Arabic Discussion Forum with a Special Interest in Travel and Immigration

CANADIAN · 13th April 2010, 07:19 PM

سلام لاخواتى المطاريد و عيارين فى النار دول تلات عيارين معلش بجى اخوكم ضعيف فى الماث
يا اهل الجبل ياليى هنا اخوكم امة طردتة و بقى مطرود من المطاريد و بدة يعرف
الدراسة فى كندا
1- تكليفها و اليى انا قريت عنها فى حدود 25000 cad بس دة فى السنة
2- هل المفروض ابقى معايا كل تكاليف الاربع سنوات قبل ماروح
3- الشروط غير الانجليشى
4 - كل حاجة تعرفوها عن الدراسة هل صعبة ولا سهلة
5- هل متاح تدرس اى مجال ولا تخصصك بس ( تجارة بالنسبة لى )
6- هل لو مش معايا فلوس غير اول سيمستر يبقى العملية ضاعت
انا قولت بدل ماضيع الاربع سنين فى التقديم على الهجرة اضيعهم فى شهادة فى كندا و منها اقدم على الهجرة هناك و انا بدرس
ياريت يا مطاريد تردو على اخوكم مطرود جديد و عايزين نتفاعل لافادة جمييع من فى الجبل

CANADIAN · 13th April 2010, 09:18 PM

و اعتزاراتى للبشمهندز ايهاب لا جتباظ فورمت عنوان الموضوع منة

3omda To · 13th April 2010, 09:44 PM

1- تكليفها و اليى انا قريت عنها فى حدود 25000 cad بس دة فى السنة

انا هاقولك على اقل الاسعار في تورنتو
السكن 400 الشهر
الاكل 200 الشهر
لو ساكن بعيد عن الكلية 100 كارت ترام
مصاريف كلية تقريبا 10000 لو طالب اجنبي
تختلف طبعا من مكان للتاني
في مصاريف تانيه زي تامين صحي وكتب

2- هل المفروض ابقى معايا كل تكاليف الاربع سنوات قبل ماروح

لو ما حدش متعهد بمصاريفك يبقى صعب تاخد الفيزا من غير فلوس تكفي فترة الدراسه كلها
لو هدفك الهجرة وخلاص ممكن تدرس دبلون سنتين بس
وعلى فكره ممكن تكمل سنتين عليهم وتعمل بكالوريوس
ارخص مكان للطلبه الاجانب هو كيبيك ممكن تدرس بالنجليزي لو مالكش في الفرنش

3- الشروط غير الانجليشى
ثانويه عامه وتوفل او ايلتس

4 - كل حاجة تعرفوها عن الدراسة هل صعبة ولا سهلة
يعتمد عليك وعلى التخصص¨

5- هل متاح تدرس اى مجال ولا تخصصك بس ( تجارة بالنسبة لى )
اي حاجه تحبها مادام بفلوسك

معاهد في اونتاريو (دبلون وبكالوريوس)
ontariocolleges.ca
معاهد كيبيك (دبلومات)
https://sram.omnivox.ca/svad/default.aspx?C=SRM&E=P&L=ANG&Ref=20100413180003

قاعدة بيانات لكل جامعات كندا
https://oraweb.aucc.ca/dcu_e.html

6- هل لو مش معايا فلوس غير اول سيمستر يبقى العملية ضاعت
صعب جدا

انا قولت بدل ماضيع الاربع سنين فى التقديم على الهجرة اضيعهم فى شهادة فى كندا و منها اقدم على الهجرة هناك و انا بدرس

تفكير سليم
وانا حاولت اعمل الكلام ده سنة 2003
بس الفلوس قصرت معايا
يادوب ودتني قبرص

abysaleh · 13th April 2010, 10:09 PM

اقتباس

المشاركة الأصلية كتبت بواسطة كنديان


	سلام لاخواتى المطاريد و عيارين فى النار دول تلات عيارين معلش بجى اخوكم ضعيف فى الماث

اقتباس

المشاركة الأصلية كتبت بواسطة كنديان


	يا اهل الجبل ياليى هنا اخوكم امة طردتة و بقى مطرود من المطاريد و بدة يعرف الدراسة فى كندا

