احترس من النشالين.....مولد يا دنيا!!

[galaxy]

في اي فيلم فيه مشهد لمولد مثلا .........لازم تلاقي اللي بيجري ويقول احترس من النشالين . ............من النشالين احترس......اللي بيكون هو هو في نفس ذات الوقت النشال بذات نفسه............

تعريف النشال بقي....هو الشخص اللي بيمد ايده في جيبك وياخد اي شيئ يخصك من غير ما تحس...........


في افلام الابيض واسود دايما كان يسرق موظف غلبان......يسرق الماهيه .......والموظف يصرخ ع المرتب اللي ضاع ومعاه كل امله وامل عيلته في تكمله باقي الشهر ..دا ان كمل يعني ......بصورة تحفظ الوجه.... ......دا زمان يعني........كانت احلامه في الكام جنيه بس اللي في المحفظه اللي اتنشلت.

لو سلمنا ان المولد دا هو الدنيا اللي احنا عايشين فيها..................هنلاقي انماط كتير من النشالين...........بس دلوقتي بقي محدش بيحذر ولا يقول احترس من النشالين...........عشان اللي بيتسرق دلوقتي اكبر من محفظه فيها كام جنيه..............


دلوقتي بقي النشال دا بيسرق حلمك وسعادتك.....يسرق حاجه حاسسها هتسعدك وتفرحك..........يسرق بالاصح فرحتك.
الاصعب بقي انك تقابل اللي بيسرق حلمك ........قبل ما تحققه بمجرد بس ما تصرح بيه ............وممكن بعد كمان ما تحققه .....مفيش مشكله....يعني يسرق تعبك ومجهودك......فكرتك........عيني عينك كدا..

ممكن النشال دا ميكونش شخص بعينه.......ممكن يكون غربتك.......ممكن تسرق حلم او حتي عمر بحاله.........اعرف ناس الغربه سرقت حلمهم.......واستقرارهم وعمرهم.........لا عرفوا يعيشوا في الغربه ولا استمتعوا بنتيجه غربيتهم في بلدهم........بس فضلوا برضه في المولد.

عارفين بقي الاصعب ايه........انك تبقي عارف اللي نشلك وما تقدرش ترجع اللي اخده منك..........عشان الامور تمشي ....او عشان تعيش ........او يكون اللي سرق منك ونشلك هو الوقت......ساعتها هتاخد حقك ازاي بقي ؟؟؟؟؟؟؟؟؟

فكرت اذا كنت اتنشلت ولا لأ.......... عرفت مين نشلك لو كنت اتنشلت يعني ؟؟؟؟؟؟؟؟؟
ولا انت حذر اوي ولسه ما اتنشلتش..؟؟؟؟؟....الموضوع مش محتاج حذر عشان اصلا انت ممكن تتنشل او تتسرق وانت مش واخد بالك........مهما قالولك........................احترس من النشالين..........من النشالين احترس