الضرائب للمقيمين خارج كندا

[mezo]

الصحف المصرية والعربية

انا قلت افتح موضوع الضرائب خصوصا للناس الى عملت لاندنج ورجعت الخليج وكمان ينفع للناس الى اخدت الجنسية وسابت كندا ولانى دوخت فى البحث عن تجارب لناس مرت بنفس الظروف ومحدش رد عليا رد وافى يقول تجربته فى الموضوع ده بس بالبحث فى منتديات اخرى لاقيت اتنين مروا بنفس التجربة ودى مداخلة واحد منهم والتانية ضاعت ومش لاقيها لان فعلا الموضوع محدش اتكلم فيه كتيير بس انا اقلت افتح الموضوع ده واحاول احط فيه كل مايخص الموضوع ده من الى انا عرفته او من الى هيحصل معايا بعد مابعت الابليكشنز المطلوبة للموضوع ده ويا ريت لو حد مر بالتجربة دى او عنده معلومات عنها يشارك هنا للافادة ودى المداخلة الى لاقيتها فى احدى المنتديات

The following post is based on my actual experience of moving away from Canada to live and work in Europe, applying to the Canada Revenue Agency to not pay any income tax in Canada, and receiving official approval from the CRA to not pay any income tax in Canada as a non-resident for tax purposes. My post is different from the posts above, because the posts above are incorrect for a person who will make their home outside Canada.

*****

To be exempt from Canadian income tax you need to complete Form NR73 which, if approved, wins you "non-resident for tax purposes" status. As long as you have this status you don't pay any income tax in Canada. I have been successful at attaining this in years past, and it required of me very little effort.

Note that contrary to popular belief among the inexperienced, you do not need to "sever all ties" with Canada to be approved as non-resident for tax purposes; however the fewer ties you maintain with Canada, and the more ties you create with the new country, the more likely it is that you will be approved as a non-resident for tax purposes. You need only demonstrate that you are making a reasonable commitment to living outside Canada and not just going on vacation. For example, I kept all my Canadian bank accounts, credit cards, drivers license, most of my personal belongings and made it entirely clear on the form that I would be keeping these things in Canada. I also indicated my full time job located overseas, foreign bank accounts, address abroad, and membership at a local gym near my new home. And I was approved

 

[mezo]

الابليكشن المطلوب هو

https://www.cra-arc.gc.ca/E/pbg/tf/nr74/nr74-04e.pdf

والدليل ده شارح القصة كلها وازاى بيحددوا على اساسها انت مطلوب تقدم الاقرار الضريبى لو انت غير مقيم ولا لا

https://www.cra-arc.gc.ca/E/pub/tp/it...consolid-e.pdf

انا طبعا بعت الابليكشن ده وشوية كدة هتصل بيهم اشوف النتيجة وصلت لفين لانى بردك حاولت اعبى اقرار الضرائب عن طريق النت فايل ولانى مبعتش اقرار 2010 فمعنديش الكود الى بقدر ابعت بيه الاقرار بتاع 2011 وان شاء الله هتصل بيهم واعرف حل للموضوع ده واول ماعرف حاجة ان شاء الله هشارك بيها هنا

 

 

[محمد منجي]

موضوع مهم ........ كتر خيرك......

 

 

[اسكندرية تانى]

الاخ الفاضل سامح
تسمح لى اقول لك تجربتى اللى لسه فريش خلال ال ٦ شهور الاخيرة
اولا انا عملت اللاندنج فى يونيو ٢٠١٠ و فتحت حساب فى البنك و قعدت اسبوعين بس و مشيت و رجعت على الكويت. خلال الفترة دى حتى عودتى الى كندا للاستقرار فى اكتوبر ٢٠١١ لم اقدم ابدا اى اقرار ضريبى و لم اكن قدمت على child tax benefit.
لما وصلت كندا قدمت عليها فى اكتوبر ٢٠١١ لاول مرة و بعد شهرين تقريبا لقيت canada revenue agency اللى هي الضرايب الكندية باعتة لنا جواب انها مش حتقدر تصرف لنا فلوس الاطفال دى لاننا لم نقدم الاقرار الضريبى بتاع السنة ٢٠١٠ .. الحل اننا رحنا لواحد محاسب كلم الضرايب على التليفون و شرح لهم اننا لم نكن نقيم فى كندا خلال كل الفترة دى و بالتالى طلبت الضرائب فقط خطاب من زوجتى و منى موقع مننا نقر فيه اننا لم نكن مقيمين فى كندا خلال الفترة السابقة و بس خلاص و الموضوع اتحل.
السنة دى قدمنا الاقرار الضريبى عادى جدا من خلال نفس المحاسب و لم يحدث اى جديد حتى ساعة تاريخه.
للتوضيح فلوس الاطفال بتصرف باثر رجعى بداية من تاريخ وصول الاطفال للاستقرار النهائى فقط.
فى رأيى ان الصراحة و الوضوح هى مفتاحك للاستقرار الصحيح فى كندا...اللى عايز يلاوعهم و يلاعبهم كتير هوا اللى حيتعب و فى الاخر حيجيبوه حيجيبوه.
تحياتى

 

 

[mezo]

شاكر لك اخى الفاضل على مشاركتك بتجربتك الفعلية وفعلا انت اصبت كبد الحقيقة انك لازم تكون صريح معاهم ومتخافش من حاجة وفعلا مدام انت مقيم برة كندا وقطعت معظم الروابط وعملت روابط فى الدولة التانية محدش هيقولك انت لازم تدفع ضرائب على فلوسك الى كسبتها برة كندا لكن هتلاوع وممكن يكتشفوا الحقيقة اكيد هيأثر على مصداقيتك عندهم وبالتاكيد هيأثر على طلب الجنسية او تجديد الاقامة

