مسيرة يوم 10 رمضان ماحدش موافق عليها

[Farida]

الصحف المصرية والعربية

نوارة فى شهادتها على يوم فض الأعتصام شهدت بان كان فيه ناس معتصمين معاهم كانوا بيسخنوهم جامد على قفل المجمع و على الهتاف ضد المشير و على بلاوى تانيه كتير .....ويوم دخول الجيش للميدان لقيوهم لابسين خوذات و جاكتات بتاعة الجيش يعنى طلعوا بيتجسسوا عليهم و بيسخنوهم علشضان يستقطبوهم .....المهم ......فيه بعض الدعاوى بمسيرة يوم 10 رمضان معظم القوى السياسيه مش موافقه عليها و معترضين .......[س علشان مانشوفش يومها ناس من بتوع حزب الكنبه بيقولوا شوفوا العيال اللى فى التحرير بتعمل ايه .....ماشى ........
هم رأيهم ان ده يوم انتصار لمصر كلها و يوم فخر لينا كمصريين و كعرب و مالوش اى معنى يعملوا مسيره اليوم ده ........بس خلاص

 

[Virus]

خلاص بقى هدنة في رمضان ونهدي اللعب شوية ونسيبهم هما بيغلطوا لوحدهم ويحشدوا الناس

وبعد العيد هتبان الرؤيا ونرجع الميدان تاني وابقى خلي الشرطة العسكرية تمنع الناس تنزل ساعتها

 

 

[مصرية]

فعلا مش شايفة في لزوم لأي مظاهرات دلوقتي ... الشارع بقى ضد المظاهرات لإن شايفين إن لازم الحكومة تاخد شوية وقت ورافضين أي هجوم على الجيش يبقى بلاش نفقد التضامن الشعبي

 

 

[last_samurai]

خلى العمليه تهدأ شويه

وكله حيبان الأيام الجايه
لكن لازم البلد تبقى طبيعيه شويه
وبالأخص فى رمضان الناس بتبقى عصبيه ومش عاوزين مشاكل الفتره دى

 

 

[Prof]

وانا كمان مش موافق.

 

 

[Raouf]

هو ايه هدف المسيرة دى ؟؟؟؟

 

 

[إكرام يوسف]

يا جماعة فيه عناصر من أمن الدولة السابق اللي لسة شغالين بفلوس الفلول.. وبيحاربوا معركة حياة أو موت باستماتة للإبقاء على أركان النظام وعدم سقوطه نهائيا.. فاكرين ضابط أمن الدولة اللي اكتشفوه الشباب وكان عامل دكتور لدرجة انهم مسكوه مدير المستشفى الميداني؟ وفاكرين الضابط اللي مسكوه الشباب في الاسكندرية وكان مندس بينهم واعترف اه أول واحد رمى طوبة على قيادة المنطقة الشمالية عشان العسكر ينزل ضرب في الشباب؟
بس على فكرة حكاية المندسين والمرتزقة في وسط المظاهرات والاعتصامات والمندسين في منتديات الحوار على الإنترنت..دي حاجة طبيعية.. طبيعي أنهم زي التعبان اللي يفضل يحرك ديله حتى لو قطعت راسه.. حلاوة الروح.. وبرضه عشان الثورات مش حاجة سهلة.. والحرية مش بالساهل.. لازم الفاتورة تتسدد بالكامل .. أمال هي ليه غالية؟

 

 

[مودة]

دعوه لموضوعي

مدونة مودتي بلا حدود

بصراحة بعد رؤية المخلوع في قفص الاتهام راي ننتظر حتى نرى الخطوة اللي بعدها
حاسة ان في تصالح كده مع الجميع

 

 

[only you]

"الوزراء" يقترح نقل "جمعة فى حب مصر".. والمنظمون يتمسكون بـ"التحرير"

الأحد، 7 أغسطس 2011 - 14:46
علاء أبو العزايم شيخ مشايخ الطرق الصوفية
كتبت نورا فخرى

يعقد 42 حزبا وحركة وائتلافا سياسيا وصوفيا مؤتمرًا صحفياً غدًا الاثنين بأحد الفنادق الكبرى بالقاهرة، للإعلان عن تفاصيل "جمعة فى حب مصر والثورة" 12 أغسطس.

