المسكنات

[نانا]

الصحف المصرية والعربية

إيه نتيجة كثرة إستخدام المسكنات ؟

هل فعلا بتوصل الواحد لمرحلة انها مش هتجيب نتيجة معاه بعد كدة
ولنفرض منها مثلا البانادول لأنه الشائع استخدامه بالنسبالنا ( أو بالنسبالي أنا شخصيا ) .. إيه الأضرار اللي ممكن تحصل من كثرة إستخدامه

معلش أنا بستفسر عن السؤال دا لأن فعلا المسكنات دلوقتي بقت عايشة معايا بشكل شبه يومي ولأني فعلا بخاف وبقلق من كتر استخدامها
أنا عندي صداع مزمن بشكل غير عادي حاولت اعرف السبب كشفت جميع التخصصات نظر .. أنف وأذن .. عملت آشعة على المخ .. لكن ما طلعش عندي مشكلة في أي حاجة .. والمشكلة انه بيزيد معايا فترة الدراسة .. بيوصلني لمرحلة البكاء أحيانا ألماً .. وأحيانا ضيقاً من تكراره
حتى دلوقتي لما بقول أنا مصدعة اللي حوليا مش بيستغربوا .. يقولولي يا بنتي خلاص ما دا بقى الطبيعي بتاعك انتي امتى بتكوني مش مصدعة ودا فعلا بيتعبني نفسيا وبيخليني احس بإحساس صعب بجد

بقيت ألجأ دلوقتي للمسكنات بس بحاول أقلل منها لكن مفيش فايدة لازم ألجأ ليها عشان اقدر استمر فايقة اعرف اركز واذاكر أو على الأقل اعيش زي البني آدمين العاديين

ليا دلوقتي النهاردة ثالث يوم الصداع متواصل ما راحش بنام وبصحى بيه لما كرهت نفسي رغم المسكنات ووصلني فعلا لمرحلة اني عيطت غصب عني من موقف حصلي .. ما بقيتش احب اقول لحد انا مصدعة لاني تقريبا بتعب أكتر من كلام بهزار ممكن اسمعه لكنه بيألمني بحس انه ما حدش حاسس بإحساسي

مش عارفة اعمل ايه في نفسي بجد
ولا عارفة ايه النهاية .. فعلا الموضوع زاد معايا جدا
وعارفة انه غلط استخدم مسكنات بشكل كبير ودا اللي بحاول اعمله بس غصب عني كتير بحتاج ألجألها ...

 

[biopasha]

الف سلامة يا دكتورة ..
الصداع ممكن يكون بسبب الجيوب الانفية او ممكن من القلق او السهر اثناء المذاكرة .
ومفيش داعي للقلق كل الناس بيجلهم صداع مستمر وطالما عملنا تحاليل واطمنا .. خلاص متقلقيش ابدا ويفضل لو استشرتي متخصص كمان يبقي تمام جدا..
بالنسبة للبنادول فهو من ابسط واخف المسكنات واشهرها لأن أعراضه الجانبية علي الغشاء المخاطي للجهاز الهضمي معدومة بالمقارنة بباقي المسكنات لكن يحذر من استخدام البارسيتمول ( البنادول ) لمدة طويلة لتأثيره علي الكبد نوعا ما .
والف سلامة وبسيطة ولا تقلقي

 

 

[Sonesta]

