القضاء يؤيد منع دخول المتنقبات امتحانات الجامعات

[RMG]

الصحف المصرية والعربية

اقتباس وبغض النظر عن كون النقاب بدعة أو فرض أو مجرد شئ محبب .. الا انه فى النهاية حرية شخصية يجب احترامها والتعامل معها بديموقراطية .. هو مش احنا برضه فى بلد ديموقراطى ياجدعان

الله ينور عليك
جبت الملخص المفيد

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة ضبش ببساطة ممكن تعمل قاعدة الزامية ان المنقبة تكشف عن وجهها لسيدة أخرى فى حالة الرغبة فى التعرف على شخصيتها .. وبغض النظر عن كون النقاب بدعة أو فرض أو مجرد شئ محبب .. الا انه فى النهاية حرية شخصية يجب احترامها والتعامل معها بديموقراطية .. هو مش احنا برضه فى بلد ديموقراطى ياجدعان

هو لا مؤاخذة حد قال غير كدة .. بس لما الحكومة اتكلمت على ضوابط للنقاب .. الناس كفروهم وقالوا انهم مش عاوزين ينفذوا فرض الله .. قام الأزهر يرد عليهم .. هي دي القصة يا عم الحاج .. المشكلة لاهي في الحكومة ولا هي في الأزهر .. المشكلة في الناس التانيين

 

 

[haya]

اقتباس المشاركة الأصلية كتبت بواسطة RMG هو عارف بس هو من المستنيرين الجدد

يعني ايه يا دكتور رجائي ؟

 

 

[RMG]

اقتباس المشاركة الأصلية كتبت بواسطة haya يعني ايه يا دكتور رجائي ؟

يعني ايه دي حكاية كبيرة
ولكنها باختصار تعني اولئك الذين قرروا ان الدين وتعاليمه ظلمات ورأوا أن الاستناره هي التخلص من هذه التعاليم(الجمود) وان تشريع الواقع مقدم على تشريع السماء
اتباع نوال السعداوي وعادل امام وفاروق حسني

 

 

[haya]

اقتباس المشاركة الأصلية كتبت بواسطة RMG يعني ايه دي حكاية كبيرة ولكنها باختصار تعني اولئك الذين قرروا ان الدين وتعاليمه ظلمات ورأوا أن الاستناره هي التخلص من هذه التعاليم(الجمود) وان تشريع الواقع مقدم على تشريع السماء اتباع نوال السعداوي وعادل امام وفاروق حسني

اه يبقوا دول المتضلمين الجدد مش المستنيرين الجدد ..ربنا يهدينا واياهم يارب

 

 

[RMG]

اقتباس المشاركة الأصلية كتبت بواسطة ana_3enady هو لا مؤاخذة حد قال غير كدة .. بس لما الحكومة اتكلمت على ضوابط للنقاب .. الناس كفروهم وقالوا انهم مش عاوزين ينفذوا فرض الله .. قام الأزهر يرد عليهم .. هي دي القصة يا عم الحاج .. المشكلة لاهي في الحكومة ولا هي في الأزهر .. المشكلة في الناس التانيين

ماهو لو الحكومة والأزهر كانوا محترمين كان الناس التانيين والأولانيين احترموهم
يعني لو شوفناهم بيحطوا ضوابط للعري وقلة الأدب والخروج على الدين جهارا نهارا كنا قلنا عداهم العيب لأنهم بينظموا كل حاجه
لكن لما الازهر والحكومة يسيبوا واحد زي عادل امام يبرطع براحته في الدين
والبنات يلبسو او بمعنى ادق يقلعوا زي ماهم عايزين
وييجوا بس عند النقاب ويحبك معاهم التنظيم يبقوا مالهمش عندنا اي احترام ولا اي تقدير
ويبقوا مشكوك في مصداقيتهم ومن حقنا نصدق انهم بينفذوا اجنده مفروضه عليهم ورجليهم فوق رقبتهم

 

 

[لجين]

د رجائي منصف دائما كعادتك.. تحية كبيرة لك من ابنتك لجين

في جامعة الإمارات حيث درست وهي جامعة علمانية بالمناسبة ولكن لا تمنع الطالبات من ارتداء النقاب لانه هنا عادة قبل أن يكون عبادة ..على الرغم من أن النقاب ممنوع على الموظفات في أغلب الدوائر الحكومية ..

