القضاء يؤيد منع دخول المتنقبات امتحانات الجامعات

[HAMOUDI]

الصحف المصرية والعربية

اقتباس المشاركة الأصلية كتبت بواسطة RMG طيب سؤال: هل لو افترضنا ان مجموعه من الطلاب الشباب رفعوا دعوه يطلبون منع البنطلونات الجينز الضيقة والساقطه ( من تسقيط) والبديهات القصيرة التي تكشف البطون وتصف كافة تفاصيل الجسم للفتيات لأن هذا يشتتهم ويفتنهم ويجععلهم لا يستطيعون التركيز هل سيتدخل القضاء بهذا الحسم لمنعهن ولا ساعتها حيبقى في كلام تاني؟

سيتم رفض الدعوى لعدم الاختصاص
او رفضها لرفعها من غير ذي صفه

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة RMG فين بس العاطفة ؟ ولما نقول رجال الدين وتحديدا السيد طنط اوي بيفتوا في اللي الحكومه عايزاه وبينفضوا للي مش عايزاه يبقى بنتهكم ؟ لأ زي ما الشيخ طنطاوي هرول وجري يحارب النقاب بمجرد ما اللي فوق شافو كده كنا نتمنى انه بالتوازي يهرول يهاجم العري والفساد كان زي ما جرح البنت وشد من على وشها النقاب وسخر من قلة جمالها كان يروح كده يتشملل على كلية الاداب ولا غيرها ويصطاد كام بنت نصف عارية يهزأها هي كمان بس ده ماكانش ممكن يحصل ولاعمره حيتجرأ يعملها لأنه أقل من هذا بكثير كنا نفسنا مره نشوفه تمعر وجهه وهاجم الفساد اللي محاوطنا من كل ناحية ولا فضيلته بيشوف حاجات وربنا بيعميه وبيشل حركته في حاجات تانيه؟ عايزين نفهم ومن حقنا نفهم وبعدين التحجج بأن ممكن واحده تتخفى في لبس منتقبة وتعمل جريمة نرد بالرد القديم في كام حالة جريمة استخدم فيها المجرمون ملابس رجال الشرطة ؟ خلا بقى نلغي لبس الشرطة علشان ماحدش يتخفى فيه؟ شوف يا تامر يا ابني كل الاسباب اللي بيوردوها دي اسباب عبيطة وساذجه وممكن يستخدموها مع عيال في كى جي ون انما مش ممكن تستخدم مع امة مطحونه شافت منهم كل الوان الكذب والتضليل وليس لهم اي رصيد مصداقية عندهم طب سألتك بالله شوف باقولك بالله انت شايف ان الحرب على النقاب الحالية اسبابها الحقيقية هي اللي بيطرحوها علينا؟ ولا في اسباب تانيه اقوى ومفروضه عليهم؟ انا سألتك بالله خلي بالك

طيب حيث انك حلفتني .. انا هارد عليك بكل صراحة ..

سواء كانوا بيحاربوا النقاب أم لا .. فهو أمر لا يعنيني بالمرة لا من قريب ولا من بعيد ..

وبالنسبة للشيخ طنطاوي انا غير مؤيد أو معارض لتصرفاته ولا واضعه في الحسبان ..

انا كل قضيتي في المواضيع الدينية .. بيان الحقيقة بدون تضليل .. فمشكلتي مع موضوع النقاب هي كونه عادة وليس فرض منزل .. في حين ان بعض الدعاه الحاليين على الساحة .. يؤكدوا أنه فرض ومن لم ترتديه فهي آثمة .. في حين لو رجعت للأمة الأربعة هاتلاقي التوضيح .. زي مثلا لما تترجى حد بالنبي يقولك استغفر دانت أشركت .. في حين لو رجعت لمذهب الامام أحمد ابن حنبل هاتعرف انه مش غلط ..

