إقالة النائب العام

[savary]

الصحف المصرية والعربية

اقتباس المشاركة الأصلية كتبت بواسطة KANE

ردى من 4 نقط :

1- اول مرة اشوف صفحة باسم : الصفحة الرسمية لشباب حزب الدستور - د. البرادعى !

صفحة شبابنا و اللى كنت ادمن ليها فى وقت من الأوقات و اعرف كل الادمنز بتوعها معرفة شخصية وهما من شباب

الحزب هى الصفحة دى :

شباب حزب الدستور

https://www.facebook.com/pages/%D8%B4...55070377905711

ودى صفحة شباب امانة الحزب فى القاهره

حزب الدستور | القاهرة - Aldostour Cairo added a new photo.
https://www.facebook.com/aldostourpartycairo


والصفحة و اللى اعرف الادمنز بتوعها برده وبنقل منها للمنتدى هنا

حزبى حزب الدستور و تيارى التيار الشعبى

https://www.facebook.com/eldostor.w.eltyar



فأولا يعنى يمكن الصفحة دى خيرت الشاطر و لجانه الالتكرونيه هما اللى عاملينها و الغرض منها التشويه

و دس بوستات مكذوبة ..والناس دى يهود و يعملوا اى حاجة يعنى

خصوصا مع حشر اسم الدكتور البرادعى فى عنوان الصفحة !!*




احنا عمرنا ما بنعمل كدا - مع كامل تقديرنا للدكتور البرادعى القامة الوطنية الفكرية - لكن الدستور مش البرادعى ولا سين ولا صاد*




الدستور يبقى بينما كلنا ذاهبون*




الدستور قيم و نهج سياسى مش أشخاص*




الدستور ..تغيير حرية عدالة اجتماعية ..قبل كل شىء و بعد كل شىء .*


---------------------------------------------------------------------------------






2- اى صفحة لشباب الحزب -دا بفرض ان الصفحة دى عاملها شباب الحزب فعلا يعنى مش لجان الشاطر -

فأى صفحة للحزب لا تعبر عن الموقف الرسمى للحزب , زى ما انا بكتب هنا كدا و كنت ادمن فى صفحة لشباب

الحزب فانا ممكن اكتب اى حاجة بتيجى على بالى أو فى خاطرى ..

رؤيتى انا الشخصية للأحداث .. وبالتالى الصفحة دى لا تعبر عن الموقف الرسمى لحزب الدستور من قضية النائب

العام .. والموقف الرسمى هوا اللى انا قولت عليه - عبوكوا كلكوا - بمعنى هذه قضية لا تعنينا من قريب و لا من بعيد

ونعتقد ان دا شغل عصام العريان لالهاء التيار المدنى الثورة عن قضية الدستور .



--------------------------------------------------------------------------------------

يتبع

 

 

[savary]

3- حتى المكتوب فى الصفحة .. هتلاقى انه مش ضد اقالة النائب العام ابدا

الفكرة كلها ان دى وجه نظر موجودة فعلا فى أروقة الحزب و اروقة الثورة عموما .. ودى وجه نظرى انا الشخصية

الفكرة ابدا مش انك تشيل النائب العام !

انا كتبت الكلام دا هنا فى المنتدى حتى قبل ما اشوف المداخلة دى ...

القصة تبدأ دائما و ابدا من وزارة الداخلية ... لو عاوزين القضايا دى يتحكم فيها

لازم تتهيكل الداخلية الأول ...لأن الداخلية هى اللى بتقدم القضية مهلهلة و بيقدموها و هما عارفين انها براءة

هما اللى بيطمسوا الادلة و هما اللى مبوظين كل حاجة فى القضايا


ومرسى مش عاوز يسمع كلمة تطهير الداخلية دى خالص ( بتعمله حموضة باين )

فانت فعلا يعنى هتتشطر على النائب العام ؟؟

برده فشنك ... كله فشنك !




-----------------------------------------------------------------




4-بفرض ان البوست والجروب حقيقين مش مزورين .. وبفرض ان وجه النظر- ان اقالة النائب عام وحده مش

كفاية وجه نظر خاطئة ..

