مطاريد الكويت

[mr.ezzov]

الصحف المصرية والعربية

السلام عليكم تسجيل متابعة و التشرف بمعرفة حضراتكم
posted via mobile device

 

 

[hader]

السلام عليكم شباب انا تهت فى المنتدى فى حجات قديمه جدا ومواضيع متشابكه مع بعض ومعلومات جديده مش واضحه انا مقيم فى الكويت وعايز ابداء اجراءات هجره لكندا وعمرى 42 مصرى الجنسيه فى حد ممكن يساعدنى بالتعليمات والارشادات اكون شاكر ليه حتى لو نتواصل تليفون او ايميل او يكون مقيم معايا هنا او فى كندا وطلع من هنا وعارف الطريقه او يدلنى على مكتب متخصص فى الكويت اكون شاكر ليكم جميعا وربنا يوفقنا جميعا

 

 

[hader]

اقتباس المشاركة الأصلية كتبت بواسطة exlance فيه مكتب في الكويت انا بدات التعامل معاه وربنا يسهل راسلني علي الخاص من فضلك

باشا مش قابل ابعت خاص ممكن تبعتليى انت ونتفق نتقابل او نكلم بعض

 

 

[dhbmbi]

الجروب مهم و مفيد جدا
و لو امكن نتواصل مع بعض او يكون فيه فرصه نتقابل و نحاول نتشارك الخبرات للي مقبلين على البدئ و تكون فرصه بوجود الاستاذ الفاضل ريمون شـكــ وبارك الله فيك ـــرا لك ... لك مني أجمل تحية .

 

 

[hader]

يجماعه محدش بيتابع هنا الظاهر ربنا معانا كلنا

 

 

[hader]

لو حد بداء فى موضوع الهجره من الكويت ويحب يساعدنى اكون شاكر ليه

 

 

[hader]

السلام عليكم انا فى الكويت وعايز استفسر هو انا بس الى حاسس ان الخليج خلاص كده ولا ايه وايه البدائل طيب ياريت حد يكون جرب او عاش تجربه الهجره يدينا رايه وشكرا

 

 

[zakariya]

هوا الكويت يا جماعه مالهاش طرق هجره من مصر الا عن طريق دفع فيزا لا تقل عن 100 الف جنيه ؟

انا مقيم بمصر و اريد الهجره للكويت او اى دولة خليجية

 

 

[MHD Hassan]

احلي سلام لمطاريد الكويت ...

هو ريمون سليمان عمل التوبك ده محدش بيكتب فيه ولا حتي حد بيقرب عنده وهو فيه حاجه تخوف لا سمح الله

بس انا متفهم جدا نفسيه مغتربي الكويت بما اني واحد منهم وعارف قد ايه الناس مشغوله وكتير منهم مش بيفكر في موضوع الهجرة وهو هنا عشان المادة ميسطرة ، انا نفسي بقابل الناس دي ، وببقي محبط جدا وبحس اني بائس وسطهم وانا الوحيد المختلف ، ده اللي بيخليني بتراجع عن بعض الافكار اللي بعملها للهجرة والمشوار اللي كل بيبدا بينتهى بسبب المعيشه هنا او نوعيه الناس.

انا مش بقول الناس وحشه ، الكل معذور هنا ، واللي عاش هنا فاهم الي بقوله ، ويمكن محدش يقرا التوبك ده ولا حد يفتحه تاني ، بس تبقي حاجه الواحد قالها ارتاح.

لما دخلت هنا وشوف ريمون سليمان كاتب دعوة لمطاريد الكويت ، فرحت جدا اني لقيت ناس فعلا زيي وبتشاركني احلامي وطموحاتي ، وقريت التوبك كله لكن للاسف محدش عاد يدخل ومش مستغرب خالص من الناس اللي عايشه في الكويت انها متقراش او متشاركش في حاجه كالعادة طبعا.

انا بشكر ريمون والناس اللي كتبت في التوبك ده حتي لو محدش شاف ده اصلا او رد او اي حاجه
اتمني الخير للجميع وربنا يوفق اكل ف احلامه.

 

 

[Remon.soliman]

دعوه لموضوعي

مطاريد الكويت

اقتباس المشاركة الأصلية كتبت بواسطة MHD Hassan احلي سلام لمطاريد الكويت ... هو ريمون سليمان عمل التوبك ده محدش بيكتب فيه ولا حتي حد بيقرب عنده وهو فيه حاجه تخوف لا سمح الله بس انا متفهم جدا نفسيه مغتربي الكويت بما اني واحد منهم وعارف قد ايه الناس مشغوله وكتير منهم مش بيفكر في موضوع الهجرة وهو هنا عشان المادة ميسطرة ، انا نفسي بقابل الناس دي ، وببقي محبط جدا وبحس اني بائس وسطهم وانا الوحيد المختلف ، ده اللي بيخليني بتراجع عن بعض الافكار اللي بعملها للهجرة والمشوار اللي كل بيبدا بينتهى بسبب المعيشه هنا او نوعيه الناس. انا مش بقول الناس وحشه ، الكل معذور هنا ، واللي عاش هنا فاهم الي بقوله ، ويمكن محدش يقرا التوبك ده ولا حد يفتحه تاني ، بس تبقي حاجه الواحد قالها ارتاح. لما دخلت هنا وشوف ريمون سليمان كاتب دعوة لمطاريد الكويت ، فرحت جدا اني لقيت ناس فعلا زيي وبتشاركني احلامي وطموحاتي ، وقريت التوبك كله لكن للاسف محدش عاد يدخل ومش مستغرب خالص من الناس اللي عايشه في الكويت انها متقراش او متشاركش في حاجه كالعادة طبعا. انا بشكر ريمون والناس اللي كتبت في التوبك ده حتي لو محدش شاف ده اصلا او رد او اي حاجه اتمني الخير للجميع وربنا يوفق اكل ف احلامه.

اللي عايزيم يهاجروا من الكويت كتير قوي ماتقلقش حضرتك مش لوحدك

انا عندي في الصفحة 800 واحد بس من الكويت

وبالنسبة لللاخ اللي بيقول ان الكويت خلاص
كل اللي في الكويت طبعا قادر يفهم ان الكويت خلاص
وكله عايز يهرب من جحيم الرجوع لمصر

خصوصا انا ماعدش حد عارف يحوش فلس في الكويت
وناس كتير اعرفها مستنين السنة الدراسية دي تخلص وهينزلوا عيالهم مصر