عاااااااااااااااجل إشتباكات عنيفه امام مجلس الوزراء الان

[ComingSoon]

الصحف المصرية والعربية

اقتباس المشاركة الأصلية كتبت بواسطة Eng Hesham بصراحه انا دلوقتى اتوقع اى شئ من الجيش وعساكره وقياداته بس لازم نعرف الحقيقه الاول قبل ما نتحرك او نتصرف الادمن بيقول هانتأكد و نقول مستنيين التأكيد او النفى

هيا الدنيا بقت مشية بضهرها

المفروض يتأكد وبعد كده يذيع الخبر

ولايذيع الخبر ويقول بعدها هتأكد وهاقولكم!

 

 

[sanaa]

 

 

[أحمد فاروق]

اقتباس المشاركة الأصلية كتبت بواسطة Eng Hesham اون تى فى جابت من شوية واحد شيخ مصاب إصابات بالغة بيقول الجيش وضع جميع المصابين على بعضهم وفتح عليهم خرطوم المطافى والعساكر قالولهم إحنا واخدين أوامر يا نموتكم يا نموت إحنا .

دي أنا أصدقها جدًا على الجيش. ده أسلوبهم للتحفيز. لو فيه عسكري واخد مسجون على السجن، القاعدة: "لو هرب منك تتسجن انت مكانه". فأنا مصدق الكلام ده.

 

 

[عنبو]

اقتباس المشاركة الأصلية كتبت بواسطة Eng Hesham لالالالالالالالالالالا فى الحاجات دى بالذات العساكر بتحكى و تفضفض رشى عليهم رشه سجاير محترمه و هاتقولك على كل حاجه انتى عايزه تعرفيها الكلام دا عن خبره شخصيه

لا ياعم هشام الله يرضى عليك سجارة ايه ويقولك على كل حاجه انت شكلك مدخلتش جيش يا اتش

الكلام اليى فى الصفحه دى لا يدخل عقلى اساسا هو اي نعم المجلس العسكرى مش ملايكه ولكنهم ليسوا بهذه الدرجه من السوء مش عاوزين غضبنا يعمينا عن الحقائق يا جماعه

تحياتى

عنبو

 

 

[Eng Hesham]

رصد | متابعات | ملخص حوار العميد صفوت الزيات الخبير في الشئون العسكرية والاستراتيجية لبرنامج العاشرة مساءاً #RNN

- عندما كان حلف الناتو يفكر فى ضرب موقع فى ليبيا كان يجتمع كل دول أعضاء الحلف قبلها بثلاثة أيام ليدرسوا الموقع جيدا حتى لا يصاب مدني واحد لأنهم يخافون من أن يُقتل مدني واحد
- لابد من محاسبة قيادات عليا مسئولة على قتل الناس فى الميدان
- أنا حزين عندما أري هذه الأفعال من بعض أفراد الجيش ...المصري , أنا أعتبر هؤلاء ليسوا جنود الجيش المصري فالجيش المصري مصنف على أنه من أفضل خمس جيوش فى العالم أخلاقيا وانضباطا
- هناك خلل كبير من القيادات الصغرى أدى إلى ماحدث
- تأثرت جدا عندما رأيت وزيرة المالية الايطالية وهي تبكي بسبب وضعها خطة للتقشف و نحن مقبلين على ظروف صعبة جدا ستؤثر على ميزانية الدفاع والداخلية والخارجية وكل شيء
- بعد انتخابات مجلس الشعب ثم الرئاسة سيبدأ الحساب العسير

 

 

[black knight]

الكلام صعب جدا يركب مع بعضه ... أصلا صعب جدا أحداث زي دي ممكن تحصل في الظروف اللي موجوده خارج المبنى

وصعب جدا أن يكون فيه خمسين ضابط في المبنى

وبعدين العمليه مش عزومه اللواء الأول والحلوين للظباط والوحشين للعساكر

كلام مش منطقي ومش ممكن يكون صحيح

 

 

[Eng Hesham]

اقتباس المشاركة الأصلية كتبت بواسطة عنبو لا ياعم هشام الله يرضى عليك سجارة ايه ويقولك على كل حاجه انت شكلك مدخلتش جيش يا اتش الكلام اليى فى الصفحه دى لا يدخل عقلى اساسا هو اي نعم المجلس العسكرى مش ملايكه ولكنهم ليسوا بهذه الدرجه من السوء مش عاوزين غضبنا يعمينا عن الحقائق يا جماعه تحياتى عنبو

