أنا وأنتم ....وتورونتو

[Sweet Heart]

الصحف المصرية والعربية

اقتباس المشاركة الأصلية كتبت بواسطة Dr. Ahmad الدراسة للمهاجرين نوعين ... النوع الاول ... اسمه graduate study ... او post graduate study ... يعني الماجيستير او الدكتوراة او post graduate diploma ... ودول مشروحين بالتفصيل الممل في موضوع الدكتور احمد سيف والمهندس سلامة طارق .. النوع التاني undergraduate study ... يعتبر مؤهلا لسوق العمل أكثر من ال graduate study ... وهو ينقسم لنوعين ... دراسة في college ... ودراسة في university ... بصفة عامة ... ال university ... أقوى من ال college ... الا لو هيكون البرنامج في الcollege .. اربع سنين ... ناخدهم واحدة واحدة ... الدراسة في ال college ... أول خطوة بتعملها ياريس هو انك تشوف انت عايز تدرس ايه ... وهتدرسه فين ... بتشوف الكلام ده كله من على الموقع بتاع ontariocolleges.ca .... كل البرامج بتبدأ الدراسة فيها في شهر سبتمبر ... وبعض البرامج بتبدأ في يناير ... و مايو .... اول خطوة بتعملها في التسجيل هو انك تعمل ابليكيشن على نفس الموقع السابق ... بتختار 5 برامج في الابليكيشن الواحد ... وما ينفعش تختار أكثر من 3 برامج في كلية واحدة ... بتدفع مصاريف الابليكيشن بعد ما بتسجل بياناتك ... من اسم وعنوان .. الخ ... وبتكون المصاريف دي 95 دولار ... بعد كده الموقع ذات نفسه هيسألك ..لو عندك شهادات عايز تضيفها على الابليكيشن ولا لأ ... يعني لو عايز تضيف شهادة الثانوية أو شهادة البكالريوس أو شهادة الايلتس او التوفل ... طبعا بتجاوب على حسب متطلبات ال admission بتاع كل برنامج زي ما هنشوف بعد شوية ... الشهادات بتاعة الثانوية أو البكالريوس بتاعك بتكون في صورة " بيان الدرجات " ... لو اخترت انك تضيف الشهادتين دول .. الموقع هيخيرك .. بين هيئتين ترسلهم الشهادات علشان يتأكدوا من صحتها .. WES أو ICAS .. بتدفع لهم الرسوم .. وبعدين تنتظر من اسبوع الى 3 اسابيع لغاية ما يبعتولك تقرير بنتيجة التحقق من صحة الشهادات ... تروح باعت التقرير على ontariocollege.ca ... او هما هيبعتوه على هناك علطول حسب رغبتك ... بالنسبة للانجليزي ... مش محتاج انك تقيم الشهادات بتاعة الايلتس او بتاعة التوفل ...مجرد انك تبعت صورة من شهادة الايلتس لل ocas ... وخلاص ... ال Ocas .... أو ontario college application service ... اللي هو نفس الموقع اللي انت عملت فيه الابليكيشن ... هيديك رقم في ساعتها ... خليه معاك ... وهيقوم مراسل الكليات اللي انت اخترتها ... وبكدة تكون خلصت المرحلة الاولى من التسجيل ...

كفيت ووفيت وتسلم يدك، شرحك د. أحمد ولا أروع ومفيش بعد كده كلام، وأستمتع بكل ما تخطه يداك. تمنياتي لك بالتوفيق.

 

 

[تووت]

اقتباس المشاركة الأصلية كتبت بواسطة أكسيلانس حسب معلوماتي أن الكنيسه المصريه بتعتبرهم كفار - لان لهم افكار و معتقدات تخالف الديانه المسيحيه تماما هل ده صحيح !! و بعدين هما ليه منتشرين قوي كده - يعني هل الطائفه ديه - تعبر عن فكر غربي أو أكثر تحررا مثلا - و لا أيه - لان سمعت من زملاء مسيحين أنهم موجودين في مصر أيضا - و كانوا بيدخلوا بيوت ناس مسيحين كتير و يحاولوا معاهم و كلام شبه كلام تامر ؟!

