اللعبة القذرة - بقلم جبهة الإنقاذ الوطنى!

[حشيش]

الصحف المصرية والعربية

بادئ ذى بدء دعونا نتفق أن ثورة يناير 2011 لم يحركها لا مرسى ولا الإخوان ولا السلفيين وأيضاً لا البرادعى ولا حمدين ولا عمرو موسى! ... اللى حرك الثورة دى شباب وطنى مصرى حر بتلقائية وعفوية وبدون قيادة مستلهماً نجاح ثورة تونس وغضب السنين المختزن بداخله من جراء الظلم والفقر والتهميش والنهب والمحاولات الحثيثة لتوريث الحكم على يد الخائن العميل مبارك وحاشيته ... ماذا حدث إذاً بعدما نجحت الثورة التى ساهمنا فيها جميعاً كلاً بحسب ظروفه وامكانياته حتى كتب الله لها النجاح؟ ... ركب الجميع عليها وادعى كل طرف أبوته لها وعمل هذا وذاك على تقاسم الغنائم بمجرد الإعلان عن تنحى مبارك وأصبح الجميع أبطال وأصبح خائفى ومرتعدى الأمس ثواراً وأبطالاً لهم صولات وجولات يمتطى كل واحد منهم صهوة جواده منادياً بأعلى صوت له هل من مبارز!!! ... ونسى هؤلاء قصة الكاتب المعروف إحسان عبد القدوس (يا عزيزى كلكم لصوص) ... نعود إلى إستئناف السيناريو القذر من جديد ... إنقسمت الأحزاب الهشة المتواجدة وقتها على الساحة وترشح مرسى عن الإخوان و حمدين صباحى وابو الفتوح وعمرو موسى وسليم العوا ومعرفش مين ومين وبالمره إترشح شفيق بالنيابة عن مبارك وجمال ... فوجئت من تسمى نفسها بجبهة الإنقاذ الوطنى الآن بأن شفيق ومرسى قشوا كل الورق ووصلوا للفاينل وهمه خرجوا قفاهم يقمر عيش ... طيب لو انتم وطنيين بصحيح ومش طمعانين فى الحكم والكرسى ما اتحدتش ليه يا حمدين ويا موسى ويا برادعى ويا هباب ويا سخام قبل الإنتخابات وآثرتم مصر على مصالحكم الشخصية الضيقة واتنازلتم كلم لواحد بس فيكم وليكن حمدين مثلاً أو أبو الفتوح بحيث كان يبقى فيه 3 خيول فى السباق (مرسى وشفيقة وممثل عنكم)! ... جايز كانت فرصتكم تبقى أحسن ... المفاجئة بقى اللى عوجت الجميع إن شفيق الفلولى الحرامى رفيق درب مبارك (الحرامى برضه) نجح بإرادة الشعب فى أن يصل للفاينل وينافس على الكاس ... مش حنحمل المسيحيين لوحدهم مسؤولية وصوله للفاينل لأن عددهم مجتمعين مش ممكن يوصله للعب على الكاس ولكن طائفة الحرامية والمنتفعين من مبارك من رجال أعمال واعلاميين ورقاصين ومطبلاتية وهُمُ كُثرُ كلهم راحوا ادوا اصواتهم لشفيق ... اصبح أمام المعارضة وقتها خيارين لا ثالث لهما ... إما عودة مبارك فى صورة شفيق ليبطش بهم واحداً تلو الآخر بعدما تستقر له الأحوال ويحكم قبضته على السلطة من جديد أو أن يعطوا أصواتهم على مضض مؤقتاً لمرسى تمهيداً لخلعه لاحقاً وهو ما يحدث الآن ... وتوته توته خلصت الحدوتة ... ملتوتة ولا ملتوتة!

 

[جرديز]

الناس دي ضد تداول السلطة اصلا يا حشيش
فما بالك بقى لو كانت السلطة دي هتجيب واحد اسلامي !!! وقعة سودة بالنسبة لهم طبعا .
بص كده على احزابهم . تسمع عن حزب فيهم عامل انتخابات ؟!!!
انا كنت فاهم الموضوع بسيط بس ده طلع كبير قوي . فيه ناس عملاء بجد وليهم مرتبات ثابتة .

 

 

[arwa ahmed]

اقتباس المشاركة الأصلية كتبت بواسطة جرديز الناس دي ضد تداول السلطة اصلا يا حشيش فما بالك بقى لو كانت السلطة دي هتجيب واحد اسلامي !!! وقعة سودة بالنسبة لهم طبعا . بص كده على احزابهم . تسمع عن حزب فيهم عامل انتخابات ؟!!! انا كنت فاهم الموضوع بسيط بس ده طلع كبير قوي . فيه ناس عملاء بجد وليهم مرتبات ثابتة .

