اجتماعات المطاريد اعضاء منتدى كندا

[astrophy]

الصحف المصرية والعربية

طبعا ميه فى الميه حضر الاجتماع من غير كلام انا لسا واصل مصر قريب ومشتاق لكل حبايبنا وياريت من الاخوه يقدر يجى يكون ممتاز كدا ونتعرف على بعضنا

لان فعلا معرفة الناس المحترمه كنوز فى الزمن العجيب دا
ربنا يوفقك الجميع لكل الى يتمناه يارب

 

 

[HAMOUDI]

اقتباس المشاركة الأصلية كتبت بواسطة إيناس احمد [SIZE=×4]الله يبارك فى حضرتك ياأستاذ حمودى وعقبالكم جميعا والف مبروك لحضرتك على الاشراف بالنسبه لتواريخ تقديمنا فهى كالاتى حجيب لكم من الأخر علشان البدايه كانت بدرى المقابله كانت فى القاهره 28 سبتمبر2008 طبعا قدمنا الفيدرالى فى سفاره ابوظبى ودخل الملف ان بروسيس فى 20 يناير2009 المديكال دا مواله طويل نزلنا الاجازه ونسينا نبلغ السفاره بارقام تليفوناتنا فى مصر فبدأو يتصلو بينا من شهر 8 على تليفونات السعوديه علشان يبعتو لنا الميديكال وطبعا مردناش بعتو لنا ايميل استلمناه الاسبوع الماضى بمجرد وصولنا فكان ردنا اننا مستعدين لاستلام الميدكال بس فيه مشكله وهى اننا فى انتظار قدوم مولود ان شاء الله على شهر 12 فرضوا انهم يستثنونى من عمل الاشعه وردوا علينا انهم سوف يأجلوا المديكال لبعد شهر 12 بس فى نفس الوقت تانى يوم فوجئنا بشركه ارامكس بتتصل بينا تاخد موافقتنا على استلام خطاب من السفاره الكنديه وفعلا استلمنا الظرف اليوم معلشى انا اسفه وجعت دماغكم وطولت عليكم بس هوياجماعه الظرف احنا بنفتحه ولا الطبيب المختص ومش عارفين هو المقصود زوجى واولادى يعملوالمديكال دلوقتى ونبعته وانا انتظر لشهر 12لوحدى ولا كلنا ننتظر لشهر 12 احنا عموما حنبعت ايميل دلوقتى للسفاره ونستفسر منهم وكدا ياأستاذ حمودى حيحسب لنا المديكال من امته من اول شهر 10 قولولى اعمل ايه فى المحاورات مبيفتحشى معايا خالص الصفحه بتيجى بيضاء اسفه مره اخرى للاطاله عليكم والخروج عن موضوع الاجتماع [/SIZE]

اقتباس المشاركة الأصلية كتبت بواسطة nohope الاستاذ حمودى مدام دعاء كانت حامل ومع ذلك عملت الميدكال لان فيه غطاء الرصاص موجود ويمنع نفاذ الاشعة على البطن ومعلومة حضرتك عن الشهور الاولى صحيحة تماما اما الشهور الاخيرة فغير مستحبة ولعلمك كان من 20 سنة قبل ثورة الاشعة التلفزيونية اوالسونار كان يتم عمل اشعة العادية على السيدة الحامل فى الشهر الاخير لتحديد وضع الجنين قبل عمليات القيصرية او ولادة بالمقعدة ولما كانوا بيدروسنا كان المقصود التعرض الدائم للاشعة زى دكتورة اشعة وفنية الاشعة او موظفة بقسم الاشعة او مرافقة لحالة تحتاج اكتر من اشعة او مريضة ارجو ان اكون اوضحت واسفة على الاطالة

بفرض ان ماتقوله مدام no hope خاضع لمعايير وزارة الهجره انا رأي يامدام إيناس تخلصي الموضوع ده وبسرعه بدلا من تضييع الوقت لانتظار ال C S Q للطفل الجديد وذلك بالاضافه لان الطفل عندما يولد فهو يولد بالجنسيه الكنديه ولن ينتظر 4حصول الاب عليها بعد 4 سنوات للحصول عليها


مدام no hope ماتقولينه حضرتك معلومه طبيه واكيد سليمه 100% مادام حضرتك الى بتقوليها ولكن ربما يكون لهم اشتراطات او معايير اخرى لانعرفها . ايا كان السبب لذلك معلومة ال3شهور الاخيره بحاجه لتأكيد وسأقوم إنشاء الله بمراجعة احد الاطباء المعتمدين من قبل وزراة الهجره الكنديه حول هذه الجزئيه

 

 

[HAMOUDI]

اقتباس المشاركة الأصلية كتبت بواسطة astrophy طبعا ميه فى الميه حضر الاجتماع من غير كلام انا لسا واصل مصر قريب ومشتاق لكل حبايبنا وياريت من الاخوه يقدر يجى يكون ممتاز كدا ونتعرف على بعضنا لان فعلا معرفة الناس المحترمه كنوز فى الزمن العجيب دا ربنا يوفقك الجميع لكل الى يتمناه يارب

طبعا ASTROPHY باشا انت اول المدعوين كنا عمالين نقول ياترى جاي والا مش جاي ياترى هايتحجج ويقول الطياره الى جاي بيها تعبته من كتر المطبات الهوائيه ومش هايجي والحمد لله خيبت ظنونا

 

 

[ايناس احمد]

