جوجل إيرث .. متعة السفر عبر الكمبيوتر

[راجي الخير]

الصحف المصرية والعربية

السلام عليكم ورحمة الله وبركاته ::


الصراحة أنا من المغرمين بجوجل إيرث .. ودايما بدخل فيه وألف وأدور في مدن أوروبا وأمريكا
وبصراحة جوجل عاملة مجهود خرافي في الموضوع ده ... معرفش خد منهم قد إيه وقت

ولقيت ناس كتير مش عارفين حاجة عن جوجل إيرث .. فحبيت أضع شرح مبسط للخدمة دي
عسى إنها تفيد الأعضاء هنا



أول حاجة هنفتح جوجل .. ونختار خرائط




كتبنا في مربع البحث فرنسا . وظهرت خريطة فرنسا
دبل كليك على مدينة باريس .. الخريطة هتقرب على باريس

	نيجي بقا لأهم خاصية في جوجل إيرث هتلاقي على شمال الخريطة سكيل "scale" للتكبير والتصغير وفوقها هتلاقي رسمة إنسان إحنا بقا هنمسك الإنسان ده بمؤشر الماوس وندخله جوا الخريطة .. بالمنظر ده

الأماكن والبلدان اللي فيها الخاصية دي هتلاقي الخريطة اتحولت للون الأزرق ..
زي الصورة السابقة
البلدان العربية للأسف مش موجود فيها الخاصية فبتلاقي الخريطة مبتتحولش للون الأزرق


نسيب بقا الإنسان في المكان اللي عايزين نروح ليه




أوبااااااااااااا ده إيه ده بقا ... بالذمة هو فيه كدة
لا ولسة جرب تمشي بقا في الشوارع ..
هتلاقي أسهم في الصور دوس عليها عشان تعرف تمشي في الشارع





نمشي شوية في الشارع




ممكن نعمل عرض على كامل الشاشة full screen ونكمل مشي في الشارع




نلف شوية ونشوف المبنى على الشمال



أرجو أن يكون الموضوع جه بفايدة للأعضاء

 

[Sonesta]

دعوه لموضوعي

ليالى المطاريد.,,,هل تعلم

اللــــــــــــــــــــه

موضوع تحفة بجد

والواحد فعلا كده كأنه سافر

فكرته جميلة جدا

شكرا ليك

 

 

[راجي الخير]

اقتباس المشاركة الأصلية كتبت بواسطة Sonesta اللــــــــــــــــــــه موضوع تحفة بجد والواحد فعلا كده كأنه سافر فكرته جميلة جدا شكرا ليك

العفو... على إيه

ادخلي على جوجل وجربيها

بس خلي بالك الخاصية دي مش معمول بيها في الوطن العربي بس في أوروبا وأمريكا وكزا دولة تانية

 

 

[دكتور مهندس جمال الشربيني]

دعوه لموضوعي

مستر "عاوز" وأنـــــــــــــــــــــــــا

شكراً عزيزي راجي الخير
أعرف جوجل إيرث ومجهودك رائع والجديد في الأمر حكاية المشي في الشوارع ونفسي أمشي في الجوجل إيرث في الطريق الدائري حول القاهرة المسكينة!

 

 

[راجي الخير]

اقتباس المشاركة الأصلية كتبت بواسطة دكتور مهندس جمال الشربيني شكراً عزيزي راجي الخير أعرف جوجل إيرث ومجهودك رائع والجديد في الأمر حكاية المشي في الشوارع ونفسي أمشي في الجوجل إيرث في الطريق الدائري حول القاهرة المسكينة!

مظنش إنهم يقدروا يطبقوا النظام ده في مصر
لإني مظنش إن فيه خرايط مرجعية لمصر تبين فيها الطرق الرئيسية والفرعية وخطوط السير للمواصلات العامة وكمان خرائط تبين طرق السير للدراجات الهوائية كما هو موجود في الدول المتقدمة ..واللي جوجل أصلا مستندة على الخرائط دي

وكمان أشك إنهم لو جم مصر الكاميرات بتاعتهم هتتسرق مع العربيات اللي مركبين عليها الكاميرات


احتمال كبير يعني

 

 

[راجي الخير]

إن شاء الله هنكمل الموضوع

 

 

[راجي الخير]

السلام عليكم ورحمة الله وبركاته

نيجي دلوقتي لكيفية عمل الموضوع الجبار ده


الموضوع بكل بساطة في الصورة دي :::

هي عربية ومركبين عليها كاميرة مخصوص عشان التصوير ..
والكاميرا موصولة بالــGPS وبتاخد صور أوتوماتيك
والصور بتتخزن مع بيانات الــGPS عشان كل صورة يبقا
متحدد هيا موقعها فين

وطبعا هما عندهم أسطول عربيات من النوع ده

نيجي بقا للكاميرا ::
هيا في الواقع مش كاميرا واحدة ...
على ما أظن الأغلب لاحظ إنها كزا كاميرا في بعض
هيا في الحقيقة ثمان كاميرات بتغطي 360 درجة ....
وفي كاميرا تاسعة فوق عشان تصور الجهة العليا

بصراحة حاجة تعقد

 

 

[راجي الخير]

طيب نيجي للأماكن اللي مينفعش العربيات تدخل فيه

جوجل مفيش حاجة بتقف قصادها

هما بقا اخترعوا ده

دي بقا بتدخل أي مكان العربية مش بتعرف تمشي فيه
زي الحدائق والمتنزهات و الحرم الجامعي

في ناس بقا واعية
شافوا عربية جوجل ماشية طلعوا عشان يصوروها

والصورة دي أنا مش جايبها من جوجل ..
ده الراجل اللي متصور هوا اللي نزلها على النت
وبصراحة مش عارف هي فين الصورة دي

وفي ناس مجانين .. شافوا العربية معدية
قام عملوا كدة

 

 

[راجي الخير]

طيب ييجي واحد يسألني
هي الخدمة دي متوفرة في مصر أو في أي دولة عربية


هقوله طبعا لأ .. أبثولوتلي " اللمبي ستايل"
لا دلوقتي ولا قدام ناويين يعملوها في مصر ولا في الدول العربية

ماعدا دولة واحدة بس .. دولة الإمارات
مخططين إنهم يعملوا الخدمة دي عندهم
مش عارف ليه

بس لكوا أن تتخيلوا إن العربيات دي والمعدات دي جابوها مصر
إيه اللي ممكن يحصل



كدة الموضوع انتهى
أرجو أن يكون نال إعجابكم