القضاء يؤيد منع دخول المتنقبات امتحانات الجامعات

[فــيــروز]

الصحف المصرية والعربية

اقتباس المشاركة الأصلية كتبت بواسطة RMG طب حضرتك شوفتي استخفاف اكتر من ان وزير المالية يسب الدين عيني عينك والناس تضايق فتكون النتيجة تعديل وزاري يتغير فيه وزير التعليم!!!

بصراحه النقطه دى محيّره جدّا ..
الناس مسلوخين من الوزير إشى ضرايب عقاريه على رسوم و دمغات و متعايشين !! و جُم عند موضوع سب الدين و توقّعوا إقالته لسبب أخلاقى و ليس بسبب سوء أدائه لوظيفته .. دى كده حاجه كويّسه ولا حاجه تقلق !! خصوصا و إن سب الدين يُعتَبر سلوك شائع جدّا فى الشارع المصرى و بردو الناس متعايشه معاه

 

 

[brain]

اقتباس المشاركة الأصلية كتبت بواسطة فــيــروز بصراحه النقطه دى محيّره جدّا .. الناس مسلوخين من الوزير إشى ضرايب عقاريه على رسوم و دمغات و متعايشين !! و جُم عند موضوع سب الدين و توقّعوا إقالته لسبب أخلاقى و ليس بسبب سوء أدائه لوظيفته .. دى كده حاجه كويّسه ولا حاجه تقلق !! خصوصا و إن سب الدين يُعتَبر سلوك شائع جدّا فى الشارع المصرى و بردو الناس متعايشه معاه

طيب ليه كده يا فيروز
كده هتدخلي في الغريق
سب الدين يا فيروز اخطر مليون مره من الضريبه العقاريه و من الضرائب اللي نازله ترف على الناس
زمان عبد المطلب راح لابرها الاشرم و قال له " انان عايز الغنم بتاعتي دي امانه الناس عندي " فكان رد ابرهه " يعني مش خايف على الكعبه بتاعتك و خايف على شويه غنم و معيز "
كان رد عبد المطلب " انا مسئول عن الغنم ام البيت فله رب يحميه "
الايام دي الناس ماشيه بالعكس
نحن مسئولون عن الدين
اما الناس فلهم رب يحميهم

 

 

[فــيــروز]

اقتباس المشاركة الأصلية كتبت بواسطة brain طيب ليه كده يا فيروز كده هتدخلي في الغريق سب الدين يا فيروز اخطر مليون مره من الضريبه العقاريه و من الضرائب اللي نازله ترف على الناس زمان عبد المطلب راح لابرها الاشرم و قال له " انان عايز الغنم بتاعتي دي امانه الناس عندي " فكان رد ابرهه " يعني مش خايف على الكعبه بتاعتك و خايف على شويه غنم و معيز " كان رد عبد المطلب " انا مسئول عن الغنم ام البيت فله رب يحميه " الايام دي الناس ماشيه بالعكس نحن مسئولون عن الدين اما الناس فلهم رب يحميهم

بجد الموضوع مُحيّر !! و مش عارفه مفروض نفرح ولاّ نتضايق من غضب الناس لسب الوزير للدين و مطالبتهم بإقالته لهذا السبب أو حتى توقّعهم للإقاله بسبب السبّ مع إنّه -وهو شئ يصعب جدّا ألاّ يكون ملحوظا- سلوك يكاد يكون يومى فى الشارع المصرى و مابقاش مُستغرَب إطلاقا تسمع الناس بيسبّوا الدين لبعض !!

 

 

[brain]

اقتباس المشاركة الأصلية كتبت بواسطة فــيــروز بجد الموضوع مُحيّر !! و مش عارفه مفروض نفرح ولاّ نتضايق من غضب الناس لسب الوزير للدين و مطالبتهم بإقالته لهذا السبب أو حتى توقّعهم للإقاله بسبب السبّ مع إنّه -وهو شئ يصعب جدّا ألاّ يكون ملحوظا- سلوك يكاد يكون يومى فى الشارع المصرى و مابقاش مُستغرَب إطلاقا تسمع الناس بيسبّوا الدين لبعض !!

