استقالة 2100 ضابط شرطة

[Mizo]

الصحف المصرية والعربية

أخر أجازة في مصر كان في إنتظاري صديقي ويعمل في الداخليه في الحراسات الخاصه..واثناء تخليص إجراءات الدخول للمحروسه وإنتظار الحقائق دردشنا شوية..
قولتله وطبعاً الشباب لسه بيموت من البطاله والوضع يزداد سؤ اما الداخليه آكلها والاعه..

قالي لو في عقد عمل براتب محترم عندك اديني خبر والصبح أكون عندك مع العلم إنه بن ناس محترمه جداً ومرتاح مادياً..

نموذج تاني : أحد ضباط مباحث كهرباء الاسكندريه والبحيره وشخص اعرفه معرفه شخصيه وعلى خلق وقابلته ولكنه بادر بتقديم الإستقاله وأكتفي بمنصب عالي في شركة الكهرباء ويقول انه براتب محترم..

يعني بالفعل هناك استقالات منذ فتره لا تقل عن سنيتن..

 

 

[Badroora]

انا فكرتهم عاملين اضراب عشان يضغطوا ع الحكومة تضامنا مع غزة

 

 

[هاني مليجي]

اقتباس المشاركة الأصلية كتبت بواسطة nash أيه ده هما خصخصوا الكليه ؟ أخر معلوماتي أنها مجانيه وخاضعه لشروط قاسيه للإلتحاق بها وأهمها اللياقه الجسديه والعقليه.... والمجموع يعني بعافيه شويه

دا انتى طلعتى يا ناش فاهمه غلط خاااااااااااااالص مااااااااااااالص وكمان بااااااااااااااالص

وسلميلى ع المجانيه والشروط القاسيه


































































ياقااااااسي يا راجون

 

 

[haya]

لا حول ولا قوة إلا بالله
المدرس مضغوط يموت تلاميذه
الاب مش لاقي يصرف علي ولاده يقتلهم ويخلص منهم
الضابط يضغط من اللي فوق ومن ضغوط الحياه يطلعه في اللي تحت ايده
ده بقي قانون الغابه اللي بيحكم الناس في مصر
ده لا شرع ولا دين يقبل بكده

وبعدين إيه البجاحة اللي بيتكلم بيها المسئول وكأنه بيقر شرعية التعذيب في السجون ...و كأن ده شئ عادي
وطبيعي هو في ايه

 

 

[Mizo]

اقتباس المشاركة الأصلية كتبت بواسطة شينكاوي نسيت اقولكم ان معظم الظباط بيضرب بانجو

في أسكندريه بيحشووا الغالبيه ...

المشكله اللي فهمتها ايضاً في أخر أجازة وعن لسان أحد ضباط الشرطه حديثي التخرج "في سهره ياحج محمد على البارون" إن الأمن في مصر أصبح غير السابق...

يعني الظبوط الصغير ده أخو صديقي يعمل في نقطة مدخل 6 اكتوبر بالأسكندريه.. بيقول أن الوضع أكثر خطورة عن ما سبق لان التعليمات عدم إنتظار المهربين وتجار المخدرات عند وصولهم للأكمنه بل مهاجمتهم في أكورتهم في صحراء الساحل الشمالي التي تعج بالبدو الذين يتعاملوا بالرشاشات ، وده معناه أن الشرطه رغم سلبياتها إلا إنها نشطه شوية في الفتره الأخيره...

عن لسان أحد مفتشي الفرق بمديريه أمن أسكندريه ايضاً أن العمل في الداخليه على أشده ولايمكن بأي حال من الأحوال في الفتره الحاليه التقاعص أو محاولة ضرب المواطنين كما هو معروف عن الداخليه ، مكتب حكمدار المديريه ومدير الأمن مفتوح لشكاوي الجمهور وهناك فريق عمل نشط جداً يقوم بالتحقيق عن هذه الحوادث بتعليمات مباشره من الوزير..

اعتقد أن التغيير غير ملموس لأن المحسوبيه لازالت تعمل بشكل مازال واضح..

 

 

[مصرية]

اقتباس المشاركة الأصلية كتبت بواسطة haya لا حول ولا قوة إلا بالله المدرس مضغوط يموت تلاميذه الاب مش لاقي يصرف علي ولاده يقتلهم ويخلص منهم الضابط يضغط من اللي فوق ومن ضغوط الحياه يطلعه في اللي تحت ايده ده بقي قانون الغابه اللي بيحكم الناس في مصر ده لا شرع ولا دين يقبل بكده وبعدين إيه البجاحة اللي بيتكلم بيها المسئول وكأنه بيقر شرعية التعذيب في السجون ...و كأن ده شئ عادي وطبيعي هو في ايه

جبتي المفيد يا هيا، للأسف الموضوع بقى كده فعلا. دي نتيجة طبيعية لإن كل إنسان بيحتاج ينفس عن اللي جواه بأي طريقة وبيكون التنفيس د في اللي أضعف منه وبالتالي بيحصل اللي قلتي عليه.

أحمد باشا
شكرا على التوضيح

 

 

[محمد أبوزيد]

موضوع للمناقشة الراقية عن احوال ضباط الشرطة نشر في 4th January 2009 قبل الثورة