مصري طرق باب كويتي: «طالب القرب منك يا باشا»

[الأهلاوي الأصيل]

الصحف المصرية والعربية

الترجمة: ده جاي يتجوز وحصل فيه كده ، أمال لو كانوا مسكوه بيعاكس بنتهم كان حصل فيه إيه؟

اقتباس المشاركة الأصلية كتبت بواسطة maksoof يعنى إيه؟

 

 

[شينكاوي]

طبعاً غلطان لأن مفيش حد بيروح يتقدم لواحدة بالطريقة دي سواء في مصر او في الكويت , اما أهل العروس فأقل ما يقال عنهم أنهم ناس لا عندهم ذوق ولا إحترام , لي تعليق علي كلام زناتي الكويتي من أشد الناس عنصرية والعنصرية دي مش بس بينهم وبين الاجنبي لأ دي موجودة بينهم ولكن في نفس الوقت نسبة كبيرة منهم ناس محترمين جداً وبيتعاملوا مع الناس بإحترام , المجتمع الكويتي من اكثر المجتمعات العربية المنتشر فيها الطلاق والسبب الست وانا بقول للأخ اللي كان رايح يتجوز دا والله يا ابني ربنا رحمك ومكنتش هتقدر تصد وكانت هتقرفك في عيشتك وتكرهك في ام الحياة وسيبك من طن المكياج والبرفانات والسينيهات لأن دا كله بيروح لما تتعامل فيس تو فيس الا من رحم ربي , بخصوص الموضوع انا لي صديق مصري السنة اللي فاتت متزوج من كويتية وربنا اكرمه بطفل من كم يوم فدا شئ مش غريب يعني لكن بعض العائلات ترفض تزوييج بناتها ممن يحمل جنسية غير جنسية الكويت وكمان بعض العائلات ترفض تزوييج بناتها من عائلات اخري معينة داخل البلد .

 

 

[sincere]

بصراحة أول ما قرأت الخبر حسيت إن الشاب مش ممكن يتقدم إلا لو مالي إيده من البنت
يعني ما أجرمش و هو أكيد أحسن منها و من أهلها
و بكره نقرأ خبر تاني

كويتية تهرب مع شاب مصري بعد رفض أهلها تزويجها له

 

 

[Matrix]

دعوه لموضوعي

أطلق العنان لمشاعرك ، كن إنسان.

عنجهية وعنصرية متخلفة
كان فيها أيه لو قاله : يا أبني أنت أنسان كويس ولطيف وكل حاجة
بس أحنا عندنا عادات وتقاليد مختلفة ولا نحب تزويج بناتنا خارج نطاق العائلة مثلا.

أو حتى كان رفض بشكل مباشر ومش مهم يجرح مشاعره.

لكن التصرف بهكذا طريقة هو شئ خارج حدود تصرفات البشر.

الولد ده بصراحه كان المفروض يقولهم ...........................
ولا بلاش ده أنا لسه جديد في المنتدى ومش عاوز أعك.

 

 

[elhag]

هقول ايه بس المصري مهان في بلده وبره بلده

 

 

[!! Lidooooo !!]

اقتباس المشاركة الأصلية كتبت بواسطة elhag هقول ايه بس المصري مهان في بلده وبره بلده

لا اطمن .. المصري مش هيكون مهان لا في بلده ولا برة بلده

ولعلها فرصة لنسف هذه العبارة المقيتة عن هوان المصري


كذلك نسف عبارة: يا باشا و يابرنس الى آخره من ميراث وحثالات العهد البائد

 

 

[dede_alkady]

معرفشى ليه انا مش مستغربه من اللى حصل
لانه لو هو برضووو اتقدم الى اى بنت فى دول الخليج
او اتقدم الى بنت من العرب او القبائل اللى عندنا فى مصر هيحصله نفس الحصل
عارفه انه سلوك غير انسانى بس خاطبو الناس على قدر عقولهم
هما تفكرهم كده مش علشان بشوات لا
زمن البشا انتهى بس لكل عيله عاداتها وتقاليدهاا اللى بتتحكم بيها

 

 

[ايهاب المصرى]

سلام عليكم يا حضرات انا جديد فى المنتدى وكنت ماشى من هنا وقرات المداخلة دى واسمحوا لى اضيف ان المصرى اصبح مضرب المثل فى جميع دول العالم كرمز للمهانة والذل والضرب بالقباقيب وده كان راجع للنظام الحقير الذى كان يحكم مصر
الان يمكن ان يكون فيه تغيير ولكن اللى مثلى هيحس بيه لاننا الجيل الحالى (40سنة ) بعد حصولنا على المؤهل العالى وخرجنا الى سوق العمل والحياة شوفنا المر واتكلم عن نفسى لاكثر من 17 سنة وانا اعانى من الكوسة والواسطة ويمكن انا احسن من غيرى الحمد لله

 

 

[كرم احمد]

فى اروبا وامريكا اكيد بقى فية احترام للمصرى بس عند العرب كل اللى هيتغير الحقد هيزيد

 

 

[بعثرة أوراق]

آنأ مش مصريه

هو الغلط في ردت فعلهم

جاوبوه بالرفض وخلاص

وش دعوه المخفر

وعادات كل بلد تختلف عن بلد
بس الاحترام ما يتغير ..

وكل انسان حسب عقليته وتربيته

...