متابعة حية لإنتخابات مجلس الشعب 2012

[AlexG]

صباح الحرية والانتخابات .....

مصر بتتغير ياجدعان والناس شكلها يفرح فى الشوارع وكله رايح ينتخب

وطوابير طويلة فى الشوارع على الجزيرة مباشر مصر

 

[brain]

اقتباس المشاركة الأصلية كتبت بواسطة AlexG صباح الحرية والانتخابات ..... مصر بتتغير ياجدعان والناس شكلها يفرح فى الشوارع وكله رايح ينتخب وطوابير طويلة فى الشوارع على الجزيرة مباشر مصر

الشعب المصري يا اليكس
الناس دول حاجه كبيره اوي
بس للاسف
ناس كثير مش مدينهم حقهم
الناس نازله
و لا خايفه من انفلات امني مزعوم
ولا خايفه من بلطجه
ولا من اي حاجه
الناس دي نازله علشان حست ان مصر ممكن تضيع
مصر مش ممكن يكون فيها حكومتين ولا نظامين ولا شعبين
يا ناس ده احنا اصحاب حقوق الملكيه في اختراع الحكومات و الانظمه
اتمنى - و ان شاء الله هيحصل - ان يصوت اكثر من 60% ممن لهم حق الانتخاب
احنا مش اقل من العراق و تونس
احنا اكبر و اعرق منهم بكتييييييييييييييييير

 

 

[AlexG]

اقتباس المشاركة الأصلية كتبت بواسطة brain الشعب المصري يا اليكس الناس دول حاجه كبيره اوي بس للاسف ناس كثير مش مدينهم حقهم الناس نازله و لا خايفه من انفلات امني مزعوم ولا خايفه من بلطجه ولا من اي حاجه الناس دي نازله علشان حست ان مصر ممكن تضيع مصر مش ممكن يكون فيها حكومتين ولا نظامين ولا شعبين يا ناس ده احنا اصحاب حقوق الملكيه في اختراع الحكومات و الانظمه اتمنى - و ان شاء الله هيحصل - ان يصوت اكثر من 60% ممن لهم حق الانتخاب احنا مش اقل من العراق و تونس احنا اكبر و اعرق منهم بكتييييييييييييييييير

لحظة جميلة قوى يابرين حاولوا يبوظوها ... وان شاء الله مش هينجحوا

زى ماقلت حضرتك بالظبط ...

حاولوا يخوفوا الناس من الانفلات الأمنى مرة ومن التزوير مرة ...

بس فعلا ... الناس نازلة عشان خايفة مصر تضيع وعارفين ان فيه مخططات عشان نفضل فى حالة عدم الاستقرار دى

وخايفين من الغرامة برضه (500 جنيه على فكرة )

تحياتى ياكبير

 

 

[AlexG]

رصد| برلمان الثورة | الاسكندرية| الدائرة الثالثة| صورة للتعاون بين قوات الجيش و القوات البحرية في تأمين اللجان بالأسكندرية EgyElections2011 #RNN

 

 

[AlexG]

برين باشا ... كلامك بيتحقق ...

التعليق دا عجبنى على الصورة اللى فاتت :

شايفين الراجل العجوز اللى قاعد على الكرسى ايه اللى نزله فى البرد دا الا انه خايف على مستقبل اولاده واحفاده وبيحلم ان بكره يبقى احسن ليهم ربنا يباركلنا فيهم يا رب

 

 

[abysaleh]

اقتباس المشاركة الأصلية كتبت بواسطة brain الناس نازله و لا خايفه من انفلات امني مزعوم ولا خايفه من بلطجه ولا من اي حاجه الناس دي نازله علشان حست ان مصر ممكن تضيع

بس كمان ماتنساش الغرامة

دول 500 جنيه برضه اكتر من مرتب شهر بحاله لموظف غلبان او معاش سيدة تجري على اطفال يتامى

 

 

[AlexG]

الله عليكى يامصر ....





رصد | برلمان الثورة | دمياط | أحد كبار السن المقعدين أصر على المشاركة بالادلاء بصوته فى مدرسة مبارك كول بدمياط الجديدة
#Barlman2011 #Egypt #Elections2011 #EgyElections #RNN

 

 

[AlexG]

رصد | الأقصر | اقبال شديد من الناخبين على اللجان الإنتخابيه بالأقصر قبل فتح اللجان
#Barlman2011 #Egypt #Elections2011 #EgyElections #RNN

 

 

[ابوطه المصري]

اللجنة العليا للانتخابات تسجل عدة مخالفات ضد حزب الحرية والعدالة لتوزيع دعايته أمام اللجان

 

 

[AlexG]

رصد | برلمان الثورة | الاسكندرية | عملية الانتخاب بطيئة نظرا للحشود الهائلة أمام اللجان في محرم بك
#Barlman2011 #Egypt #Elections2011 #EgyElections #RNN

اليكس فوكس ... ايه اللى بيحصل عندكو ده ف اسكندرية ... كل دول بينى آدميييين