الدراســـــــــــــــــــــــ فى كندا ــــــــــــــــة

[نهر النيل]

الصحف المصرية والعربية

انا عايزة حد يفهمني ايه الفرق بين تخرج من كليه وتخرج من الجامعة في كندا

هل في فرق بالنسبة للشهادة وللوظائف زي ما البيئة العربيه في فرق بين المعهد والكلية (الجامعة)ولا الناس دي مش بتحسبها كده

بمعنى ادق

اذا واحد محاسب حب بدل ما يعمل معادلة يدرس محاسبة سنتين او ثلاثة في كلية مش جامعه في كندا
هل وقت ما يتخرج كده يقدر يبقى عضو في نقابة او جمعية المحاسبين وهل الوظائف المتاحة امامه هتكون زي ما هيعمل معادلة ولا اقل ولا اكثر ولا ايه بالضبط
وكذلك اي مهنة يتم دراستها في كليه مش جامعه ايه ظروفها في سوق العمل والاعتراف الاكاديمي والمهني

 

 

[doctor farouk]

السلام عليكم

حضرتك ديه بتفرق حسب ان الكليه اللي انتي مقدمه فيها معتمده ولا لا
لان مش كل الكليات معتمده
وانتي بتعرفي موضوع الاعتماد ده عن طريق هيئه التسجيل بتاعه وظيفتك
مثلا في دورات بتاعه المسعفين بكندا في كزا مركز بيديها
فلو حضرتك لو دخلتي علي موقع الهيئه او النقابه بتاعه مسعفين كندا في الجزء اللي فيه ازاي تاخدي الرخصه لممارسه مهنه مسعف
تلاقيه كاتب اسماء المراكز المعتمده كلها

من الاخر رحله البحث للدراسه في اي مجال او العمل فيه بتبتدي من هيئه التسجيل او التصريح لهذه الوظيفه ومنها انتي تعرفي المراكز المعتمده وطرق الوصول لهذه الوظيفه

السلام عليكم

 

 

[نهر النيل]

شكرا دكتور فاروق
وربنا يوفق الجميع ان شاء الله

 

 

[3omda To]

COLLEGE يعني معهد تدي دبلوم في سنتين او 3
او سرتفيكيت في 6 او 12 شهر
وبعضهم ممكن تدي بكالوريوس بعد 4 سنين

UNIVERSITY يعني جامعه تدي بكالوريوس ويمكن ماستر وداكتورات

اقتباس المشاركة الأصلية كتبت بواسطة نهر النيل اذا واحد محاسب حب بدل ما يعمل معادلة يدرس محاسبة سنتين او ثلاثة في كلية مش جامعه في كندا هل وقت ما يتخرج كده يقدر يبقى عضو في نقابة او جمعية المحاسبين وهل الوظائف المتاحة امامه هتكون زي ما هيعمل معادلة ولا اقل ولا اكثر ولا ايه بالضبط

لو هيدرس دبلوم محاسبة اظن يبقى ACCOUNTING TECHNICIAN مش ACCOUNTANT
لكن ممكن بعض المعاهد تمنح بكالوريس محاسبة

 

 

[نهر النيل]

شكرا يا عمده

انا سمعت قبل كده ان الوقت والفلوس اللي هتتصرف في كليه مش جامعة (حتى لو هتاخد بكالوريوس)زي قلته وخسارة تضيع وقت وفلوس فيها لانها بدون قيمة
هل الكلام ده صحيح

بصراحة انا قرأت الكلام ده زمان في هجرة استراليا لما كنت ببحث فيها
بس يا ترى النظام في كندا نفس الشئ

 

 

[3omda To]

اقتباس المشاركة الأصلية كتبت بواسطة نهر النيل انا سمعت قبل كده ان الوقت والفلوس اللي هتتصرف في كليه مش جامعة (حتى لو هتاخد بكالوريوس)زي قلته وخسارة تضيع وقت وفلوس فيها لانها بدون قيمة هل الكلام ده صحيح

والله يا مدام اختلف الناس في هذا الشأن اختلافا شديدا
مابين مؤيد للدراسة الجامعيه ومؤيد للتعليم المهني
كان هذا استأناسا لابد منه

اولا التعميم غلط
في تخصصات افضل تدرس في الجامعه وفي تخصصات ماينفعش تدرس غير في معهد (دبلون)
يعني اللي عايز يشتغل كهربائي او ميكانيك او فني الكترونيات او نجار مسلح او مسعف هايختار معهد
واللي عايز يكمل صيدله او قانون او طب هايختار جامعه

المعاهد فيها مجالات مضيعة وقت فعلا ومالهاش مستقبل
لكن حتى الجامعه فيها تخصصات مالهاش لازمة في سوق العمل
مثلا يعني كلية العلوم (احياء وكيميا وفيزيا) اللي بيدخلها هدفه انه يكمل طب او صيدله او قانون مثلا
ماحدش بياخد بكالوريوس علوم ويدور بيه شغل
فالحكاية في رأيي مش حكاية معهد ولا جامعه
المؤهل مطلوب ولا لأ?
في خريجين جامعات كندية مش لاقيين شغل
وفي خريجين دبلومات بيشتغلوا قبل ما ياخدو الشهادة
والاهم الواحد يعمل حاجه هو مقتنع بيها ويكون عمل الهوم وورك
لان لو هتمشي ورا اراء الناس مش هتخلصي