يعني انت عايز الملك الحسين بجلالة قدره
يبقالوا مرتب من المخابرات الامريكية
والناس دي تشتغل بلوشي
طب حتى انت ماترضهاش ليهم

 

 

[حشيش]

لو نجح هؤلاء فى إسقاط أول رئيس مصرى منتخب بإرادة الشعب وحكم صندوق الإنتخابات بالقوة فلن يبقى رئيس بعده ليكمل مدته وسيحدث نفس الشيئ معه ولكن بدموية أكبر وعنف أشد! ... اتعجب ممن يقولون من أتباع جبهة الخراب الوطنى أن الإخوان زوروا الإنتخابات لصالح مرشحهم مرسى!!! ... معنى كلامهم ده ببساطة إنه لولا حدوث تزوير لكان شفيق هو من يحكم مصر الآن!!!!! ... حتى حججهم غبية زيهم!

 

 

[س. نورينجتون]

موضوع لطيف قوى زى صاحبُه , لى عودة

 

 

[snow]

ملاحظات صغيره على الموضوع عامة
اتفق معك لو تم الاتفاق على تمثيل شخصا واحد فى الانتخابات الرئيسيه كانت فرصته افضل و قد تكون قلبت المشهد عموما

ولكن البرادعى سافر لانه كان يعتقد ان الدستور اولا ثم انتخابات الرئاسيه
ولما لقى الموضوع فيه كوسه خلع مع نفسه لانه لاقى رائحه وحشه ***

ما اختلف معك فيه

انه للاخوان دور حقيقى فى نجاح ثورة ٢٥ يناير ٢٠١١
لانه بالاخوان باقتحام السجون و الهجوم على الاقسام و تشتيت الامن لما قدروا المتظاهرين على قوات امن مبارك
دليلى اليوم الاخوان هم الحكام ,,,,,هل استطاع شباب الثورة الوصول فى ٢٥ يناير ٢٠١٣ لدرجة التى وصلت بها الاخوان من تسخين فى الاحداث فى ٢٥ يناير ٢٠١١ ؟؟؟؟

طبعا لا لم يستطيعوا ,,,,, اذن الاخوان هم من اسقطوا مبارك وهم ذو الفضل الاول
وبمراجعة شهادات عمر سليمان ,,,, لانه اذا لم يتدخل الاخوان فى احداث الثورة الاولى ٢٠١١ لتمكن الامن من تهدئد الشارع فى ٢٠١١ و تم السيطره على الموقف
ولكن الاخوان تتدخلوا بتخطيط عالى لاسقاط الدولة وهو ما لن يستطيع شباب الثورة فى تنفيذه لا سابقا و لا حاليا واعتقد ولا مستقبلا



بالنسبة لشفيق و انه امتداد لحسنى مبارك ,,,,, هذا ما سوق اليه شباب الاخوان لمكسب سياسى اتهام الخصم باى شيئا و الغريب هذا ايضا يمارس من طرفهم باستمرار ولكن العوام لم يلاحظوا هذا
ابو حملات و حامض و واحد خمنا فى فترة المجلس العسكرى و بعد استطاعتهم من تشويه الخصوم فازوا بالمنصب المهم و الاكبر
استمروا ايضا فى تشويه المعارضين فاليوم البرادعى هلوكوست و عميل و التانى شيوعى كافر

ولكن شفيق يعتبر من التيار التجديدى فى الحزب الوطنى السابق مثله مثل كثيرون
الفقى و شفيق و حسام بدراوى و اخرون كانوا يعتبروا من المعارضين داخل الحزب الوطنى ذاته
لو كان فاز شفيق كنا سنرى شيئا اخر غير ما قاله الاخوان عنه
فاعتقد ان شفيق كان سيرمى الاخوان مرة اخرى فى السجون وهذا حقيقى مع انه هو اللى افرج عن الشاطر
ولكنه كان سيمارس سياسه اصلاحية كبيره على الاقل كان سيتفوق فى الاداء عن الاخوان حاليا

 

 

[Jonathan]

بعيدا عن ما جاء بالموضوع ...اين ما كتب بقلم جبهة الانقاذ كما يشير عنوان الموضوع؟؟ "هل اللعبة القذرة" هو مقال نشر لجبهة الانقاذ اما تحليل شخصي خاص بك نسبته اليها؟؟

 

 

[هنون]

اقتباس المشاركة الأصلية كتبت بواسطة حشيش لو نجح هؤلاء فى إسقاط أول رئيس مصرى منتخب بإرادة الشعب وحكم صندوق الإنتخابات بالقوة

مين بس اللى قال لك يسقطوه بالقوة ....

هم عايزين يسقطوه ..... من غير قوة .

بشويش يعنى .

أقول لكشى سر ...... هو سقط خلاص .