فهيتبقى ان الموضوع عند مع الاخوان , ودا للأسف صحيح و موجود فعلا عن كتير من شباب الحزب .

دا جنون سياسى يعبر عن حالة ( ضعف الجبهة الداخلية ) فى الشارع السياسى المصرى .




المسؤل عن دا هما الاخوان المسلمين و الاسلام السياسى بسبب ممارسته الاقصاء السياسى

و العنف و التخوين و التكفير و التحريض على القتل بل و التهديد بالحرب الأهلية !



لما عصام العريان يقول اليسار المصرى ممول و عميل و معادى للاسلام


ولما نواب النور و العدالة يقولوا عن ثوار محمد محمود خونة و قبيضة واقتلوهم والبنات صايعة و ملهمش أهل !!


لما يقولوا على حمدين شخصية غير وطنية ( خاين يعنى ) -التصريح للبلتاجى

والبرادعى ( عميل امريكا و اسرائيل ) بيبعت شباب يتظاهر ب 200 جنيه



ولما تبعت ميليشيات بكسر رخام و طوب للتصدى لمظاهرة سلمية تنادى بدستور لكل المصريين !

لما يطلع صفوت حجازى يهددنا علنا و صراحة و وضحا بالحرب الأهلية و نشوف دم اصحابنا و اخواتنا و زمايلنا سايل غدرا و ظلما و جورا فى الميادين

بميليشيات الاخوان .... فمتزعلش منى يعنى لما أعمل اى حاجة !

ولما و لما ولما ولما


متزعلش لما الناس توصل لمرحلة الجنون السياسى !





متزعلش لما الموضوع يبقى عند و خلاص

متزعلش لما يقولولك انهم ضدك فى كل حاجة ...




لو عاوز تشيل النائب العام ...هما مع النائب العام

لو عاوز تخلى النائب العام ...هما مع اقالة النائب العام



لو عاوز تساعد غزة ..هما ضد غزة

لو عاوز تحارب غزة ...هما مع غزة




لو ضاحى خلفان بيشتمك ...هما مع ضاحى خلفان

لو ضاحى خلفان بيمدحك ...هما ضد ضاحى خلفان


وهكذا ...



وصلتوا الناس لمرحلة الجنون السياسى بما قدمتك ايديكم فلا تلوموا إلا أنفسكم .



ودا مش كلامى انا لوحدى يعنى ..ناس كتير محسوبة على التيار الاسلامى زعلت جدا م اللى عمله الاخوان

فى موقعة الخرفان أول امبارح !


يمكن الراجل المحترم دا يعبر عن كدا

 

 

[الفتى الطموح]

سؤال قانونى واحتاج لاجابة هو لو ثبت قضية فساد على النائب العام ايه الموقف فى الحاله ده , اكيد اللى سكت على تزوير انتخابات 2010 والى كان بلاعة وسخه لافعال مبارك وحاشيته عنده من الفساد ما يدينه
السؤال التانى مش بيقولوا انا النائب العام محامى الشعب , طيب لو الشعب مش عاوزه , اكيد شوية المطبلاتيه اللى حوليه خايفين على نفسهم ان وقع يتكشوفوا سواء من القضاة الفاسدين او اللى مسمين نفسهم النخبه

 

 

[الفتى الطموح]

الزند عامل مولد هو نسى انه عنده قضيه ولا ايه ولا هو فاكر انه كده هيتنسى , الشعب يريد تطهير القضاة



لما يكون الزند ومرتضى منصور والولية اللى اسمها تهانى من قضاة مصرا اوعى تقولى قضائننا طاهر وتكلمنى عن هيبة القضاء واحترامه

 

 

[أحمد فاروق]

اقتباس المشاركة الأصلية كتبت بواسطة الفتى الطموح سؤال قانونى واحتاج لاجابة هو لو ثبت قضية فساد على النائب العام ايه الموقف فى الحاله ده , اكيد اللى سكت على تزوير انتخابات 2010 والى كان بلاعة وسخه لافعال مبارك وحاشيته عنده من الفساد ما يدينه

أعتقد فيه إجراءات داخلية لحسابه وفق قانون السلطة القضائية. بس مش عارف ايه أقصى عقوبة ممكن يتعرض لها. لو قاض عنده مشكلة في أحكامه، بتكون أقصى عقوبة عدم الصلاحية، يعني مايقعدش على المنصة تاني.

