الميديكال والتدخين هل حد عنده فكره ؟

[kaza]

الصحف المصرية والعربية

عاوز اسأل هل حد بيدخن Heavy Smoking و عمل المديكال ( الاشعة ) و كان فيه تخوف من الموضوع ؟
و هل اساسا التدخين له علاقة بالكشف اللي بيعملوه ولا اللي المطلوب من الاشعة شيء تاني ؟

كمان بالنسبة لتحليل الدم يعني لو فيه حاجات low و حاجات هاي ايه اللي ممكن يأثر ؟

وايه هي تحاليل الدم المطلوبة ؟ CBC ولا lipid profile ولا Renal ولا ايه بالظبط ؟
وفي عينة البول بيدوروا على ايه ؟

انا حابب اعمل التحاليل عشان اتأكد ان ان شاء الله كل شيء تمام احتياااااطي اكون متأهب للحظة اللي هيطلبوا مني المديكال فيها :)
فحابب تذكروا ليه ايه هي التحاليل و الكشوفات اللي كانت مطلوبة منكم بالزبط بالاضافة
++ مين عمل المديكال بالكويت ورحتوا عند مين ؟ اي دكتور ؟

 

[um omar]

هو للأسف انا معلوماتي مش دقيقه لأني نسيت بس هعصر مخي وافتكر
انا جوزي برضو smoker بس مشheavy بس ولله الحمد عمل الآشعه ومفيش حاجه وتقريبا والله اعلم هما بيدوروا علي .... الله أكبر لأننا نعرف ناس كتير مدخنين وعدوا( بس ده مش اعلان سجاير واحنا مبنشجعش حد علي انه يدخن هههه)
بس واللي أذكره الآشعه وقياس الضغط والوزن والطول والنظر وكشف الباطني انما التحاليل للأسف مش عارفه فيها ايه والطفل كشف باطني فقط
وانا تقريبا كنت متوتره وضغطي علي وعادولي قياس الضغط تاني وطلع تمام
واللي فهمته ان التركيز دائما بيكون علي الامراض الصعبه لأن زميلتي في الشغل لبنانيه واترفضت عشان جوزها عنده القلب
واعتقد في لسته بالاطباء ال authorized علي موقع الهجره ال معرفش ممكن سيادتك تسأل قبل المديكال ايه المطلوب وتعمل عليه practice

 

 

[um omar]

https://www.cic.gc.ca/english/informa...exams-perm.asp

 

 

[أدهم الشرقاوى]

الميديكال من الألف إلى الياء: مشاركة عضو فاضل مش فاكر إسمه:
=====================================

- طلبوا مني الكشف الطبي من خلال رسالة علي الايميل وليس عن طريق الهاتف كما كنت اتوقع وكان الايميل يحوي ثلاثة اشياء:

1. الابليكيشن بنتاع طلب الاقامة الدائمة و الابليكيشن الخاص بالاقرار محدثين بالانشطة التي قمت بها خلال هذه التسعة اشهر.
2. شهادة اتمام كورسات اللغة الفرنسية.
3. جواز السفر ، ان لم اكن في حاجة اليه خلال الشهرين القادمين.

مع التنبيه علي ان ارسال جواز السفر يكون عن طريق البريد السريع الخاص مثل DHL or TNT or Aramex وفي اي يوم خميس من الساعة 8:30 الي الساعة 10:00 صباحا

كما نص الايميل علي ان اوراق الكشف الطبي جاهزة للالتقاط عن طريق البريد السريع الخاص مثل DHL or TNT or Aramex في اي يوم خميس من الساعة 8:30 الي الساعة 10:00 صباحا ولان امس الخميس كان عيد العمال فسوف انتظر للخميس القادم حتي احصل علي تعليمات الكشف الطبي.