اقتباس المشاركة الأصلية كتبت بواسطة black knight الكلام صعب جدا يركب مع بعضه ... أصلا صعب جدا أحداث زي دي ممكن تحصل في الظروف اللي موجوده خارج المبنى وصعب جدا أن يكون فيه خمسين ضابط في المبنى وبعدين العمليه مش عزومه اللواء الأول والحلوين للظباط والوحشين للعساكر كلام مش منطقي ومش ممكن يكون صحيح

خلونا ورا الكداب لحد باب الدار

و الكدب مالوش رجلين

وكله هايظهر بس لازم نحط كل الاحتمالات فى بالنا

ممكن - لا قدر الله - يكون الكلام صحيح وممكن يكون تهييج اعلامى

زى ما قولت قبل كده

فى انتظار تأكيد على الاخبار دى لانها مش سهله

ربنا يستر

 

 

[Eng Hesham]

شركة ادوب ( فوتو شوب ) هينزلوا بيااااااان جديد . . . . ... ... . . . . . " احنا بتوع صور مش فيديوهات يا كفرة"

 

 

[ComingSoon]

المفروض امبارح كانت محاكمه العادلي و طبعا و لا حد واخد باله و ايام احداث محمد محمود كانت محاكمه مبارك وبرضوا ولا حد اخد باله ..... طيب شفتو قناة من القنوات المحترمه اتكلمت عنها ؟؟ طيب شفتو جريده من الجرائد المحترمه تكلمت عنها ؟؟
........ وصلت ولا لسه ؟؟؟

منقول

 

 

[Eng Hesham]

عزت طلبه يكتب : هدوء ثوري

فى وسط كل اللى بيحصل هديت اعصابى علشان اعرف افكر ولقيتنى بسأل نفسى اسئلة ومش لاقى لها اجابة..فكر معايا ومش لازم ترد

• ازاى كل مرة بيتصور فيها ضابط متهم بالاعتداء على الثوار بعديها بوقت قليل بيبقى عندنا اسمه ورقم تليفونه ورتبته؟
• نصيحة للتيار الليبرالى...لو احنا بنلوم الاخوان والسلفيين انهم مانزلوش يدافعوا عن الثوار او الميدان، يبقى افهم من كلامك انهم مهمين..ليه فيه ناس بتقول انهم ركبوا الثورة؟ طالما انك نزلت الميدان من غير اوامر شيخ اومرشد فلا تأمر الشيخ او المرشد انه يبعت لك رجالته يحموك..ببساطة مش عاجباك مواقفهم لا تنتخبهم. ومش عيب نتعلم منهم التنظيم
• ليه فى احداث محمد محمود العسكر فضى الميدان تلات مرات وبعدين انسحب؟ وليه عايزين يملوا الميدان؟
• ليه فى احداث مجلس الوزراء الداخلية رفضت تكون طرف فى الاحداث؟ هل دة معناه ان الوزير الجديد يملك الرفض او قبول اى مهام من المجلس؟
• ليه فيه ناس مصممة تفتى وتقول ان الشعب المصرى خايف من صعود الاسلاميين للحكم مع انهم معاهم تلتين الاصوات من نفس الشعب المذعور من الاسلاميين؟
• فى واقعة الحواوشى..معقولة ماحدش عارف اسم المحل؟ وسبحان الله كاميرا جابت الست والعربية ونفس الكاميرا دى عطلت فى بداية احداث مجلس الوزراء؟
• هل يعقل ان يحاول الجيش بشتى الطرق العمل على انهيار شعبيته من اجل فرض سيطرته على شارع القصر العينى؟ ام هناك من يحاول جرنا الى ثورة اخرى؟ اصل مش ممكن بعد ما نجح اخيرا مؤيدى المجلس فى عمل تظاهرة تعتبر كبيرة نسبيا بالمقارنة بوقفات مصطفى محمود وراها على طول محمد محمود ورمى الجثث فى ...الزبالة وبعديها هتك عرض الفتيات فى التحرير... فيه حاجة مش مزبوطة.
• من المسئول فى الشئون المعنوية عن الفشل فى استثمار شعار الشعب والجيش ايد واحدة لتتحول الى يسقط يسقط حكم العسكر؟
• من هو وزير الدفاع؟

10. من الذى اشعل المبانى؟ الثوار؟ مش اخلاقهم..طب بلطجية؟ مين بعتهم؟ الجيش؟...ليه؟
11. اين حسين سالم؟
12. ما الهدف من خطف النشطاء ثم اطلاق سراحهم او اعتقالهم ثم اخلاء سبيلهم؟