الشرطة المصرية تعتقل رضيعاً

[محمد أبوزيد]

الصحف المصرية والعربية

27-08-2008

الدقهلية - د ب أ



اتهم مواطن مصري ضابطا في الشرطة بـاعتقال طفله الرضيع لم يتجاوز عمره عامين واحتجازه (5) ساعات على ذمة التحقيق مع ان الطفل ظل يبكي ينادي باسم أمه إلا ان ذلك لم يكن يكفي لتحريك شفقة الضابط المحترم الذي جاء لمنزل الطفل في مهمة القبض على عمه المطلوب للعدالة
ونقلت صحيفة [المصري اليوم] أمس عن الأب ويدعى أشرف عاشور قوله انه تقدم بشكوى
لمدير أمن محافظة الدقهلية، قال فيها ان الضابط محمد صفوت قام باقتحام منزله بصحبة عدد من المخبرين وقبضوا على ابنه الرضيع (حسين ) الذي لا يتجاوز عمره عاما ونصف العام وتوجهوا به إلي ديوان القسم.
ونسبت الصحيفة لسحر محمود علي أم الطفل الرضيع قولها إن الضابط والمخبرين كانوا يريدون القبض على شقيق زوجها المطلوب في قضية ولما لم يجدوا المطلوب سألونا : ابن مين ده ، وقلنا لهم ديه ابن أخوه اشرف
فخطفه الضابط ومضى مسرعا مع المخبرين غير مهتمين بصراخنا وبكائنا
وأضافت الأم جرينا خلفهم لكنهم هددونا باعتقالنا وتلفيق الاتهامات لنا
ولم يرق قلبهم لبكاء الطفل في القسم وقدمنا شكوى إلى مدير الأمن ، بعدها فوجئنا بمخبر يدعى أيمن يأتي إلينا بالطفل بعد ساعات من احتجازه .

 

[ابتسامــة]

مهزلة ومسخرة من مهازل الشرطة في مصر .... أحياناً أتسائل هل ظباط الشرطة مش مصريين

 

 

[قائد مدفعيه المطاريد]

فى وقت من الاوقات كان مصر فيها ناس بتحارب حتى اخر قطره دماء ..... جيه اليوم يا مصر اللى يتحكم فيكى ناس بالاخلاق دى, ايه اللى جرى للناس مكنوش كده زمان ...الواحد بيشوف المواقف دى بيتحرق من جواه

ربنا يزيح عنا هذه الغمه

 

 

[invador]

هيا دى الشرطه ولابلاش
الشرطه اصبحت قطعان من الذئاب تنهش فى المواطن المصرى الفقير (العدمان العفيه)

 

 

[hoppa]

الاحتلال الاسرائيلى بيعمل كده فى الفلسطينيين
بيأخذوا ابناء و نساء المطلوبين لحين العثور عليهم....
شئ غريب صراحة لا يمكن تصديقه

 

 

[بندق]

اقتباس المشاركة الأصلية كتبت بواسطة hoppa الاحتلال الاسرائيلى بيعمل كده فى الفلسطينيين بيأخذوا ابناء و نساء المطلوبين لحين العثور عليهم.... شئ غريب صراحة لا يمكن تصديقه

والأمريكان فى العراق أيضا

 

 

[زهرة الجبل]

اقتباس فخطفه الضابط ومضى مسرعا مع المخبرين غير مهتمين بصراخنا وبكائنا وأضافت الأم جرينا خلفهم لكنهم هددونا باعتقالنا وتلفيق الاتهامات لنا ولم يرق قلبهم لبكاء الطفل في القسم وقدمنا شكوى إلى مدير الأمن ، بعدها فوجئنا بمخبر يدعى أيمن يأتي إلينا بالطفل بعد ساعات من احتجازه .

بجد مش فاهمه إيه اللي بيحصل ده

بس أرجع و أقول نستاهل أكتر من كده

يعني إيه جرينا وراه بس هددنا يلفق لنا تهم

يعني أسيب إبني الرضيع في إيد واحد أقل ما يقال عنه هو إنه همجي و متشرد و متخلف و غير آدمي علشان خايفه ليلفق لي تهمه؟

هو مكنش ينفع أمسك إبني و أعلي صوتي و أرفض أسيبه معاهم و أصرخ و ألم الناس و تبقى عليا و على أعدائي؟

هو كل حاجه بقت مباحه كده حتى الضنا ؟؟؟

حسبنا الله و نعم الوكيل

و لسه ياما هنشوف

حسبنا الله و نعم الوكيل

 

 

[hoppa]

اقتباس المشاركة الأصلية كتبت بواسطة زهرة الجبل يعني أسيب إبني الرضيع في إيد واحد أقل ما يقال عنه هو إنه همجي و متشرد و متخلف و غير آدمي علشان خايفه ليلفق لي تهمه؟ هو مكنش ينفع أمسك إبني و أعلي صوتي و أرفض أسيبه معاهم و أصرخ و ألم الناس و تبقى عليا و على أعدائي؟

ملاحظة جديرة بالاهتمام يا ام كريم
بس احنا فيه حاجات كتير بخصوص الخبر ده مش عارفينها