لو صحيتو لاقيتو الدنيا فاضية

[هدوء الليل]

تعالو نتخيل
لو كل واحد فينا صحي لقي الدنيا فاضية
يعني مفيهاش حد غيره

زي بالضبط كده فيلم I'M LEGENDبتاع ويل سميث- بس طبعا من غير المخلوقات الغريبة اللي كانت فيه

هتعملوا ايه ؟
ايه اول حاجة تفكروا فيها ؟
ايه اول مكان هتروحوه ؟
و لو خيروك يبقي معاك حد هتختار مين ؟

انا عن نفسي هاطلع علي الداون تاون و اعيث في الارض فسادا
هادخل علي محلات الحلويات
و اضرب حتي مطلع الفجر
و بعدين ادخل علي قسم الشيكولاتات في كارفور
و اديها للصبح

بعد كده هاطلع اقعد علي البحر اشربلي سيجارتين

























و ارجع اكمل تاني

 

[Sonesta]

دعوه لموضوعي

ليالى المطاريد.,,,هل تعلم

إيه الروقان ده يا أحمد أفندى

أنا لو لاقيت الدنيا فاضيااااااااااااااا

ياريت

حأبقا مبسوطة جدا جدا جدا

وأدور على أى شط أقعد فيه

وأوجه وجهى للسماء

وآخد شهيق عااااااااااااااالى

وأسرح وأسرح وأسرح

حتى النوم

وأصحى على الشروق ونسمه الهواء النقيه

ولو خيرونى آخد مين معايا

آخد معايا أى طفل أيا كان مش لازم يكون قريبى أو أعرفه

لأ ......... أى طفل والسلام

لما بيتوفر فى المكان اللى اتواجد فيه ......طفل

بآخده وأعيش حياتى معاه بأبقا فى دنيا تانية خاااااااااااااااااالص

ومش شايفة اى حاجة حواليا

مافيش إلا الطفل اللى بين إيديا وبسسسسسسسسسس

 

 

[هدوء الليل]

اقتباس المشاركة الأصلية كتبت بواسطة Sonesta إيه الروقان ده يا أحمد أفندى أنا لو لاقيت الدنيا فاضيااااااااااااااا ياريت حأبقا مبسوطة جدا جدا جدا وأدور على أى شط أقعد فيه وأوجه وجهى للسماء وآخد شهيق عااااااااااااااالى وأسرح وأسرح وأسرح حتى النوم وأصحى على الشروق ونسمه الهواء النقيه ولو خيرونى آخد مين معايا آخد معايا أى طفل أيا كان مش لازم يكون قريبى أو أعرفه لأ ......... أى طفل والسلام لما بيتوفر فى المكان اللى اتواجد فيه ......طفل بآخده وأعيش حياتى معاه بأبقا فى دنيا تانية خاااااااااااااااااالص ومش شايفة اى حاجة حواليا مافيش إلا الطفل اللى بين إيديا وبسسسسسسسسسس

يااا سلاااام سلم
و تموتي من الجوع بأه - طب مفيش حبة فاكهة - طبقين مهلبية -علبيتين تلاته شيكولاتة جلاكسي

اما بأه بخصوص الطفل حضرتك بتقولي اي طفل و السلام
طب يا ستي لو وقع بختك علي نوع اولاد ذكور من النوع الخمري اللي عنده 5سنين و شعره مكتكت و نازل صريخ و عياط بسبب و من غير سبب و بربوره نازل علي بؤه و بيهبد برجله

هتفرحي و تنبسطي كده
ولا حتة بنوته شبه القطة المشمشية تقعدي تنكشيها و تلعبي معاها و هي بتتمرغ فيكي

هو ده الكلام مش تقوليلي اسرح و امرح و اشوف السعادة

 

 

[Sonesta]

