Arabic Discussion Forum with a Special Interest in Travel and Immigration

Badroora · 27th January 2009, 11:50 PM

هلا والله
كنت بأقول يعنى لو ممكن يعنى اننا كاعضاء مطاريد نعمل لقاء مثقفين فى مصر ونظرا لانى انا اللى باقترح التجربة وبصراحة مخضوضة شوية منها لانى فى الواقع طيبة جدا وهادية موت وخجولة حيلومش عاوزة حد لا يكسفنى ولا يقول كلمة تزعلنى
المهم اللقاء بشروط
نساء فقط او عائلات يعنى ممكن لو حد من الاخوة الرجال حب يجي ممكن يجيب معاه زوجته او بنته او محرم
الرجال فوق ال50 سنه ممكن يجي بدون محرم ( ابويا عنده 50 سنه) فكدا اوك مافيش مشكلة
الشباب اقل من 25 سنه ممكن يجي لوحدة بدون محرم
ما بين 26 سنه و50 يجيب اخته مراته مامته بنته اى حد ..
وكنت باقترح اقتراح بس سألت اننا لو ينفع نعمل زيارة لفلسطين وغزة بس قالولى مينفعش والموضوع معقد..
فكنت نفسي لو هنعمل برنامج كويس ممكن اخد اجازة شهرين ونعمل رحلات ثقافية زى مكتبة الاسكندرية , المتحف المصري كنت ساكنه جمبه 4 سنوات ومروحتوش ولا مرة ممكن نزور اولياء الله الصالحين مروحتش الاهرامات من ايام 5 ابتدائي ممكن نزور اماكن كتيرة بس حد يكون مذاكر التاريخ كويس عشان يشرح لنا.. وعندي افكار كتيرة من هنا لشهر مايو ان شاء الله هاكون كتبتها كلها ..
انا بقالى فى المنتديات بالظبط سنه و10 شهور هى عمرى فى عالم المنتديات واتعرفت على ناس كتير محترمه مش هاقول نفسي اقابلهم عشان لو محدش حابب يقابلنى او ظروفه لن تسمح انه يقابلنى متحرجش ..بس اكيد كل الشخصيات المحترمه اللى هنا نفسي اقابلها واشوفها وجه لوجه .. والبت هوبا نفسي اشوفها اسلم عليها وبعدين اعضها عضه بغِل
ملحوظة
ممنوع الاتى
بلوتوث
كاميرات
تسجيل المحادثات عشان الندالة بس يعنى الواحد مينتفش فروة امة لا اله الا الله وارجع من الاجازة اقعد شهور اداوى والملم فى اللى بيتشحتر
حسه انى رغيت كتير
يلا مين جاي
ومين عنده اقتراحات لعمل رحالات وندوات ثقافية اقودها انا بفصاحتى اللغوية

moka · 28th January 2009, 04:02 AM

.
.

حابب اجي ولكن شرطك (26 - 50) يمنعني ... !
بالتوفيق للجميع ..!

Badroora · 28th January 2009, 04:08 AM

اقتباس

المشاركة الأصلية كتبت بواسطة moka


	. . حابب اجي ولكن شرطك (26 - 50) يمنعني ... ! بالتوفيق للجميع ..!

لحد ال60 يمشي معاك

moka · 28th January 2009, 04:19 AM

اقتباس

المشاركة الأصلية كتبت بواسطة badroora


	لحد ال60 يمشي معاك

هههههههههههههههههههههه ما شي يا بدورة ..

حارسلكم حد من العيلة في مصر يحضر بالنيابة عني .. !
وبالعند بقى عنده 25 سنة و 11 شهر اهوووو بقى تنطبق عليه الشروط
وحاخليه مخصوص يعملك زوووووووووم وتسجيل لكلامك وحانشره على كافة الملأ في المنتديات ..!

Badroora · 28th January 2009, 04:32 AM

اقتباس

المشاركة الأصلية كتبت بواسطة moka


	هههههههههههههههههههههه ما شي يا بدورة .. حارسلكم حد من العيلة في مصر يحضر بالنيابة عني .. ! وبالعند بقى عنده 25 سنة و 11 شهر اهوووو بقى تنطبق عليه الشروط وحاخليه مخصوص يعملك زوووووووووم وتسجيل لكلامك وحانشره على كافة الملأ في المنتديات ..!

