الشرح المصور لتقنيات المنتدي

[AzzA]

الصحف المصرية والعربية

اقتباس المشاركة الأصلية كتبت بواسطة مودة زوزه بعد اذن رابت اجاوب بتعملي كوبي للرابط اللي انتي عايزاه بتكتبي كلمة هنا او اي كلمة اخرى بتختاريها ووبتظللي عليها وفي مربع التنسيق حتلاقي علامة زي الكرة الارضية في السطر التاني اسمها ادخال رابط بتلصقي الرابط ب paste في المكان المحدد بعد مابتدوسي على العلامة مثلا الموضوع ده

اقتباس المشاركة الأصلية كتبت بواسطة Rapt دلوقتى السؤال هوة ازاى اختار لينك لمشاركة مفردة من ضمن عدة مشاركات موجودة فى صفحة فى توبيك ماااا ... دة الى ان افهمتة تمام ...صح جداً جداً ....هو ده السؤال بالضبط والحمد لله ...نظرياً فهمت جداً ....لو قابلتني مشكلة عند التطبيق هرجع أسأل تاني

مليون شكراً

 

 

[Rapt]

هانشرح الزراير دوول دايما بنلاقيهم فى كل مشاركة لاى عضو كمثال

الرائع سهران لوحدى



هتلاقى ان فى اقصى الشمال التلات زراير





دة يعنى اقتباس وتم شرحة قبل كدة بس للتذكرة الاقتباس هوة ببساطة اقتباس لكلام عضو وترد علية
او انك تاخد كلامة للاستشهاد بية فى مشاركة تانية او كون كلام العضو ذو قيمة فا بتاخدة وتحطوة فى توبية



دة اسمة الرد السريع لو دوست علية هاياخدك على تحت خالص
مكان الرد السريع ومربع تعديل النص البسيط وتكتب اللى انت عاوزة وتضغط رد او انتقال للوضع المتطور ....



دة اسمة الاقتباس المتعدد يعنى اية

فرضاا انت عملت توبيك عن الفن ودخل خمس اعضاء كتبوا مشاركات وانت عاوز ترد عليهم
كلهم فى مشاركة واحدة .... بدل ما ترد على كل واحد فى مشاركة منفصلة وبالتالى ينتج
عن دة خمس مشاركات والتوبيك هايزيد عدد مشاركاتوة الغير مفيدة ..... طب الحل فى الاقتباس المتعدد دة



كل اللى عليك انك تعملوة هوة انك تدوس على الزرار قدام كل مشاركة انت عاوز ترد عليها ولما تنتهى من الاختيار او التعليم على المشاركات بواسطة الزرار
وهتلاقى ان الزرار بيتحول لونة الى اللون الاحمر او البرتقالى
تتوجة الى اسفل التوبيك فى اقصى اليمين






هتلاقى زرار بالكيفية دية

دة زرار الرد على المشاركات فى وضعية الاقتباس المتردد

ولما تنتهى من الكتابة تحت كل اقتباس فى الوضع المتطور تقوم باعتماد المشاركة وهابى اقتباس

 

 

[Rapt]

إزاى تعمل تبليغ مشاركة سيئة فى رسالة خاصة وصلتك
وفيها مايسؤك .....


صندوق الرسايل بينقسم لقسمين

رسايل جاية ليك من شخص اخر ودة اسموة صندوق الوارد ورد اليك رسالة ايها السلطان

ورسالة رايحة منك لشخص ودة اسموة صندق الصادر صدر منك رسالة سمو الاميرة


ما علينا

تعمل اية اذ بيك فى يوم لقيت رسالة مخالفة قواعد المشاركة
او فهيا كلام نص نص او استفزاز او اعلان او اى شىء انت حاسس انة غلط

تتبع الاتى



هنا هتلاقى صندوق الوارد هوة اللى تم اختيارة
ومثلا نختار رسالة تكون هية المعنية بالاساءة
وتضغط عليها




بعد ما تضغط عليها هاتلاقى الشكل دة



انا خافى هنا معلومات المعرف بس هتلاقى على اليمين زى ما السهم مشاور معلومات المعرف
بتاع العضو او العضوة وهتلاقى فى النص محتوى الرسالة اللى انت عاوز تبلع عنها
هنا فى المثال الرسالة فارغة ....