دعوه لموضوعي

ليالى المطاريد.,,,هل تعلم

اقتباس المشاركة الأصلية كتبت بواسطة هدوء الليل يااا سلاااام سلم و تموتي من الجوع بأه - طب مفيش حبة فاكهة - طبقين مهلبية -علبيتين تلاته شيكولاتة جلاكسي اما بأه بخصوص الطفل حضرتك بتقولي اي طفل و السلام طب يا ستي لو وقع بختك علي نوع اولاد ذكور من النوع الخمري اللي عنده 5سنين و شعره مكتكت و نازل صريخ و عياط بسبب و من غير سبب و بربوره نازل علي بؤه و بيهبد برجله هتفرحي و تنبسطي كده ولا حتة بنوته شبه القطة المشمشية تقعدي تنكشيها و تلعبي معاها و هي بتتمرغ فيكي هو ده الكلام مش تقوليلي اسرح و امرح و اشوف السعادة

أولا : نادرا ما أحس بالجوع

يعنى من النقطة ديه ماتخافش عليّا

ثانيا وإيه يعنى الولد الخمرى ( النتيجة إيه ؟ ) طفللللللللل

وده عشقى مهما كان لونه او نوعه او صراخه او ضحكه

والأهم بقا مافيش طفل مهما كان بيبقا معايا ويعيّط ( مستحيييل )

مهما كانت درجة عصبيته وزنه وصراخه

ييجى عندى ويسكت وينام حتى لو مايعرفنيش

وده ( أوبشن ) ربنا أنعم عليا بيه الحمدلله رب العالمين

أما القطة المشمشية فهى أنا ( صحباتى من زماان وملقّبنى بالقطة المشمشية )

وإلى الآن لما حد جديد ماكانش يسمع عن الإسم ده ويسمعه يقول إن الإسم لايق عليّا

 

 

[مصرية]

افتكرت فيلم آدم بدون غطاء بتاع محمد صبحي ونيللي

لو حصلي كده بصراحة حخاف جدا وحمل جدا جدا ... ده سيدنا آدم وهو في الجنة لوحده مكانش مرتاح

 

 

[هدوء الليل]

اقتباس المشاركة الأصلية كتبت بواسطة مصرية افتكرت فيلم آدم بدون غطاء بتاع محمد صبحي ونيللي لو حصلي كده بصراحة حخاف جدا وحمل جدا جدا ... ده سيدنا آدم وهو في الجنة لوحده مكانش مرتاح

اكبر صح

بس الاصح منه

انه لما نزل علي الارض مع ستنا حوا

مرتحش خاااالص لحد ما مات

 

 

[ehabtaher]

اقتباس المشاركة الأصلية كتبت بواسطة مصرية افتكرت فيلم آدم بدون غطاء بتاع محمد صبحي ونيللي لو حصلي كده بصراحة حخاف جدا وحمل جدا جدا ... ده سيدنا آدم وهو في الجنة لوحده مكانش مرتاح

ايوه بس ربنا كان عالم بالحال وجابله الشخص الوحيد اللى ممكن يستريح معاه لو عايش فى حته لوحده .. ونعم الاختيار

يعنى مفيش احسن من الاختيار اللى اختاره ربنا لسيدنا ادم

 

 

[styx]

هو دا اللي بحلم بيه كل يوم الصبح

مش فاكر قريتها فين قبل كدا , بس واحد قال في مثل سوري بيقول "جنه بلا ناس ما تنداس"

الصح المفروض "جنه بلا ناس ,... تبقي علي المقاس"

 

 

[هدوء الليل]

اقتباس المشاركة الأصلية كتبت بواسطة SiduX هو دا اللي بحلم بيه كل يوم الصبح مش فاكر قريتها فين قبل كدا , بس واحد قال في مسل سوري بيقول "جنه بلا ناس ما تنداس" الصح المفروض "جنه بلا ناس ,... تبقي علي المقاس"

حبيبي و ابن حبيبي و حته من قلبي من جوه

هو انا جبت في عيالي غير sidux

 

 

[ana_3enady]

دعوه لموضوعي

RobertInole

عن نفسي هادخل انام تاني يمكن أصحى ألاقيها اتملت شوية