Arabic Discussion Forum with a Special Interest in Travel and Immigration

biopasha · 15th January 2011, 07:45 PM

https://www.facebook.com/group.php?gi...&id=1416664860

VERDI · 15th January 2011, 08:51 PM

صحفي بالأهرام: الداخلية تلوم الأهرام بسبب مانشيت عن إقالة وزير الداخلية التونسي

p.MsoNormal, li.MsoNormal, div.MsoNormal { margin: 0cm 0cm 0.0001pt; text-align: right; direction: rtl; unicode-bidi: embed; font-size: 12pt; }div.Section1 { page: Section1; }

قال صحفي بالأهرام رفض ذكر اسمه أن وزارة الداخلية وجهت أمس لوما إلى صحيفة الأهرام بسبب مانشيت الصحيفة عن إقالة الرئيس التونسي زين العابدين بن على لوزير الداخلية في محاولته لاحتواء الانتفاضة التونسية.. وقال الصحفي في أعقب نشره لتعليق على مقال أبناء بن علي في الصحافة المصرية أن اللوم الذي وصل شفهيا أشار إلى أن إبراز الأهرام للمانشيت بهذه الطريقة غير مقبول في وقت تتصاعد فيه الدعوات داخل مصر للمطالبة بإقالة وزير الداخلية المصري في أعقاب حادث كنيسة القديسين وقضية سيد بلال و حادث قطار سمالوط والذي جاء نشره بالصحف مواكبا للمانشيت.

وكان الصحفي الذي فضل عدم ذكر أسمه قد كتب تعليقا على موقع "البديل" حكي فيه ما قال أنه وقائع جرت خلال اجتماع مجلس تحرير الأهرام الصباحي في اليوم السابق لنشر المانشيت حول الأزمة التونسية كاشفا عن خلاف شديد حدث داخل مجلس التحرير بسبب تغطية الأهرام للقضية.

VERDI · 15th January 2011, 09:50 PM

تغطية احداث الثورة المصرية 25 يناير- 2011

يوم الثورة على التعذيب والفقر والفساد والبطالة

لو خايف على مصر .. لو عايز حقك .. انضم لينا .. وشارك وكفاية سكوت بقه لحد كده
احنا مش أقل من تونس .. نزل عشرات الآلاف جابوا حقوقهم كلها ووصلت لدرجة إقالة رئيس الجمهورية وهروبه من البلد .. احنا عايزين حقوقنا .. عايزين اللي قتل خالد سعيد يتعاقب واللي قتل السيد بلال يتعاقب ووزير الداخلية يستقيل .. عايزين أي شخص عذب مصري يتحاكم .. عايزين قانون الطوارئ يتلغي .. مش عايزين قمع في مصر .. عايزين نكون أحرار
عايز أعرف أعبر عن رأيي في بلدي .. عايز مخافش من أمن دولة ولا ضابط شرطة .. عايز يتم معاملتي بآدمية واحترام بغض النظر عن جنسي ولا لوني ولا ديني ولا حالتي المادية
أنا مش عايز حرامية في بلدي بيسرقوا المليارات وبيهربوا .. واللي بيسرق ملاليم في المعتقلات بيتعذبوا
يللا يا شعب قوم وفوق!
يوم 25 يناير لازم نوري العالم كله إننا مش شعب خانع ولا شعب جبان
مطالبنا الأساسية:

أولا: رفع الحد الأدنى من الأجور لـ 1200 جنيه عملا بأحكام القضاء وصرف إعانات للعاطلين عن العمل
ثانيا: إلغاء العمل بحالة الطوارئ وإقالة وزير الداخلية وإخراج كل المعتقلين بدون أحكام قضائية
ثالثا: حل مجلس الشعب وإعادة الانتخابات مع ضمان نزاهتها وتعديل الدستور لمنع ترشح أي رئيس لأكثر من فترتين رئاسيتين

صفحة الحملة
https://www.facebook.com/event.php?eid=115372325200575

Be careful of silence and silents

Eng A7m3d · 15th January 2011, 09:54 PM

أنت هتنصب علينا ياعم بايو باشا
منتا قاعد في كندا ومش فارقة معاك
أحنا اللي هنلبس الحكاية دي
وبعدين من غير زعل يعني تلاقي حتى اللي كتب الكلام ده وعمل الصورة دي مش هييقوم من عالسرير أصلا يوم 25