- عند عمل الفحص الطبي أن تعلم أن الطبيب الفاحص راح يعمل ويسأل عن الآتي :

1. العمليات الجراحية التي أجريتومها أنت وجميع افراد عائلتك طوال حياتك ومتى؟ أو هل نمت في مستشفى لأي سبب من الأسباب ؟ وفي أي مستشفى ؟ والمكان؟
2. الطبيب راح يسألك عن أي أعتلالات صحية مرت في حياتك وخاصة مايتعلق بامراض القلب والصدر ؟ وسيسأل عن الأمراض المزمنة / لاسمح الله / الضغط أو السكر وغيرها / وعن الأدوية التي تأخذونها بشكل دائمي ، وراح يطلب أسماء الأدوية والجرعات التي تأخذها ...
3. وأحياناً الطبيب يطلب منك وصفات الأطباء الي راجعتهم خلال السنوات الأخيرة أو أي تقارير طبية موجودة ، أذا كانت هناك مراجعات..
4. بعدها يجري الطبيب كشف ومعاينة للصدر والبطن والظهر ومن ثم يجري فحص للأطراف بتحريكها الى الأعلى والأسفل والضغط عليها، و من ثم راح يقيس ضغط الدم .
5. قياس الوزن والطول لكل فرد .
6. بعدها يتم فحص النظر بواسطة مختص في العيادة .
7. سحب الدم للكبار / لأجراء فحص الدم / لمن أكثر من أثني عشر سنة ..
8. فحص ( البول ) للجميع حتى الأطفال والرضع..
9. أشعة للصدر فقط للذين أعمارهم أكثر من أثني عشر سنة ..

- ويجب اصطحاب معك الى الفحص : أوراق الفحص الطبي الخاص بكندا / جوازات السفر كل أفراد العائلة / وعدد من الصور الشخصية الحديثة

- الطبيب الي يجري الفحص الطبي بيسأل على كل حاجة لصاحب الطلب وجميع أفراد عائلته و كل ما يتعلق بوضعه الصحي والأدوية الي بتاخذوها ومن ثم يجري الفحص الطبي السريري عليهم واحد واحد ، وثم يجري التحاليل بواسطة مختبرات متخصصة وراح يطلب أي تقارير طبية عن الحالة الصحية أذا كانت موجودة ...

- أنا الي سمعتوا من الطبيب مدير مركز الفحص ، قال لي بالنص : إلي يفشل بالفحص بالغالب الي يعاني من أمراض التدرن / الصدر / بالدجة الأساس وأمراض الكبد الفايروسي الوبائي، ولو لاسمح الله طلع أي حد بالعائلة فيه أحد هذه الأمراض يجب أن يتعالج ويشفى منه مية بالمئة منها قبل الحصول على الموافقة الطبية وباقي الأمراض مش عارف شو وضعها عندهم بس ألي فهمتوا منه / أنهم يفضلوا الشخص الي يروح عندهم يكون مشافى ومعافى ، وهذا مهم جداً بالنسبة لكندا للحفاظ على مجتمعهم ..

10. كشف سريري للجميع.
11. تحليل بول للجميع ماعدا البيبي.
12. تحليل دم للزوج و الزوجه فقط.
13. اشعه على الصدر لكل من تخطى 10 سنوات.
14. بالإضافه للأسئله على التاريخ المرضي للجميع.

