اخر ابداعات البرادعى يوه قصدى تويتات البرادعى

[Farida]

الصحف المصرية والعربية

https://twitter.com/#!/ElBaradei/sta...49850938654720

اقتباس Mohamed ElBaradei @ElBaradei قمت اليوم بتسليم جائزة أفضل فيلم ضمن فاعلية ' السينما من أجل السلام ' للمخرجة أنچيلينا چولي عن فيلمها 'في أرض الدماء و العسل' عن حرب البوسنة

الرجل بيتعب قوى الصراحه ......الرجل مش معانا خالص يا جماعه ......شيلوه من قدامى

 

[أحمد فاروق]

طيب ليه ماراحش عزى في ويتني هيوستن؟

أعتقد الراجل بيأكد على توجهه الليبرالي + مشاركاته في الفعاليات الدولية.

 

 

[Farida]

و الله مش عارفه اقول من كتر صدماتى فى الناس اللى كنت باحترمهم خلاص تعبت : بعض الشخصيات فى الأخوان و بعدين العوا و بعدين البرادعى و بعدين ابراهيم عيسى و ممدوح حمزة و ضياء رشوان وحسام عيسى وطارق البشرى و المستشار البسطويسى و المستشار مكى و اللسته عماله بتزيد .......

 

 

[savary]

يا جماعة هوا فى حاجة مش مفهومة ؟؟

فى حاجة مش واضحة لسه ؟؟

الدكتور محمد البرادعى مش رئيس وزراء مصر !

الدكتور محمد البرادعى مش رئيس جمهورية مصر العربية !!

الدكتور محمد البرادعى مش هيترشح أساسا لرئاسة مصر !!

الدكتور محمد البرادعى مش عضو فى البرطمان المصرى !!

الدكتور محمد البرادعى مش رئيس حزب سياسى فى مصر !!

الدكتور محمد البرادعى مش رئيس كتلة فى البرطمان

الدكتور محمد البرادعى مش رئيس حزب الحرية والعدالة صاحب أغلبية ال 40%

الدكتور محمد البرداعى مش رئيس حزب النور صاحب ال 25 % من مقاعد البرلمان

الدكتور محمد البرداعى مش رئيس حزب الوفد صاحب ال 12 % من مقاعد البرطمان !


مش عارف الناس عاوزة أيه تانى يعنى ؟

ترشح وقال مش هيترشح

الراجل وصل لقناعة أن البلد دى *******

سيبكم منه بقى !

شلوه من دماغكم !!



الموضوع عامل زى واحد ينزل من بيته

وكل اللى جاى و راح فى الشارع يديله بالجزمة على دماغه

وبعد ما ياخد الجزم دى كلها على دماغه


يرجع باليل عاوز يتخانق مع جاره ويقوله انت السبب !!!!!!


روح اتشطر على اللى بيديك بالجزمة فى الشارع يا نجم

وسيبك من جارك !

اتشطروا على المجلس العسكرى و على الشرطة العسكرية

اتشطروا على البرلمان المنبطح




العالم كله وقف مذهول على مجزرة بورسعيد

العالم كله وقف دقيقة حداد على أرواح ضحايا مجزرة بورسعيد

العالم كله شايف دم المصريين و هو أرخص من بول الحيوانات يا أكرمكم الله !


والبرطمان المصرى لم يسحب الثقة من الحكومة المسؤلة عن المجزرة !!!!!!!!!!!!!!!!!!!!!!!!!!!!!!!!!!


