هو حاجة وحشة لاسمح الله؟؟

[مزاياإنسانة]

الصحف المصرية والعربية

السلام عليكم ورحمة الله وبركاته

بصراحة مش عارفة أوصف الأعراض من كترها
حاوصف الأعراض اللي بتسبب لي ألم وضيق نفسي وتعب وقلق
صداع مستمر نوم مع ثقل في الرأس أحياناً
وأكتر حاجة هي
قلة النوم ده الفترة اللي فاتت حتى القولون كان متهيج بفضاعة
لما بجلس على الكرسي وأطول وأقوم بحس أن فيه حاجة تتدفق من أسفل الظهر
إلى أعلى الرأس وبيسبب لي دوخة وغباشة في النظر وممكن أشوف الدنيا ظلما
وبرضه بيحل لما بكون قاعدة مدة طويلة أو واقفة ورحت نمت على بطني ورفعت راسي
عشان أكتب ولا أشوف النت مثلا بحس بحاجة تمشي من أسفل الظهر لأعلى الراس

غثيان مستمر
برررررررررد في الأطراف وساعات يبقى حررررررررررر وعرق من منطقة الظهر خاصة أسفل الرأس عند الرقبة

صوتي بسمعه بعض الأوقات زي الصدى زي ما بكون في كهف
وبسمعه من ورى الرأس مش بالطريقة العادية

بلاقي بقع ملونة على الأطراف السفلية والمرة دي لقيتها في بطني
لونها أخضر على أزرق كده

تساقط الشعر
تعب من أقل مجهود زي طلوع السلم مع كتمة في النفس <<<<هو بقى فيه حاجة ماكتبتيها
مافيش شهية للأكل والوزن مش بينقص

 

[oskasan]

اعراض شيخوخه .... عادي كلنا بنمر بيها
كلي بتنجانتين مخللين بالتوم قبل ما تصحي وبعد ما تنامي وانتى تبقى فله


بجد بقى
روحتى كشفتي في مستشفى
ممكن انيميا او مشاكل في العمود الفقرى
ماتستنيش كتير روحي اكشفي
الكسل وحش في الحاجات دي

الف سلامه وماتشوفي شر

 

 

[Dr-Alrefa3y]

اقتباس المشاركة الأصلية كتبت بواسطة مزاياإنسانة تعب من أقل مجهود زي طلوع السلم مع كتمة في النفس <<<<هو بقى فيه حاجة ماكتبتيها مافيش شهية للأكل والوزن مش بينقص

سلمك الله وحفظك يامزايا

شوفى انتى قولتى مجموعة من الاعراض المتداخلة التى تتداخل مع اكثر من تشخيص

لكن عموما مطلوب زيارة طبيب وعمل بعض الفحوصات

-تحليل سكر
-قياس ضغط الدم
-استبعاد اى خلل فى الهرمونات الانثوية وهرمونات الغدة الدرقية وممكن صورة دم .
-رسم قلب (اذا كنتى فعلا بتتعبى من طلوع السلم ,وبتشعرى باخنتاق مع زيادة فى الوزن وتورم فى الاطراف قليلا)

ولا تقلقى قد يكون الموضوع شوية التهاب فى القولون لكن ينبغى استبعاد الامراض التى تتداخل بالاعراض المذكورة

 

 

[مودة]

دعوه لموضوعي

مدونة مودتي بلا حدود

الف سلامة عليكي يامزموزتي
بعد الشر عنك يارب ماتقلقيش بس الاحسن استشارة الدكتور
وياااارب يطمنا عليكي
وتمنياتي القلبية لكي بالشفاء العاجل

 

 

[مزاياإنسانة]

اقتباس المشاركة الأصلية كتبت بواسطة oskasan اعراض شيخوخه .... عادي كلنا بنمر بيها كلي بتنجانتين مخللين بالتوم قبل ما تصحي وبعد ما تنامي وانتى تبقى فله بجد بقى روحتى كشفتي في مستشفى ممكن انيميا او مشاكل في العمود الفقرى ماتستنيش كتير روحي اكشفي الكسل وحش في الحاجات دي الف سلامه وماتشوفي شر

