رفوف متنوعة

[حشيش]

الصحف المصرية والعربية

مجموعة هايلة من التصميمات البسيطة والسهلة التنفيذ (مش محتاجة غير شينيور زى اللى عندى ) والغير مكلفة وتضفى ديكور جميل إلى المنزل ... مشكوووووور يا معنمى

 

 

[ana_3enady]

دعوه لموضوعي

RobertInole

تسلم يا بروف














أجهز العدة يا معنمي ..

 

 

[oskasan]

اقتباس المشاركة الأصلية كتبت بواسطة حشيش مجموعة هايلة من التصميمات البسيطة والسهلة التنفيذ (مش محتاجة غير شينيور زى اللى عندى ) والغير مكلفة وتضفى ديكور جميل إلى المنزل ... مشكوووووور يا معنمى

أخيرا لقيت استخدام لشنيورك يا حشو

بروف فعلا الافكار بسيطة ورقيقة
لكن الرفوف الحلزونية والدورانية مع انها شكلها جميل
لكنها هاتنهي عمر أي كتاب يتحط عليها
ممكن احط كراريس بس ؟
بعد اذنك يعنى

 

 

[haya]

الافكار جميلة وبسيطة يا بروف
بتفكرني بافكار محلات ايكيا هنا
هو الاجمل بقي شرحك المبسط لازاي ممكن نعمل زيهم ...نفسي انفذ حاجة زي كدة بنفسي ..بس ماحدش عايز يديني فرصتي

 

 

[فــيــروز]

الحقيقه معظم الحاجات أحلى من بعضيها ..

بس .. هو الخشب بيتلزّق فى بعضه إزّاى؟
قصدى يعنى إيه الماده اللى ممكن نلزّق بيها ألواح الخشب فى بعض ..
و كمان إزّاى الواحد يركّب المسامير اللىّ هيعلّق عليها الألواح دى فى الحيطه من غير ما يخرّب البياض !! و أصلا إيه نوع المسامير اللىّ تستحمل الألواح دى بالحاجات اللىّ هتتحط عليها؟

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة فــيــروز الحقيقه معظم الحاجات أحلى من بعضيها .. بس .. هو الخشب بيتلزّق فى بعضه إزّاى؟ قصدى يعنى إيه الماده اللى ممكن نلزّق بيها ألواح الخشب فى بعض .. و كمان إزّاى الواحد يركّب المسامير اللىّ هيعلّق عليها الألواح دى فى الحيطه من غير ما يخرّب البياض !! و أصلا إيه نوع المسامير اللىّ تستحمل الألواح دى بالحاجات اللىّ هتتحط عليها؟

بنلزق الخشب بالغراء ..

والمسامير يا اما بالدق في الحيطة .. يا اما بشنيور ..

 

 

[dr-amira]

اقتباس المشاركة الأصلية كتبت بواسطة فــيــروز الحقيقه معظم الحاجات أحلى من بعضيها .. بس .. هو الخشب بيتلزّق فى بعضه إزّاى؟ قصدى يعنى إيه الماده اللى ممكن نلزّق بيها ألواح الخشب فى بعض .. و كمان إزّاى الواحد يركّب المسامير اللىّ هيعلّق عليها الألواح دى فى الحيطه من غير ما يخرّب البياض !! و أصلا إيه نوع المسامير اللىّ تستحمل الألواح دى بالحاجات اللىّ هتتحط عليها؟

المسامير اللى على شكل حرف L ممتازة يا فيروز ...انا معلقة بيهم ارفف شايلة كمية كتب مرعبة و بقالها سنين ما جراش حاجة .....بس طبعا ارفف غيرالارفف الرائعة ديه

 

 

[فــيــروز]

اقتباس المشاركة الأصلية كتبت بواسطة ana_3enady بنلزق الخشب بالغراء .. والمسامير يا اما بالدق في الحيطة .. يا اما بشنيور ..

هو الغراء بيتشرى جاهز ولاّ لازم يتطبخ؟

و بعدين مفهوم إن المسامير بتتدق فى الحيطه أو بالشنيور بس مفيش طريقه إن الثقوب التى ستتخلّف عن الدق يتم إخفاؤها بشكل ما؟

اقتباس المشاركة الأصلية كتبت بواسطة dr-amira المسامير اللى على شكل حرف L ممتازة يا فيروز ...انا معلقة بيهم ارفف شايلة كمية كتب مرعبة و بقالها سنين ما جراش حاجة .....بس طبعا ارفف غيرالارفف الرائعة ديه

طيب دى معلومه مُنتازه نشوفها دى

 

 

[ana_3enady]

دعوه لموضوعي

RobertInole

اقتباس المشاركة الأصلية كتبت بواسطة فــيــروز هو الغراء بيتشرى جاهز ولاّ لازم يتطبخ؟ و بعدين مفهوم إن المسامير بتتدق فى الحيطه أو بالشنيور بس مفيش طريقه إن الثقوب التى ستتخلّف عن الدق يتم إخفاؤها بشكل ما؟ طيب دى معلومه مُنتازه نشوفها دى

الغرا بييجي جاهز .. المسامير الحرف L لازم هاتجيبي لها علاقات تمسميها في الرفوف ..

وبعدين بلسبة للاخرام اللي في الحيطة هاتتدارى بالرفوف

 

 

[Prof]

اقتباس المشاركة الأصلية كتبت بواسطة فــيــروز و بعدين مفهوم إن المسامير بتتدق فى الحيطه أو بالشنيور بس مفيش طريقه إن الثقوب التى ستتخلّف عن الدق يتم إخفاؤها بشكل ما؟

لابد من تحمل قرص النحل من أجل الحصول على العسل.. يعني لازم لازم لازم (الله يرحمه) يكون فيه مسامير عشان يتعلق عليها البتاع.
معالجة الثقوب مش صعب أوي.. ولكن هي مشكلة مؤجلة ولن تحدث إلا إذا زهقتي من شكل الرف وقررتي تغيريه وهو ما لن يحدث قبل 3-4 سنين مثلاً..

لمعالجة الثقوب القديمة ستحتاج إلى:
- شوية أسمنت، مقدار معلقة كبيرة "سنبلة" أو حسب عدد الثقوب.
- شوية معجون خشب.
- صنفرة ناعمة + شوية زيت مغلي من بتاع البوية.
- دهانات بنفس اللون.

الخطوات
- يعجن الأسمنت مع قليل من الماء ويحشى به الثقب.
- يتم تسوية واجهته مع الحائط باستخدام سكين معجون بقدر الإمكان.
- يترك مدة كافية ليجف تماما.. يومين صيفي.
- يضاف لإلى المعجون قدر ضئيل من الزيت ويعجن جيدًا ثم يفرد على الأسمنت ويترك ليجف ويعدين يتنصنفر.
- يتم تحضير لون من نفس درجة لون الحائط ونفس النوع.. يعني لو دهان زيت يبأة زيت، لو بلاستيك بلاستيك.. لو لميع لميع، لو مط مط.. وهكذا.
- دهان.

بس خلاص.