أنا عندي شوية لينكات حلوين اوي لو عايز تدرس في اي مجال واي كلية بتختار حسب الولاية او التخصص وهكذا
بس فيه نقطة مهمة اوي كمان.... عشان تاخد فيزا للدراسة لازم يكون معاك اثبات انك تقدر تصرف على نفسك خلال سنوات الدراسة اللي انت اخترتها والشروط تلاقيها ف اللينك دا
https://www.cic.gc.ca/english/study/study.asp

وبالنسبة للينكات اماكن الدراسة
https://www.studycanada.ca/arabic/index.htm
دا بيتيحلك تختار الولاية اللي عايز تدرس فيها اوو نوع الدراسة وهكذا

https://ca.mohe.gov.sa/AR/STUDYABOARD...s/default.aspx
ودا فيه معلومات حلوة جدا عن الدراسة وانواعها ف كندا ومعلومات عن كندا عموما بالعربية ...

https://www.arab2.com/1/Canada_Immigr...in_canada.html
ودا بيوضح لك الجراءات المطلوبة للدراسة ف كندا ومن ضمنها :المستندات المالية توضح وجود المبلغ الذي يغطي تكاليف الدراسة والمعيشة أثناء فترة الدراسة

كان عندي لينكات تانية كتيرة حادور عليها واحطها ان شاء الله

اصلي كنت بافكر بنفس الطريقة لكن لقيتها مكلفة جدا بالنسبة لظروفي ... ربنا يوفق الجميع

CANADIAN · 13th April 2010, 10:29 PM

انا متاثر اوى و عايز اعييط
رديين فى كام ساعة و بالمعلومات كلها انا مش عارف اشرككم ازاى
اشكر اخويا 3omda To على مجهودة الرائع
و الشكر لاختنا عبيير على الرد الوافى الملحق باللينكات الكافية
و لية سؤال عند العمدة هل مش ممكن لما اروح هناك اشتغل و ادرس بنظام بارت تايم و من الشغل اجيب المصاريف ولا لازم اروح معايا كل المصارييف علشان على كلامك الموضوع يدخل فى 80000 cad
و دة مبلغ صعب اوى اوى
و ممكن تفيدنى بتجربتك لو انت بتدرس هناك اية اخبار الحياة و الدراسة
سلامى للجميع و اشعار انتمائى للجبل و المطاريد
توقيع مطرود فى كى جي وان مطاريد حضانة المطاريد الكندية

كنداويه · 14th April 2010, 06:45 AM

اقتباس

المشاركة الأصلية كتبت بواسطة كنديان


	سلام لاخواتى المطاريد و عيارين فى النار دول تلات عيارين معلش بجى اخوكم ضعيف فى الماث يا اهل الجبل ياليى هنا اخوكم امة طردتة و بقى مطرود من المطاريد و بدة يعرف الدراسة فى كندا 1- تكليفها و اليى انا قريت عنها فى حدود 25000 cad بس دة فى السنة 2- هل المفروض ابقى معايا كل تكاليف الاربع سنوات قبل ماروح 3- الشروط غير الانجليشى 4 - كل حاجة تعرفوها عن الدراسة هل صعبة ولا سهلة 5- هل متاح تدرس اى مجال ولا تخصصك بس ( تجارة بالنسبة لى ) 6- هل لو مش معايا فلوس غير اول سيمستر يبقى العملية ضاعت انا قولت بدل ماضيع الاربع سنين فى التقديم على الهجرة اضيعهم فى شهادة فى كندا و منها اقدم على الهجرة هناك و انا بدرس ياريت يا مطاريد تردو على اخوكم مطرود جديد و عايزين نتفاعل لافادة جمييع من فى الجبل

الحقيقة يا أخ كنديان انا كنت سمعت ان تقديم الهجرة من داخل كندا بيطول كتير عن التقديمن من بره

كذلك عشان تاخد فيزه دراسة وانت مقدم هجره بتكون كمان صعبه

وياريت حد عنده معلومات يأكد الكلام ده

نتمنى لك التوفيق بإذن الله

الأهلاوي الأصيل · 14th April 2010, 08:13 AM

إضافة بسيطة...عشان تأخد الفيزا الدراسية لازم تجيب كشف حساب من البنك لآخر ست شهور ويكون فيه مبلغ يغطي مصاريفك لأول سنة فقط (مش لمدة الدراسة كلها) وده بيتراوح من 25000 إلى 30000 دولار في السنة.
أرخص مكان للدراسة فعلاً كيبك زي العمدة ما قال، وفيه في كيبك حاجة تقدر تعتبرها ميزة وعيب في نفس الوقت
هي إن الطلبة الأجانب ما يقدروش يقدموا على السي إس كيو غير في السنة النهائية للدراسة ، بس لما بتقدم عليها بتأخدها أوتوماتيك من غير مقابلة ولا نقط ولا حاجة