 

 

[نهر النيل]

الله يكرمك يا عمدة
جبت الخلاصة بصراحة

طيب ايه رأيك بناء على خبرتك هناك دلوقتي
اخد دبلون ادارة الموارد البشرية في كلية جورج براون
ولا اعمل دبلومة(دراسات عليا) او ماستر في احد الجامعات

اما زوجي بقى فمالوش حل الا المعادلة


وجزاك الله خير

 

 

[ehabtaher]

اقتباس المشاركة الأصلية كتبت بواسطة 3omda To 1- تكليفها و اليى انا قريت عنها فى حدود 25000 cad بس دة فى السنة انا قولت بدل ماضيع الاربع سنين فى التقديم على الهجرة اضيعهم فى شهادة فى كندا و منها اقدم على الهجرة هناك و انا بدرس تفكير سليم وانا حاولت اعمل الكلام ده سنة 2003 بس الفلوس قصرت معايا يادوب ودتني قبرص

وكمان مصاريف الدراسه لو مش مهاجر نظامى تبقى 12 الف او فوق ولو مقيم نظامى تبقى 3 الى 4 الاف دولار................. الفرق يستاهل برضه

 

 

[ehabtaher]

اقتباس المشاركة الأصلية كتبت بواسطة 3omda To والله يا مدام اختلف الناس في هذا الشأن اختلافا شديدا مابين مؤيد للدراسة الجامعيه ومؤيد للتعليم المهني كان هذا استأناسا لابد منه اولا التعميم غلط في تخصصات افضل تدرس في الجامعه وفي تخصصات ماينفعش تدرس غير في معهد (دبلون) يعني اللي عايز يشتغل كهربائي او ميكانيك او فني الكترونيات او نجار مسلح او مسعف هايختار معهد واللي عايز يكمل صيدله او قانون او طب هايختار جامعه المعاهد فيها مجالات مضيعة وقت فعلا ومالهاش مستقبل لكن حتى الجامعه فيها تخصصات مالهاش لازمة في سوق العمل مثلا يعني كلية العلوم (احياء وكيميا وفيزيا) اللي بيدخلها هدفه انه يكمل طب او صيدله او قانون مثلا ماحدش بياخد بكالوريوس علوم ويدور بيه شغل فالحكاية في رأيي مش حكاية معهد ولا جامعه المؤهل مطلوب ولا لأ? في خريجين جامعات كندية مش لاقيين شغل وفي خريجين دبلومات بيشتغلوا قبل ما ياخدو الشهادة والاهم الواحد يعمل حاجه هو مقتنع بيها ويكون عمل الهوم وورك لان لو هتمشي ورا اراء الناس مش هتخلصي

ايوه انا عايز ادرس ميكانيكا سيارات حتى لو كنت باشتغل هناك فى نفس الوقت
هو الواحد يطول يتعلم حاجه بيحبها وبرضه بتجيب فلوس لو الواحد اتزنق

 

 

[ehabtaher]

اقتباس المشاركة الأصلية كتبت بواسطة الأهلاوي الأصيل آه نسيت حاجة كمان المقاطعة اللي أرخص من كيبك في الدراسة: نيوفاوند لاند ، وفيها جامعة من الجامعات الكبيرة على مستوى العالم اسمها ميموريال...دي مصاريفها تعد بسيطة جداً بالمقارنة بباقي الجامعات الكندية وكتير من العرب بيودوا أولادهم فيها للسبب ده

انا من راىى ان اللى عايز يدرس للهجره او يهاجر وبيدرس لكى يعمل بشهاده كنديه
يبقى يدور على ال حاجات العمليه وشايف ان نياجرا كولليج فيها تخصصات ظريفه وعمليه ورخيصه وطبعا اخونا العمده الصعيدى ممكن يبقى شايف اكتر ان الدراسه فى مجالات عمليه تدخلك سوق العمل بمبلغ كويس بسرعه هو ده المطلوب فى المرحله الاولى.

بعد ما تترستق فى الشغل وشايف ان طموحك اكبر من كده ممكن تبدأ تراسل وتدور وتدرس
الحاجه اللى انت شايفها تناسبك اكتر وطموحك رايح لها اكتر

يعنى مثلا كمثال.

انا علشان اشتغل هناك طبيب اشعه عايزلى بتاع 10 سنين كده من معادله بكالوريوس لمحايله المستشفيات علشان فيلوشيب وبعد الفيلوشيب ندور على نيابه وامتحان البورد الكندى وده طبعا لحد م تخلص كل الحاجات دى عايز 5 سنين لو الظروف طبيعيه.. مش بيحصل طبعا.. يبقى التعلق بهذا الموضوع وجعله الخطه الوحيده .. لا يصلح ابدا .. وحاقعد زى بعض الاشخاص العن فى كندا و عدم احترامها لشهاداتنا وخلافه

لكن الاساس انك تدور على اقرب حاجه ممكن تعملها علشان تعيش هناك وتدرس حاجه قصيره المدى وحبذا ان تكون فى مجال عملك الفعلى لكن لو مكانتش فتبقى فى حاجه السوق عايزها وانت بتحبها

وبعد ما تشتغل وتبقى حاسس بالامان المادى.. ابقى دور بقى ساعتها على الباقى لو فيه عمر