- يقوم الطبيب بإرسال النتايج بالأرامكس (على حسابك طبعا) الى لندن في حالتنا و حسب المتبع تقوم الاداره الكنديه بطلب الباسبورات لوضع الفيزا عليها في خلال 10 الى 12 اسبوع.
- بعد ان استملت خطاب الكشف الطبي عن طريق ارامكس لقيت جواه ورقة الكشف الطبي و مدبس فيها ظرف داخلي مغلق مكتوب في الجواب ان علي التوجه لاي طبيب من الموجودة اسمائهم في الورقة الثانية لعمل الكشف الطبي في خلال شهر من تاريخ كتابة الخطاب وانه يجب تسليم الظرف المرفق مغلقا كما هو الي الطبيب وان لا يتم فتحه الا بمعرفته وان الطبيب سوف يرسل نتائج الكشف و التحاليل الي مكتب لندن و الذي بدوره سيرسل النتيجة النهائية الي السفارة بالقاهرة .
- كما ذكر الخطاب ان الطبيب غير مصرح له بذكر اي معلومات للمهاجر و ان لا يجب مراجعته في ذلك وبناء علي ما تقدم ذهبت لاحد الاطباء الموجودين و عملت الكشف الطبي و سوف اذكر التفاصيل لاحقا.
- الجميل بقي انه كان مع خطاب الكشف الطبي خطاب اخر لطلب دفع رسوم الاقامة الدائمة حيث ذكر الخطاب ان تم وصول الملف الي مرحلة يتوقف فيها اصدار التاشيرة علي دفع رسوم الاقامة الدائمة وهي 490 دولا كندي " او 2790 جنيه في سيتي بنك " للمتقدم الرئيسي و زوجته و لاطافله الاكثر من 22 عام وتسليم الشيك البنكي و ثلاثة نسخ منه الي السفارة يوم الخميس من الساعة 10 الي 12 ظهرا.

- اسماء الاطباء المعتمدين من السفارة و عناوينهم و ارقام تليفوناتهم موجودة علي الموقع وهم اربعة اطباء في القاهرة واثنين في الاسكندرية .
- تكاليف الكشف الطبي لكل فرد اكبر من 11 عام تتكلف تقريبا 500 جنيه ( لانه يوجد اختلاف بسيط فيما بينهم )
- ذهبت لاحدهم بعد تحديد ميعاد معه بالتليفون وطلب مني احضار جواز السفر و صورتين شخصيتين و خطاب السفارة المغلق استقبلني السكرتير و اخذ مني الورق و فتح الظرف مع اني قلت له انه المفروض يتم فتحة عن طريق الطبيب وبعدين اعطاني فكرة عن ما سيحدث بالداخل و ما علي فعله بعد ذلك في التحيل و الاشعة دخلت للطبيب فكانت معاملته راقية وقال لي انه سيسالني في البداية اسئلة روتينية يسالها للجميع وهي اسئلة خاصة بالتاريخ المرضي لي يعني هل اصبت من قبل باي مشاكل في القلب او الصدر او الكلية او صبت بالسكر او فيروس الكبد ؟ هل قمت باي عمليات جراحية من قبل ؟ هل اتناول حاليا اي ادوية بصفة مستمرة ؟ هل اعاني من مشاكل في الظهر او المفاصل ؟ هل هذه اول مرة اقدم فيها للهجرة الي كندا ؟ بعد كده تم عمل كشف عادي جدا بالسماعة وتم قياس ضغط الدم و الطول و الوزن واخيرا تم قياس النظر علي اللوحة وبعدين خلاص شكرا و مع السلامة .

- بعد كده ذهبت لمعمل التحاليل الطبية ومعي ظرف منه للمعمل وبعد رؤية جواز السفر تم اخذ عينة دم و عينة بول وخلاص مع السلامة واخير ذهبت لطبيب الاشعة وعملت اشعة اكس علي الصدر وبرضه مع ظرف من الطبيب و بعد ان تم رؤية الجواز" شد نفس عميييق و اكتمه ثواني و خلاص " وبس خلاص مع الف سلامة .

- الميديكال للحامل:
- لو جالك الميديكال و كنتي في الشهر السادس او التامن ممكن تعملي الميديكال بس على مسؤوليتك الشخصية و تسافري على طول اول ما تجيلك الفيزا و ان شاء الله تولدي هناك.

- لو عايزة تولدي في مصر يبقى بتنتظري تولدي و بعدين بصورة جواز سفر المولود الجديد المنفصل اللي حتعمليهوله و اصل مترجم لشهادة ميلاده و شيك فلوس كيبيك 150 دولار تبعتي للمستشار بتاع الهجرة اللي قابلك و يبعتله سي اس كيو و تدفعيله برضه شيك فيدرال 150 دولار و يتضاف على ملفك الفيدرال و يطلعله فيزا زيكم و يسافر معاكم عادي.