VERDI · 15th January 2011, 09:55 PM

لا مؤاخذي يا بايوباشا
عنوان الموضوع له اثر كبير في التفاعل
ياريت تضم الموضوعين على بعض وتبقى على العنوان الجديد
https://www.almatareed.org/vb/showthr...114#post433114

biopasha · 15th January 2011, 09:59 PM

اقتباس

المشاركة الأصلية كتبت بواسطة VERDI


	لا مؤاخذي يا بايوباشا عنوان الموضوع له اثر كبير في التفاعل ياريت تضم الموضوعين على بعض وتبقى على العنوان الجديد https://www.almatareed.org/vb/showthr...114#post433114

موافق وارفع الامر للإدارة العامة لإعتماد الدمج وتغيير العنوان

dana · 15th January 2011, 10:00 PM

بجد تهريج لما يتعمل حاجة زى كدة تبقى مش علانية للدرجة دى تبقى منظمة علشان الامن ميحبطهاش محدش هينزل من بيته اصلا من يوم 24 البلد هتتقفل

VERDI · 15th January 2011, 10:00 PM

صحيح أنا ربنا رزقني .. بس برضه ربنا خلى عندي إحساس وضمير يخليني أصرخ وأعترض وأقول لأ لما يكون فيه محتكرين بيسرقوا أراضي الشعب ويحتكروا سلعه الأساسية ويعملوا من وراها المليارات .. وفي نفس الوقت فيه أمثال الراجل ده مش لاقيين ياكلوا وبيعيشوا ويموتوا والذل والعار ملاحقهم .. وملاحقنا .. أنا هشارك في الثورة ضد كل ده عشان ده ميرضينيش ولا يقبله ضميري https://bit.ly/Thawra

VERDI · 15th January 2011, 10:02 PM

انا هنزل يوم 25 في ثورة مصر الحقيقية السلمية الأولي. أنا مستعد للموت وعارف إن الحرية مش بالمجان وزي ما كان في شهداء في تونس مستعد اكون أول واحد عشان حرية مصر وكرامتها عشان كده ادعولي ربنا يوفقني و انتظم في كل الصلاوات عشان ده الشرط الي اتفقت مع امي انها هتوافق علي نزولي "شايل كفني" يوم 25 يناير .. اوعوا تنسوني من دعائكم لو حصل لي حاجة
عن صفحة الثورة

حشيش · 15th January 2011, 10:04 PM

اقتباس

المشاركة الأصلية كتبت بواسطة VERDI


	لا مؤاخذي يا بايوباشا عنوان الموضوع له اثر كبير في التفاعل ياريت تضم الموضوعين على بعض وتبقى على العنوان الجديد https://www.almatareed.org/vb/showthr...114#post433114

يا جماعة الموضوع ده مهم جداً ومعظمنا ما أخدناش بالنا منه لأن العنوان مُبهم وعن نفسى إفتكرته موضوع جديد عن إنتفاضة تونس وما لفت نظرى بالفعل هو الأفتر بتاع فيردى وبايو ... طيب حدمج الموضوعين وأغير العنوان لو أذنتم لى ... مدى ونانا تخصص فيس بوك ... إجمع هنا بالخطوة السريعة

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
آراء أعجبتني حول ثورة مصر 2011	abysaleh	ثورة مصر ... 25 يناير 2011	92	12th October 2011 06:23 AM
لوحة شرف ثورة 25 يناير 2011	linux	ثورة مصر ... 25 يناير 2011	6	2nd August 2011 10:07 PM
اول فيلم وثائقي عن ثورة مصر 25 يناير 2011	kodo	ثورة مصر ... 25 يناير 2011	1	4th July 2011 12:00 PM
ألبوم صور ثورة مصر ... 25 يناير 2011	redcode	ثورة مصر ... 25 يناير 2011	0	9th February 2011 02:21 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

ثورة مصر ... 25 يناير 2011

ثورة مصر 25 يناير 2011 ... يوم الإرادة المصرية