المفروض نعيط يا فيروز
و انا اقصد هذه الكلمه حرفيا

 

 

[RMG]

أولا لما الوزير يسب الدين فدي قضية ليها شقين الشق الأول انه بني آدم قليل الأدب وهذا لا يتنافى بالطبع مع منصب الوزير المصري المعاصر
الشق الثاني وهوانه بني آدم قليل الدين ودي يفترض انها تتعارض مع من يمسك بمقاليد بيت المال
ولكن المؤكد انه لا قلة الأدب ولا قلة الدين تعيب اي وزير طالما ان قلة أدبه لم تطال الكبار
الذي احب ان أؤكده ان حماية الدين والدفاع عن حرمته مسئولية كل مسلم وسلوكيات عبد المطلب في الجاهلية ليست حجة على المسلمين وليست سنة مؤكده يجب العمل بها في الاسلام
"وَإِن تَتَوَلَّوْا يَسْتَبْدِلْ قَوْماً غَيْرَكُمْ ثُمَّ لَا يَكُونُوا أَمْثَالَكُمْ"

 

 

[RMG]

اقتباس المشاركة الأصلية كتبت بواسطة فــيــروز بجد الموضوع مُحيّر !! و مش عارفه مفروض نفرح ولاّ نتضايق من غضب الناس لسب الوزير للدين و مطالبتهم بإقالته لهذا السبب أو حتى توقّعهم للإقاله بسبب السبّ مع إنّه -وهو شئ يصعب جدّا ألاّ يكون ملحوظا- سلوك يكاد يكون يومى فى الشارع المصرى و مابقاش مُستغرَب إطلاقا تسمع الناس بيسبّوا الدين لبعض !!

كونه سلوك عادي فده شيئ يتطلب التصحيح والتغيير لا أن يصبح شيئا عاديا يجوز تمريره

وزير المالية لو كانت جريمته الوحيده سب الدين لكان يستحق العزل حتى لو كان اداؤه متميزا وجميلا

 

 

[brain]

اقتباس المشاركة الأصلية كتبت بواسطة RMG أ الذي احب ان أؤكده ان حماية الدين والدفاع عن حرمته مسئولية كل مسلم وسلوكيات عبد المطلب في الجاهلية ليست حجة على المسلمين وليست سنة مؤكده يجب العمل بها في الاسلام "وَإِن تَتَوَلَّوْا يَسْتَبْدِلْ قَوْماً غَيْرَكُمْ ثُمَّ لَا يَكُونُوا أَمْثَالَكُمْ"

و انا لا اعترض نهائيا على الدفاع عن الدين يا دكتور
و لكني اقارن بين موقف الرجل العربي البسيط في القرن السادس الميلادي و موقفنا نحن في القرن الواحد و العشرين
الرجل العربي البسيط علم بفطرته ان حقوق الناس مقدمه على كل حق - و هذا هو المطلوب منا - و اتذكر جيدا احد الشيوخ التي كنت استمع اليهم في الماضي و هو يقول ان الله قد يتسامح في حق من حقوقه و لكنه لا يتسامح ابدا في حقوق العباد
و لكن نحن الان اختلفت الامور
فعلى الرغم من كل ما فعله و يفعله و سيفعله وزير الماليه في الناس
الا ان الشكوى كانت على استحياء
و لكن عندما اصبح الموضوع مرتبط بالدين
تحول الموضوع الى
لا يسلم الشرف الرفيع من الاذى حتى يراق على جوانبه الدم
مع ان ما يحدث فينا يفوق عشرات المرات ما حدث للشرف الرفيع و مع ذلك لم يراق فيها دم ولا حتى مياه

 

 

[RMG]

اقتباس فعلى الرغم من كل ما فعله و يفعله و سيفعله وزير الماليه في الناس الا ان الشكوى كانت على استحياء و لكن عندما اصبح الموضوع مرتبط بالدين تحول الموضوع الى لا يسلم الشرف الرفيع من الاذى حتى يراق على جوانبه الدم مع ان ما يحدث فينا يفوق عشرات المرات ما حدث للشرف الرفيع و مع ذلك لم يراق فيها دم ولا حتى مياه

ده سببه ان الناس من داخلها لا أمل لديها في نيل حقوقها ونسيت تقريبا حكاية حقوقها دي وتعيش حالة يأس غير مسبوقه في التاريخ
في البيولوجي زمان علمونا ان العضو المستعمل ينمو والعضو المهمل يضمر
فنحن شعب حدث له ضمور
اما سخط البعض للدين فسببه الغيرة لطبيعية لديهم تجاه الدين وهم انفسهم الذين يسخطون عندما يسمعون اي واحد بيسب الدين سواءا كان وزير او غير وزير
كتير لسه بيستغفروا الله عندما يسمعون احدا يسب الدين

 

 

[النسر]

الحكم ده عادل جدا جدا
والنقاب حرية شخصية لكن خارج لجنة الامتحان
وانا مؤيد للحكم