اقتباس المشاركة الأصلية كتبت بواسطة الفتى الطموح السؤال التانى مش بيقولوا انا النائب العام محامى الشعب , طيب لو الشعب مش عاوزه , اكيد شوية المطبلاتيه اللى حوليه خايفين على نفسهم ان وقع يتكشوفوا سواء من القضاة الفاسدين او اللى مسمين نفسهم النخبه

ماهو الشعب مش عاوزه دي مش في القانون (اللي وضعه الشعب نفسه). هو الشعب بينتخب رئيس جمهورية والمفروض إنه (الشعب) عارف إن من سلطات رئيس الجمهورية تعيين النائب العام، وبالتالي انتخابه لشخص معين كرئيس جمهورية فيه موافقة ضمنية على اختياره لشخص معين في منصب النائب العام في إطار الضوابط اللي وضعها القانون اللي واضعه الشعب نفسه ممثلاً في نوابه في البرلمان. بعد كده بقى الرئيس اختار واحد وحش، الشعب مالوش كلمة هنا. الشعب انتخب الرئيس وهو عارف إنه من صلاحياته اختيار النائب العام. لكن الشعب له كلمة بعدين بعدم انتخاب رئيس الجمهورية ده تاني. ده شبه اختيار رئيس الجمهورية لرئيس وزراء، لكن الفرق إن ممكن رئيس الجمهورية يقيل رئيس الوزراء لأنه من نفس السلطة التنفيذية. النائب العام محصن ضد الإقالة لأن ده تحصين لاستقلال السلطة القضائية عن السلطة التنفيذية (أو التشريعية لو فكرنا في إعطاء البرلمان صلاحية إقالة النائب العام مباشرة دون تشريع). وده يشبه تحصين أحكام القضاء مهما كانت، فلا تستطيع أي سلطة في الدولة تعديل حكم قضائي نهائي مهما كان القاضي اللي أصدره، ومهما كان الحكم نفسه. ده استقلال السلطات.

 

 

[arwa ahmed]

ياجماعة انتو موش فاهمين
القضاء عاوز يستقل بفساده عن اي شائبة من الطهارة يمكن ان تشوبه
يعني يبقى فاسد ميه في الميه
فساد نقي حر خالص
موش فساد تايواني مضروب
يامصر
ياام الاصالة

 

 

[savary]

صفحات الإخوان و قنواتهم التلفزيونيه نازلين شتيمه في البرادعي بتقول هو السبب في بقاء النائب العام O_o
-----
كم انت عظيما يا بوب !
لا رئيس دولة ولا وزير حته و بيشيل و يعين مسئولين بالدولة ^_^

منقول

 

 

[savary]

بعد ما اشوف الفيديو دا

https://www.youtube.com/watch?feature...v=b85EX71uGoM#!


ابقى شمتان قوى فى الاخوان و فى مرسى

وابقى فرحان قوى ان النائم العام اداله على قفاه

حتى وانا عارف ان النائب العام دا حرامى و فاسد و لص

بس مش مشكلة ...اى حد يدى البلطجية دول على قفاهم ....هبقى معاه

وهبقى فرحان قوى لو اى حد اداله على قفاه :-)

زى ما كنت بحس تجاه الحزب الوطنى و حسنى مبارك بالظبط .



ادووووووووووووووووله على قفااااااااااااااااااه

ادوووووووووووووووووله يقول ما اخدتش ...تدوله تانى !


الدبة قتلت صاحبها والله

اللى عمله عصام العريان وغزلان و انهم نزلوا الاخوان فى موقعة الخرفان

خلوا ناس كتير قوى تكره مرسى ..وتحس ان نظام مبارك هوا اللى بيحكم مصر

مع ان الراجل مش بالسوء دا ابدا

بس الدبة قتلت صاحبها !!