زميلاتي المنقبات كنا نستطيع تمييزهم بمجرد الهيئة وكذلك الاساتذة ... يعني لو فلانه مثلا دخلت المحاضرة متأخرة وهي متشحة بالسواد الدكتور بيعرف مين فلانه اللي دخلت بالاسم وممكن من غير ما تتكلم لو ليها هيئة مميزة ... ولو في خمسة ستة منقبات قاعدين مع بعض برضه اللي يدخل عليهم يعرفهم واحدة واحدة من تعودنا عليهم ...
كل انسان ليه بصمته الخاصة .. شكله .. هيئته .. صوته ...
ولو أمامي منقبة بكلمها أستطيع أن أميز إذا كانت بتضحك أو مكشرة مثلا ... تعابير العيون بتبين برضه ودي حاجات عشتها مع زميلاتي المنقبات كان منهم أوائل دفعاتهم في مختلف التخصصات وكانوا الدكاترة عادي بيعرفوا يتواصلوا معاهم و أغلب دكاترة جامعة الإمارات أجانب على فكرة يعني غير معتادين على النقاب .. وما عندهمش عقدة عدم التواصل دي ولا حاجة ...


في مرة أحد أساتذتي الألمان ناداني بعد المحاضرة و قال لي تعرفين فلانة( وهي منقبة )
قلت :نعم
قال لي : أريدك أن تنبهييها أنها تجلس بوضعية معينة على جنب فينحسر جزء من نقابها و يظهر الخد و أنا أعرف أنه قد يضايقها انكشاف جزء من وجهها ...ولم أرد أن أنبهها أنا حتى لا تحرج فنبهيها أنت ... طبعا سلوك راقي و مدهش ..



أما لجان الامتحانات في جامعتي فكان لها بروتوكولاتها حيث يكون لكل لجنة رئيس بمايك ...
و كل شعبة لها مراقبَـين اثنين .. يعطي الرئيس النداء الأول بتوزيع الورق .. ثم النداء الثاني باتجاه كل الأساتذة الذكور إلى الخلف راسهم للحيط

ثم ترفع المنقبات نقابهن و تمر عليهن الدكتورات أو المشرفات وهم بيحلوا الأسئلة وتطابق الوجه مع ال ID CARD مع عبارات في منتهى اللطف و الأدب مثل كيوت فيس .. أو من حقك تلبسي نقاب وغيرها من التعبيرات اللطيفة ..ودول دكتورات أجنبيات لكن في احترام وتفهم ...طبعا هذه العملية لا تستغرق وقتا طويلا لأن الغالبية غير منقبات ...ثم يعود الدكاترة إلى مواقعهم أمام شعبهم بعد نداء المشرف بذلك ..


أما السكن الجامعي فده قصة طويلة برضه ... هابقى احكيها إذا سمح لي وقتي ...

يعني الموضوع ليس بالتعقيد الذي يتناوله أصحاب الشأن في مصر ...إنما هو سياسة STEP BY STEP التي ذكرها د رجائي ...

زي شريعة الجهاد كدا و ربطها بالإرهاب وحذف كل ما يتحدث عنها في إعلامنا و مناهجنا الدراسية ولو استطاعوا حذفها من المصحف لفعلوا ... حتى طُـمِـس معناه تماما في قلوبنا بل لايمكن أن يتلفظ بها أحد حتى في سره .. حتى لو كان يقصد مجرد جهاد النفس كيف والكلمة في حد ذاتها أصبحت جريمة

بكرة برضه سيصدر مثل هذا القرار ولكن لمنع المحجبات الاتي يرتدين غطاء الرأس .. أمال ..
مش ده تفرقة طائفية بينهم وبين غير المحجبات على أساس الزي .. ؟؟
والحجاب بيستخدم في الغش حيث تضع الطالبة سماعة بلوتوث ولا يمكن يبقى في اختراع تاني وقتها تحت غطاء الرأس وينقل لها طرف خارجي الإجابة كاملة مش كده ؟؟

لا بصراحة لازم نمنع المحجبات كمان مش كفاية أبدا المنقبات بس

 

 

[RMG]

الأبنة الفاضلة لجين
لك كل الأحترام
والحقيقة انا باحس بالفخر لأن في مسلمات زي حضرتك وهن كثيرات والحمد لله مهما اراد البعض ان يخرجهن إلى ظلماتهم وجهالتهم
الحقيقة تصديقا لكلمات حضرتك انا عندي مريضات منتقبات يترددن على الصيدلية كثيرا
اقسم بالله اني سريعا ما اتعرف عليهن بمجرد دخلوهن من باب الصيدلية
يعني المزاعم التي يطلقونها مجرد كلام حق يراد به باطل
وهل يتصور احد أن الأمر سينتهي لو خلعت كل الفتيات النقاب؟
اقسم بالله لن ينتهي الأمر
وسيظهر غيره وغيره
كنا نسير في شارع 26 يوليو وبجوار سينما ريفولي تقريبا يوجد محل خمور وسألني ولدي الطالب الجامعي ينفع يعني في بلد اسلامي يبقى في محل خمره كده في احد اهم شوارع العاصمة ؟
الحقيقة سكت ولم اجد ما اقوله
ثم يطلبون منا ان نصدق غيرتهم على الدين!!

