النت حلال ولا حرام ؟؟؟

[FINETOUCH]

الصحف المصرية والعربية

كلنا يعرف انه لو بيشتغل فى مكان ما واخد معاه مثلا ورق ابيض او اقلام من مكان عمله ليستعملهم اولاده.
ان هذا العمل حرام
طيب استخدام النت لاغراض شخصيه..مثل دخول المنتديات وهو فى مكان عمله يبقى حلال ولا حرام؟
بالمناسبه اعرف شخص كان من خطباء المساجد وكان يعمل فى دوله عربيه كان يستخدم تليفون العمل فى مكالمات دوليه لاهله هنا

 

[ابتسامــة]

اقتباس المشاركة الأصلية كتبت بواسطة FINETOUCH كلنا يعرف انه لو بيشتغل فى مكان ما واخد معاه مثلا ورق ابيض او اقلام من مكان عمله ليستعملهم اولاده. ان هذا العمل حرام طيب استخدام النت لاغراض شخصيه..مثل دخول المنتديات وهو فى مكان عمله يبقى حلال ولا حرام؟ بالمناسبه اعرف شخص كان من خطباء المساجد وكان يعمل فى دوله عربيه كان يستخدم تليفون العمل فى مكالمات دوليه لاهله هنا

ما قرّ في ضميري يا جدو أنه استخدام لموارد العمل في غير ما تم تخصيصها له
ويعتبر خيانة للأمانة فرب العمل أمدّ الموظفين بهذه الخدمات لغرض العمل وليس للاستخدام الشخصي ....

 

 

[تقى]

فعلا زي ما الاخت الغاليةابتسامة قالت تعتبر خيانه للامانه بس للاسف

الايام دي كتير بيستخدموا اغراض العمل في حاجات شخصية

 

 

[Sonesta]

دعوه لموضوعي

ليالى المطاريد.,,,هل تعلم

أنا بقا بأستعمل النت فى العمل

بإذن وعلم صاحب المكان إن إستخدامى للنت لأغراض شخصية

ولهذا أنا لا أستحرمه

أما موضوع التليفون فهذا أيضا متاح ليا لكن المحلى فقط

وصاحب العمل على علم بهذا أيضا

 

 

[moka]

.
.

النت في العمل بموافقة صاحب العمل طالما لم اتعدى المحاذير والشروط التي حذرني منها ... لان صاحب العمل عارف اني بدخل النت لاغراض العمل ولاغراضي الشخصية ..!

 

 

[nash]

طيب لو النت متاح في الشركه ....

والجهاز ملك للشخص الذي يدخل علي النت ...وفيه وقت فراغ كبير ..اي لا يوجد عمل لمده ساعه مثلا ..ماهو مش علي طول الشغل مستمر من أول بدأ الدوام الفعلي حتي أخر دقيقه في إنتهائة ..

هل يصبح إستخدام النت في هذه الحاله أفضل أم طق الحنك والنميمه ومناقشه أحوال الكرة؟

 

 

[ابتسامــة]

اقتباس المشاركة الأصلية كتبت بواسطة nash طيب لو النت متاح في الشركه .... والجهاز ملك للشخص الذي يدخل علي النت ...وفيه وقت فراغ كبير ..اي لا يوجد عمل لمده ساعه مثلا ..ماهو مش علي طول الشغل مستمر من أول بدأ الدوام الفعلي حتي أخر دقيقه في إنتهائة .. هل يصبح إستخدام النت في هذه الحاله أفضل أم طق الحنك والنميمه ومناقشه أحوال الكرة؟

لا أحبذ اللجوء لمثل هذا المنطق ... عارفة يا ناش بحسه محاولة للالتفاف حول ما هو معلوم وواضح ...
أولا مفروض إن كل وقت العمل للعمل حتى الكلام والنميمة من المحظورات والشديدة والتي يأثم
الشخص عليها ...
طيب الحل العملي إيه للوضع اللي وصفتيه ؟!!
يجيب معه كتاب يقرأه او يستخدم كمبيوتره في قراءة كتب أو تعلم برامج منزلة على الكمبيوتر
ولا تحتاج لاستخدام النت ....
مازال هذا رأي شخصي جدا ربما ليس هو الصواب ولا ألزم به احد

 

 

[nash]

طيب فرقت ايه كتاب يقرأة من فتح صفحه نت لشيء يقرأة بل وسيساهم بوضع رأي فيه..وطبعا لا يفترض في الجميع حبهم أو نهمهم للقراءة فما يناسبني قد لا يناسب غيري ..

أكيد وقت العمل للعمل ولكن هذا لا يعني أن الجميع لديهم هذا الإلتزام الصارم .لسبب قد يكون مجال عمله لا يستلزم أكثر من عدد محدود من الساعات ..

وأيضا يا أبتسامه هذا رأيي طبعا ولا ألزم به أحد ..ودائما ما اقول ذلك

 

 

[بنت الإسلام]

اكيد لو مش باستأذان يبقى حرام إذا كان النت او التليفون ... باخد او باستعمل شىء مش من حقى والمفروض انى اكون أمينة عليها

وعلى فكرة بقى الموضوع ده منشر جدا جدا استعمال النت من الشغل
بس من العنوان افتكرت انك بتقول على النت نفسه هل حلال ولا حرام النت لو فى الدعوة للخير ولكل ماهو افادة للمسلمين فهو حلال اكيد
ده غير طبعا انه مهم فى حياتنا فى حاجات كتير جدا بس من الواضح ان سؤالك كان على استعماله فى الشغل......

 

 

[Mizo]

في راي الشخصي ان صاحب العمل لازم يكون عارف أن النت يتسخدم لأغراض شخصياً وطالما الشخص منا لا يقصر في عمله بسبب النت فا مافيش مشكله..

اما التلفونات الدوليه في مقر عملي لكلاً منا حساب ورقم سري خاص به وفاتوره اخره الشهر على رقم الحساب وللي عايز يكلم براحته..

لكن الحرمانيه في احيان كثيره تكون في سؤ استخدام النت نفسه