رشحوا حشيش أميناً عاماً للأمم المتحدة

[abo_hammad]

الصحف المصرية والعربية

طب و دى من متطلباتها شهادة خبرة بالمهام الوظيفية اللى انت كتبتها يا حشيش و لا ايه ؟

 

 

[أسامة الكباريتي]

ياحيف .. حسافة .. الواحد يروح يدور على خيمة لجوء من بدري ..
أبو كيمون .. بان إنه كان الأوضع "من الوضاعة" .. عالميا ..
والأودع "من الإيداع في جيبه" .. امريكيا ..

والريس أبو الودع حشيشوفيتش بده يبتدي من حيث انحدر كيمون ..
يا ريس مش حتقدر تتدلى للغويط اللي استنقع فيه أبو وش لا تعبير فيه ..

بس حقيقة لقمتها سايحة مش طرية وبس .. وبتعمل فيها سلة عملات ..
طب ما تاخدني مع نزيه .. واحد يشيل لك الشنطة والتاني بيقعد على كرسي متحرك تشحت عليه ..
وهنيالك يا فاعل الخير ..

 

 

[حشيش]

ما تخافوش ... مش ممكن أبداً أنحدر إلى وضاعة بان كى مون ... إحنا حنلبسهم العِمه ونقرطسهم لحد ما نتلايم بس على الدولارات ... وبعد كده فى الخباثة ومن غير ما حد ياخد باله نبعت العمله للظواهرى والبغدادى

حشيش
إرهابى سابق ومسجل خطر

 

 

[دكتور مهندس جمال الشربيني]

دعوه لموضوعي

مستر "عاوز" وأنـــــــــــــــــــــــــا

اقتباس المشاركة الأصلية كتبت بواسطة حشيش أخواتى وأخوتى الأعزاء فكرت طويلاً قبل أن أطلب منكم ملئ نموذج ترشيحى لمنصب الأمين العام للأمم المتحدة خلفاً للسيد Ban Ki Moon وإرساله إلى مقر المنظمة بالولايات المتحدة الأمريكية سبب رغبتى فى الترشح لهذا المنصب الرفيع إنه ممكن يطلع لنا منه لقمة طرية لو ربنا يسرها لى وفُزت وطبعاً حينوبكم من الحب جانب تابعت ماذا يفعل بان كى مون خلال سنوات توليه رئاسة المنظمة وتدربت عليه جيداً ومش ناقص حاجة غير ملئ النموذج لو حصلت أى مصيبة فى أى حتة فى العالم فكل المطلوب منى أن أختار من بين هذه العبارات بعناية: أُعرب عن قلقى أو أُعرب عن أسفى أو أُطالب جميع الأطراف بضبط النفس أو أشجب وأندد وأدين أو أعرب عن خالص التعازى لأسر الضحايا بس كده ... ولايمنى يابا على الدولارات

أنا موافق بشرط
تعييني أمين عام مساعد
لشئون
تحليل المشاكل من جذورها

الطالب السيسي قبل التخرج




الخبير الإستشاري السيسي

 

 

[حشيش]

اقتباس المشاركة الأصلية كتبت بواسطة دكتور مهندس جمال الشربيني أنا موافق بشرط تعييني أمين عام مساعد لشئون تحليل المشاكل من جذورها الطالب السيسي قبل التخرج الخبير الإستشاري السيسي

أنا موافق على جميع شروطك وطلباتك يا دكتور جمال فى مقابل إنك تعمل لى كام صورة فوتوشوب دعائية لتحسين فرصتى فى الفوز بالمنصب الرفيع بدلاً من بان كى مون