Arabic Discussion Forum with a Special Interest in Travel and Immigration

Doudy · 9th November 2009, 08:44 AM

موضوع جميل يا مدى

على فكرة جوزى الدبلة اللى فى ايده

دى رقم تلاتة

ضيع دبلتين قبلها

بس الحمد لله دى بقالها 6 سنين

valantino348 · 20th November 2009, 09:18 PM

طيب وليه يا شباب ... في حاجة أحلى من كدة

هى عايزاني ألبس الدبلة .... أوكي

أخرج من البيت لابس الدبلة ... وفي العربية أقلعها وأحطها في الميدالية

وكذلك وأنا راجع البيت ... ألبس الدبلة

وأعمل اللي أنا عايزه كله برة البيت من غير الدبلة

وبألف هنا وشفا للبنات اللي عاملين فيها ناصحين

valantino348 · 2nd December 2009, 06:15 AM

ها ..... مفيش واحدة يعني قالت هتعمل أيه لو جوزها عمل كدة
ولا هى اللماضة خلصت خلاص ... ولا مفيش حل مع الجوز اللي كدة

عبقرينو · 2nd December 2009, 07:05 AM

من اجمل ما قرأت فى هذا السياق هذة اللقطات ل "رحاب بسام"

اقتباس


	انت ليه مش بتمسك ايدى واحنا ماشين فى الشارع " " لاء بلاش .. افرضى حد من قرايبك شافنا ؟ والا حد من اصحاب اخوكى فى الكليه ؟ان شاء الله ياحبيبتى لما نتخطب وامسك ايديكى قدام الدنيا كلها " ........................................... " انت ليه مش بتمسك ايدى واحنا ماشين فى الشارع ؟ " ( علشان مش عاوز حد يفتكر اننا علشان اتخطبنا هنصيع بقى ونعيش حياتنا .. وبعدين بصراحه كده انا مستحرم .. ان شاء الله بكره نتجوز وامسك ايديكى وانتى مراتى حبيبتى فى الحلال ) .................................................. ... " انت ليه مش بتمسك ايدى واحنا ماشين فى الشارع ؟ " " ياحبيبتى احنا مش مراهقين بقى هنمسك ايد بعض فى الشارع وكده .. احنا متجوزين ومحترمين وعندنا بيت نعمل فيه اللى عاوزين نعمله " .................................................. ....... " انت ليه مش بتمسك ايدى واحنا ماشين فى الشارع " " يعنى امسك ايدك ولا امسك ايد البنت ولا اشيل الاكياس دى كلها ؟ " .................................................. .... " انت ليه مش بتمسك ايدى واحنا ماشين فى الشارع " " ايدك ايه بس اللى همسكها دلوقتى ! انتى عاوزه جوز بنتك يقول علينا كبرنا وخرفنا؟ ! .................................................. ..... " انا بس كان نفسى تمسك ايدى واحنا ماشين فى الشارع .. عادى يعنى .. من غير مناسبه ولا هدف محدد .. بس تمسك ايدى .. ماكنتش عاوزاك تمسكها علشان تسندنى او علشان انا مش قادره امشى لوحدى مثلا .. او علشان ده الصح اللى المفروض تعمله مع مراتك وهى عيانه .. ولا عشان زى دلوقتى .. انت خايف لو سبتها وقمت هاموت .. لأ .. تمسك ايدى علشان عاوزاها تفضل فى ايدك ..بس "

منقول من كتاب " ارز باللبن لشخصين " لرحاب بسام

biopasha · 2nd December 2009, 07:26 AM

اقتباس

المشاركة الأصلية كتبت بواسطة عبقرينو


	من اجمل ما قرأت فى هذا السياق هذة اللقطات ل "رحاب بسام" منقول من كتاب " ارز باللبن لشخصين " لرحاب بسام

همستى · 2nd December 2009, 01:03 PM

اقتباس

المشاركة الأصلية كتبت بواسطة valantino348


	ها ..... مفيش واحدة يعني قالت هتعمل أيه لو جوزها عمل كدة ولا هى اللماضة خلصت خلاص ... ولا مفيش حل مع الجوز اللي كدة

اللماضة لسة مخلصتشى يا فلانتينو , بس أنا لسة مستنياه يعمل كدة بس , بس لما يبقى فى دبل أساسا .

