الحكم بتاع حمزاوى وبسمة مبالغ فيه ولا أنا متهيألى؟

[fatfouta]

الصحف المصرية والعربية

المؤبد لـ 4 متهمين وسنتان مع الشغل لـ6 بقضية حمزاوى وبسمة

الإثنين، 13 فبراير 2012 - 14:36

قضت محكمة جنايات الجيزة برئاسة المستشار مصطفى حسن عبدالله اليوم، الاثنين، بمعاقبة أربعة متهمين وهم يحيى رشوان ورضا السيد وكارم عبد الحميد وهاشم فوزى بالسجن المؤبد مع وضعهم تحت المراقبة لمدة 5 سنوات، كما قضت بمعاقبة 6 متهمين آخرين بالحبس سنتان مع الشغل وبراءة آخر يدعى خالد محمد "هارب" فى نفس القضية وذلك عقب اتهامهم بالسرقة بالإكراه لكل من الدكتور عمرو حمزاوى، عضو مجلس الشعب، والفنانه بسمة.

كانت المحكمة قد شهدت تجمع عدد من أهالى المتهمين خارج المحكمة ورفضت قوات الأمن المكلفة بحراسة المحكمة دخولهم إلى قاعة المحكمة لعدم حدوث أى تجاوزات داخل القاعة، مما دفعهم إلى التظاهر خارج المحكمة قبل صدور الحكم وقامت قوات الأمن بالسيطرة عليهم.


https://www.youm7.com/News.asp?NewsID=601472

 

[fatfouta]

طب اللى قتل المتظاهرين لسه ماخدش حكم
والى قتل خالد سعيد أخد 7 سنين !!!!!!!

 

 

[savary]

طبعا معاكى حق

بس خضتينى يا فتفوتة

افتكرت حمزاوى هوا كمان لبس قضية زى بتاعة ممدوح حمزة


ماهى شوطة و ماشية فى البلد :-)

 

 

[HanyMan]

دا لو حسن صبانخ اللى كان بيدافع عنهم ما كانوش هياخدوا حكم بالشكل دة

بس باين كدة ان فى تفاصيل فى القضية ما نعرفهاش ذى تحرش او اغتصاب لحد كان موجود فى العربية والله أعلم

 

 

[أحمد فاروق]

حسب معلوماتي، السرقة بالإكراه عقوبتها السجن المشدد (15 سنة أقصى حاجة)، ولو ترك الإكراه جروح، تبقى العقوبة السجن المشدد أو المؤبد (يعني للأبد أو طول حياة الجاني، أيهما أقرب ). فهل ترك الإكراه جروحًا على حمزاوي أو بسمة؟ مش عارف. وكمان 5 سنين مراقبة هي أقصى مدة مراقبة. كده يبقى القاضي اختار أقصى عقوبة ممكنة في جرائم السرقة بالإكراه، ليه؟ مش عارف. ايه الظرف المشدد للعقوبة؟ مش عارف. العقوبة كبيرة بالمقارنة بأعراف الأحكام وبالنظر إن مفيش ظروف مشددة للعقوبة، إلا إنهم حمزاوي وبسمة يعني لو قضية سرقة بالإكراه تانية والمجرم عدم الضحية ضرب (بس بدون إصابته بعاهة)، وفضل الضحية يتعالج سنتين مثلا، هتكون أقصى عقوبة هي دي برضه: سجن مؤبد ومراقبة 5 سنين. كده ماينفعش. المفروض تتساب العقوبات القصوى دي لظروف قصوى، وإلا مش هيبقى فيه تناسق في الأحكام. وده من بلاوي قانون العقوبات: إنه ساب مساحة كبيرة نوعًا ما في العقوبات لتقدير القاضي. يعني يقولك مثلا الجريمة دي عقوبتها "الحبس مدة لا تقل عن 6 شهور ولا تزيد عن سنتين والغرامة بما لا يتجاوز 3 آلاف جنيه، أو الاثنين معًا". والمشكلة إن تقدير القضاة المختلفين ممكن يختلف. هنا دور محكمة النقض في محاولة توحيد فهم القانون وتوحيد العقوبات على الجرائم المتطابقة، عشان كده هي محكمة واحدة في مصر، لكن تتعدد محاكم الجنايات والجنح. يمكن محكمة النقض تقبل الطعن لو كان فيه.

بس أنا كمان افتكرت من العنوان إن حمزاوي وبسمة اتحكم عليهم

 

 

[بندق]

مش كتير

حكم عادى

 

 

[إكرام يوسف]

انشاء تشكيل عصابي إرهابي.. وإرهاب مسلح.. وقطع طريق.. وخطف أنثى (رفعوا السلاح على الدكتور عمرو ورموه في الطريق وخطفوا بسمة بالعربية وبعدين بعد فترة رموها هي كمان) .. وبعدين سرقة العربية .. ده المفروض يطبق عليهم حد الحرابة

 

 

[أسامة الكباريتي]

ياريت كل القضاة ياخدوا بالتشديد في مثل هذه القضايا .. فالقتلة ينتشرون في كل مكان اليوم ..
طلقتان في الرأس .. تلقتها واحدة من اكبر 10 علماء في الموارد البشرية على مستوى العالم (حسب مافهمت) ..