وكشف عصام شعبان عضو الهيئة العليا بالحزب الشيوعى المصرى وعضو لجنة التنسيق بـ "جمعة حب مصر"، عن أن بعض منظمى الاحتفالية تلقوا اتصالاً من مكتب الوزراء باقتراحات نقل الاحتفالية من ميدان التحرير إلى ميدان عابدين أو قاعة المؤتمرات، إلا أن المنظمين رفضوا ذلك تماماً.

وأوضح شعبان لـ "اليوم السابع" أن الجمعة القادمة المدعو لها الشعب المصرى، والتف حولها الأقباط والصوفيون والقوى المدنية والنقابية والاجتماعية، للتأكيد على وحدة الصف.

وأشار شعبان إلى أنه يتم بحث الشكل التنظيمى للميدان، بحيث توضع موائد رمضانية بجانب ترك مساحات حرة على الجانب الآخر، وأن القوى المنظمة اتفقت على عدم الاعتصام بميدان التحرير عقب الانتهاء من الفعالية.

وقال علاء أبو العزايم شيخ مشايخ الطرق الصوفية، إن جمعة "حب مصر" ليست للرد على جمعة السلفيين والجماعات الإسلامية، وإنما هى مبادرة لتوحيد المصريين مرة أخرى، حيث يتقاسم المسيحيون والمسلمون الإفطار على مائدة واحدة.

وأوضح أبو العزايم أن 12 أغسطس احتفالية وليست بداية لأى اعتصام، مشيراً إلى أنه تم الاتفاق على ترك الميدان عقب إنهاء الاحتفالية دون الاعتصام.

وأعلنت 42 حركة وائتلافا سياسيا مشاركتها فى جمعة "حب مصر" بميدان التحرير 12 أغسطس، للتأكيد على ضرورة استعادة روح التوحد التى جمعت كافة القوى السياسية والتيارات الفكرية أيام الموجة الأولى للثورة، التى انطلقت شرارتها الأولى ظهر 25 يناير وانتهت بإجبار الرئيس المخلوع على الرحيل وفقا لبيان الجمعية الوطنية للتغيير.

وقال البيان الموقع من القوى السياسية من بينها الجمعية الوطنية للتغيير، و6 إبريل، وكفاية، وشباب من أجل العدالة والحرية، واتحاد شباب الثورة، واتحاد شباب ماسبيرو، وأحزاب الشيوعى المصرى، والمصريين الأحرار، والكرامة، والمصرى الاجتماعى الديمقراطى، والتحرير المصرى، و الغد، واللجان الشعبية والكنيسة الإنجيلية، وائتلاف الطرق الصوفية ونقابة الضرائب العقارية و الصناعات الغذائية، إن الانقسام السياسى خلال الموجة الثانية "خنجر مسموم" يطعن الثورة فى مقتل، ويفيد أعداءها الذين يتوهمون أن بوسعهم إعادة عقارب الزمن إلى الوراء، والسيطرة من جديد على مقدرات الوطن وخياراته المستقبلية.

وأضاف الـبيان أن جمعة "فى حب مصر" دعوة لكل المصريين الذين يؤمنون بأن الثورة تحتاج إلى بذل مزيد من الجهد كى تكتمل فصولها، ويعرفون أن أنصاف الثورات مقابر للشعوب، موضحاً أن جمعة 12 أغسطس ليست تحديا لأحد، إنما هى نافذة جديدة أمام كل القوى الوطنية كى تدخل إلى ميدان التحرير، الذى عادت إليه جحافل الأمن بغزارة أكبر مما كانت عليه أيام المخلوع على حد قول البيان.

 

 

[اهل المعروف]

كفاكم من المسيرات ابنوا مصر افضل