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة RMG الأبنة الفاضلة لجين

اقتباس المشاركة الأصلية كتبت بواسطة RMG لك كل الأحترام والحقيقة انا باحس بالفخر لأن في مسلمات زي حضرتك وهن كثيرات والحمد لله مهما اراد البعض ان يخرجهن إلى ظلماتهم وجهالتهم الحقيقة تصديقا لكلمات حضرتك انا عندي مريضات منتقبات يترددن على الصيدلية كثيرا اقسم بالله اني سريعا ما اتعرف عليهن بمجرد دخلوهن من باب الصيدلية يعني المزاعم التي يطلقونها مجرد كلام حق يراد به باطل وهل يتصور احد أن الأمر سينتهي لو خلعت كل الفتيات النقاب؟ اقسم بالله لن ينتهي الأمر وسيظهر غيره وغيره كنا نسير في شارع 26 يوليو وبجوار سينما ريفولي تقريبا يوجد محل خمور وسألني ولدي الطالب الجامعي ينفع يعني في بلد اسلامي يبقى في محل خمره كده في احد اهم شوارع العاصمة ؟ الحقيقة سكت ولم اجد ما اقوله ثم يطلبون منا ان نصدق غيرتهم على الدين!!

بسيطة يا دكتور .. حضرتك كنت ممكن ترد عليه وتقوله احنا في بلد ديموقراطي


شوفوا يا جماعة الخير ..

أولا .. كفاية تهكمات على رجال الدين.

ثانيا .. قولنا مرارا وتكرارا ان القضية ليست في النقاب بحد ذاته ولكن اساءة استخدامه.
آخر اساءات استخدامه
- في السعودية حيث قام أحد الخارجين بالتخفي في زي امرأة منتقبة وعند مروره بأحد نقاط التفتيش قام بفتح النار على أفراد الشرطة الموجودين في لجنة التفتيش.
- الصحفية المسئولة عن موضوع شوبير تخفت وراء النقاب عند التحقيق معها رغم أنها متبرجة.
- بعض فتيات الليل تتستر عن طريق النقاب كي لا يتم التعرف عليها.

خدوا من الأمثلة دي حوادث كتير

أبو محمد ، لجين
حضرتكم ضربتم أمثلة بشخصيات أنتم معتادين على التعامل معهم وبالتالي تستطيعون تمييزهم .. لكن شخص غريب .. هايفرق ازاي ده بالاشارة إلى كلامك يا لجين انه العين بتبين .. طيب اذا كانت المنقبة دي مغطية وشها علشان ما أشوفهاش .. يبقى هاقف أبحلق في عينيها علشان أعرف تعبيرتها وهي بتكلمني

وحدوا الله يا جماعة .. والنقاش يبقى بالعقل مش بالعاطفة

 

 

[RMG]

اقتباس وحدوا الله يا جماعة .. والنقاش يبقى بالعقل مش بالعاطفة

فين بس العاطفة ؟
ولما نقول رجال الدين وتحديدا السيد طنط اوي بيفتوا في اللي الحكومه عايزاه وبينفضوا للي مش عايزاه يبقى بنتهكم ؟
لأ زي ما الشيخ طنطاوي هرول وجري يحارب النقاب بمجرد ما اللي فوق شافو كده كنا نتمنى انه بالتوازي يهرول يهاجم العري والفساد
كان زي ما جرح البنت وشد من على وشها النقاب وسخر من قلة جمالها كان يروح كده يتشملل على كلية الاداب ولا غيرها ويصطاد كام بنت نصف عارية يهزأها هي كمان
بس ده ماكانش ممكن يحصل ولاعمره حيتجرأ يعملها لأنه أقل من هذا بكثير
كنا نفسنا مره نشوفه تمعر وجهه وهاجم الفساد اللي محاوطنا من كل ناحية ولا فضيلته بيشوف حاجات وربنا بيعميه وبيشل حركته في حاجات تانيه؟ عايزين نفهم ومن حقنا نفهم
وبعدين التحجج بأن ممكن واحده تتخفى في لبس منتقبة وتعمل جريمة
نرد بالرد القديم في كام حالة جريمة استخدم فيها المجرمون ملابس رجال الشرطة ؟ خلا بقى نلغي لبس الشرطة علشان ماحدش يتخفى فيه؟
شوف يا تامر يا ابني
كل الاسباب اللي بيوردوها دي اسباب عبيطة وساذجه وممكن يستخدموها مع عيال في كى جي ون انما مش ممكن تستخدم مع امة مطحونه شافت منهم كل الوان الكذب والتضليل وليس لهم اي رصيد مصداقية عندهم
طب سألتك بالله
شوف باقولك بالله
انت شايف ان الحرب على النقاب الحالية اسبابها الحقيقية هي اللي بيطرحوها علينا؟ ولا في اسباب تانيه اقوى ومفروضه عليهم؟
انا سألتك بالله خلي بالك