انزل كده الشارع و قول : مرسىىىىى مرسىىىىى .....
و شوف الناس حتعمل فيك ايه !!!!

بلاش كده ...
أستنى لحد نص مارس أو بالكتير أوى أول اسبوع فى ابريل .

لحد ما نتائج الدولار ابو سبعة و نص تبان على السلع الغذائية .

و قول : بأحبك يا مرسى ....
بس تكون حاجز قبلها فى اقرب مستشفى و مبلغهم فى البيت انك حتتأخر فى الرعاية المركزة.



مرسى سقط خلاص .... و من غير قوة ...

مسألة وقت , و الناس حتشيله و تشيلك و تشيلنا كلنا و تولع فى الأخضر و اليابس عشان تاكل .
شهرين .....تلاتة بالكتير .

 

 

[Jonathan]

اقتباس المشاركة الأصلية كتبت بواسطة هنون بلاش كده ... أستنى لحد نص مارس أو بالكتير أوى أول اسبوع فى ابريل . لحد ما نتائج الدولار ابو سبعة و نص تبان على السلع الغذائية . مرسى سقط خلاص .... و من غير قوة ... مسألة وقت , و الناس حتشيله و تشيلك و تشيلنا كلنا و تولع فى الأخضر و اليابس عشان تاكل . شهرين .....تلاتة بالكتير .

 

 

[arwa ahmed]

انه مما يجدر به الاشارة هنا
ان طول امد المواجهة
وتعاقب الازمات بصورة منتظمة
يدفع المرءالى تبني تصور
وقوف جهة ما خلف تلك الاحداث
تخطط وتدبر وتفتعل الازمات وتبقى على تاججها
وترفض الانصياع الى دعاوي المصالحة
وتسير على الاقل في اتجاه ضد مصلحة الوطن
وهو امر يدفعنا بدوره
عن عدم اثارة ماهية حجم الوجود الامريكي في مصر
ومدى التصاقها بالامن القومي ومظلة الدفاع الامنى للولايات المتحدة الامريكية
والتي رماها لنا كيسينجر في اطار حماية السادات بسبب انتوائه الانقلاب الى خط السلام وحده

المصدر: منتديات المطاريد ... لقراءة المزيد إضغط على الرابط : https://www.almatareed.org/vb/showthr...#ixzz2K33m2Rnt
Under Creative Commons License: Attribution
Follow us: @almatareed on Twitter | almatareed on Facebook

وحمل «هنرى كيسنجر» معه إلى «واشنطن» ما سمعه من الرئيس «السادات» وهناك جرى بحثه، وعاد مرة أخرى إلى مصر يوم 12 يناير 1974، والتقى الرئيس «السادات» فى استراحة الرئاسة وراء خزان أسوان القديم.

وكان الرئيس «السادات» مازال على موقفه، وكان «كيسنجر» جاهزا بخطة أمن رآها ضرورية للرجل المُقْبِل على مخاطر تحول أساسى فى اتجاه مصر، وللاستراتيجية الجديدة التى تحمل مسئولية سياساتها!!

وعرض «كيسنجر» فى هذا الاجتماع الثانى على الرئيس «السادات» خطة أمن وتأمين يتم تنفيذها على ثلاثة محاور:

1ــ الأمن الشخصى للرئيس، وهو يقتضى إعادة تنظيم حراسة أماكن إقامته فى أى مكان وأى وقت.

2ــ والأمن الإقليمى للدولة فى حركتها على الخطوط الإستراتيجية الجديدة، وهى تشمل عنصرين:

● أن يكون «البلد» The Country تحت مظلة منظومة الدفاع الإقليمى الذى تشرف عليه القيادة المركزية الأمريكية المكلفة بالدفاع عن الشرق الأوسط.

● وأن تتواكب مع هذه المظلة العسكرية، مظلة أمنية هى شبكة المخابرات الكبرى فى المنطقة، التى تتلاقى فى إطارها جهود الوكالتين الرئيسيتين وهما:

ــ وكالة المخابرات المركزية الأمريكية العاملة مع مجلس الأمن القومى فى البيت الأبيض.

ــ ثم وكالة الأمن الوطنى العاملة فى إطاره وزارة الدفاع الأمريكية وهى وكالة N.S.A ــ National Security Agency، وكذلك يكون الغطاء شاملا ــ مدنيا وعسكريا ــ عابرا للحدود بين الدول، نافذا إلى العمق داخل هذه الدول!
تعليقي الشخصي
ان مدة بحث الامر لكسينجر في واشنطن لم تستغرق سوى شهرين تقريبا-6 نوفمبر-12 يناير- بل وعاد وفي يده خطة كاملة ومتكاملة
لتكبيل مصر والتجسس عليها ومن دولة اجنبية في اطار حماية رئيسها
ارتكازا على رؤية ان المستقبل لامريكا