مدونة bond بووووووووووند

[bond]

الصحف المصرية والعربية

أحبائى فى ليلة ما قبل ثورة يناير وبالتحديد فى عيد الاضحى الماضى
وقد جافانى النوم فى تلك الليلة يعتصر قلبى الشجن والشعور بالقهر
فقد كنت حزينا من أجل بلدى التى أحببتها وأرتبطت بأرضها وعشت
عمرى أتمنى الشهادة لنصرتها
وجدتنى فى تلك الليلة أكتب قصيده أبكتنى وأنا أكتب حروفها
ووجدت الكلمات تكتب على الورق كأن هناك من يملى عليا كلماتى
وأختتمت تلك القصيدة بهذه الابيات
كم أحسست بها وكم حركت مشاعرى أستهل بها مدونتى
التى سوف اجمع فيها بعض ماكتبت وبعض ما ينبض به قلبى
تحياتى----bond

 

[bond]

وشــــــــــــــــــــــــــــــــــوش كـالــــــــــــــحه
علــــى عـــــــــــــروش الـزمــــان بتلـــــوش
تمــِــــــــــــــــــد أيـــــــــد الشــــــــــــــــــــــــر
تحـصـــــــــــــــــــــــــد ارضـنــــــــــــــــــــــا
وتسمِنـــــــــــــــــــــــا وتحــــــــــــــــــــــــوش
الشــــــر شقـشــــــــق بالضــــــــــــــــــــــــلام
زاد الغَـَمــام جـاب النـَسيـم مغشــــــــــــــــوش
صَبــــــح الضـــــــــــلام مـــــــــــــــــــــــــــــارد
مادد ايـديــــــه بالغطــــــــــــرَســة منفـــــوش
يخنـُـــــق بــــــــراءة حـلمِنـــــــا ويـفِتنــــــــــا
نـلقــــــــــى عـَزمِنـــــــــــا مـَفشــــــــــــــــوش
يقول كلام تسمعه تلقى الحقيقة روتــــــوش
لكــــــن حقيقــــــة لبتـــــه طعــــم المــــــرار
لكـــــــــــــــــــن دوا مـَفهــــــــــــــــــــــــوش
نــــــلاقـى صَدمــة فـى وشنـــــا بتحِشنـــــــا
تِقطـــــــــــع امـلنــــــــــــا تهـــــزنــــــــــــــــا
تــــــوّأِد معــــانــــــــــــــا حـِـلمنــــــــــــــــــــا
فــــى عــروقنـــا يجـــرى دمنـا مَغشـــوش
وهـُمــــه عايشيــن وسِطنـــا فـوق ارضنـــا
يمكـــن أقـولك مننـــا لكـــن مايستهـلــــوش
ونـــدور نلـِـــف وحِـلمنــــــا المَبتــــــــــــور
مابيـــــن سنيـــن ضلمــة ودقايــــق نـــــور
حـَـب الامـــل مبــــدور يطـرح سنابـل دهـب
تصفـَـــر مــن ظلــــم الهــــوى والجـــــــور
وتجـِــف أرض الخيـــر تشقـق من العطـش
والميـــــــــــــــــة تِمـــــــــلا بُحـــــــــــــــــور
نشـــــوف عَصفــــور الامــــــل مأســــــــــــور
يرفـــــــــرف والجنـــــــــاح مـَكســـــــــــــــــور
نحتار دى فَــَرفـرِة مدبوح بتطلع منه الروح
ولا دى رَفـــــــــرَفــــة جنــــــاح مَجّبــــــــور
جـرحة بيلتِئــم وفـى يوم يحَلـق فـــى السما
فــــــــــــارد جـِنــــــــــــــاح للنــــــــــــــــــور

 

 

[بنت البلد]

دعوه لموضوعي

عدسة بنت البلد

اقتباس نشـــــوف عَصفــــور الامــــــل مأســــــــــــور يرفـــــــــرف والجنـــــــــاح مـَكســـــــــــــــــور نحتار دى فَــَرفـرِة مدبوح بتطلع منه الــــــروح ولا دى رَفـــــــــرَفــــة جنــــــاح مَجّبــــــــــور جـرحة بيلتِئــم وفـى يوم يحَلـق فـــى السمـــــا فــــــــــــارد جـِنــــــــــــــاح للنــــــــــــــــــور

بوند

عصفور الجبل

مبروك المدونة

حلق هنا فنحن بإنتظارك دوماً

كل التقدير

 

 

[bond]

أستمرت حالة الشجن تلازمنى أغلب أوقاتى
فكتبت تلك الكلمات التى أحببتها
--------------------------------------------------------

يا بلدنا مالك كدة ..متزوقة لغيرنـــــــــــــــا
فيكى اللبن والعسل ..مقصور على غيرنـــا
ومننا بتزعلى.. لو جينا يوم غـِــــــــــــــرنـا
احنا زرعنا الارض.. واللى حصد غيرنـــــا
واحنا اللى صونا العهد.. وعالطريق سيرنا


كنا فى عمر الورد ..اسمك تراتيلنــــــــــا
اروحنا كت عالكف.. بس انتى ناديلنـــــا
وفرحنا يوم النصر.. والدم كان منـــــــــا
قدمنا دم الاب.. والابن من جيلنـــــــــــــا
وكنتى يومها بفخر.. واقفة بتدعيلنـــــــا


