Le français québécois

[الأهلاوي الأصيل]

الصحف المصرية والعربية

طبعاً كتير من أعضاء المنتدى يا إما عايشين في كيبك ، أو في طريقهم للهجرة لكيبك ، أو على الأقل في الطريق لعمل مقابلات خاصة بالهجرة لكيبك باللغة الفرنسية.
طبعاً كتير بنسمع عن الفرنساوي بتاع كيبك وإنه مختلف عن الفرنساوي اللي بيتكلموا بيه في فرنسا واللي بيتدرس في المركز الثقافي الفرنسي في مصر على سبيل المثال.
طبعاً اللغة واحدة...وإذا اتكلمت بالفرنساوي المعتاد اللي احنا اتعلمناه الناس هنا في كيبك هتفهمك كويس.
في الموضوع ده هنتكلم عن الفروق بين الاتنين ، وأصل الاختلاف وإيه سببه
وهنعرض بعض التعبيرات والمصطلحات المختلفة، والموضوع سيتم تجديده والإضافة إليه تباعاً...فتابعونا

 

[Princesse]

اقتباس المشاركة الأصلية كتبت بواسطة الأهلاوي الأصيل طبعاً كتير من أعضاء المنتدى يا إما عايشين في كيبك ، أو في طريقهم للهجرة لكيبك ، أو على الأقل في الطريق لعمل مقابلات خاصة بالهجرة لكيبك باللغة الفرنسية. طبعاً كتير بنسمع عن الفرنساوي بتاع كيبك وإنه مختلف عن الفرنساوي اللي بيتكلموا بيه في فرنسا واللي بيتدرس في المركز الثقافي الفرنسي في مصر على سبيل المثال. طبعاً اللغة واحدة...وإذا اتكلمت بالفرنساوي المعتاد اللي احنا اتعلمناه الناس هنا في كيبك هتفهمك كويس. في الموضوع ده هنتكلم عن الفروق بين الاتنين ، وأصل الاختلاف وإيه سببه وهنعرض بعض التعبيرات والمصطلحات المختلفة، والموضوع سيتم تجديده والإضافة إليه تباعاً...فتابعونا

ايه دا....اهلاوي فتح موضوع جديد....
ايوة كدة عاوزين نجذب عدد كبير من الاعضاء للباب دا...ونخلي الناس تحب الفرنساوي
مبروك يا اهلاوي على الموضوع الجديد
و في انتظار مشاركاتك القادمة بفارغ الصبر

 

 

[الأهلاوي الأصيل]

شكراً يا برنسيس ... في الحقيقة أنا فضلت أفتح موضوع جديد بدل من الكتابة في موضوعك عشان ما يحصلش تشتت في الموضوع بتاعك وما أقطعش التسلسل بتاعك

اقتباس المشاركة الأصلية كتبت بواسطة Princesse ايه دا....اهلاوي فتح موضوع جديد.... ايوة كدة عاوزين نجذب عدد كبير من الاعضاء للباب دا...ونخلي الناس تحب الفرنساوي مبروك يا اهلاوي على الموضوع الجديد و في انتظار مشاركاتك القادمة بفارغ الصبر

 

 

[الأهلاوي الأصيل]

حتى سنة 1763 عندما سقطت كيبك في يد الانجليز كانت كيبك مستعمرة فرنسية وكان الغالبية العظمي من سكانها من المهاجرين الفرنسيين ، وكانت تسمى في ذلك الوقت بفرنسا الجديدة.
منذ ذلك الحين وحتى الآن ورغم مرور ما يقارب ال 250 عاماً على هذا الحدث مازال الكيبكيون يعتبرون أنفسهم مواطنين فرنسيين ومازالوا يتباكون على أيام الحقبة الفرنسية ويتذكرون بكل حزن هزيمة الجيش الفرنسي أمام نظيره الانجليزي في كيبك.
منذ ذلك الحين بذل الكيبكيون كل جهدهم من أجل الحفاظ على هويتهم وثقافتهم من التأثر بأعدائهم الانجليز ومن أهم مظاهر هذه الهوية والثقافة - بالطبع - اللغة الفرنسية.
كانت هذه مقدمة ضرورية للغاية ستتيح فيما بعد فهم طبيعة الاختلاف بين اللغة الفرنسية المستخدمة في موطنها الأصلي فرنسا أو في معظم بلاد العالم المتحدثة بالفرنسية ونظيرتها في مقاطعة كيبك الكندية.

