ذكريات فى الفصل..!

[زهرة بريه]

الصحف المصرية والعربية

لنتذكر معا ذكريات لربما افتقدناها ونتمنى ان تعود بنا السنين الى الوراء كى نعيش لحظه ...
داخل الفصل :) ...

 

[زهرة بريه]

آه نسيت
ياريت كل عضو/ه

يقولنا هو كان رقم كام فى الصورة؟
ولو متخيل عضو تانى ممكن يقولنا عليه وليه متصور انه كان كده؟

 

 

[علوان البكري]

ممكن 16 او17 او18 او19 او20
يعني على حسب الحالة
وعلى فكرة المفروض كان يبقى فيه ديسك فاضي رقم21
علشان لما اكون مزوغ وعلى القهوة او بلعب كورة
: crazy:

 

 

[نفرتارى]

انا رقم (8) لانى ما كنتش من الدحيحه ومن وقت للتانى الواحد كان يسرح الامر ما يسلمش ولو انى كنت شاطرة نوعا ما فى حاجات فى المواد يعنى
اما عن ذكريات الطفوله مااحلها كانت كلها مشاغبات
يعنى مثلا مره طلعنا رحله مع المدرسه وكنا انا وصحابى متغاظين من مدرس يعنى وبعدين لعبنا كره
واعدنا نحدفها لبعض وكنا نتعمد نجبها فيه جامد جدا انتقاما منه

وهوعرف ال فيها وضحك طبعا
وهكذا وهكذا كلها حاجات جميله ربنا يخليكى يا اخت كليزار
والله انت جميله جدا خرجتينى شويه من المسؤليات

تحياتى لك

 

 

[زهرة بريه]

اقتباس المشاركة الأصلية كتبت بواسطة علوان البكري ممكن 16 او17 او18 او19 او20 يعني على حسب الحالة وعلى فكرة المفروض كان يبقى فيه ديسك فاضي رقم21 علشان لما اكون مزوغ وعلى القهوة او بلعب كورة : crazy:

استاذ علوان

لو حاطينا كرسى فاضى هنفتح موضوع الغياب على البحرى
الغياب فى الفصل كان زى العدوى
يفضلو ينقرضوا ينقرضوا لحد مابنوصل ل3 تلاميذ فى كل فصل فيضموا الفصول على بعض وده كان مشروع فاشل من اساسه
لان المدرسين نفسهم بيبقوا محبطين وبتكون النتيجة (تعرقل العملية التعليمية)

واللى كان بيدفع التمن هو اللى بياخد الغياب فى الفصل

 

 

[زهرة بريه]

اقتباس المشاركة الأصلية كتبت بواسطة نفرتارى انا رقم (8) لانى ما كنتش من الدحيحه ومن وقت للتانى الواحد كان يسرح الامر ما يسلمش ولو انى كنت شاطرة نوعا ما فى حاجات فى المواد يعنى اما عن ذكريات الطفوله مااحلها كانت كلها مشاغبات يعنى مثلا مره طلعنا رحله مع المدرسه وكنا انا وصحابى متغاظين من مدرس يعنى وبعدين لعبنا كره واعدنا نحدفها لبعض وكنا نتعمد نجبها فيه جامد جدا انتقاما منه وهوعرف ال فيها وضحك طبعا وهكذا وهكذا كلها حاجات جميله ربنا يخليكى يا اخت كليزار والله انت جميله جدا خرجتينى شويه من المسؤليات تحياتى لك

ربنا يسعد قلبك يا استاذه نفرتارى
ويحلى ايامك دايما

بس فى الفاصل اللى بين الحصص انا مش كلزار انا بنت كلزار
ولازم تيجى تصلحى مابينا لانها عايزانى اغير اسمى (علشان اعضاء كتير بيتلخبطوا بينا)

وانا مش موافقه وقاعدين نتراشق العبارات من امثال :
انتى مش بتحبينى
انتى اللى مش بتحبينى
خلاص شكرا
ماشى براحتك

 

 

[علوان البكري]

صحيح انتي مقولتيش انتي بقى رقم كام

 

 

[زهرة بريه]

اقتباس المشاركة الأصلية كتبت بواسطة علوان البكري صحيح انتي مقولتيش انتي بقى رقم كام

انا اللى كنت باخد الغياب

وبفض المنازعات الداخليه فى الفصل

والمشاكل العاطفيه فى المدرسه(اصلى كنت مشرفه اجتماعيه)

وبشترى الطباشير للمدرسين(علشان طباشير المدرسة مش ولابد)

والمسؤلة عن الاذاعة
واللوحات
والزينة بتاعت الفصل

وكنت بحط درجات اعمال السنة مع المدرسين
ومسؤلة عن البروفه اللى بنعملها قبل ما الموجهين ييجوا

ومسؤلة عن المسابقات والحفلات اللى بتحصل فى المدرسه

كان فضلى خطوه وابقى ناظر المدرسه

انا تقريبا يا استاذ علوان
كنت رقم (1)

 

 

[Rapt]

انا كنت رقم 11 جنب الشباك
كل ماحد يسال سؤال كنت ببقى مختفى

 

 

[مزاياإنسانة]

بنت كوزي موضوعك حيطلع فضايحنا
انا بحس أن رقم 12 فيها شبه مني وأنا على الكرسي
المشكلة في كل سنة بتلاقي ليا مكان وده غصب عني
أوقات بكون قدام وأوقات ورا وأوقات في النص
أوحش مكان لما تكوني جنب الحيطة بتحسي أنك محبوسة وعاوزة تنامي ههههههه
مستواي كان عادي جيدجداً في أغلب المراحل قليل منها إمتياز<<<وش مكسوف
الحمدلله ماعنديش ملاحق
مع أني كنت صاحبة أعلى معدل للغياب في المرحلة المتوسطة الزوغان مشي معاايا لحد سنة أولى ثانوي عشان الحصص ممللللللللللللة
لدرجة مرة في تالتة متوسط جيت يومين ورابعض
لقيت الفصل كله طبلة وزمر ورقص وتصفيق
وقلت مالهم دول إتجننوا ؟؟!!!
وبضحك عليهم
قالوا بتضحكي ؟؟!!!
ماهو الحفلة دي عشانك
قلت ليه لسة مانجحتش ولسة عيد ميلادي بعيد والجواز بدري عليه
قالوا يامجنونة
ده عشان جيتي يومين ورا بعض




اللي يغيض في السنة دي البنات اللي كانوا بيحضروا كل يوم وعملوا لي الرقص والطبل
سقطوا وأنا نجحت بتقدير جيد جداً