يا شعب مصر ـ تميم البرغوثي

[إكرام يوسف]

الصحف المصرية والعربية

تحية إلى شباب مصر وشعبها العظيم.. الذي يبيت من الآن في ميادين تحرير مصر.. انتظارا لجمعة القصاص.. الثورة أولا .. في الثامن من يوليو.. جزء من قصيدة تميم البرغوثس: يا شعب مصر

اعلم يا هذا الجيل إن الوطن بَشَرُه
لو مصر من غير نيل كان شعبها حَفَرُه
مش وصلوا بحرين وبنوا جبال اتنين
وف ظرف أسبوعين على خوفهم انتصروا


والخوف ده شىء معروف بيفرعن الحلوف
رزق الملوك الخوف من غيره يندثروا
رزق الملوك بقشيش من خوفنا شعب وجيش
ومفيش ملك بيعيش لو شعبك افتكره


ناس لسه فى العشرين نازلين على الميادين
بيهزأوا السلاطين من غير ما يعتذروا
يا شعب يا مجنون .. علم شعوب الكون
اللى اخترع فرعون .. قادر يجيب خبره


يا سادة الأيام .. يا رافعين الهام
من بكرة بر الشام .. نادر لكم شجره
نادرها تين وزيتون .. فى القدس ينتظرون
جيش ع الغلابة حنون .. وعلى العدا ضرره



دافعين تمنها دما
يا أمة الكرما
شعبك كأنه سما
و الدنيا دى مطره


يا مصر حمد الله عالسلامة
مطر و نازل بدون غمامة
مطر يا سيدى نازل و طالع
كأنه مدنة و الأرض جامع
و الأرض دى مظاهرة فى الشوارع
تسقى السما جدعنة و شهامة
مطر طالع يقول لربه
الأمهات اللى فى مصر ربوا
و يا بنات مصر قوموا حبوا
أجمل ما فى الراجل الكرامة


مطر و طالع عالفجر يدن
طلعت بنات مصر حلوة جدا
فى الحرب و الدنيا نار و معدن
طايرة و شايلة السما اليمامة


خمسة وعشرين من شهر واحد
ألفين و عشرة و زادوا واحد
كنا ملايين و كنا واحد
حددنا موعد يوم القيامة

 

[إكرام يوسف]

ياصحابي.. يا أهلي.. يا جيراني.. أقابلكم بعد ساعات في التحرير..
تحية لكل اصحابي وأهلي وجيراني في كل ميادين تحرير مصر في كل محافظات مصر