- لو جالك و انت في السابع او التاسع ممكن الدكتور يعديها و مكن لأ لان الوقت ده خطر و ممكن تولدي فيه و حتى لو جاتلك الفيز ممكن الطيران ما يرضوش يحجزولك علشان حامل في وقت خطر و ربنا معاكي.

- طبعا الميديكال قبل المواعيد دي عادي ما فيش حاجة حتتصرفي طبيعي بس طبعا حسب راي الدكتور لانك بتعملي اشعة على الصدر و اكس راي فممكن يكون وحش للجنين و مممكن لأ فيه ناس عملت الاشعة و الحمد لله ما حصلش حاجة

- صلاحية جواب الميديكال شهر من تاريخ إرساله ليك سواء كان إيميل أو بريد عادى يعنى لازم تعمل الميديكال فى خلال شهر و ممكن تقعد سنة كحد أقصى بين الميديكال و إرسال الجوازات لطبع الفيزا.

- عيادة صبرى غالى كويسة و نضيفة و سريعة و محترمين.

 

 

[um omar]

ودول اللي في الكويت
https://www.cic.gc.ca/dmp-md/medicali...tryName=Kuwait

 

 

[دون كاملو]

طيب بالنسبة لضغط الدم - يعنى مثلا انا ضغطى مظبوط 120 / 80 بالادوية فهل لو سالنى عن اى امراض مزمنة او اى ادوية باخدها بانتظام اقول اية ؟؟ خايف اقول نعم الموضوع يتعطل و خايف اقول لأ و الموضوع ينكشف فى تحاليل الدم يبقى شكلى وحش و ممكن بعد لما اسافر يحصل مشاكل مع التامين الطبى بسبب انى مئولتش الحقيقة

أعمل ايـــــــــــــــــــــــــــه ؟ ؟

 

 

[drTOTA]

تحليل الدم فى الامارات كان للكشف عن AIDS و syphilis ربما بتخلتف من بلد لبلد,,,الله اعلم ,,,يعني يمكن فى مصر يكون فى تحليل للكبدي سي مثلا,,على اعتبار انه متوطن فى مصر,,,,بالنسبه للتدخين فى حد ذاته مالوش دخل بالموضوع,,,,

 

 

[hesham_noaman]

اقتباس المشاركة الأصلية كتبت بواسطة دون كاملو طيب بالنسبة لضغط الدم - يعنى مثلا انا ضغطى مظبوط 120 / 80 بالادوية فهل لو سالنى عن اى امراض مزمنة او اى ادوية باخدها بانتظام اقول اية ؟؟ خايف اقول نعم الموضوع يتعطل و خايف اقول لأ و الموضوع ينكشف فى تحاليل الدم يبقى شكلى وحش و ممكن بعد لما اسافر يحصل مشاكل مع التامين الطبى بسبب انى مئولتش الحقيقة أعمل ايـــــــــــــــــــــــــــه ؟ ؟

شوف أنا طبيب وتصورى الشخصى ان المطلوب من الميديكال هل أنت مؤهل لأخذ التأشيرة أم لا
لما الراجل ييجى يسألك عن الأمراض المزمنة الضغط ولا حاجة قول ليه قيس الضغط
وتكون وقتها واخد دواك ومضبط نفسك
فبالتالى الطبيب صعب يعرف كل اللى هيعمله هيقيس ضغطك ويقول ليك مضبوط وخلصنا ماتعملهاش مشكلة

 

 

[Le Roi]

موضوع فعلا هام جدا لكل المنتظرين ياريت كل الي عمل الميديكال يحكي هنا الي حصل معاه
تحياتي

 

 

[kaza]

شكرا ليكوا كلكوا بدوووون استثناء على تفاعلكم :)