ديكورات وتصميم داخلي

[nash]

الصحف المصرية والعربية

غرفة معيشه قريبه من تصوري



أخي الكريم احمد باشا لا اريد إغراق الموضوع ..علشان ينجح ويكون فعلا مفيد ياريت لو اي ملاحظات ..تقولها حضرتك علشان نكون ماشيين صح ..
>>>>>>>>>>>>>>>>>>>>>>>>>>>>>>>>

انا حطيت صورة لفكرة طاوله الطعام ..بس كانت مرعبه بوظت التوبيك كله فلغيتها بصورة قريبه للفكرة ....

 

 

[أحمد باشــا]

اقتباس المشاركة الأصلية كتبت بواسطة nash أنا معاك حضرتك.... لإن بجد بحب الأفكار العمليه البسيطه..وفي نفس الوقت بحب الأناقه الغير متكلفه.... علي فكرة لنت مليان صور للبيوت والديكورات ...أنا نفسي التوبيك ده يكون عنوان للشرح مع الصور مش مجرد صور وخلاص .... وياسلام يا احمد باشا بك... لو أثرينا الموضوع بصور عمليه في متناولنا جميعا بعيد عن التكلف والإمكانيات الماديه الباهظه الي قد لايتحملها البعض

هو ده الهدف بأذن الله

الأهم يبقى عندنا خلفية علمية نقدر ننقد أي تصميم و نعرف نقاط نجاحه أو اخفاقه

 

 

[القلب الكبير]

موضوع رائع ومفيد
اسجل اعجابى وتقديرى
ومتابعتى للاستفاده

 

 

[حسام]

أسجل متابعتى لموضوع رائع يا أحمد باشا
خالص تحياتى

 

 

[أحمد باشــا]

اقتباس المشاركة الأصلية كتبت بواسطة oskasan ايون وكمان مساحات شقق واقعيه لحسن انا شايف الصور كأن أصحاب الشقق فاتحين الشقه على بعضها وعاملينها صالة وحمام عايزين غرف من نظام 4×4 متر فوق شويه تحت شويه ماشي لكن اوضة نوم 10 × 10 مش تبعنا حتى الصاله شكلها متصوره من ريسبشن فندق او مأجر دورين وفاتحهم صاله للشقه وماتنساش اوضة الغسيل لحسن دى مهمه جدا

الموضوع الأول عن الغرف الضيقة هأشرح جزء مهم جدا عن استخدام الخداع البصري لأعطاء الأحساس بأتساع المكان بالرغم ضيقة مساحيا .... الخداع البصري يشمل كل عناصر الديكور الموجود و أيضا بيستعمل في تصوير أعمال الديكور المنفذه فعلا .... و ترى كانها غرفة 10 في 10 و الحقيقة غير ذلك تماما .... و على فكرة ..... مستحيل انشائيا تلاقي غرقة 10 في 10 م في الشقق السكنية .... بس

اتمنى ان تتابع الموضوع معنا و أنتظر مشاركاتك

 

 

[أحمد باشــا]

اقتباس المشاركة الأصلية كتبت بواسطة nash غرفة معيشه قريبه من تصوري أخي الكريم احمد باشا لا اريد إغراق الموضوع ..علشان ينجح ويكون فعلا مفيد ياريت لو اي ملاحظات ..تقولها حضرتك علشان نكون ماشيين صح .. >>>>>>>>>>>>>>>>>>>>>>>>>>>>>>>> انا حطيت صورة لفكرة طاوله الطعام ..بس كانت مرعبه بوظت التوبيك كله فلغيتها بصورة قريبه للفكرة ....

تصدقي يا ناش انا فكرت في الموضوع ده بالرغم ان انا مستبعد ان اعمله من زمان لأنه ممكن ياخد وقتي كتير .... بس اللي شجعني حالة " الخنقة " اللي لاحظت انها منتشرة بشكل مرعب .... فقلت لازم العالم تغير و يمكن بمجهود أو بتكلفة بسيطة يدخل البهجة على حياته

انتي بس أنسي حكاية علمي و ادبي و ركزي معايا شوية لأن فيه شوية اساسيات لابد ان نعرفها .... حتى على الأقل لما نتكلم بتعريفات معينة يبقى فاهمين ايه معناها و الفرق بينها .... علشان يبقى فيه لغة حوار بيننا مفهومة

الأساسيات لما تتفهم هتكتشفي ساعتها ان كل الأفكار و التصميمات و الألوان كويسه بشرط انها تتحط في مكانها الصحيح او تتوظف صح

يعني موش هيبقى بطريقة وصفات جاهزة او تجارب سابقة محددة و لكن هيبقى عندنا الأساس اللي يخلينا نعرف نبتكر بطريقة صح حاجات جديدة تماما تناسب ظروفنا تماما

 

 

[أحمد باشــا]

اقتباس المشاركة الأصلية كتبت بواسطة القلب الكبير موضوع رائع ومفيد اسجل اعجابى وتقديرى ومتابعتى للاستفاده

اهلا و سهلا بحضرتك نورنا تشريفك

 

 

[أحمد باشــا]

اقتباس المشاركة الأصلية كتبت بواسطة حسام أسجل متابعتى لموضوع رائع يا أحمد باشا خالص تحياتى

حضورك معنا يزيدنا تشريفا

منتظر منك تفاعل قوي

 

 

[nash]

والله هاتلاقيني تلميذه نجيبه جدا ....

بدون إدعاء ولا كلام كبير ..بس بجد بعشق الديكور .وخصوصا لما يكون في المتناول .وبشويه جهد ومعرفه الاساسيات نقدر نوصل لنتيجه جميله

عندي شويه خلفيات حلوة عن التنسيق ومعلومات بمشي فيها حالي..وإن شاء الله لموضوع هايكون جميل

 

 

[أحمد باشــا]

كيف تجعل غرفتك الضيقة أكثر اتساعا ؟؟؟؟

الخطوة الأولى

بداية مطلوب منك يا عزيزي ان تحضر ورقة بيضاء و قلم رصاص و شريط قياس و مسطرة

قم بأخذ مقاسات غرفتك بواسطة شريط القياس و ارسمها على اللوحة بمقياس رسم مناسب و ليكن مقياس رسم 1:50 و هذا معناه ان كل متر طولي في الحقيقة = 2 سم على اللوحة و لو اردت مزيدا من التفاصيل ارسم بمقياس رسم 1:20 و هذا معناه ان كل متر طولي في الحقيقة = 5 سم على لوحة الرسم

تستطيع أن تستخدم ورق رسم بياني او ورق مطبوع عليه مربعات للتسهيل

يراعى وضع اماكن الفتحات الأبواب و الشبابيك على الرسم بمقياسها الصحيح و ايضا توضح مكان تحرك الباب او الشباك اثناء الفتح و الأغلاق لأنها مساحة لا يمكن استخدامها لأي شئ آخر و الا سيصطدم هذا الشئ بالباب عند تحريكه

احتفظ بهذا الرسم فسوف تستخدمه فيما بعد

يتبع....