الأهلاوي الأصيل · 14th April 2010, 08:15 AM

آه نسيت حاجة كمان
المقاطعة اللي أرخص من كيبك في الدراسة: نيوفاوند لاند ، وفيها جامعة من الجامعات الكبيرة على مستوى العالم اسمها ميموريال...دي مصاريفها تعد بسيطة جداً بالمقارنة بباقي الجامعات الكندية وكتير من العرب بيودوا أولادهم فيها للسبب ده

الأهلاوي الأصيل · 14th April 2010, 08:18 AM

لا مش صحيح نفس الوقت تقريباً إن مكنش أقل
الشرط الوحيد هو إنك تكوني عدى عليكي 12 شهر في كندا ما عدا كيبك لازم تكوني في السنة النهائية

اقتباس

المشاركة الأصلية كتبت بواسطة كنداويه


	الحقيقة يا أخ كنديان انا كنت سمعت ان تقديم الهجرة من داخل كندا بيطول كتير عن التقديمن من بره كذلك عشان تاخد فيزه دراسة وانت مقدم هجره بتكون كمان صعبه وياريت حد عنده معلومات يأكد الكلام ده نتمنى لك التوفيق بإذن الله

CANADIAN · 15th April 2010, 11:34 PM

اسف على التأخير و شكرا على المشاركة و المعلومات القيمة دى
انا مش مقتنع براى الاخت كنداوية بخصوص صعوبة التقديم من داخل كندا
و مع راى الاخ اهلاوى
وذلك لان الدراسة فى كندا و الحياة فترة فى كندا لها نقاط فى التقديم للفيدرال و كمان كيبك
و بخصوص المعلومات عن جامعه ميمورال فعلا صحيحة جدا حيث تعتبر من ارخص الجامعات الكندية و لكن حسبت التكاليف للسنة الواحدة حوالى 20000cad يعنى ارخص من الجامعات الاخرى بحوالى 10000 الى 15000
و لكن المشكلة لسة موجودة حيث المبلغ كبيير جدا على شاب لسة فى بداية حياتة و صعب جمع مبلغ كهذا حوالى 110000 جنية مصرى اذا بالطريقة دى تبقى الهجرة افضل بكثيير حيث انها غير مكلفة مقارنة بالدراسة و شكرا لاسهامكم فى افادتى بالمعلومات القيمة
و اذا سمحتم اقبلونى مطرود فى بداية طريقة للهجرة و نتقابل هناك كلنا انشاء الله

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
هل الله يصلى و لمن يصلى	شؤون إسلامية	imatinib	45	5621	8th December 2010 07:01 PM
تداعيات احداث قرية ابوتشت بقنا	شؤون مصر الداخلية	Tornado	86	12501	19th November 2010 12:54 PM
قال يسوع " لأنه واسع هو الباب ورحب الطريق الذي...	شؤون مسيحية	عمدة	3	3396	18th November 2010 09:49 PM
المسيحية فى كندا	شؤون مسيحية	Raouf	76	11411	19th October 2010 04:32 AM
الدراســـــــــــــــــــــــ فى كندا...	الدراسة فى كندا واستراليا واوروبا	حشيش	574	138370	13th April 2010 07:19 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الخليج vs كندا .. لماذا يترك الكثيرون العمل بالخليج و يغامرون بالهجرة الى كندا	هشام المصرى	الهجرة إلى كندا	187	9th December 2022 06:10 AM
الإسلام فى كندا	ehabtaher	شؤون إسلامية	352	20th February 2021 10:26 AM
عرب كندا....عن حياة العرب فى كندا.!!	Badroora	الهجرة إلى كندا	62	26th June 2015 06:47 AM
كندا وحشه خالص ☻☻☻ دعوه لعرض سلبيات كندا	nassarlink	الهجرة إلى كندا	355	26th August 2014 08:55 PM
حملة شعبية في كندا للمطالبة بتوقيف بوش في جرائم حرب ... عمار يا كندا ...	MFaisal	شؤون عربية ودولية	0	6th October 2009 06:35 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

الدراسة فى كندا واستراليا واوروبا

الدراســـــــــــــــــــــــ فى كندا ــــــــــــــــة