الشمال الكندى

[mohsen]

الصحف المصرية والعربية

كنت باتفرج على برنامج فى التليفزيون إسمه Wings Over Canada
https://www.wingsovercanada.ca/
بيعمله واحد عنده طائرة صغيرة و بيتنقل بها فى معظم الأماكن النائية فى كندا كلها و عمل أكتر من 100 حلقة معظمها عن أنهار و بحيرات كندا

فى الحلقة بتاعة النهاردة كان بيتكلم عن ال Northwest Territories و المناجم اللى فيها

أساسا هو بيتكلم عن الذهب (أيوة فيه مناجم ذهب) بس ده لا يعنى إن لو أنا (أو حضراتكم) رحنا هناك حنلاقى الذهب فى إنتظارنا و نبقى أغنياء. العملية محتاجة علم و عمل شاق و زى أى حاجة تانية ستجنى منها على قد عملك. فى الحقيقة أحد الباحثين (أو المنقِبين بكسر القاف) قال إن البحث عن الذهب هناك زى لعبة البوكر- الواحد لازم يفضل قاعد على مائدة اللعب و يحاول لغاية ما يجد الورقة الرابحة.

المهم إن الحلقة دى خليتنى أبحث عن الهجرة للشمال الكندى – سواء ال NWT أو لل Yukon و لقيت إن فعلا عندهم برنامج ال Nominee زى مانيتوبا

أنا ماعرفش حاجة عن البرامج دى بس يبدو إن فيها فرص للمستثمرين و للعمالة الماهرة.

اللى عايز يبحث عن فرص الهجرة للأماكن دى (ما يسألنيش لأن معلوماتى شبه منعدمة عن الموضوع ده) بس ممكن يبدأ ب
NWT immigration
أو
Yukon immigration
فى جوجل.

فيه حاجة تانية عايز أقولها هى إنى بحكم عملى كنت باسافر كتير فى شمال مانيتوبا و الطبيعة فى شمال كندا فى غاية الجمال (مش الكمال)

و فيه موقعين ممكن تبدؤوا بيهم عن ال Yukon

https://www.immigration.gov.yk.ca/ynp_overview.html

https://yukonminetraining.com/career_...opportunities/

 

[bongeorge]

مع أنى مش قادر أستحمل الصفر بتاع تورونتو بس لو لقيت شغل حلو ( من قبل ماروح يا عم ) منا ماروحش هناك و يبقى الاسكا و كمان مفيش شغل

 

 

[Eng Hesham]

شكرا يا باشمهندس محسن على الاشاره دى

انا بعتلهم ايميل و طلبت فيهم معلومات تفصيليه عن الهجره للقطاع دا من ربع ساعه

و اول ما يجيلى الرد هانزله هنا علطول

يارب يكونوا احسن من مانيتوبا وخصوصا انهم فى ابرد مكان والمفروض شروطهم اسهل الى حد ما

 

 

[حسام]

محسن باشا
هوة فيه حد هناك صاحي؟
حي يعني ولسة فيه الروح؟

 

 

[Mzohairy]

اقتباس المشاركة الأصلية كتبت بواسطة حسام محسن باشا هوة فيه حد هناك صاحي؟ حي يعني ولسة فيه الروح؟

 

 

[ibrahim soliman]

بسم الله الرحمن الرحيم
انا عن نفسى عايش فى north of ontario وفى هنا منجم ماس ومناجم ذهب وبيطلبو شغل بس معظم الشغل سواقين معدات ثقيلة ومكاينيكا وحفارين و فى مدينة اسمها timmins فى شمال اونتاريو فيها شغل خصوصا قطاع الميكانيكا بس موضوع منجم الماس دة فى اقصى شمال اونتاريو مكان اسمة attawapiskat

 

 

[Dr-Alrefa3y]

ذات مرة حضرت محاضرة عن تلك المناطق

هى بالفعل مناطق خلابه ومليئة بالمناظر الطبيعية

على ما اتذكر ان عدد السكان 200 فرد تقريبا او 2000 المهم انه رقم صغير بالنسبه للمساحة

ورأيت فيدو لهم وهما بيستخلصوا الذهب بطريقة بدائية للغاية باستخدام اناء واسع وهزه ثم غمرة بالماء الى ان يتم فصله عن التربة

المناطق دى مليئة بالمعادن والتعدين هو المصدر الاول للدخل
اسمع ان الحياة ليست مناسبة هناك فى جميع فصول السنة وان هناك بعوض اسود شرس جداا بس مش فاكر فى اى وقت من العام

 

 

[doctor farouk]

نبعت توفيق عكاشه هناك مع دكر بط

 

 

[canada wait me]

هى وصلت لكدة يعنى خلاص كندا كلها هتقفل وفضل الشمال
يا دكتور رفاعى متقلقش لو عددهم 200 فرد
وبعد انتشار اخبار الهجرة لهم فى المنتديات العربية ممكن يبقوا 200 مليون بس هما يستحملو
ههههههههههههه

 

 

[hawy]

انا طول الليل بحلم انى قاعد فى خيمه وسط الثلوووووج

اللهم اجعله خير لايكون الشمال الكندى