اللمبة المحروقة وكيف نتصرف معها

[aimen]

الصحف المصرية والعربية

اللمبة المحروقة

لو لمبة اتحرقت هيكون تصرف الناس معاها إيه؟

الإجابة البديهية: إن الناس هتغيرها طبعاً!!

لكن ثبت بالتجربة إن الإجابة دي مش وافية لأن تصرف الناس مع اللمبة هيختلف حسب مكانهم وثقافتهم


- فى العراق

لما ناس بتتحرق فى بيتهم لمبة بينزلوا يخطفوا أول أجنبي يقابلوه ويطلبوا من بلده تبعت لمبة جديدة مع واحد يغيرها علشان يفرجوا عن المخطوف

- فى إنجلترا

لو واحد اتحرقت فى بيته لمبة بيتصل بمندوب حلف الأطلنطى علشان ياخد إذن بتركيب لمبة جديدة

- فى السودان

واحد هايمسك اللمبة وخمسة يلفوا السقف

- فى الصين

لما واحد بتتحرق فى بيته لمبه، بيدخل كل البيوت اللى فى شارعهم ويبص تحت السلم، لحد ما يلاقى السلم اللى فيه ناس قاعدة تحتيه بتصنع لمبات، ياخد منهم لمبة علشان يغيرها، ويديلهم بدالها ساعة من اللى هو بيعملها تحت السلم فى بيته

- فى اليمن

لما واحد بتتحرق فى بيته لمبة بيقعد يخزن قات لحد ما يبقى شايف إن اللمبة اتغيرت لوحدها

- فى الخليج

لما واحد بتتحرق فى بيته لمبة بيطلب من الشغالة الفلبينية إنها تبعت السواق الباكستانى يجيب صنايعى هندى يغير له كل اللمبات اللى فى البيت

- فى لبنان

علشان واحد يغير لمبة محروقة لازم واحد تانى يولعله الأرجيلة (الشيشة) وواحدة تغنى للإتنين وواحد ينزل يجيب معسل وسجاير للتلاتة علشان كله يعدل مزاجه قبل الشغل فى اللمبة

- في ليبيا

لو اللمبة اتحرقت بيراجعوا الكتاب الأخضر ويشوفوا فيه تعليمات تغيير لمبة فى الجماهيرية العربية الليبية الشعبية الاشتركية العظمى

- فى الصومال

لما لمبة بتتحرق ماحدش بينتبه للموضوع علشان ماعندهمش كهربا أصلا

- فى المغرب

لما لمبة بتتحرق فى بيت واحد بيروح مسافر فرنسا يشتغل فى المينا هناك أسبوع ويرجع بكرتونة لمبات فى إيده

- فى إيران

لما واحد بتتحرق فى بيته لمبة كهربا بيخرج ينضم للمظاهرات علشان يطالب بحقه فى لمبة نووية

- فى سوريا

لما بتتحرق لمبة بيعملولها استفتاء وتطلع النتيجة إن اللمبة شغالة بنسبة 99.999% ويعملوا احتفال قومى للوصول للنسبة دى، ولو مافيش ميزانيه للاستفتاء يطلع خبر فى الجرايد تانى يوم إن اللمبة انتحرت علشان حست إنها مقصرة فى أداء واجبها القومى

- فى مصر

أى عيل صغير ممكن يغير اللمبة بعد ما يسرق واحدة سليمة من سلم العمارة اللي جنبهم

- فى إسرائيل

لما لمبة بتتحرق بيقولو ان الإرهابيين الفلسطينيين هما اللى حرقوها ويطلبو من أمريكا تبعت لهم بدالها ألف لمبة جديدة وكمان شوية صواريخ وطيارات علشان يقوموا بواجبهم فى الحرب على الإرهاب وينسفوا بيوت الناس اللى حرقوا اللمبة

- فى فرنسا

لما لمبة بتتحرق بياخدوها يعملوها إزازة بارفان وطبعا كل الناس بتقلدهم بعد كده وتبقى موضة

