الولا دولة تبحث عن الولا حاجة

[KANE]

الصحف المصرية والعربية

Hossam Bahgat

تمشيط كل شقق وسط البلد. 5 الاف شقة حتى الان ولازال البحث جاريا عن محدش بتهمة التخطيط للولا حاجة.
الشهر ده هيسجل في كتب الطب النفس كأول panic attack تصيب حكومة كاملة بجميع مسئوليها

 

[KANE]

Khaled Kamel

من شوية كدة الباب خبط .. لقيت عم جابر البواب و معاه ظ£ رجالة .. واحد منهم قالي انا النقيب فلان الفلاني و بنلف على الشقق المفروشة .. طبعا مسألتش على تصريح أو إذن نيابة علشان عارف اني سليم و مش طالبة مشاكل و خصوصا اني عندي امتحانات .. المهم دخلتهم و سألوا أسئلة من نوعية انت قاعد في القاهرة ليه و بقالك قد ايه و كدة .. لما دخلوا أوضتي لقوا ipad طلب مني افتحه .. و قلب فيه شوية و بعدين بقى اللابتوب مفتوح على فيس بوك راح قعد يبص بقى سألني أسئلة من نوعية ايه قصيدة الميدان دي و انت شاركت في اي مظاهرات قبل كدة و رشحت مين في الانتخابات و ايه رأيك في نظام مرسي و شاف فيديو التريقة على السيسي و قال لي انت بتحب السيسي ولا لأ و شاف البوست اللي Abdalla Mohammed عاملي تاج فيه و كلم حد قاله عليه و سألني على التيشيرت اللي انا لابسه في الصورة اذا كان تبع بلاك بلوك ولا لأ و قعد يقرا اي ورقة او نوتة تقع عليها عينه حتى لو مرمية ع الأرض و لما سألته فيه ايه قال لي انا بفحصك .. المهم أخدوا بياناتي و سألوني شوية عن توجهاتي السياسية و دقني دي التزام ولا روشنة .. و مشيوا.

و بعدين عرفت من عم جابر انهم عملوا كدة في كل الشقق المفروشة في العمارة .. طبعا انا مش عاوز أعلق او أحلل هم بيعملوا كدة ليه .. و البوست ده لمجرد التوثيق.

عاوز اقول انه بغض النظر عن قانونية او عدم قانونية اللي حصل و بغض النظر عن سؤالي عن انتمائي السياسي او انه يفتش في حاجات خاصة بدون إذن .. هم كانوا محترمين و واضح انهم بيشوفوا شغلهم بطريقة روتينية مش بيغلسوا يعني.

تحديث: أنا مقصدش بالروتين ان ده عادي .. أو اني معنديش مشكلة مع اللي هم بيعملوه .. أنا أقصد ان محدش منهم قل أدبه أو اتكلم بطريقة قليلة الذوق .. و السبب اللي خلاني معملتش مشكلة اني عندي امتحانات فمش طالبة أبق مع حد علشان هو الموضوع على المستوى الشخصي مكانش مستاهل ..