الف شكر ياجماعه على مشاعركم الطيبه جميعا وشاكره لكم اهتمامكم واخص بالشكر الاستاذ حمودى والاستاذ نصار ومدام no hope
بس احنا مضطرين نكمل السنه فى السعوديه لان زوجى استلم العمل خلاص ومينفعشى يقدم استقاله فى نص السنه لان تخصصه فيه عجز شديد فى المكان اللى احنا فيه فكان لازم يقدم استقاله السنه اللى فاتت قبل ماننزل وطبعا مكناش ضامنين ان المديكال حيجى فى اول السنه لانهم فهمونا ان سفاره ابوظبى بتطول فى الاجراأت فكل تأخيره وفيها خيره وكان فيه سبب تانى وهو الولاده فى كندا قبل التأمين الصحى مايجىفاحنا منتظرين ان شاء الله للصيف القادم
بس فيه موضوع قالقنا وهو تحت اى بندحناخد الاجازه من مصرمن جهه حكوميه وكنا بناخدها بعقد السعوديه
ياريت تفيدونا بخبراتكم فى الموضوع دا

 

 

[astrophy]

اقتباس المشاركة الأصلية كتبت بواسطة HAMOUDI طبعا ASTROPHY باشا انت اول المدعوين كنا عمالين نقول ياترى جاي والا مش جاي ياترى هايتحجج ويقول الطياره الى جاي بيها تعبته من كتر المطبات الهوائيه ومش هايجي والحمد لله خيبت ظنونا

ياستاذ محمد انا وصلت الخميس مصر الفجر وكنت ناول والله اطب عليكم الاحد او الاتنين بسى عرفت من الاستاذ نصار ان القاء الخميس ومن غير لقاء كدا كدا جى ليكم

وانت عارف انا بحب المنصوره واهلها واصلا جذورى من هناك واشوف بامر الله الخميس
ودعواتكم ليا فى المقابله اصلا اخوك مرعوب وحمى الخوف من الثانويه العامه رجعت ليا الايام دى ربنا يستر

 

 

[gadolly]

ISA, i want to participate in the next meeting. I will come ISA to Egypt next month

 

 

[Egyptian Expatriate]

بداية أحيى صاحب فكرة هذا اللقاء الهام الذى أراه بمثابة نواه لرابطة للمصريين فى كندا والتى نتمنى من الله ان تؤتى بثمارها المرجوة من ان تكون هذه الرابطة متماسكة .

كما احب ان ارفع القبعه لكل من سيذهب لهذا اللقاء حيث سيتيح لهم التعارف وتكوين العلاقات الاجتماعية من الداخل قبل الذهاب الى الخارج .

إن المهاجر الجديد سيكون فى حاجة ماسة الى المساعده ولا اقصد بالمساعده ان تكون مادية ولكن إنسانية واجتماعية حيث أن المهاجرين لكندا سوف يكون لديهم المال الكافى لمصاريفهم فى الفترة الأولى ولكن إحتياج المهاجر فى أول طريقة الى شخص يسأل عنه إنسانيا وزيارات عائلية وروابط إجتماعية سوف يكون لها الأثر الفعال فى تخفيف شعوره بالملل من الحياه الجديدة عليه فى بلد به ملايين البشر ولا تربطه علاقات بأحد منهم .... حقاً سيكون إحساس مخيف من دون الصحبه .

ولكن بمثل هذه اللقاءات سوف تعطى الفرصة للتعارف الأسرى وتكوين الصداقات على مستوى الأزواج والزوجات والأبناء مما يجعل كل فرد من الرابطة وقبل سفره يكون لديه الإحساس بأنه سوف يكون له أسرة ثانية فى بلده الجديد يشاركونه أفراحه وأحزانه ومحنه ومسراته وكذلك الأنشطة الاجتماعية المختلفة مما يذيب الإحساس بالغربة .

مرة أخرى تحيه حب وإجلال لهذه الكوكبة التى ستجتمع يوم الخميس الذى سوف يعتبر بمثابة إنطلاقة الشرارة لأقوى رابطة بإذن الله ونتمنى من الله عز وجل أن يسدد خطاكم جميعا الى ما تحبونه وترضوه

كم كنت أتمنى أن أحضر مثل هذا اللقاء ولكن تواجدى خارج مصر الحبيبة حال بينى وبين هذا اللقاء فى مدينة المنصورة عروس النيل بلا شك
ونحن جمعياً فى إنتظار وقائع هذا اللقاء الهام

سؤال جانبى : هو الحضور هيبقى عائلى بس ولا مسموح للعزاب بالحضور ...... رجاء رفقاً بالعزاب فإنهم غرباء فى الحياه. هههههههههههههه

وإسمحوا لى بتقديم هذه الـ لكل شخص يذهب

 

 

[HAMOUDI]

الحمد لله تم عقد الاجتماع وكان يعد لقاء تعارف .
وشكرا لكل من شرفنا بالحضور سواء كان من المطاريد او المحاورات او من الاتنين او اتصل بالتليفون اثناء اللقاء

 

 

[nassarlink]

اقتباس المشاركة الأصلية كتبت بواسطة gadolly ISA, i want to participate in the next meeting. I will come ISA to Egypt next month

وجودك معانا كان هيكمل الفرحه

احنا في انتظارك يا كبير

وان شاء الله توصل بالسلامه

نصّار

 

 

[nohope]

ان شاء الله كان اجتماع موفق للى حضر واتصل
اظن ان فى مجموعة زى عايزين وصف تفصيلى لكل مشاهد الاجتماع من اول التحضير لغاية ما قفلتوا الباب وراكم وارجو ان الا يكون فطلبى تدخل ليس من شأنى