نقاشي معاكم يابو محمد ليس دفاعا عن الشيخ طنطاوي .. بل دفاعا عن قضية في مجملها وبالأخص دفاعا عن الأزهر وعلماؤه الأجلاء .. ومش معنى ان شخص فيهم أخطأ يبقى يجرمهم كلهم

المشكلة يا دكتور رجائي .. ان الناس بتسمع من جهة واحدة .. ماحدش فكر انه يتقصى الحقيقة .. ماحدش فكر انه يشوف كلام الناس دي صح ولا غلط .. يعني لما جماعة من السنيين الملتحيين تيجي تقف معاههم وتتكلم ف حاجة .. يسيبوك ويمشوا بحجة انك حليق .. بالذمة ده كلام


حضرتك يا دكتور بتهاجم الشيخ نطاوي لانك كارهه ومعتقد زي ما كل الناس معتقدة انه مفتي الحكومة .. يا ريت الناس لما تسمع منه تبقى تدور وراه ..

الخلاصة .. ان مافيش عالم دين هايبيع دينه علشان منصب .. وتقدروا تدوروا ورا كلامي


معاك انه غلط في موضوع البنت الصغيرة ولا مدرستها اذا كانت الرواية صادقة

 

 

[RMG]

اقتباس المشاركة الأصلية كتبت بواسطة HAMOUDI سيتم رفض الدعوى لعدم الاختصاص او رفضها لرفعها من غير ذي صفه

الله ينور عليك
وبعدها بكام يوم حيكتشفوا - وبالمصادفة البحتة- ان الولاد دول ينتمون للمحظورة وان واحد منهم بيتعاطى البانجو وآخر ليه قضية آداب
وان جوز خالت مرات ابن عم واحد منهم بينتمى لتنظيم القاعده

 

 

[HAMOUDI]

طيب هل وزير التعليم العالي ممكن يطلعها في هيئة قرار ويقول
ممنوع دخول الجينز الساقط الجامعه ويعدد كام حاجه شبهه ويقول من اسباب منعه هو تشتيت الطلبه عن التركيز في المحاضرات وكذلك عدم تركيزهم وتشتيت انتباههم في الامتحان مما يؤدي الى تدهور النتائج وخفض المستوى العلمي للطلاب
وكذلك صرف نظر المراقبين عن القيام بمهام وظائفهم

كان معانا زميله زمان على فكره القصه دي مش وليدة الموقف او متألفه وكانت زميلتنا دي في منتهى البخل في ملابسها يعني ملابسها بتبين اكثر مما تستر
كان يحب المراقبون الجلوس بجوارها لمراقبة اللجنه حتى لو كانت في مكان ليس بكاشف للجنه كلها ! وكثير كانوا مايساعدونها في اخر ربع ساعه

 

 

[Moony]

واللة احنا غلابة
ياسادة اللى بيحصل كلة مجرد وسيلة من حكومتنا الرشيدة لتشتييت الانتباة الجاسوس اليهودى اللى فى الحكومة تفتق ذهنة عن فكرة شيطانية يلهى بيها الناس لية ما نلهيش الناس ونحسسهم ان فى حرب على الأسلام وحريتهم الشخصية (اللى هى مش موجودة أصلا) يقوما يخافوا ويتششت نظرهم وينسوا اللى بيحاك فى الظلام
الناس ما كدبوش خبر ولقطوا الطعم واديها مظاهرات وقضايا وشجب وتنديد ونسيوا الشاى مشروب الغلابة اللى سعرة زاد ونسيوا السكر اللى اتسحب من المخزون الأسترتييجى للدولة ونسيوا رغيف العيش اللى هايتشال من علية الدعم ونسيوا الملايين اللى خريج كفر المصلحة رماها تحت اقدام لاعيبة الكورة الراب المميين بالمنتخب الوطنى ونسيوا.............ونسيوا.................ونسيوا.. ........ لما جالهم زهايمر من كتر النسيان
ولما يجى يفوقوا يلاقوا ان الأوان فات وسبق السيف العزل
احنا ياجماعة مش قدام تهديد للدين ولا الحرية الشخصية لأنى عن نفسى شايفهم معدومين فى مصر
احنا قدام تهديد على الحياة على لقمة العيش وكوباية الشاى اللى هما الحاجة الوحيدة اللى المفروض المواطن فى افقر بلاد اللة بيلاقيهم
احنا قدام سحق نفسى ومعنوى للمصريين
احنا بيبيدونا قدام عنينا ومش بنتحرك
احنا بنكرر سيناريو الأتحاد السوفييتى بنولى الفاسد ونقصى الصالح
احنا بننهاااااااااااااااااااار
وبعدين لا مؤاخذة هم مين طنطاوى دة؟
مش موظف حكومة برضة؟
يعنى حاضر ياباش نعم يابية
بينفذ كلام مرؤسية وبيطيع أولى الأمر علشان يحلل القرشينات يعنى الراجل شايف شغلة على اكمل وجة
طيب واللة دة المفروض يترشح لمنصب الموظف المثالى
دة احنا ناس وحشة بشكل فظيع

