قتل التلميذ اسلام لانه ما عملشي الواجب

[محمد أبوزيد]

الصحف المصرية والعربية

بعد ان تم قتل طفل في احداث المحلة وهو واقف في البلكونة بدم بارد

اليوم طريقة حديثة لقتل اولادنا في المدارس الحكومية لتخفيض النسل

مدرس مصري ضرب تلميذ بركلات في بطنه حتى الموت لأنه ..... لم يكمل كتابة الواجب



توفي تلميذ مصري 11سنة، نتيجة تعرضه للضرب بقسوة من مدرّس مادة الرياضيات، بهدف معاقبته على عدم حل واجبه المدرسي.

كان المدرّس هيثم عبد الحميد (23 عاماً) يعنّف ويوبخ تلميذه اسلام عمرو، في أحد صفوف مدرسة سعد عثمان الابتدائية بالإسكندرية، بسبب تخلّف اسلام عن حل جزء من الواجب, وهمّ بضرب إسلام بالمسطرة، إلا أن التلميذ لم يستجب، ما دفع أستاذه لمعاقبته "افرادياً" خارج الفصل، حيث بادر إلى ضربه بقسوة في البطن، ما أدى إلى إغماء الطفل، حسبما جاء في صحيفة "المصري اليوم" في عددها الصادر اليوم الثلاثاء 28-10-2008.

بعدها نقل الطفل إسلام إلى مستشفى شرق المدينة، وهو يعاني ضيقاً بالتنفس والنبض، واتساعاً في حدقة العين، ثم ما لبث أن فارق الحياة، بعد هبوط حاد في الدورة الدموية والقلب، وفشل وظائف التنفس والمخ.

اعترف المدرس بارتكاب الواقعة، أمام نيابة المنتزه، وقال إنه ضرب إسلام بغرض "تأديبه فقط وليس قتله"، فوجهت له النيابة تهمة القتل الخطأ، وقررت حبسه ٤ أيام على ذمة التحقيقات.

 

[bosy]

ربنا يصبر والدته واهله جميعا يارب
وللمفترى اخره
وهو لو ابنه وحد عمل فيه كده كان عمل ايه؟
وده عقوبته ايه انشاء الله طبعا عقوبته بما انه قتل خطأ يعنى من 6 شهور الى سبع سنين
وهل هذا العقاب يتساوى بحياه هذا الطفل البرئ؟

 

 

[yassir]

لا حول و لاقوه الا بالله , رينا يلهم أهله الصبر , لا يمكن ان يعاقب هذا الرجل بتهمة القتل الخطأ ...ده قتل عمد و مش للطفل فقط ...لأسره بكاملها ...قتل لأمان المواطن ...رحم الله صلاح جاهين .... لما بلد تنباع بالجمله ...ينباع رعاياها بالقطاعى ....

 

 

[Sonesta]

دعوه لموضوعي

ليالى المطاريد.,,,هل تعلم

لاإله إلا الله محمد رسول الله
إنا لله وإنا إليه راجعون
أتمنى ان العدالة تاخد مجراها وتكون عادلة فعلا وتحكم على هذا القاتل بالإعدام وقبل إعدامه يتعذب مثله مثل الطفل الذى مات تعذيبا منه..لماذا غابت
العقول...لماذا إسودت القلوب.ماذا يحدث.ليه الإفتراء ده كله.إزاى يستعفى على الولد بكل هذه القسوة وأين زملاء القاتل فى هذا الموقف.لم يسمعوا بصراخ الطفل؟ أم كان مخدره أثناء تعذيبة وبالتالى لم احد يسمعه أو يراه فكلهم جناه.
ربنا يصبر والدته
ربنا يصبر والدته
ربنا يصبر والدته
ربنا يصبر والدته
ربنا يصبر والدته
فهو قتل قلبهاوذبحها بسكينة بارده
ربنا يصبر أهلة وبالأخص والدته

الله يرحمه ويسكنه فسيح جناته

 

 

[ManKind]