وقولتى يالا نعمر.. قولنا لـُبيكـــــــــــــى
عرقنا اصبح دهب.. شبكتنا لاديكـــــــى
قولنا نبيع العمر.. ونحنى رجليكــــــــى
فاتت سنين وسنين ..والدم فدا ليكــــــى
ولما فات العمر.. مبقاش لنا فيكـــــــــى

ونلاقى واحـــــــــد نطع.. نايم على ايدك
يمد ايد الشر.. يقطف عناقيـــــــــــــــــدك
يلبس وشاح النصر.. والفخر يوم عيـدك
يا نفسى قولى اه.. وعلّى تنهيــــــــــــدك
وزيلى طوق القهر.. بالقوه عن جيـــدك
ما يوم حا تاخدى حق ..الا بكف أيـــــدك

 

 

[Rapt]

هانمليها تصميمات شعرية بخطوط بوندية واشعار وهمية

 

 

[إكرام يوسف]

اقتباس المشاركة الأصلية كتبت بواسطة bond مابيـــــن سنيـــن ضلمــة ودقايــــق نـــــور حـَـب الامـــل مبــــدور يطـرح سنابـل دهـب

اقتباس المشاركة الأصلية كتبت بواسطة bond

اقتباس المشاركة الأصلية كتبت بواسطة bond جـرحة بيلتِئــم وفـى يوم يحَلـق فـــى السما فــــــــــــارد جـِنــــــــــــــاح للنــــــــــــــــــور

أنبل ما في النفس الإنسانية.. قدرتها على أن تحلم بالنور وسط العتمة.. والأمل وسط القهر

تسلم الأيادي

 

 

[مصري سكندري]

مبروووك يا كبيـــــــر

 

 

[bond]

استمرار حالة الشجن والاحباط مع تزايد النهب العام والفساد

كنت شاب وقلبى فارس
والكرامة لنفسى حارس
نبضى كان بيقولى لاءه
قلبى قالها فى كل دقه
لوتسيب نفسك حاتبقى
شخص تانى ماتعرفوش
والسنين مابيرحموش
ياسنين العمر فوتى
يابتسامه ف قلبى موتى
يا خضوع شوهت صوتى
ما لاقى فيكى حتى اوتى
كنت راضى اكون عصامى
خد شقايا ميت حرامى
عشت فيى شادد حزامى
والحرامى له الف حامى
قولولى ليه العدل غايب
من الحق ليه ماناخدش نايب
ياناس قولولى اروح لمين
زرعى مات وملو البسين
وبميته عاملين لى مينا
ميه حلوه لناس مارينا
يزرعوا فيها النجيلا
ارض صحرا بقت خميله
حقى فيكى يارضى راح
كل شىء بقى مستباح
منعونى حتى من النواح
على عمرى اللى فيكى راح

 

 

[bond]

انتابنى نوع من الياس فتمنيت ان لا يعيش الهم لاولادى

تعبت انا ياخلق من كتر احساسى
من كتر همى ياناس على بر ما راسى
مشكلتى فى قلبى عمروا ماكان قاسى
ربى خلقنى كريم ماقبلش اطاطى راسى
بحلم بنور الفجر والحلم كان عاصى
وكل ما بيا تضيق بهرب لكراسى
اكتب بنبض القلب اقوم وانا ناسى
لكن مع الايام مبقاش كده مكفى
وكل شىء بيسوء والريح ماهو فى صفى
بقيت اشوف اوضاع اضرب ايدى بكفى
عشت الحياه بالصبر والصبر ما موفى
ولما فات العمر والهم بقى عادى
بتمنى ان الهم مايعشى لولادى

 

 

[bond]

بدات مرحلة السخرية من الواقع المرير كل شىء غلط فساد بلا حياء فى كل مكان حكومة مجاهرة بالوقاحة والفجاجة
========================

أيه رايك يابلدى لو الشعب غار
وسابك لوحدك وراح عالمطار
وفارقك فى ساعة بلاها مرار
وتبقى يابلدى بلد للحكومة
تكسب وتصرف وتسمع لثومة
وترسم فى علمك بدال نسر بومة
بلاها مناهدة بلاها خصومة
دة شعبك اونطه كلتهم بارومة
وعمروا يابلدى ماحاتقوم له قومه
وعيشى يابلدى يارض الحكومة
ولو حد سألك فين الشعب راح
قوليلهم فى داهية بلانا نواح
حانشغل دماغنا بجه ولا راح
مواطن بلدنا مواطن سخيف
اهو غار بفقروا وشاكله المخيف
واقفلى يوماتى طابور عالرغيف
مشوه بلدنا ده شىء مش ظريف
ماشى ف شارعنا ينام عالرصيف
وياما صرفنا عليه مصاريف
خسارة فى دهنو خسارة الرغيف
وعيشى يابلدى يا ارض العذاذ
جناين وفيها ولاد الذاذ
يروحوا مارينا بلاها الحجاز
وشعبك يابلدى يولع بجاز
قالولنا جدودنا فى اقرب تاريخ
اذا الشعب يوما اراد الحياة
يروح ارض تانيه ويقفل وراه
ولو حب يرجع يحضر قفاه