الكنيسة المصرية مش بتعترف بيهم طبعا ، لأنهم يعتبروا بعاد جدا عن تعاليم الكنيسة.

موضوع الذهاب للبيوت دا جاي من اعتقادهم بأن التبشير واجب على كل شهود يهوه ، بمعنى انهم لازم ينقلوا فهمهم للكتاب المقدس لجميع البشر.

زي في طائفة محسوبة على المسلمين... اسمهم "الأحمديون" موجودين في الهند وباكستان...

ناس ذوق ذوق ذوق الصراحة
مؤمنيين ان المهدي المنتظر جه خلاص... لأ ومات كمان...

وان البشمهندس ده هو المهدي:


الباشا اللي فوق ده... اعلن سنة 1890 انه هو المهدي المنتظر ... وربنا بعته كده خلاص...
وان يا جماعة المسألة مسألة وقت

الشيئ بالشيئ يذكر!
الأحمديون مؤمنون جدا جدا بضرورة أن يضم كل "أحمدي" محترم.. واحد على الأقل سنويا للطائفة بتاعتهم.

عشان كده ... تيجي تسلم على أي واحد منهم...
يقوم قايلك... باشا.. صباح الفل..
انت عارف ان المهدي جه ومات ، ولا ناوي تقضيها في جهنم




البيه اللي في الصورة الصغيورة دا.. خامس واحد بعد الباشا الكبير...

وانا بصراحة اللي فارق معايا في كل الحكايات دي
الورق والمطبوعات والدوريات اللي بتترمي على الأرض دي كلها!

تامر

وبكده نبقى خرجنا عن موضوع التوبيك رسمي... اللي عايز يمسح يمسح

 

 

[Dr. Ahmad]

اقتباس المشاركة الأصلية كتبت بواسطة مهندس وسيم ههههههههههههههههههههههههههههههههههههههههه جامدة جامدة يا دكتوررررررررررررر مقدرتش امسك نفسي من الضحك لما قريتها ................... المصريات زي العسل يا راجل

يا نهار ازرق ... انت بروزتها ... ده انا كنت مخبيها في وسط الكلام ... طبعا يا عم المصريات زي العسل ... في حد يجرأ يقول غير كده ...

اقتباس المشاركة الأصلية كتبت بواسطة samurad انت كاتب كلام حلو قوى ... بس ممكن تدلنى على مشاركة الدكتور احمد سيف والمهندس سلامة طارق لانى عايز اقراهم ومش لاقيهم ؟؟ وفاصل ونواصل

في موضوع اسمه الدراسات العليا في كندا ..(أفضل موضوع لشهر اغسطس )..

اقتباس المشاركة الأصلية كتبت بواسطة samurad د احمد معلهش لى كذا استفسار بعد اذنك 1- واضح انه لو حنقدم على undergraduate study , تبقى شهادة البكالريوس ملهاش لازمه؟ لانهم حيقيموا شهادة الثانويه بس وله ايه ؟ 2- نفترض انك راسلت جامعة مباشرة وبعتلهم ورقك وقبلوك مبدئيا .. ومطلبوش منك الايلتس ولا غيرة على اساس ان خبرتك عجبتهم وان سنوات درستك كانت بالانجليزى بس مثلا طلبوا منك امتحان جيمات بس .. هل برضه لازم نقدم عن طريق موقع OCAS ؟ وله ممكن مننا للجامعة مباشرة ؟ ولو الدراسة دى بتدعم من الاوساب .. بيكون ايه النظام ؟ 3- لو محطناش صورة الايلتس على موقع OCAS ... واكتفينا بشهادات التخرج او الثانوية هل ممكن الجامعة تستبعدنا وله لازم حيتصلوا بينا ويطلبوا نروح نمتحن انجليزى عندهم ؟ شكرا ياريس

