ازاي تبسط مراتك؟

[Sonesta]

الصحف المصرية والعربية

دعوه لموضوعي

ليالى المطاريد.,,,هل تعلم

ازاي تبسط مراتك؟
1- ابتسم وأنت بتفتح باب البيت .. حسسها انك مبسوط انك شوفتها
2- قل لها : وحشتيني .. ايه الشياكة دي
3- إديها مصروف. تجيب بيه اللي نفسها فيه وخصوصا لو مش بتشتغل
4- أول ما تصحى من النوم طبطب عليها زي الأب ما بيطبطب على بنته
وطبطب عليها بعد ما تخلص شغل البيت .. ساعتها بتبقى مهدودة فعلا
5- ..اشكر فيها قدام مامتك وفي نظافتها
6- ما تقارنهاش بحد علشان هي ما تقارنكش بحد
7- مش ﻻزم تحكي عن زميلتك في الشغل الباشمهندسه والدكتورة..
8- خرجها مرة كل أسبوع بلاش تحبسها فى البيت
9- أشكر في أهلها هتنبسط اوى واظهر حبك ليها قدام اهلها عشان تتباهى قدامهم بعلاقتك بيها وبحفاظك على كرامتها
10- لما تتعب وتسخن ارقيها وادعيلها واعملها ينسون واظهر شوية موده ورحمه من اللى ربنا قال عليهم
.. يعني كأنها عصفورة محبوسة في قفص وكانت فرحانة بيك لما اختارتك واتجوزتك فمتخيبش ظنها وحطها في عينك واتق الله فيها عشان ربنا يكرمك .
واعرف ان الدنيا داين تدان.

 

[تكسير]

اقتباس واعملها ينسون

ينسون
ماشي

صح
وهي لم جوزها يبقي خرمان ترصله حجرين معسل

الحياة خد وهات
ولو إلزوجين كسلوا
ممكن ينزلوا علي أقرب قهوة
ويطلبوا واحد ينسون للهانم وحجر للبيه

 

 

[عالي مستواها]

طب فين دي؟
11
هاتلها بوكيه ورد
اكتر حاجه بتبسط

 

 

[imatinib]

اقتباس المشاركة الأصلية كتبت بواسطة Sonesta 2- قل لها : وحشتيني .. ايه الشياكة دي جعاااااااااااااااان فين الاكل 3- إديها مصروف. تجيب بيه اللي نفسها فيه وخصوصا لو مش بتشتغل فعلا المصروف مهم 4- أول ما تصحى من النوم طبطب عليها زي الأب ما بيطبطب على بنته وطبطب عليها بعد ما تخلص شغل البيت . انا فاضى بقى ما الراجل مهدود فى الشغل و بيصحى مش شايف روحه فين الفطار؟فين الشاى؟فين اللبس؟ هاتأخر على الشغل 6- ما تقارنهاش بحد علشان هي ما تقارنكش بحد 7- مش ﻻزم تحكي عن زميلتك في الشغل الباشمهندسه والدكتورة.. الراجل طماع و عينه فارغه و بيبص على الى مش فى ايده دى طبيعتنا-عشان كده اقمنا الحروب و قتلنا الالوف من اجل الملك و السطوة--الاسلام هو الى موقفنا عند حدنا-الرجل الاوروبي مقطع الدنيا و المرأة تجاريه فى ذلك لكنها متضرره-فالمسألة بالنسبة للرجل جسدية و سلطوية اكثر منها عاطفية اما بالنسبة للمرأة فالعاطفة و الاسرة اهم--لكن انجراف الرجل امام اطماعه دفعها معه الى ان تجاريه(كم انت قاس ايها الرجل) 8- خرجها مرة كل أسبوع بلاش تحبسها فى البيت مبحبش الخروج عاوز استريح من الشغل فى الاجازة 10- لما تتعب وتسخن ارقيها وادعيلها واعملها ينسون واظهر شوية موده ورحمه من اللى ربنا قال عليهم قومي شيلي العيال بطلى دلع دا شوية برد .. يعني كأنها عصفورة محبوسة في قفص وكانت فرحانة بيك لما اختارتك واتجوزتك فمتخيبش ظنها وحطها في عينك واتق الله فيها عشان ربنا يكرمك . واعرف ان الدنيا داين تدان. اعتبرونا عصفور صغير اختار العصفورة الصغيرة مشكلة الراجل انه مبيعرفش يشتكى

طبعا الكلام فوق للترفيه
الجزء الاكبر من المودة يقف على التغافل
لا تستقيم لك المرأة على حال
فتغافل
و كبر دماغك
و لا تجعل فى نفسك شيئا منها
ساعتها ستشعر بالامان
و اتبع هدى رسول الله فى كلامه و معاملته لنسائه

 

 

[Sonesta]

دعوه لموضوعي

ليالى المطاريد.,,,هل تعلم

اقتباس المشاركة الأصلية كتبت بواسطة imatinib طبعا الكلام فوق للترفيه الجزء الاكبر من المودة يقف على التغافل لا تستقيم لك المرأة على حال فتغافل و كبر دماغك و لا تجعل فى نفسك شيئا منها ساعتها ستشعر بالامان و اتبع هدى رسول الله فى كلامه و معاملته لنسائه

والله يادكتور اللى حضرتك كتبته ده على سبيل الترفيه حدث بالفعل

وبيحدث فى كثير من البيوت

انا بأسمع كتير من المشاكل بين الرجل وزوجته والمراة وزوجها

عكس هذه الوصايا تماما وايضا مثل ماقولته على ثبيل الترفيه

دايما اقول للى بتشتكى ( الحياه صغيرة جدا والبنى آدم عبارة عن نفس عامليه بما يرضى الله ومش لازم تكون معاملتك ليه كردود فعل لما يفعله )

لإن الندم لايفيد

انا الحمدلله كنت بالنسبة للمرحوم زوجى الملاك الرحيم لذلك مات وهو راضى عنى كل الرضا

وهذا من فضل ربى

 

 

[imatinib]

ما كتبته على سبيل الترفيه هو فعلا ما يفكر به الرجل في داخله
فيه رجاله بتصبر و تغير تفكيرها(و ستاتهم بيساعدوهم على كده
و فيه رجاله بينفجروا و ستاتهم بتعند و بيدفعوهم للانفجار

 

 

[Sonesta]

دعوه لموضوعي

ليالى المطاريد.,,,هل تعلم

اقتباس المشاركة الأصلية كتبت بواسطة imatinib ما كتبته على سبيل الترفيه هو فعلا ما يفكر به الرجل في داخله فيه رجاله بتصبر و تغير تفكيرها(و ستاتهم بيساعدوهم على كده و فيه رجاله بينفجروا و ستاتهم بتعند و بيدفعوهم للانفجار

صح الصح

كلام حضرتك صح مليون الميه

دايما أقول جملة لــ صحباتى بيتريقوا عليا ويحسسونى انهم كارهينى

سعادة البيت والحياه الزوجية او التعاسة تتوقف اولا على الزوجة

والله العظيم الزوجة بإيدها كل شئ من حسن الى قبيح

اما بيت الزوجيه جنه او نار

يتريقوا ويقولولى انتى الست امينة وده وحش علشانك وعلى تفكيرك

 

 

[تكسير]

أنا عندي طريقة فعالة جدا , ومش حتطلب حاجة اكثر من كدة

 

 

[تكسير]

تطفش من البيت
هههههه

 

 

[عالي مستواها]

لما يبقى بيتك الاول