بعد كدة لو نظرت اقصى اليسار هتلاقى فى ايكونة علامة التحذير والتعجب دية الحمراء

اضغط عليها هاتنتقل الى المرحلة دية




هنا هاتقدر تعمل تقرير وترسلة زى ما الاسهم موضحة
مكان التقرير السهم اللبنى

ارسال التقرير السهم الاصفر

وفى اقصى الشمال اسم الرسالة ومشار ليها بردة بالسهم الاصفر ...

فى نقطة هتلاقى الزرار الاحمر متاح فقط فى رسال الوارد عشان هية جاية من طرف اخر

بس لو روحت فى صندوق الصادر هتلاقى ان الزرار دة مختفى لية بقى لانة مالوش معنى انك تبلغ عن نفسك
فى حد بيبلغ عن نفسة بردة ...!


ساهم فى التبليغ عن اى رسالة مسيئة من اى عضو عشان دة بيدى الادارة الحق فى الاسراع من توقيع العقوبات الادارية سريعا لما تمتلكة من ادلة لخرق لقواعد المشاركة .... دمتم بود

 

 

[بنت البلد]

دعوه لموضوعي

عدسة بنت البلد

معلومات مفيده
أشكرك رابت على مجهوداتك الرائعة فى المنتدى

 

 

[Le Roi]

انا اول مرة اشوف التوبك دة بس بصراحة رااااااااااااائع

 

 

[Rapt]

إزاي تشترك في اخر اخبار المنتديات المختلفة اللي بداخل المطاريد ... او تشترك في اخر اخبار موضوع ما
يعني ايه المقصود بانك تشترك ... ويعين ايه اخبار ...

ببساطة ...

المنتدى يحتوي على اكثر من 15 قسم وبيتم افتتاح اقسام جديدة تباعا وتبعا للحاجة الى ذلك ...

مع العدد الرهيب ده ... احنا كا اعضاء بنعجز عن متابعة كل جديد للمنتدى ... خصوصا لما نكون
متابعين مناقشات بعينها في توبيك ما سياسي او اخباري ...

او قسم الهجرة لكندا وما ادراك ما كندا....
وبالتالي بنبقى متتبعين للتوبيك نفسه ... وكل شوية نعمل ريفريش .. او اول حاجة نعملها
اننا ندخل المطاريد وندخل القسم ومن القسم ندخل التوبيك ومن التوبيك نخش رابع او خامس صفحة
انا فاكر لا كانت تالت صفحة لا خلاص اشوف الاخيرة انا فاكر ان حشيش كان اخر واحد رد ودخلت نمت ....

كل ده يعتبر انتحار تقني ... لانه في الاسهل .. من كدة وهوه الاشتراك باخر التحديثات الخاصة بالمنتديات
الفرعية اللي سمتها في اول الكلام اقسام ... ونشترك ايضا في اخر تحديثات الموضوع اللي انت مهتم بيه ..

ننتقل الي الشرح المصور ...

 

 

[Rapt]

قبل الشرح ... بعض الصور هتلاقيها صغيرة ..
فقط دوس عليها بالماوس عشان تظهر بالحجم الطبيعي بتاعها


نبتدي الشرح ..

هنا شكل منتدى من منتديات المطاريد ... المنتدى العام ...





هنا اقسام الفرعية ... للمنتدى العام ..



لو اخترنا قسم موضوعات خفيفة ومتنوعة .. تابع السهم الاحمر .. لو روحنا قائمة ادوات المنتدى
وضغطنا عليها .. هايظهر لينا قائمة منسدلة .. نختار منها الاشتراك في هذا المنتدى ..



هنا بعد ما ضغطنا واختارنا الاشتراك في هذا المنتدى ...



بعدها بينقلك على رسالة عشان تاكد اشتراك للمنتدى .. هاتختار الاختيار المناسب ليك




لو ضغطنا على كلمة بدون تبليغ بتظهر لينا قائمة منسدلة بتظهر لينا
باقي الخيارات ... بعد ما نختار ونضغط على كلمة اضافة اشتراك ...