اول سؤال ... كلام سليم .. الا لو عايز تطلب كريديت ... او هتقدم على fast track
ثاني سؤال ... احنا لسه ما اتكلمناش على الجامعات ... كل الكلام على الكليات ... انت مابتراسلش الكليات الا عن طريق الocas .. الا لو هتطلب كريديت ... وده بيكون بعد ال admission ...
في معاهد خاصة .. مالهاش لازمة بصراحة ... الا لو عايز ترمي فلوسك في الهوا ...
ثالث سؤال ... الانجليزي شرط لابد منه ... لا يمكن الاستغناء عنه في الغالب ... الاستثناء ممكن يكون لو انت دارس انجليزي كمادة دراسية في احد الدول اللي الانجليزي فيها بيعتبر لغة اولى ... وممكن المعاهد الخاصة تتغاضى عنه عشان خاطر فلوسك ...
بالنسبة لباقي السؤال ... فده زي ماقلنا قبل كده ... لو البرنامج ما عليهوش اقبال كتير ... الكلية هتبعتلك reminder .. بالحاجات اللي ناقصاك ... برضه كل كلية ونظامها ...

اقتباس المشاركة الأصلية كتبت بواسطة Ehab Salem Most probably jehovah witness https://en.wikipedia.org/wiki/Jehovah's_Witnesses https://ar.wikipedia.org/wiki/%D8%B4%...87%D9%88%D9%87 They always knock on our door

مش شهود يهواه يا بشمهندس ... دول اسمهم كان بيبدأ ب ASSAB ... وبعدين حاجات كتير كده ... وفي الاخر sisters and brothers ... ممكن يكون حسب الله الكفراوي ... وكانوا لابسين ازرق في ازرق ..

اقتباس المشاركة الأصلية كتبت بواسطة Sweet Heart كفيت ووفيت وتسلم يدك، شرحك د. أحمد ولا أروع ومفيش بعد كده كلام، وأستمتع بكل ما تخطه يداك. تمنياتي لك بالتوفيق.

شكرا يا دكتوره ... الكلام الجامد ده احنا مش قده ... الشكر لحضرتك يا فندم ...[/SIZE]

 

 

[Dr. Ahmad]

اقتباس المشاركة الأصلية كتبت بواسطة OmarDent تسلم ايدك يا دوك أنا كنت عاوز اخد رأيك في موضوع السكن لأني ان شاء الله نازل كالجاري في يناير و بفكر أشوف حاجة Shared زي ما انت عامل ... انت ايه رأيك ؟ كدة أحسن و لا أشوف Bachelor مثلا ؟؟ عاوز تقييمك للتجربة ككل

شوف يا عمر بيه ... انا اولا مش متأكد انت نازل ان شاء الله فين ... بس أعتقد انها البرتا لو ماكنتش غلطان ... ال bachelor ... صعب انك تلاقيه على النت وانت في مصر في تورونتو ... غالبا بيطلبوا ضامن او تدفع مقدم ... ده غير انه غالبا برضه لو لاقيت ... هيكون من غير عفش ... ومن غير انترنت ... احيانا بتلاقي حاجات كده شاذة عن القاعدة ... ان يكون واحد مثلا قاعد في bachelor ... ويروح مجأرهولك بالعفش بتاعه من الباطن ... بس دي عايزة حظ عالي أوي ... الانسب لك انك تنزل على غرفة ... سواء في شقة ... في بيت ... في فندق ... حسب امكانياتك ... ولما توصل بالسلامة ابقى دور براحتك ... في ناس بتأجر كل شهر بشهره ... يعني ممكن تخلع منهم علطول ... بس برضه عايزين تدوير شويتين وانت وحظك ... موضوع الناس اللي هتسكن معاهم ده بقى انت وحظك ... ياما يكونوا على هواك او لأ ... بس انت طالما مسافر لوحدك في الأول ... يبقى ما تحطش الموضوع في دماغك ... فترة مؤقتة والسلام ...