نروح احنا نسيب دا كله و نقول البرداعى البرادعى البرداعى

روحوا اتشطروا على عصام العريان و على الكتاتنى و قولولهم فين حقنا و حق ولادنا


روحوا اتشطروا على الحرية والعدالة و على النور

ولما تاخدوا حقكم منهم ابقوا شوفوا البرداعى ودينا عبد الرحمن و ممدوح حمزة :-)

اتشطروا على المجلس العسكرى

اتشطروا على الداخلية اللى سايبة المصريين يموتوا فى الشوارع زى الكلاب

ويترموا فى الزبالة زى الكلاب

ويتسحلوا و يتعروا و يضربوا بالنار فى عز النهار



اتشطروا على البرمطان اللى واقف يتفرج على حكومة الجنزورى

وعلى وزير داخلية الجنزورى

وعلى ظباط داخلية الجنزورى :-)



مش عارف الراجل يعمل أيه تانى يعنى

لو نزل الشارع يضرب و يتهان ***** الناس تعتدى عليه !!

***** الناس تشتمه و تكفره و تسبه و تخوض فى عرضه من على منابر المساجد !!

لو طلع فى فضائية و اتكلم الدنيا تقوم و متقعدش

شوف بيغلط فى القرآن

شوف بيقول عاوز يمد الفترة الانتقالية

شوف بيقول الدستور اولا و مش محترم الشعب العظييييييييييييييييييييييييييييييييييييييييييم


لو قعد يتوت

يقول شوف الراجل مش معانا ازاى

شوف الراجل فى برج عاجى ازاى


طاب ايه ..نقتله مثلا ؟؟؟

ما قولنا حد ***** وواخد على التعامل مع الجنازير و الرشاشات يقوم بالمهمة دى !!


مش هنعرف نعملها احنا يعنى

مش بتاعتنا

الجنازير و الرشاشات والاغتيال السياسى له ناسه برده ومش اى حد يعرف يقتل !!!




هوا مش باقى غير انه شايل --للأسف - الجنسية المصرية

و انا وربنا هبعتله و أقوله يا دكتور البرداعى مش المفروض دا يحصل

المفروض حد بقامتك و مكانتك الدولية يبقى معاه جنسية محترمة

وعشان اللى حاطينك فى دماغهم فى مصر يشلوك من دمغاهم خالص !!


المفروض انك زى مجدى يعقوب و زى أحمد زويل وأقل حاجة يعنى تبقى معاك جنسية محترمة

وتتنازل خالص عن الجنسية المصرية اللى جيبالك الكلام



ولو أنى متأكد والله العظيم حتى لو اتنازل عن الجنسية المصرية

ما هيطلعوه من دماغهم !!!

 

 

[Farida]

ياريت اللى حايبعت له يقوله ياخد جنسية محترمة غير المصرية يسأله هى انجيلينا جولى على الحقيقه احلى ولا فى الأفلام احلى ؟؟؟؟؟.......

 

 

[savary]

حاضر هسأله :-)


ابقوا أسألوا انتوا بقى عصام العريان و الكتاتنى

وقولولهم مقاعد البرطمان متعاصة دم


الشوارع متعاصة دم

الميادين متعاصة دم

حتى ملاعب الكورة بقت متعاصة دم


و أنتوا مفيش عند اللى جابوكوا دم ليه :-))))؟؟؟؟؟؟؟؟؟


واحنا سايبنكم و ماسكين فى البرداعى ليه :-)))) ؟؟؟؟؟؟؟؟؟؟؟؟؟؟؟؟


البشرية كلها بتتفرج علينا و دمنا أرخص من دم الكلاب

وربنا أرخص من الكلاب


البشرية كلها شايفة العار الله يعركم زيادة وزيادة

البشرية كلها بتتفرج علينا و على دم ولادنا

وأنتوا يا برطمان الوكسة

يا برطمان الغبرة

يا برطمان العار

بتتفرجوا زيكم زيهم ليه ؟؟؟

واحنا ساكتين عليكم و ماسكين فى البرداعى ليه ؟؟؟؟؟؟؟

 

 

[savary]

يا اخواانا وفروا مجهودكم و معارككم

شوفوا حقكم عند مين و هاتوا حقكم منه

خليكم كده زى شعاع الليزر .......مركز !!