هههههههههههههههههه يقطع شيطانك يا أوسكا
المصيبة دي الأعراض كانت بتجيلي من

كان عمري 18سنة
بس تروح فترة ممكن تختفي سنة بس ترجع بقوووووووووووة
بروح أكشف غالبا الضغط واطي الدم فقراااااان وعدمان
السكر هااااااااااابط
وأوقات بيقولوا سليمة
لأنه مجرد ما اشوف المستشفى أخف على طووووووووووول

 

 

[مزاياإنسانة]

اقتباس المشاركة الأصلية كتبت بواسطة Dr-Alrefa3y سلمك الله وحفظك يامزايا شوفى انتى قولتى مجموعة من الاعراض المتداخلة التى تتداخل مع اكثر من تشخيص لكن عموما مطلوب زيارة طبيب وعمل بعض الفحوصات -تحليل سكر -قياس ضغط الدم -استبعاد اى خلل فى الهرمونات الانثوية وهرمونات الغدة الدرقية وممكن صورة دم . -رسم قلب (اذا كنتى فعلا بتتعبى من طلوع السلم ,وبتشعرى باخنتاق مع زيادة فى الوزن وتورم فى الاطراف قليلا) ولا تقلقى قد يكون الموضوع شوية التهاب فى القولون لكن ينبغى استبعاد الامراض التى تتداخل بالاعراض المذكورة

ربنا يخليك يادكتور

ضغط الدم دايما كان واطي يعني 90/ 70 ولمابكون مضايقة يوصل 80/50
الأيام دي وصلت 110 / 80 عمرها ماحصلت
الدكتورة بتقول في سنك ده لازم يكون أعلى مش عارفة كلامها صح ولاغلط

بس بصراحة بقالي فترة ماقستش الضغط يمكن 3 من شهور
السكر دائمأ مستواه بعد الكل دون الحد الأدني من الطبيعي يعني أتذكر قالت لي 94 كده
حاجة زي كده وقالت لي أنه عادي

بإذن الله حاروح أكشف ربنا يسهل الأمور يوم الأربعاء بنتي لها مواعيد في المستشفى حاشوف نفسي معاها عشان أوفر على نفسي المشاوير

شـكــ وبارك الله فيك ـــرا لك ... لك مني أجمل تحية .

 

 

[مزاياإنسانة]

اقتباس المشاركة الأصلية كتبت بواسطة مودة الف سلامة عليكي يامزموزتي بعد الشر عنك يارب ماتقلقيش بس الاحسن استشارة الدكتور وياااارب يطمنا عليكي وتمنياتي القلبية لكي بالشفاء العاجل

ربنا يخليكي يامودة
يظهر أنها أعراض شيخوخة زي ماقال أوسكا

لابجد دي أعراض بتزورني كل سنة شهر ولا شهرين مش مررررررررررة

 

 

[Eng Hesham]

الف الف سلامه عليكى يا شيخه وشيف مزايا
اسمعى الكلام وروحى اكشفى

 

 

[rania]

الف سلامة عليكي يا مزمزة
انت اتصبتي بالعين
شوفي دكتور واعملي تحاليل وطمنينا يا قمر
ان شاء الله ما بتشوفي وحش
على فكرة السكر الطبيعي بيكون من80 الى 120 وطبعا تحاليل على الريق يعني السكر مزبوط عندك ومش واطي
ربنا يحفظك من كل سوء

 

 

[Amro Elsayed]

يالهوي و يا نهار انتي ازاي تقولي كده اعملي حسابك النهارده في سليمان الحبيب علي طول تعملي كشوفات و تحاليل


هزعل منك قوي يا مزايا لو اهملت في نفسك

واضح انك عندك مشاكل بالضغط بس نطمن احسن بالتحاليل و الفحوصات


يبقي نشد حيلنا كده و بعد الفطار نطلع علي المستشفي ونطمن وبعدين نتكلم وقتها