اقتباس المشاركة الأصلية كتبت بواسطة تووت

والله يا تامر باشا .. متشكر قوي انك عرفتني على أحمد الكبير قوي ... اهو برضه الواحد يبقى على بينة ...

 

 

[Dr. Ahmad]

بالنسبة للتسجيل في الجامعات في اونتاريو ... الموضوع بيبدأ بعمل ابليكيشن على موقع ال ouac ....
ouac.on.ca ... بالنسبة للمهاجرين ... بتختار ابليكيشن 105D ... بتسجل برضه بياناتك ... وبتختار تلات اختيارات ... وبتدفع 210 دولار ثمن الابليكيشن ... وبعدين بيدولك رقم ... خليه معاك .... ال ouac ... بيبعت اختياراتك للجامعة اللي انت عايزها .... بتبدأ الجامعات اللي انت اخترتها تبعتلك جوابات تشكرك فيها على انك قدمت لهم وكلام ضحك على الدقون ... وفي جامعات هتعزمك على حفلات تعارف في الجامعة ... وكل جامعة هتبعت لك رقم ... وهنا تنتهي علاقتك بال ouac ... الا لو كنت عايز تغير البرنامج بتاعك او تغير الجامعة قبل ال deadline ...
بتعمل account على موقع الجامعة ... وهتلاقيهم بيبعتولك رسائل على ال account بتاعك على موقع الجامعة من وقت للتاني ... وهيقولولك على المتطلبات بتاعة التسجيل ....

 

 

[Dr. Ahmad]

متطلبات التسجيل في الجامعات تختلف من جامعة لأخرى .. ومن برنامج لبرنامج ... لازم طبعا امتحان انجليزي ... ودي اول حاجة هيطلبوها منك غالبا ... كل جامعة ليها امتحان انجليزي خاص بها .. وكل برنامج له درجة معينة ... الايلتس والتوفل ... بيتقبلوا في الغالب كبديل عن امتحان الكليات ... بس لازم الشهادة بتاعة الايلتس او التوفل ترسل مباشرة من ال british council ... او ال amideast ...على موقع الجامعة .. ويكتبوا على الظرف رقمك بتاع الجامعة ...او رقم ال ouac .. بتاعك ...
لازم من وقت للتاني تشوف application status بتاعتك على الاكونت بتاعك على موقع الجامعة ...
بعض البرامج في الجامعات ... بتطلب منك كمان انك تبعت لهم ابليكيشن تاني بالاضافة للابليكيشن اللي انت عملته على ال ouac ... وده بتكون كاتب فيه ال cv بتاعك ... و كلمتين حلويين كده عن اسباب اختيارك للبرامج اللي انت عايز تدرسها ... اوما يعرف باسم letter of purpose أوstatement of purpose ... مهمين اوي الكلمتين اللي هتكتبهم دول ...

 

 

[Dr. Ahmad]

باقي متطلبات التسجيل ... على حسب البرنامج ... لو fast track .... هتكون شهادة البكالريوس بتاعتك ... لو برنامج عادي بتكون شهادة الثانوية ... وفي الحالتين ... بيان الدرجات لازم يرسل من الجامعة بتاعتك في بلدك الأم ... لعنوان الجامعة اللي عايز تدرس فيها مباشرة ... وعليها برضه الرقم بتاعك في الجامعة او رقم الouac ...
لو البرنامج بتاعك يسمح بأنك تقدم ك mature student ... ممكن تمتحن المواد المطلوبة فقط ... لو البرنامج ما يسمحش ... يبقى لا مفر من شهاداتك الاصلية ...
بعض البرامج لا تكتفي بكده وبس ... لأ كمان ممكن يطلبوا انك تعمل interview ... او تكتب essay ... أو portfolio ... او احيانا امتحان قدرات ... بعض البرامج برضه بتطلب منك .. انك تاخد دبلومة في كلية معينة قبل ما تسجل في الجامعة ... كله كلام فارغ وبيعدي ان شاء الله ...
طبعا الشروط كلها لو استوفيتها ... برضه مكانك في الجامعة بيعتمد على المنافسة مع الناس اللي نقدمه معاك ... وربنا معاك ...
بعد ما بيجيلك ال offer of admission ... بتعمل ابليكيشن للاوساب ... وبتروح تدفع مقدم الدراسة في الجامعة ... وتعيش برضه مع الاوساب ... ومع بداية الدراسة في الجامعة ... لو الاوساب ماكنش لسه بعتلك فلوسك ... بتدفع رسوم تأجيل لمصاريف الدراسة والله أعلم ...
حاجة أخيرة ... الدراسة في كل البرامج بتبدأ في شهر سبتمبر ... وتنتهي في شهر ابريل من السنة اللي بعدها .... التقديم بيبدأ من شهر اكتوبر للسنة اللي قبل الدراسة ... وال decision بتاع دخولك الجامعة من عدمه بيتعرف في شهر مارس ...
في برامج بتبدأ في شهر يناير و برامج بتبدأ في شهر مايو ...