نعم لتشديد الحكام .. بالعدل ..

 

 

[أسامة الكباريتي]

مقتل مديرة الموارد البشرية بمعامل البرج بالمهندسين ظهر اليوم
تعليقات: 11
شارك بتعليقك
آخر تحديث يوم الأحد 12 فبراير 2012 - 4:35 م ا بتوقيت القاهرة

وزير الداخلية
بوابة الشروق
تلقى اللواء عابدين يوسف مساعد أول وزير الداخلية مدير أمن الجيزة، إخطاراً ظهر اليوم الأحد، بمقتل مواطنة أثناء سيرها بسيارتها الملاكى بالقرب من ميدان سفنكس بالمهندسين، فانتقل اللواء كمال الدالى مدير مباحث الجيزة إلى مكان الحادث، وتبين من المعاينة المبدئية أن المجنى عليها هى "نرمين.ج.خ" مديرة الموارد البشرية بمعامل البرج بالمهندسين، وأنها أثناء توجهها إلى عملها بالمهندسين، فوجئت بسيارة تقترب منها، حتى خرج منها شخص يجلس بجوار السائق وأخرج طبنجة وأطلق بها الرصاص على المجنى عليها، أصابت إحداها رأس مديرة الموارد البشرية مما أدى إلى وفاتها.

وبمعاينة مكان الجريمة عثر رجال المباحث على فوارغ طلقات نارية بالقرب من ميدان سفنكس، واستمع العميد محمود خليل مفتش مباحث الجيزة إلى أقوال شهود العيان الذين شاهدوا المتهمين ويطلق أحدهما الذى كان يجلس بجوار السائق الرصاص بطريقة عشوائية نحو المجنى عليها وفرا هاربين وسط حالة من الخوف والذهول أصابت سائقى المركبات القادمة من ميدان لبنان، وتم مطاردة المتهم الذى تمكن من الهرب قبل أن يلحقوا به.


تم تشكيل فريق بحث من رجال المباحث الجيزة بإشراف اللواء محمود فاروق مدير المباحث الجنائية للتوصل إلى هوية المتهمين عن طريق فحص المسجلين خطر بالمنطقة، والاستماع إلى أقوال أقارب الضحية عن علاقاتها وخصومها للتوصل إلى مرتكب الواقعة.

وأمر هشام حاتم رئيس نيابة حوادث شمال الجيزة بتشريح ودفن جثة مديرة الموارد البشرية بمعامل البرج، بعدما أطلق مجهولون الرصاص عليها أثناء سيرها بسيارتها الملاكى بالقرب من ميدان سفنكس بالمهندسين، وفروا هاربين، كما طلب تحريات المباحث حول الواقعة.

---------------------------------------

و

امن السويس :إصابة لواء شرطة وخمس ضباط و12 مجند في هجوم مسلح على المديرية
تعليقات: 5
شارك بتعليقك
آخر تحديث يوم السبت 4 فبراير 2012 - 8:30 م ا بتوقيت القاهرة

----------------------------------

و

مجهولون يختطفون حفيدى إسماعيل عثمان ويطلبون فديه 5 ملايين جنية
تعليقات: 2
شارك بتعليقك
آخر تحديث يوم الخميس 2 فبراير 2012 - 3:20 م ا بتوقيت القاهرة








ووووووووووووووووووووووووووووووووو

 

 

[أحمد فاروق]

اقتباس المشاركة الأصلية كتبت بواسطة إكرام يوسف انشاء تشكيل عصابي إرهابي.. وإرهاب مسلح.. وقطع طريق.. وخطف أنثى (رفعوا السلاح على الدكتور عمرو ورموه في الطريق وخطفوا بسمة بالعربية وبعدين بعد فترة رموها هي كمان) .. وبعدين سرقة العربية .. ده المفروض يطبق عليهم حد الحرابة

"إرهاب مسلح" مش تهمة هنا. الإرهاب مش وارد لأن القصد كان السرقة. جزء التسليح متغطي في شق الإكراه. الواقعة نفسها متغطية بتهمة السرقة بالإكراه، إلا لو ارتبط بيها جرائم إرهابية سابقة لنفس المتهمين مثلا.
و"سرقة العربية" متغطية بشق "السرقة" في جريمة "السرقة بالإكراه".
و"رفع السلاح على حمزاوي" متغطي بشق "الإكراه" في جريمة "السرقة بالإكراه".
"تشكيل عصابي" و"قطع الطريق" و "خطف أنثى" معرفش ثابتة واللا لأ. الخبر قال اتهام بسرقة بالإكراه وبس. فيعتمد الموضوع هنا على وصف النيابة للواقعة والجرائم اللي اتهمت بيها المحكوم عليهم. لو دي جرائم تانية، يبقى الحكم له ما يبرره ومايبقاش كتير، ويبقى الخبر مش دقيق. بس عمومًا حتى لو كانت الجريمة بس السرقة بالإكراه، فالحكم قانوني لكن لابد من وجود ظروف مشددة للعقوبة لأن المؤبد هي أقصى عقوبة. قد تكون الفوضى العامة هي الظرف المشدد.