مقتل سيدة برصاصة وهي تقود سيارتها بالمهندسين..حد سمع الخبر دا؟؟؟

[بنت شعنونة]

الصحف المصرية والعربية

https://www.egyptindependent.com/node/653401


حد سمع حاجا عن البلوة دي؟؟؟؟

 

[fatfouta]

ايوه امبارح يا شوشو
بس اعتقد انها فى الزمالك مش المهندسين
ساعة ما سمعوا طلقات النار فى الزمالك تقريبا كانت هى دى الحادثة
واحد مسلح ضربها طلقة فى راسها وماتت على الفور وبعدين ولاد الـ .... سرقوا العربية
انا مش عارفة ايه ده والله
الواحد تعب

 

 

[fatfouta]

لا طلعت فى المهندسين صح

ده تعليق من بعض الناس اللى شافو الحادثة او ساكنين قريب من المنطقة :

"الصبح في حادثين سطو مسلح حصلو افي المهندسين واحده ضربوها في دماغها بالرصاص وخدوا العربيه واتوفت والتانيه حالتها حرجه وفي المستشفي والاتنين سطو في منطقه واحده"

 

 

[بنت شعنونة]

يا دي النيلة
يادي النيييييييييييييييييييييييييييييلة

يعني نتنيل نقعد في بيوتنا والا ايييه؟؟؟؟؟؟

 

 

[fatfouta]

اقتباس المشاركة الأصلية كتبت بواسطة بنت شعنونة يا دي النيلة يادي النيييييييييييييييييييييييييييييلة يعني نتنيل نقعد في بيوتنا والا ايييه؟؟؟؟؟؟

لا اتشهادى وانتى نازلة


بعد الشر عليكى ربنا يخليكى ليوشى

 

 

[Dr.Samo]

للأسف فعلا بالصدفة لقيتها مهندسة صديقة لدكتور زميل بالجامعة على الوال بتاعته على الفيس
ولا حول ولا قوة إلا بالله
ربنا يرحمها برحمته عندها بنوته زى القمر ..... والحادثة حصلت فى سفنكس
انا مش عارف بصراحة ...... الأمن فين .
طبعا كل شئ بيد الله ..... لكنه شئ مقبض بصراحة
لا حول ولا قوة إلا بالله ..... للأسف مش هاقدر انشر صورتها مع بنتها ولكن الموضوع صعب ومحبط

 

 

[مرسيدس]

السلام عليكم ورحمة الله وبركاته

لا حول و لا قوة اللا بالله العلى العظيم, بالشكل ده بقه نركب ازاز مضاد للرصاص و لا نعمل ايه ؟؟

تخاذل الشرطة هو أس كل البلاوى, الشرطة المصرية كانت و لا زالت تضرب أروع الأمثلة فى التخاذل و التراخى بشكل ليس له مثيل الا فى ملفات الجاسوسية.

 

 

[fatfouta]

اقتباس المشاركة الأصلية كتبت بواسطة Dr.Samo للأسف فعلا بالصدفة لقيتها مهندسة صديقة لدكتور زميل بالجامعة على الوال بتاعته على الفيس ولا حول ولا قوة إلا بالله ربنا يرحمها برحمته عندها بنوته زى القمر ..... والحادثة حصلت فى سفنكس انا مش عارف بصراحة ...... الأمن فين . طبعا كل شئ بيد الله ..... لكنه شئ مقبض بصراحة لا حول ولا قوة إلا بالله ..... للأسف مش هاقدر انشر صورتها مع بنتها ولكن الموضوع صعب ومحبط

لا حول ولا قوة إلا بالله

حسبنا الله ونعم الوكيل

 

 

[fatfouta]

انا حذفت المداخلة لان مووع ان تكون هى اللى شغالة فى ملف كشقف العذية بيقولوا مش اكيد ومش هى هى نفس الشخصية

متأسفة يا جماعة

 

 

[fatfouta]

الوفد: أدانت منظمة الامم المتحدة مقتل أحد موظفيها نرمين خليل "بطلق نارى عليها داخل سيارتها بميدان سفنكس بالمهندسين أمس أثناء ذهابها للعمل فى محاولة اختطاف مسلح من قبل مجهولين".

وقال جيمس راولى، منسق مكتب الأمم المتحدة فى بيان صحفى اليوم "نشعر بحزن عميق تجاه مقتل نرمين خليل، الموظفة السابقة بمكتب الأمم المتحدة فى القاهرة، والتى قتلت وهى فى طريقها للعمل، فى محاولة اختطاف مسلح من قبل مجهولين".
وأضاف:" "تتقدم الأمم المتحدة بالعزاء لعائلة "نرمين خليل"، والأمم المتحدة فى التفانى الذى أبدته خليل أثناء عملها فى الأمم المتحدة بمصر".
واتسمت الحادثة بالغموض الشديد ، لأن وزارة الداخلية لم تصدر أية بيانات أو تحدث أى مصدر عن هذه الحادثة .
وكانت نرمين التى تبلغ من العمر 41 عاما تعمل مستشارا لصندوق المرأة بالامم المتحدة بجانب عملها في مختبر طبي في القاهرة ، كما كانت تعمل على ملف قضية كشف العذرية الشهيرة والمتورط فيها ضباط من الجيش