- فى أمريكا الجنوبية

لما واحد بتتحرق فى بيته لمبة بياخد جماعة من أصحابه وكام مدفع رشاش ويلبسوا صاعقة ويطلعوا على قصر الرياسة يعملوا انقلاب ويخلعوا الريس ويمسكوا الحكم ويكلفوا الجيش إنه يغير اللمبات المحروقة اللى عندهم كلها بسرعة قبل ما واحد تانى تتحرق له لمبة وييجى يخلعهم

- فى الولايات المتحدة الأمريكية

لما واحد بتتحرق فى بيته لمبة بيتهموا تنظيم القاعدة بأنه السبب فى حرق هذه اللمبة وعلى هذا الأساس يتم استصدار قرار بالإجماع من مجلس الأمن تحت الباب السادس من ميثاق الأمم المتحدة الذي يسمح باستخدام القوة لتنفيذ القرار ويتم إرسال قوة حربية من قوات التحالف (وكلها أمريكية فقط) مؤلفة من 12000 دبابة مدعومة بـ 243000 من مشاة البحرية و غطاء جوي مؤلف من 846 قاذفة مهمتها البحث والعثور على المجرم الإرهابي الذى فعل هذه الفعلة الشنيعة ويتم نشر قواعد عسكرية فى جميع بلدان الشرق الأوسط للبحث والتحري ويتم إرسال مفتشين دوليين للتأكد من أن جميع دول الشرق الأوسط لا يوجد بها لمبة محروقة ويتم احتلال أي دولة إذا تم التأكد من وجود لمبة محروقة بها باعتبار أن حكوماتها غير قادرة على إيجاد من يغير هذه اللمبة

المصدر : https://ra-shere.blogspot.com/search/...max-results=20

 

[Badroora]

فى مصر

أى عيل صغير ممكن يغير اللمبة بعد ما يسرق واحدة سليمة من سلم العمارة اللي جنبهم

اهم حاجة اننا منتهمش حد والرئيس قال اتصرف واهو العيال بتتصرف

حلوة

 

 

[hoppa]

اقتباس - فى إنجلترا لو واحد اتحرقت فى بيته لمبة بيتصل بمندوب حلف الأطلنطى علشان ياخد إذن بتركيب لمبة جديدة

اهى دى مفهمتهاش الحقيقة
انا اعرف ان البريطانيين مشهورين بالبرود

 

 

[FINETOUCH]

طيب حد يقول لنا لما بتتحرق اللمبه فى مغارة الاشراف فى جبل المطاريد بيعملوا ايه

 

 

[Badroora]

اقتباس المشاركة الأصلية كتبت بواسطة FINETOUCH طيب حد يقول لنا لما بتتحرق اللمبه فى مغارة الاشراف فى جبل المطاريد بيعملوا ايه

حشيش عامل حسابه مش مركب لمبات عشان الكهربا وداهن الحيطان فسفورى وملبس كل الاشراف فسفورى زى بتوع المرور فتلاقيهم منورين كالبدر يوم خنقة القمر

 

 

[ابتسامــة]

إلى هذه الدرجة سمعتنا زي الزفت ؟!
فرغم ذكاءنا الحاد المشهود لنا به
إلا أننا مشهورين باستخدام هذا الذكاء في النصب فقط

 

 

[hoppa]

يا ابتسامة ده قول فكاهى وليد العصر و بالتالى معبر عن اللى بيحصل فيه
يعنى هى العراق مثلا طول عمرها فيها خطف و قتل و طلب و فديه

 

 

[ابتسامــة]

اقتباس المشاركة الأصلية كتبت بواسطة hoppa يا ابتسامة ده قول فكاهى وليد العصر و بالتالى معبر عن اللى بيحصل فيه يعنى هى العراق مثلا طول عمرها فيها خطف و قتل و طلب و فديه

لأ الحقيقة يا هبة هي سمعتنا كده بالفعل
ونحن مصرين على تأصيلها بتبرير أي موقف يقع
تحت بند النصب وتجميله بمسميات على شاكلة فهلوة
وشطارة وذكاء