف القضاة
وف فن العمارة ... عليه شطارة
والهرم بناه
ويفتي ف الدين ... وتقوله آمين
تعجبك فتواه
عطار عجيب ... تقولشي طبيب
ف البالطو يا محلاه
أمانة عليك ... أوعاك يعاديك
تتبلي بآذاه

لأنه مزين ومكانشي مبين حقيقة شعوره
حمادة المزين

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
نادر السيد يؤيد شفيق ...اسمع وافهم	صحافة ... إعلام ... سينما ومسرح	SindBad	5	1914	13th May 2012 09:10 AM
محمود حسام الدين مرشح القبائل للرئاسة بأربعين الف...	إنتخابات الرئاسة	SindBad	0	1205	3rd April 2012 10:49 AM
شارك بنفسك في وضع مواد الدستور.... بجد	توعية جماهيرية	SindBad	2	1105	27th March 2012 11:24 AM
بيت الوطن.... مشروع وهمي	إبنى بيتك	SindBad	0	3186	26th March 2012 07:16 PM
أشاهد الآن على قناة...........تعالوا شوفوا	صحافة ... إعلام ... سينما ومسرح	SindBad	4	1467	26th March 2012 09:46 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سحل طبيب مصرى بالسعودية	سهى يافا	موضوعات عامة ... موضوعات خفيفة ... منوعات	21	17th November 2011 02:45 PM
امثال حلمنتيشي	yasovinas	خمسة فرفشة	73	22nd September 2010 03:03 AM
قارئة الفنجان ..يا شعبي شعبي..	بنت شعنونة	موضوعات عامة ... موضوعات خفيفة ... منوعات	6	2nd May 2010 08:50 PM
بنتي بتقولي .. يا شعبي شعبي!!!!!!!!!	بنت شعنونة	الأسرة والطفل	9	26th February 2010 05:42 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

أدب وشعر وقراءات متنوعة

زجل ... شعبي... مصري ... حلمنتيشي