خليك ايجابى ووقع على البيان

[MFaisal]

الصحف المصرية والعربية

الصراحة من فترة وانا عاوز اوقع على بيان الجمعية الوطنية للتغيير وكنت داخل فعلا اوقع وفاكر ان التوقيع مجرد شئ رمزى بتكتب اسمك وخلاص

بس لما دخلت اكتشفت ان ده يعتبر توكيل قانونى ومطلوب جميع البيانات زى رقم البطاقة والاسم بالكامل وغيره ... الصراحة خفت ومرضيتش اوقع ...

اذا كان عاوزين يضربو المتظاهرين بالرصاص ... امال اللى هيعمل توكيل للبرادعى هيتعمل فيه ايه

النهاردة دخلت الموقع تانى لقيت عدد الموقعين ما شاء الله 47175 مواطن ... يعنى مش هيقدرو يلمسو العدد ده كله ...

اتشجعت ووقعت على البيان ... لازم اكون ايجابى

وارجو من اللى ما وقعش التوقيع على البيان علشان لو حصل حاجة اهو نبقى صحبة فى زنزانة واحدة ونقضيها مواضيع وردود live


موقع الجمعية الوطنية للتغيير
https://www.taghyeer.net/

 

[MFaisal]

عجبنى اوى ال post ده فى صفحة الدكتور البرادعى


إذا لم تشارك اليوم فلا تشكوغداً - https://www.taghyeer.net

 

 

[dr-amira]

تصور يا ضبش انا فضلت مترددة زيك كده و كل يوم ادخل علشان اوقع اخاف و اخرج بسرعة لحد ما فى يوم كانت جرعة الاحباط عالية شوية قمت واخدة حباية الشجاعة وقلت توكلنا على الله يعنى هيحصل ايه اكتر من اللى احنا فيه ...و قد كان ..بس ابقوا اسألوا عليا

 

 

[أحمد باشــا]

اقتباس المشاركة الأصلية كتبت بواسطة dr-amira يعنى هيحصل ايه اكتر من اللى احنا فيه ...

و أضيف و ايه اسوء من كده منتظرينه علشان نطالب بالتغيير

ربنا يبارك في كل من قال كلمة حق و سعى للخير

ربنا يكرمكم ..... ضبش و دكتوره اميرة

 

 

[MFaisal]

الموافقون الآن 48589 مواطن

 

 

[nash]

طيب هو أسمنا هايتكتب؟

ولو أتقفشنا لا سمح الله مين هايخرجنا وهايعاملونا كويس في أوتيلات الداخليه؟؟

 

 

[MFaisal]

اقتباس المشاركة الأصلية كتبت بواسطة nash طيب هو أسمنا هايتكتب؟ ولو أتقفشنا لا سمح الله مين هايخرجنا وهايعاملونا كويس في أوتيلات الداخليه؟؟

انا بعتلهم ميل قبل كده واكدولى ان البيانات هتفضل سرية ومش هيتنشر غير الأسم

وبعدين خلاص العدد وصل 48500 بنى آدم يعنى البوليس هيضايف مين ولا مين ؟

 

 

[كلزار]

النادس دول يا ضبش ايديهم طايله

وهتعلم علينا نفر نفر

دا مربينهم علي الغالي
وعلي راي ناش هيعملونا كويس في اوتيلات المحروسه

ربنا يحرسكم جميعا

بس انا راي لا دا ولا دا

عاوزين حل تالت

 

 

[brain]

طيب ايه الحل التالت يا استاذه كلزار؟
الموقف كالتالي
الطريق الموجود امامنا هو طريق الضياع و انهيار حقيقي للشخصيه المصريه سواء من ناحيه القيم او الاخلاق او الامل في المستقبل
هذا هو الطريق الوحيد الحاضر امامنا الان
اذن اي طريق اخر سيكون افضل من هذا الطريق
نحن الان امامنا طريق ثاني
قد يكون مخادعا و قد يكون وهما و قد يكون اسوأ من السابق
لا ندري
و لكن على الاقل نحن نمتلك الفرصه لكي نختار و لو لمره واحده في حياتنا
نحن الان امام طريق جديد يعطينا ولو بصيص من الامل ان هناك فرصه
فرصه وحيده لكي نحيا كالبشر
حتى لو كانت هذه الفرصه غير مضمونه
فعلى الاقل اذا متنا يمكن ان نفخر باننا متنا و قد فعلنا شيئا
و لم نمت و نحن ننتظر اخس و احقر البشر و الانظمه لكي يقرروا متى من حقنا حتى ان نموت
قد يكون هناك مستقبلا طريق ثالث و طريق رابع و طريق خامس و طريق عاشر
و لكن لكي نصل الى هذه الطرق
لابد ان نختار الان طريق اخر
غير الطريق الذي يدفعنا اليه النظام

 

 

[dr-amira]

اقتباس المشاركة الأصلية كتبت بواسطة brain طيب ايه الحل التالت يا استاذه كلزار؟ الموقف كالتالي الطريق الموجود امامنا هو طريق الضياع و انهيار حقيقي للشخصيه المصريه سواء من ناحيه القيم او الاخلاق او الامل في المستقبل هذا هو الطريق الوحيد الحاضر امامنا الان اذن اي طريق اخر سيكون افضل من هذا الطريق نحن الان امامنا طريق ثاني قد يكون مخادعا و قد يكون وهما و قد يكون اسوأ من السابق لا ندري و لكن على الاقل نحن نمتلك الفرصه لكي نختار و لو لمره واحده في حياتنا نحن الان امام طريق جديد يعطينا ولو بصيص من الامل ان هناك فرصه فرصه وحيده لكي نحيا كالبشر حتى لو كانت هذه الفرصه غير مضمونه فعلى الاقل اذا متنا يمكن ان نفخر باننا متنا و قد فعلنا شيئا و لم نمت و نحن ننتظر اخس و احقر البشر و الانظمه لكي يقرروا متى من حقنا حتى ان نموت قد يكون هناك مستقبلا طريق ثالث و طريق رابع و طريق خامس و طريق عاشر و لكن لكي نصل الى هذه الطرق لابد ان نختار الان طريق اخر غير الطريق الذي يدفعنا اليه النظام

هى فعلا الفرصة الوحيدة اللى ممكن نعاصرها و اللى نقدر نبص فى عين ولادنا ونقولهم احنا حاولنا