هاتظهر لينا صورة بالشكل الاتي



بعدها لو تلاحظ في حاجة اسمها لوحة التحكم ..دايما فوق اقصي اليمين اول ما تدخل
المطاريد برجلك الشمال ... اضغط على كلمة لوحة التحكم ..



بعد ما تضغط على كلمة لوحة التحكم هاتظهر ليك صورة بالشكل دة ...
هاتبين ليك اشتراكاتك في المنتديات المختلفة ..
هنا انا مشترك في منتدى واحد فقط .. ولو تلاحظ في كلمة اسمها المواضيع الجديدة المشترك
بيها صفر .. ده لاني ما اشتركتش غير في منتدى فقط .. مش في موضوع ....
من خلال لوحة التحكم هاحصل على اخر التحديثات وهاتظهر فيها ...


لو فرضا عاوز تلغي اشتراكك من المنتدى ( موضوعات خفيفة )
كل ما عليك فعلة اما تختار انك تدوس على ( كلمة إلغاء إشتراكك من هذا المنتدى)
اللي ظاهرة في لوحة التحكم .. اسفل التحديثات .. او


انك تذهب للمنتدى نفسه وتختار ادوات المنتدى ومن خلال ادوات المنتدى تختار
إلغاء اشتراكك من هذا المنتدى..

 

 

[Rapt]

طيب اللي فات ده الاشتراك في المنتدى في طريقة تاني مختلفة ... بواسطة الر اس اس


لو نظرنا للصورة ديه... هنلاقي انها بتحتوي على مستطيل برتقاني اللون اسمه RSS



معناها رابت هاذ نو ايند...
لا شكل المستطيل ده ..














لو ضغطنا على المستطيل هايظهر لينا صورة بالشكل ده ...



لو تابعت الاسهم تختار الاختيارات وتسجل وبعدها هاتأتيك التحديثات في قائمة المفضلة الخاصة بيك
على متصفحك...

طب لو حابين نشترك في موضوع .... مش منتدى ...

ده موضوع للفاضل ابو ياسر اضغط هناااااا

لو ذهبنا للموضوع وامعنا النظر هنلاقي صورة بالشكل ده ..

في اقصي الشمال هنلاقي كلمة اسمها أداوت الموضوع ... منها نختار اشتراك في هذا الموضوع .



بعدها هايظهر ليه صورة تأكيدية بالشكل ده .. بتاكد على اشتراكي اتابع الاسهم واختار إضافة اشتراك



بعدها هاتظهر ليه صورة بالشكل ده



لو ذهبت للوحة التحكم هتلاقيها بالشكل ده



يعني مش ظاهر فيها الموضوع اللي انا اشتركت فيه ...
ده بسبب ان الموضوع قديم وماحدش شارك فيه من فترة ..
المنتدى اوتوماتيك مش هايظهر اي تحديثات نظرا لعدم وجود تحديثات اصلا..

لكن لو نظرت للصورة ديه



هتلاقي ان التحديث ظهر والموضوع اتضاف في خان المواضيع المشترك فيها في هذا المجلد 1
اه ايه السبب .. عشان انا روحت حطيت صورة متحركة هناك وبالتالي المنتدى
بعتلي التحديث الاخير للموضوع لانه احتوى على مشاركة حديثة بتاريخ اليوم من بعد تسجيلي
وده معناه انها تحديثات جديدة ...

مبروك عليك اشتراكك في المنتدى او اشتراكك في موضوع يهمك ..

لو حابب تلغي اشتراكك من المنتدى او الموضوع تابع الصورة التاليه

اما انك تختار اختيار الالغاء من لوحة التحكم او بالذهاب للمنتدى المشترك فيه واختيار من ادوات
المنتدى الغاء كا تم توضيح ذلك سابقا ...

او الذهاب الي الموضوع المشترك فيه .. واختيار ادوات الموضوع واختيار إلغاء اشتراكي من هذا
الموضوع ...




دمتم بكل ود ...

 

 

[Eng Hesham]

للتثبيت