 

 

[حرم ولاء]

اقتباس المشاركة الأصلية كتبت بواسطة alexandrienne ل عام وانت بخير يا حرم ولاء

وانتى طيبة يا اليكس وشكرا على الحركات الحلوة دى كل سنة
: apple:

 

 

[Hope]

اقتباس المشاركة الأصلية كتبت بواسطة Dr. Ahmad باقي متطلبات التسجيل ... على حسب البرنامج ... لو fast track .... هتكون شهادة البكالريوس بتاعتك ... لو برنامج عادي بتكون شهادة الثانوية ... وفي الحالتين ... بيان الدرجات لازم يرسل من الجامعة بتاعتك في بلدك الأم ... لعنوان الجامعة اللي عايز تدرس فيها مباشرة ... وعليها برضه الرقم بتاعك في الجامعة او رقم الouac ... لو البرنامج بتاعك يسمح بأنك تقدم ك mature student ... ممكن تمتحن المواد المطلوبة فقط ... لو البرنامج ما يسمحش ... يبقى لا مفر من شهاداتك الاصلية ... بعض البرامج لا تكتفي بكده وبس ... لأ كمان ممكن يطلبوا انك تعمل interview ... او تكتب essay ... أو portfolio ... او احيانا امتحان قدرات ... بعض البرامج برضه بتطلب منك .. انك تاخد دبلومة في كلية معينة قبل ما تسجل في الجامعة ... كله كلام فارغ وبيعدي ان شاء الله ... طبعا الشروط كلها لو استوفيتها ... برضه مكانك في الجامعة بيعتمد على المنافسة مع الناس اللي نقدمه معاك ... وربنا معاك ... بعد ما بيجيلك ال offer of admission ... بتعمل ابليكيشن للاوساب ... وبتروح تدفع مقدم الدراسة في الجامعة ... وتعيش برضه مع الاوساب ... ومع بداية الدراسة في الجامعة ... لو الاوساب ماكنش لسه بعتلك فلوسك ... بتدفع رسوم تأجيل لمصاريف الدراسة والله أعلم ... حاجة أخيرة ... الدراسة في كل البرامج بتبدأ في شهر سبتمبر ... وتنتهي في شهر ابريل من السنة اللي بعدها .... التقديم بيبدأ من شهر اكتوبر للسنة اللي قبل الدراسة ... وال decision بتاع دخولك الجامعة من عدمه بيتعرف في شهر مارس ... في برامج بتبدأ في شهر يناير و برامج بتبدأ في شهر مايو ...

طيب معلش يادكتور احمد ممكن تقولي ايه الفرق بين المنح اللي بتقدمها الجامعات وبين اللي حضرتك قولته؟؟؟يعني هل المنح بتبقى ببلاش؟؟
ولك جزيل الشكر

 

 

[doctor farouk]

جزاك الله خير
معلومات مهمه جدا وهتفيد ناس كتير
جعلها الله في ميزان حسناتك
نفسي اعرف عرفت كل ده منين