والله يا موكا لو الفضيحة هتيجى من صوبك تبقي شرف والله مش فضيحة

oskasan · 28th January 2009, 04:38 AM

اقتباس


	عشان لو محدش حابب يقابلنى

أنا

مش ناوي آجى

العيال هاتخلص امتحانات آخر يونيو
يعنى مفيش محرم

النوبة حبيبتي · 28th January 2009, 04:42 AM

[quote=Badroora;56725] كاعضاء مطاريد نعمل لقاء مثقفين فى مصر لو ينفع نعمل زيارة لفلسطين وغزة بس قالولى مينفعش شهرين ونعمل رحلات ثقافية . وعندي افكار كتيرة من هنا لشهر مايو ان شاء الله هاكون كتبتها كلها ..
يلا مين جاي
اغلب الاجازات في شهريوليو تقدري تأخري اجازتك عشان المصيف قبل رمضان

Badroora · 28th January 2009, 04:44 AM

طيب سؤال يوليو دا اللى هو 6 ولا سبعه دايما اتلخبط بينهم عشان كدا كلمونى بالشهور بالارقام بليز

Badroora · 28th January 2009, 04:46 AM

اقتباس

المشاركة الأصلية كتبت بواسطة oskasan


	أنا مش ناوي آجى العيال هاتخلص امتحانات آخر يونيو يعنى مفيش محرم

لا يا اوسكا انت تيجي بدون محرم مش مشكلة هنتغاضي عنك

haya · 28th January 2009, 04:46 AM

اقتباس

المشاركة الأصلية كتبت بواسطة Badroora


	هلا والله انا بقالى فى المنتديات بالظبط سنه و10 شهور هى عمرى فى عالم المنتديات ملحوظة ممنوع الاتى بلوتوث كاميرات تسجيل المحادثات عشان الندالة بس يعنى الواحد مينتفش فروة امة لا اله الا الله وارجع من الاجازة اقعد شهور اداوى والملم فى اللى بيتشحتر [/COLOR][/SIZE][/FONT]

بدورة

اللي اتلسع من الشوربة ينفخ في الزبادي ..كل ده من سنه و8 شهور منتديات ..انتي رعبتيني يا بدروة حرام عليكي ...
بصي بقي انا نفسي جدا اشوفك واشوف كل الناس بس معاد مايو ده بدري اوي علشان امتحانات الولاد واعتقد معظم الناس نفس الرأي زي اوسكا افندي ..فخليها اخر يونية مثلا يكون انسب شويه ...اوك؟؟؟
وبعدين انا نفسي اروح القرية الفرعونية واتغدي بعد كده عند أندريا ...اه

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

Latest Threads By This Member
Thread	Forum	Last Poster	Replies	Views	Last Post
حدش هنا من دفعة 2008 مطاريد	ترحيبات ... مناسبات ... علاقات عامة	MFaisal	13	3697	31st May 2015 07:14 PM
احم احم ..ممكن ادخل ؟!!	ترحيبات ... مناسبات ... علاقات عامة	مصرية	92	8256	15th June 2011 11:23 PM
Merits and demerits of Immigration	Do you speak English	saynow	12	14050	13th November 2009 11:56 PM
بـــرنــــجـــان بالمـــكـــســـرات ( مكدوس).!!!	شؤون المطبخ	ماتريكس دوت نت	16	5409	13th November 2009 10:15 AM
Happy Birthday dede_alkady	ترحيبات ... مناسبات ... علاقات عامة	poulaemad	47	6863	12th November 2009 11:11 PM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شابوهات....أباجورات.... مين قال هااااات	abysaleh	إبنى بيتك	79	20th November 2014 10:31 AM
من قال نعم ومن قال لأ لتعديل الدستور	Sonesta	موضوعات عامة ... موضوعات خفيفة ... منوعات	128	1st April 2011 10:32 PM
يا MEDPHARMA و imatinib ضبط واحضار ,,, أين قال المسيح " أنا الله "	فرح فرحنا	مناقشات وحوارات جادة	98	21st January 2011 11:33 PM
مين مين قدنا-سيدحجاب عندنا	حسام	من نحن ؟	36	5th December 2008 06:51 AM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

ترحيبات ... مناسبات ... علاقات عامة

اللقاء الأول للمطـاريـد بمـصـر فى الصيف المـقبل ..مين قال جـاي .!!!