دعوه لموضوعي

ليالى المطاريد.,,,هل تعلم

اقتباس المشاركة الأصلية كتبت بواسطة نانا إيه نتيجة كثرة إستخدام المسكنات ؟ هل فعلا بتوصل الواحد لمرحلة انها مش هتجيب نتيجة معاه بعد كدة ولنفرض منها مثلا البانادول لأنه الشائع استخدامه بالنسبالنا ( أو بالنسبالي أنا شخصيا ) .. إيه الأضرار اللي ممكن تحصل من كثرة إستخدامه معلش أنا بستفسر عن السؤال دا لأن فعلا المسكنات دلوقتي بقت عايشة معايا بشكل شبه يومي ولأني فعلا بخاف وبقلق من كتر استخدامها أنا عندي صداع مزمن بشكل غير عادي حاولت اعرف السبب كشفت جميع التخصصات نظر .. أنف وأذن .. عملت آشعة على المخ .. لكن ما طلعش عندي مشكلة في أي حاجة .. والمشكلة انه بيزيد معايا فترة الدراسة .. بيوصلني لمرحلة البكاء أحيانا ألماً .. وأحيانا ضيقاً من تكراره حتى دلوقتي لما بقول أنا مصدعة اللي حوليا مش بيستغربوا .. يقولولي يا بنتي خلاص ما دا بقى الطبيعي بتاعك انتي امتى بتكوني مش مصدعة ودا فعلا بيتعبني نفسيا وبيخليني احس بإحساس صعب بجد بقيت ألجأ دلوقتي للمسكنات بس بحاول أقلل منها لكن مفيش فايدة لازم ألجأ ليها عشان اقدر استمر فايقة اعرف اركز واذاكر أو على الأقل اعيش زي البني آدمين العاديين ليا دلوقتي النهاردة ثالث يوم الصداع متواصل ما راحش بنام وبصحى بيه لما كرهت نفسي رغم المسكنات ووصلني فعلا لمرحلة اني عيطت غصب عني من موقف حصلي .. ما بقيتش احب اقول لحد انا مصدعة لاني تقريبا بتعب أكتر من كلام بهزار ممكن اسمعه لكنه بيألمني بحس انه ما حدش حاسس بإحساسي مش عارفة اعمل ايه في نفسي بجد ولا عارفة ايه النهاية .. فعلا الموضوع زاد معايا جدا وعارفة انه غلط استخدم مسكنات بشكل كبير ودا اللي بحاول اعمله بس غصب عني كتير بحتاج ألجألها ...

سلامتك يا حبيبتى

الف سلامة عليكى

تحبى أعدى عليكى وأوديكى لمتخصص

 

 

[dr-amira]

الف سلامة عليكى يا نانا ....بعد الفحوصات اللى عملتيها ديه ما عادش ناقص غير الضغط لو عالى او واطى بيعمل صداع
واخر حاجة بقى الصداع النفسى...وده بيحتاج انك تاخدى اى حاجة مهدأه خفيفة وممكن كوب من اعشاب سيكم المهدأه يقضى الغرض ....والف سلامة

 

 

[بنت شعنونة]

سلامااااااااااات



صداع نفسي زي ما قالت دكتر اميرة

وكلام دكتر بايو مظبوط تماما

دا غير قرح المعدة كمان

 

 

[نانا]

الله يسلم حضرتك يا رب

اقتباس الصداع ممكن يكون بسبب الجيوب الانفية او ممكن من القلق او السهر اثناء المذاكرة

الجميل اني كشفت عند دكتور أنف وأذن وحنجرة وما كانش فيه مشاكل في الجيوب الأنفية
وبالنسبة للقلق .. انا لسة ما حصليش قلق .. اومال هعمل ايه في ايام الإمتحانات اللي بجد
والسهر أثناء المذاكرة .. لسة ما حصلش أوي لأني لسة ما بدأتش مذاكرة وامتحانات بجد

وبعدين ازاي كل الناس عندها صداع مستمر
وليه كدة
... بس انا أعرف ناس كتير مش بيجيلها صداع بالشكل المزمن اليومي دا إلا لو لسبب مرضي وبالعلاج بيخف
لكن اللي زيي اللي مش لاقيالها سبب مقنع حتى ينفع اتعالج منه واخلص بقى ... أنا مش عارفة اعمل اي حاجة ولا عارفاله سبب

شكلي رغيت كتييير وحكيت قصة حياتي



مشكرة أوي يا دكتور بايو
وشكرا إنك طمنتني على نفسي من البانادول
وانا مش بسرف في إستخدامه بالشكل المخيف دا
بس هو اللي بلجأله لما بكون مش قادرة اتحمل ومحتاجة مسكن فعلا خاصة أيام الإمتحانات بعيش بيه

طيب معلش هتقل بسؤالين كمان
هل فيه مسكنات بنفس تأثير بانادول مثلا ولكن أقل ضررا ( لو كان ينفع يتقال أسماء معينة ) ؟
هل التعود فعلا على المسكنات بيخليها فيما بعد ما تعملش أي تأثير ؟

 

 

[نانا]

اقتباس المشاركة الأصلية كتبت بواسطة Sonesta سلامتك يا حبيبتى الف سلامة عليكى تحبى أعدى عليكى وأوديكى لمتخصص

الله يسلمك يا ست الكل

ربنا ما يحرمنيش منك يا رب .. بس المشكلة اني تقريبا كشفت كل التخصصات اللي ممكن تحللي سبب الصداع دا عند أساتذة كبار وبردو مش لاقية سبب
تسلميلي يا رب

 

 

[نانا]