 

 

[biopasha]

موضوع مهم ومتميز كالعادة يا بشمهندس

تسجيل متابعة

 

 

[alaafrench]

انا جبت الكرسى وقاعد مستنى
اى حته كيبكواه تعدى
فى الانتظار يا دكتور

 

 

[الأهلاوي الأصيل]

Biopasha ... alaafrench
ألف شكر على المتابعة والرد
____________________
المقدمة اللي كتبناها سابقاً كانت مهمة جداً لفهم طبيعة الاختلاف بين اللهجة المستخدمة في كيبك وبين باقي المناطق الفرانكفونية في العالم وفرنسا على وجه الخصوص.
السبب الأساسي إن اللغة الفرنسية تطورت كباقي اللغات في موطنها الأصلي بفرنسا كباقي اللغات ، بينما في كيبك حافظ السكان على لغتهم الفرنسية ضد أي كلمات دخيلة أو جديدة على لغتهم من المجتمعات المحيطة بيهم وخاصة إذا كان هذا المحيط ذو ثقافة معادية لهم من وجهة نظرهم ، فالفرنسية المستخدمة في كيبك حالياً مشابهة للفرنسية المستخدمة في القرن السابع عشر والثامن عشر ancien français بينما تطورت اللغة في موطنها الأم عن ذلك كثيراً.
عنصر آخر يلي ذلك في الأهمية هو تأثر اللغة في كيبك بالطبيعة الثلجية القارصة والمفردات المتعلقة بها وكذلك لغة السكان الأصليين.

 

 

[الأهلاوي الأصيل]

أول وأوضح فارق يلحظه أي دارس للفرنسية عند سماعه اللهجة الخاصة بالكيبكواه هي طريقة نطق الحروف ment في أواخر الكلمات التي تنتهي بها مثل:
appartement
vraiment
logement
حيث إن المقطع ment ينطق في الفرنسية المعتادة بحركة الضم بالعربية مثل كلمة mon (ضمير الملكية المذكر للمتكلم).
فإنه ينطق باللهجة الكيبكواه بحركة الفتح مثل كلمة main (يد بالفرنسية)
وهكذا نلحظ دائماً في اللهجة الكيبكواه نفس الشيء في كلمة أخرى مثل
pense تنطق هكذا (بانس) بفتح ال p وليس بالضم مثل الفرنسية التي تعودنا عليها
ومثل أيضاً: present (تنطق بريزان) وليس (بريزون)
وأيضاً presendent (تنطق بلهجة الكيبكواه بريزيدان) وليس بريزيدون).
وهكذا في جميع الكلمات المشابهة.

 

 

[savary]

الف شكر للاهلاوى الاصيل على التوبك

انا بحضر للديلف بى ان

ونزلت اشتريت شويه كتب و كلقيت كتاب عن الفروق بين فرنساوى كيبك و الفرنساوى العادى

واانا بتصفح فى الكتاب لقيت ان فى مفردات كتير مختلفه مش بس نطق كلمات

بصراحه قولت انا مش ناقص لخبطه و كفايه عليا الجرامير و الفوكابيولير

وخلى فرنساوى كيبك بعدين

بس هبقى متابع التبوك مع حضرتك

merci bien monsieur

 

 

[الأهلاوي الأصيل]

العفو يا فندم
طبعاً فيه مفردات كتير مختلفة بحكم البيئة وبحكم الظروف التاريخية اللي اتكلمنا عنها
مش بس المفردات...التعبيرات برضه كتير منها مختلف.
عموماً انسى الفرنساوي الكيبكواه تماماً دلوقتي لغاية ما تيجي كيبك إن شاء الله
بشكل عام في كيبك بيفهموا الفرنسي المعتاد بسهولة من غير مشاكل لإنهم بيشوفوا أفلام ومسلسلات فرنسية كتير ، إنما العكس لأ.

اقتباس المشاركة الأصلية كتبت بواسطة savary الف شكر للاهلاوى الاصيل على التوبك انا بحضر للديلف بى ان ونزلت اشتريت شويه كتب و كلقيت كتاب عن الفروق بين فرنساوى كيبك و الفرنساوى العادى واانا بتصفح فى الكتاب لقيت ان فى مفردات كتير مختلفه مش بس نطق كلمات بصراحه قولت انا مش ناقص لخبطه و كفايه عليا الجرامير و الفوكابيولير وخلى فرنساوى كيبك بعدين بس هبقى متابع التبوك مع حضرتك merci bien monsieur