لا حول و لا قوة الا بالله
للاسف الناس اللي بتقتل لاسباب تافهه و منها عدم رد 100جنيه كانوا سلف بتقتل مش عشان الاسباب المعلنة
لا دي بتقتل لانها ناس ضعيفة قدام ثورتها و غضبها

 

 

[حشيش]

إنا لله وإنا إليه راجعون
شئ مؤسف ... طفل برئ زى ده عمل الواجب ولا معملهوش بالكتير جداً خطاب لولى الأمر للحضور للمدرسة لمناقشة إهمال الطفل معه أو حرمانه من الفسحة مثلاً مش يتقتل !!! ... البلد مليانة عاهات وعقد ... لا حول ولا قوة إلا بالله

 

 

[Badroora]

اغتيال البراءة على يد رسول العلم .!!!
قتل خطأ يعنى عقوبة مخففه.!!!
انا عن نفسي اتمنى القصاص ولو انا اخت الطفل دا كنت طالبت بقتل المدرس مقابل العين بالعين والسن بالسن.
وزارة التربية والتعليم منعت الضرب فى المدارس لحماية التلاميذ من عنف وبلطجة المدرسين لكن هذا المتوحش عديم الانسانية لا يستحق ان يبقي على قيد الحياة ولو المحكمة لم تحكم عليه بالاعدام ليكون قدوة لاى مدرس تسول له نفسه ان يعاقب تلاميذه بعنف.واعتقد ان القضاء لو خفف العقوبة فدا من راى غير منصف وعادل ويجب القصاص روح قصاد روح.!

 

 

[النوبة حبيبتي]

وزارة التربية والتعليم منعت الضرب فى المدارس


للاسف يبفتكر الضرب عشان مصلحه الطفل
يجب ان يكون عقابه صارم

 

 

[محمد أبوزيد]

اقتباس المشاركة الأصلية كتبت بواسطة النوبة حبيبتي وزارة التربية والتعليم منعت الضرب فى المدارس للاسف يبفتكر الضرب عشان مصلحه الطفل يجب ان يكون عقابه صارم

يا جماعة التلميذ ما اخدشي درس خصوصي حتى الان وابوه صرح انه كان ناوي يعطيه درس بس كان صابر لاول الشهر علشان يدفع قيمة الدرس الخصوصي الى الان بيتاخد مقدما

يعني والد الطفل كانت نيته خير بالنسبة للمدرس لكن يظهر ان الولد لمح انه مش هايدفع

ودا عيب الاولاد الايام دي مش راضيين يقبلوا ابدا واقع بلدنا وفيه شوزيفرنيا كبيرة قوي بين ما يتعلمه الطفل في البيت وبين ما يتعلمه الطفل في المدرسة ويظهر ان الاب من بتوع المبادئ والاخلاق في بلد معندهاش اخلاق ولا مبادئ

والنتيجه قتل عمد مع سبق الاصرار والترصد ليكون عبرة لكل والد طفل ما يدفعشي ويطنش عن المعلوم

مديرة المدرسة ادت اجازة لفصل الولد وجابت تلاميذ تانية علشان وكيل النيابة الى جاي يحقق ومش عارف اذا كان اتعمل معاه الواجب هناك ولم الموضوع ولا هايطلع هو كمان بتاع مبادئ مثل اب التلميذ المقتول في بلد سادتها قتلة وحرامية وفاسدين ومطلوبين دوليا

ربنا يخلصنا منها على خير

 

 

[امانى]

والله ما انا عارفة اقول ايه وهنفضل فى الهم ده لحد امتى واحنا رايحين على فين وايه اللى بيجرى فى البلد . اصبح لا يوجد مكان لاى مواطن شريف فيها .... اقول ايه حسبنا الله ونعم الوكيل فى كل من سولت له نفس اغتيال كرامة هذه الشعب وادميته
ربنا يصبر اهل الولد واحتسابه عند الله وهو الحكم العدل الذى يمهل ولا يهمل