اقتباس المشاركة الأصلية كتبت بواسطة dr-amira الف سلامة عليكى يا نانا ....بعد الفحوصات اللى عملتيها ديه ما عادش ناقص غير الضغط لو عالى او واطى بيعمل صداع واخر حاجة بقى الصداع النفسى...وده بيحتاج انك تاخدى اى حاجة مهدأه خفيفة وممكن كوب من اعشاب سيكم المهدأه يقضى الغرض ....والف سلامة

الله يسلمك يا رب يا د/ أميرة

بالنسبة للضغط والسكر
بابا في لحظات الصداع كان بيركز يقيسلي الضغط اكتر من مرة للتأكد .. كان بيلاقيه واطي بس حاجة بسيطة وتقريبا طبيعية بالنسبة لسني يعني 110l70
والسكر كان مظبوط ( الواحد لسة صغير ربنا يستر )

الصداع النفسي دا بقى بصراحة مش عارفة
انا الصداع فعلا بيزيد معايا أيام الإمتحانات والدراسة والتوتر .. لكنه مش بيقف في الأجازات

بالنسبة للأعشاب المسكنة دي .. هي طبيعية يعني مفيش منها أي ضرر لو استخدمتها ...؟
ولو كدة اجيبها منين ؟

 

 

[نانا]

اقتباس المشاركة الأصلية كتبت بواسطة بنت شعنونة سلامااااااااااات صداع نفسي زي ما قالت دكتر اميرة وكلام دكتر بايو مظبوط تماما دا غير قرح المعدة كمان

ميرسي بجد يا د/ شانا

بس ايه حكاية قرح المعدة دي
أنا مش بعاني من حاجة في المعدة إن شاء الله

هو ممكن يكون دا سبب

إن شاء الله لأ

 

 

[biopasha]

اقتباس المشاركة الأصلية كتبت بواسطة نانا الله يسلم حضرتك يا رب الجميل اني كشفت عند دكتور أنف وأذن وحنجرة وما كانش فيه مشاكل في الجيوب الأنفية وبالنسبة للقلق .. انا لسة ما حصليش قلق .. اومال هعمل ايه في ايام الإمتحانات اللي بجد والسهر أثناء المذاكرة .. لسة ما حصلش أوي لأني لسة ما بدأتش مذاكرة وامتحانات بجد وبعدين ازاي كل الناس عندها صداع مستمر وليه كدة ... بس انا أعرف ناس كتير مش بيجيلها صداع بالشكل المزمن اليومي دا إلا لو لسبب مرضي وبالعلاج بيخف لكن اللي زيي اللي مش لاقيالها سبب مقنع حتى ينفع اتعالج منه واخلص بقى ... أنا مش عارفة اعمل اي حاجة ولا عارفاله سبب شكلي رغيت كتييير وحكيت قصة حياتي مشكرة أوي يا دكتور بايو وشكرا إنك طمنتني على نفسي من البانادول وانا مش بسرف في إستخدامه بالشكل المخيف دا بس هو اللي بلجأله لما بكون مش قادرة اتحمل ومحتاجة مسكن فعلا خاصة أيام الإمتحانات بعيش بيه طيب معلش هتقل بسؤالين كمان هل فيه مسكنات بنفس تأثير بانادول مثلا ولكن أقل ضررا ( لو كان ينفع يتقال أسماء معينة ) ؟ هل التعود فعلا على المسكنات بيخليها فيما بعد ما تعملش أي تأثير ؟

الباراسيتامول ( البنادول ) ويطلقوا عليها احيانا ( اسيتامينوفين ) خاصة في امريكا .. من ابسط المسكنات ولا اعتقد انه يوجد ابسط منه .
وطبعا بالنسبة لنقص مدي تأثير الدواء مع استمرار تناوله فهو يحدث بشكل بسيط مع معظم الادوية وقد تشعري به عند استخدام البارسيتامول ايضا ولكن الادوية المخدرة هي التي لها باع طويل في ذلك ولا تقارن بالادوية البسيطة مثل البنادول .

وجدت بعض الروابط ذات صلة بالموضوع .. يارب تفيدك ..

هنا
وهنا
وهنا

وعموما بالبحث علي جوجل بكلمة ( صداع مزمن ) أو ( اسباب الصداع وعلاجه ) أو اي كلمة ذات صلة .. ممكن يساعدك كتير لأن في مواقع كمان لاطباء متخصصين بيكتبوا الاسباب والحل .

وبالشفاء العاجل يارب .