بس متقلقشى أكيد فى حل مع الجوز اللى زى ده , أنا بفكر

:coffeenew s:

من دلوقتى علشان لما يبقى فى خطوبة وجواز والكلام ده يحصل أبقى جاهزة مش لسة هدور على الحل ,بس أكيد مش هيبقى زى حل سيادتك إنه يقلعها فى العربية ويعمل اللى هو عاوزه

وبعدين يعنى إيه الراجل يقلع دبلة مراته برة البيت , هى مش عجباه ولا إيه حكاية الرجالة الأيام دى

فين البنات يشوفوا اللى بيتعمل فينا ده

valantino348 · 3rd December 2009, 05:58 PM

إفرضي هي كابسة على نفسه ... وهو عايز يشوف نفسه برة شوية ... بدل من خنقة البيت

مش حقه ولا أييييييييييه؟؟؟؟؟

مش معقول طبعا يتسرمح بالدبلة في أيده .... لازم يقلعها ويسيبها في العربية ... علشان يفتكر يلبسها وهو مروح ... أحسن تبقى ليلته سودة

وممكن يروح يبيت عند مامته كمان

يا مظلومين يا رجالة

همستى · 3rd December 2009, 06:46 PM

اقتباس

المشاركة الأصلية كتبت بواسطة valantino348


	إفرضي هي كابسة على نفسه ... وهو عايز يشوف نفسه برة شوية ... بدل من خنقة البيت مش حقه ولا أييييييييييه؟؟؟؟؟ مش معقول طبعا يتسرمح بالدبلة في أيده .... لازم يقلعها ويسيبها في العربية ... علشان يفتكر يلبسها وهو مروح ... أحسن تبقى ليلته سودة وممكن يروح يبيت عند مامته كمان يا مظلومين يا رجالة

حقه يا فلانتينو يشم نفسه شوية , بس مينفعشى يعنى يشم نفسه وهو لابس الدبلة ولا هو ناوى يلعب بديله

, ونفترض ضاعت منه فى العربية أو نسيها يعنى , هيبقى شكله إيه وهو رايح لمامته

, بس لو هى اللى قلعت الدبلة لآى سبب ( غير سبب انها تشم نفسها طبعا وأسباب الرجالة دى ) الرجالة هيعملوا إيه

بس تفتكر هو يقدر يقلعها فى فترة الخطوبة , ولا هو بس بعد الجواز

يا غلابة أوى يا بنات

نانا · 3rd December 2009, 06:57 PM

أنتم ليه يا جماعة مكبرين موضوع الدبلة دا

هو من أولها كدة لو حصل وقلع الدبلة

أنا كمان هقلعها

لحد ما يحس بغلطته ويتيحيل عليا ألبسها تاني

هو مين دا

valantino348 · 3rd December 2009, 07:22 PM

اقتباس

المشاركة الأصلية كتبت بواسطة همستى


	حقه يا فلانتينو يشم نفسه شوية , بس مينفعشى يعنى يشم نفسه وهو لابس الدبلة ولا هو ناوى يلعب بديله , ونفترض ضاعت منه فى العربية أو نسيها يعنى , هيبقى شكله إيه وهو رايح لمامته , بس لو هى اللى قلعت الدبلة لآى سبب ( غير سبب انها تشم نفسها طبعا وأسباب الرجالة دى ) الرجالة هيعملوا إيه بس تفتكر هو يقدر يقلعها فى فترة الخطوبة , ولا هو بس بعد الجواز يا غلابة أوى يا بنات

أه طبعا لازم الرجاله يشموا نفسهم ويلعبوا بديلهم وكله

وأيه المشكله لو ضاعت يعني؟؟؟ هيحصل أيه يعني؟؟؟

ما تقلع الدبلة ... أيه يعني ... ولا حد هيعبرها ... لأنها مش هتخرج من البيت أساسا

في الخطوبة هيقلعها في البيت ويلبسها وهو خارج بس ... وبعد الجواز لما يحب يلعب بديله هيقلعها

إنتوا برضه اللي غلابة

مواقع هامة وإعلانات نصية
البحث فى القرآن الكريم	القرآن الكريم - الشيخ البنا	الصحف المصرية والعربية	المصحف المرتل المنشاوي	تلاوات نادرة لمشاهير القراء	Pass Medical Exams

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ما الفرق بين الفسيخ والرنجة؟	حشيش	شؤون المطبخ	63	2nd September 2011 04:25 AM
مقال ابراهيم عيسى يثير المسكوت عنه بين الفرق بين الاقباط الإخوان	KANE	شؤون مصر الداخلية	1	9th June 2010 07:05 PM
ما هو الفرق بين..؟!	hoppa	أدب وشعر وقراءات متنوعة	2	21st July 2009 07:39 PM
ما الفرق بين المسيحي و القبطى ؟	FINETOUCH	شؤون مسيحية	75	24th November 2008 03:30 PM

Arabic Discussion Forum with a Special Interest in Travel and Immigration

Immigration to Canada, Australia, and New Zealand

Egypt and Middle East Politics, History and Economy

Jobs in Saudi Arabia, USA, Canada, Australia, and New Zealand

خمسة فرفشة

الفرق بين الحبيب والخطيب والزوج