خليك ايجابى ووقع على البيان

[HAMOUDI]

الصحف المصرية والعربية

اقتباس المشاركة الأصلية كتبت بواسطة ضبش انا بعتلهم ميل قبل كده واكدولى ان البيانات هتفضل سرية ومش هيتنشر غير الأسم وبعدين خلاص العدد وصل 48500 بنى آدم يعنى البوليس هيضايف مين ولا مين ؟

يعني هاتيجي عليا انا كمان وقعت
تحيا جمهورية مصر العربيه بقوا 48849
بس احب اذكركم انني خارج مصر وبالتالي من هم في الداخل لهم تحيه مزدوجه

 

 

[HAMOUDI]

اقتباس المشاركة الأصلية كتبت بواسطة nash طيب هو أسمنا هايتكتب؟

اقتباس المشاركة الأصلية كتبت بواسطة nash ولو أتقفشنا لا سمح الله مين هايخرجنا وهايعاملونا كويس في أوتيلات الداخليه؟؟

والله ياناش معاملة المعتقلين السياسين الان مختلفه عن الاول بكتير
على فكره لما حد بيدخل التخشيبه الان ومتوصي عليه توصيه مخصوصه وحفاظا عليه من ابو شفه وشفتوره وضـــبـــــش بيحطوه مع المساجين السياسيين

 

 

[dr-amira]

اظن يا ناش انتى شفتى امبارح الضابط كان بيضرب المتظاهرين ازاى قدام تليفزيونات العالم كله .......تخيلى بقى لو انتى فى زنزانه وما فيش تصوير هيضرب ازاى .....شدى حيلك ووقعى....ما تخافيش

 

 

[nash]

اقتباس المشاركة الأصلية كتبت بواسطة dr-amira هى فعلا الفرصة الوحيدة اللى ممكن نعاصرها و اللى نقدر نبص فى عين ولادنا ونقولهم احنا حاولنا

إزاي هه؟
هو هايبأة لسه عندنا عين نبص بيها؟ مش هايكونوا خلعوها يعني؟؟

 

 

[nash]

اقتباس المشاركة الأصلية كتبت بواسطة HAMOUDI والله ياناش معاملة المعتقلين السياسين الان مختلفه عن الاول بكتير على فكره لما حد بيدخل التخشيبه الان ومتوصي عليه توصيه مخصوصه وحفاظا عليه من ابو شفه وشفتوره وضـــبـــــش بيحطوه مع المساجين السياسيين

اقتباس المشاركة الأصلية كتبت بواسطة dr-amira اظن يا ناش انتى شفتى امبارح الضابط كان بيضرب المتظاهرين ازاى قدام تليفزيونات العالم كله .......تخيلى بقى لو انتى فى زنزانه وما فيش تصوير هيضرب ازاى .....شدى حيلك ووقعى....ما تخافيش

أنا هاسيب المداخلتين دول دليل دامغ علي المشاعر العدوانيه تجاة الفاضله ناش

الأخ المشرف بيشجعها علي الإعتراض وبيطمنها بشتي الوسائل الممكنه ..والفاضله الدكتورة أميرة بتشرحلها اللي ممكن تشوفه في أوتيل أمن الدوله الداخلي

بصراحه طلعتوا مطاريد بجد وبحق وحقيقي

 

 

[MFaisal]

اقتباس المشاركة الأصلية كتبت بواسطة HAMOUDI والله ياناش معاملة المعتقلين السياسين الان مختلفه عن الاول بكتير على فكره لما حد بيدخل التخشيبه الان ومتوصي عليه توصيه مخصوصه وحفاظا عليه من ابو شفه وشفتوره وضـــبـــــش بيحطوه مع المساجين السياسيين

تصدق انا لو اسمى الحقيقى ضبش كنت اتمسكت تحرى فى كل حتة اروحها

 

 

[MFaisal]

عدد الموافقين

49073

 

 

[dr-amira]

تحفة التوقيع ده...مفكرنى بفلم عادل امام اللعب مع الكبار



توقيع: ضبش

عزيزى المواطن

من اجل ان نعيش فى زنزانة واحدة

من فضلك وقع على البيان

اذا لم تشارك اليوم فلا تشكو غدا

يا حسن

 

 

[Virus]

يا جماعة معقول لسه مترددين حتى تمضوا البيان وانتوا قاعدين في بيوتكوا قدام الكومبيوتر؟!..أمال لو قالولنا انزلوا شاركوا في ثورة الجماهير (بفرض يعني إنها حصلت) هنعمل إيه..؟؟

فعلا..اللي مش هيشارك بأضعف أضعف الإيمان ده يبقى ميفتحش بؤه أبدا بعد كده...

50 ألف بس وقعوا!!! ده لو المصريين في الخارج بس وقعوا هيوصلو أضعاف كده....شيء محبط جدا..

احنا عايزين نكون إيجابيين بجد ونعمل حاجة قبل ما 2011 تخلص ونلاقي صكوك استعبادنا انتقلت من الأب للابن بسلاسة تامة واحنا قاعدين..

 

 

[dr-amira]

سؤال ....ايه اللى يمنع المصريين بالخارج من التوقيع......؟