 

 

[samurad]

موضوع حلو جدا .. وبصراحة كنا محتاجينه جدا ... انا كمان لسه عامل لاندج ورجعت .. بس ياجماعة لما باذن الله نستقر بكندا .. ازاى حيعرفوا دخلك فى الفترة الى قضيهت برة كندا مابين الاندج والاستقرار ؟؟ بسهولة جدا تقول دخلك صفر .. بالاضافة انه مادام مخدتش اى ميزة منهم زى فلوس الاطفال مثلا مش حيغلسوا عليك فى حاجة ... ويبدئوا يحاسبوك من فترة الاستقرار فقط .

 

 

[mezo]

اخى الفاضل هما لما يعترفوا انك غير مقيم دخلك خارج كندا لو كان ملايين مش هيسألوك عنه الا لو كان ليك عقار برة كندا ثمنه فوق ال 100000 دولار ده بتقول عليه فى اقرار الضرائب وملوش علاقة انت فى كندا ولا برة كندا لكن دخلك برة فى فترة عدم اقامتك فى كندا معلهوش اى ضرائب نهائى مدام كل الروابط مقطوعة والى انا شفته انهم بيتسامحوا فى موضوع حساب البنك بس بيبقوا عايزيين يعرفوا انت سايبه مفتوح ليه وحسب مايقتنعوا يقرروا

 

 

[شير]

اقتباس المشاركة الأصلية كتبت بواسطة اسكندرية تانى الاخ الفاضل سامح تسمح لى اقول لك تجربتى اللى لسه فريش خلال ال ٦ شهور الاخيرة اولا انا عملت اللاندنج فى يونيو ٢٠١٠ و فتحت حساب فى البنك و قعدت اسبوعين بس و مشيت و رجعت على الكويت. خلال الفترة دى حتى عودتى الى كندا للاستقرار فى اكتوبر ٢٠١١ لم اقدم ابدا اى اقرار ضريبى و لم اكن قدمت على child tax benefit. لما وصلت كندا قدمت عليها فى اكتوبر ٢٠١١ لاول مرة و بعد شهرين تقريبا لقيت canada revenue agency اللى هي الضرايب الكندية باعتة لنا جواب انها مش حتقدر تصرف لنا فلوس الاطفال دى لاننا لم نقدم الاقرار الضريبى بتاع السنة ٢٠١٠ .. الحل اننا رحنا لواحد محاسب كلم الضرايب على التليفون و شرح لهم اننا لم نكن نقيم فى كندا خلال كل الفترة دى و بالتالى طلبت الضرائب فقط خطاب من زوجتى و منى موقع مننا نقر فيه اننا لم نكن مقيمين فى كندا خلال الفترة السابقة و بس خلاص و الموضوع اتحل. السنة دى قدمنا الاقرار الضريبى عادى جدا من خلال نفس المحاسب و لم يحدث اى جديد حتى ساعة تاريخه. للتوضيح فلوس الاطفال بتصرف باثر رجعى بداية من تاريخ وصول الاطفال للاستقرار النهائى فقط. فى رأيى ان الصراحة و الوضوح هى مفتاحك للاستقرار الصحيح فى كندا...اللى عايز يلاوعهم و يلاعبهم كتير هوا اللى حيتعب و فى الاخر حيجيبوه حيجيبوه. تحياتى

الاخ العزيز اسكندرية تاني كنت عايزة اسأل هل الرخصة والسين كارد بيعتبروا رابط ليك داخل كندا يخليهم يطلبوا ضرايب وهل كنت حضرتك استخرجتهم قبل ما تسيب كندا ولا عملتهم لما رجعت والف شكر لحضرتك

 

 

[اسكندرية تانى]

اختنا الفاضلة شير
اصدار السن نمبر و فتح حساب فى البنك يعتبر روابط توجب تقديم الاقرار الضريبى.
انا كنت عملت الاتنين بالفعل بس لم اصدر رخصة قيادة اثناء اللاندنج.

 

 

[emadg]

اقتباس المشاركة الأصلية كتبت بواسطة mezo اخى الفاضل هما لما يعترفوا انك غير مقيم دخلك خارج كندا لو كان ملايين مش هيسألوك عنه الا لو كان ليك عقار برة كندا ثمنه فوق ال 100000 دولار ده بتقول عليه فى اقرار الضرائب وملوش علاقة انت فى كندا ولا برة كندا لكن دخلك برة فى فترة عدم اقامتك فى كندا معلهوش اى ضرائب نهائى مدام كل الروابط مقطوعة والى انا شفته انهم بيتسامحوا فى موضوع حساب البنك بس بيبقوا عايزيين يعرفوا انت سايبه مفتوح ليه وحسب مايقتنعوا يقرروا

شكرا لحضرتك على الموضوع المهم ده انا انشالله هاعمل لاندنج بعد ايام قليله افهم من حضرتك كده انه الافضل مانفتح حساب فى البنك هناك بما اننا هانعمل لاندنج ونرجع مصر بس المشكله ان الواحد هايقعدهناك 3 شهور ممكن الواحد يستخدم الفلوس الكاش بس الواحد خايف انها تضيع منه طيب لو فتحت حساب الافضل انى اقفله قبل ما ارجع وهل البنك يسمح بكده ارجو الرد وللك جزيل الشكر