سيبكم بقى من البرداعى و من دينا و من فيفى عبده

سيبكم من ممدوح حمزة و من ابراهيم عيسى ومن بلال فضل


مش دول اللى واكلين حقكم و مفرجين الدنيا عليكم


حقكم عند المجلس العسكرى و عند البرطمان


هاتوا حقكوا بقى :-)))))

مش البرداعى الحيطة المايلة اللى كله عمال يخبط فيها

هاتوا حقكوا من اللى واكل حقكوا و مسيح دم ولادكوا فى الشوارع و مفرج البشرية عليكم

لما تخلصوا بقى و تاخدوا حقكوا و حق ولادكوا


ابقوا انقدوا و هاجموا و تهكموا على البرداعى براحتكم :-))))


مش يبقى الى جاى و اللى رايح بيضربنى فى الشارع

واطلع اتخانق مع ابن الجيران !!

 

 

[savary]

خصوصا يعنى أن الراجل مش فايده حاجة

مفيش سلطة فى ايده عشان نحاسبه عليها و نقوله بتعمل أيه و مبتعملش ايه


ومفيش حاجة عملها إلا وكان ردها السب و اللعن والتخوين و التكفير والخوض فى الأعراض

والضرب والاعتداء عليه فى الشارع من شعبنا العظيم

شعبنا الجسور القهور المنصور الحنطور الخنشور الأمور !


مرة كافر و مرة بنته متجوزة مسيحى و مرة عميل ومره ماسونى و مره بيغلط فى القرآن

ومرة نخبة وعامل نفسه بيفهم و مره هوا اللى طول الفترة الانتقالية ومره اخترع دين و مره عاوز يفصل النوبة

ومرة ضيع العراق و مره عميل ايرانى و مره بصاص ومخبر


على كل لون يعنى

زى ما أنت عاوز

سب ولعن و تكفير و شتم و تخوين و اعتداء و ضرب و كل حاجة

كوووووووووووووول حاجة

وربنا حسنى مبارك نفسه ما اتقال عليه واحد على عشرة ولا اتسب واحد على عشرة

ولا شاف واحد على عشرة م اللى شافه الراجل دا !!


فأيه المطلوب يعنى ؟؟

خلاص فهمنا أن الشعب المصرى العظيييييييييييييم مش عاوز البرداعى

والراجل قال أصون كرامتى و انسحب .

يبقى كفاية بقى !!!

خلاص الراجل برا الشارع السياسى الرسمى دلوقتى وزيه زى أى مواطن عادى

لا فى ايده سيف ولا تحت منه فرس - بتعبير الرائع صلاح جاهين !


شوفوا مين بقى اللى معاهم سيف و تحت ايديهم فرس

مش حفلة شواء البرداعى دى هتستمر للأبد يعنى

كفاية !!!

عوزين تكملوا الحفلة ........براحتكم برده

الراجل مش خسران حاجة

مش هيخسر اكتر ما خسر يعنى

ومش هيتقال عليه أكتر ما أتقال


بس فى الوقت اللى أنتوا مستمرين فيه فى حفلة شواء البرداعى

دمكم مستباح و سايل و العالم كله بيتفرج عليكم !!!


براحتكم :-))))

 

 

[MORINO]

سفارى كنت عايز اسالك هو سنة 54 حصلت احداث شغب فى مباراة الزمالك وغزل المحلة توفى على اثرها 40 متفرج وبعدين علشان واضح التاريخ بيعيد نفسة

 

 

[fatfouta]

تسليم د. البرادعي جائزة أفضل فيلم ضمن فاعلية ' السينما من أجل السلام ' للمخرجة أنچيلينا چولي عن فيلمها 'في أرض الدماء و العسل' عن حرب البوسنة

و فى كلمته التى القاها بمهرجان برلين تناول الربيع العربي أكد فيها أن ثقافة الخوف قد ذهبت بلا عودة