 

 

[RMG]

ياتامر انا لست من الذين يرون النقاب فرضا
وانا نفسي لا اراه حتى واجب
بس انا تهمنى الشفافية والمصداقية وماحبش حد يضربني على قفايا
وهما نازلين ضرب على قفانا
وبيستخفوا بينا وبعقولنا
بيحاربو الاسلام ومفروض نسكت
واحسن بداية تكون من الحاجات الخلافية : النقاب ثم اللحية وبعد كده ينداروا على الحجاب وبعده المواريث وبعده وبعده ....الخ
طيب النقاب لاهو فرض ولا مستحب
خليه حرام
طب العري مش حرام؟
الخمر مش حرام؟
التريقة على الدين مش حرام؟
اشمعنى ماسك في النقاب وسايب الباقيين؟
عارف ليه؟
لأن النقاب مالوش حد يحميه
انما العري والخمر والفساد ليهم الف الف حماية
الواحد قرف والله وزهق

 

 

[HAMOUDI]

اقتباس المشاركة الأصلية كتبت بواسطة RMG والإنسان اللي بيتعامل مع ماكينات الصرف الآلية فين بقى التواصل اللي الدنيا حتخرب من غيره؟ ياجماعه احنا حنضحك على روحنا ولا ايه؟

احب اضيف اضافه ان في بنوك ك علشان تخلص من زحمة الشبابيك عامله رسوم للي يسحب من الشباك اقل من مبلغ معين اي الى عايز يسحب مثلا اقل من 2000 جنيه عليه وعلى ماكينة الصراف الالي
ليه عملاء البنك مازعلوش وقالوا عايزين ماكينه لها وش علشان نتفاعل معاها ونحس بيها

 

 

[ana_3enady]

دعوه لموضوعي

RobertInole

افضلوا اتريقوا وهاجموا خلق الله ..

يا سادة يا أفاضل .. حد فيكم بيعرف أي أخبار غير من وسائل الاعلام والصحافة

 

 

[RMG]

عزيزتي حموش
كلامك جميل ومحترم
بس في نقطة عايز افكر حضرتك بيها
الحكومه بتاعتنا مش محتاجه تلهينا في حاجه علشان تعمل حاجه تانيه أو تمررها
الكلام ده كانت الحكومات بتعمله زمان ايام ماكانوا بيحترموا الشعب وخايفين منه احسن يتحرك
دلوقتي بيعملوا اللي هم عايزينه عيني عينك والشعب بالجزمه
الشعب ميت
تحسبهم ايقاظا وهم رقود !
شعب ايه وزفت ايه اللي يفكروا فيه
ما بقاش الا احنا كمان يعملوا حسابنا !!

 

 

[RMG]

اقتباس المشاركة الأصلية كتبت بواسطة ana_3enady افضلوا اتريقوا وهاجموا خلق الله .. يا سادة يا أفاضل .. حد فيكم بيعرف أي أخبار غير من وسائل الاعلام والصحافة

طب احنا اخبارنا مغلوطه
هات لي موقف اسلامي محترم واحد عمله سيد بك من اي حتة
هاتي لي حتة خبر غلط محترم عنه